Johnson Snow's Profile

朋友極力推介我去九龍城金蘭花泰國菜館 （我朋友是名嘴，食嘢非常腌尖），金蘭花三十多年歷史，全泰國人班底主理，好多明星、商界及政界人物都會微服去食佢哋泰菜，好多食客都會冠名佢哋「平民米芝連」，一向鐘意食嘅我梗係要試吓啦。成班同事6人放工從港島區過嚟，宋皇台站出口。又真係好有驚喜，高質但價廉，材料新鮮足秤，主㕑功力了得，的確抵讃，又無加一，所以唔好要求環境、情調同服務。店舖比較舊，過去幾年疫情應該都沒有裝修，而泰國姐姐半咸半淡廣東話，我哋講得快啲都聽唔明，都要體諒一下。重點係食物水平的確不錯，每款都遠遠超出你預期。知道佢哋咖喱蟹已經享譽勝名，我哋特別點了泰式辣辣椒高炒蟹，非常夠鑊氣，惹味十足，蟹亦足秤，蟹肉新鮮。 $368泰式鰂魚沙律非常有驚喜，風味十足，醬汁特別。 $168脆炸豬手，炸到恰到好處，味道剛剛好，不會太濃烈，好味 👍🏻👍🏻 仲送兩支啤酒。$228泰式燒牛肉，不得不讚，選用上乘牛肉，廚房只燒到半熟，保存到牛肉味香濃，但仍然嫩口。 $118泰式牛油雞翼，十分有泰式風味，加上大量炒香蒜蓉，超好味。$78魷魚鍋亦係一個非常特別的菜式，個汁好好味，好搶鏡，但要食得辣。 $168咖喱大圓法包，無得輸，濃郁椰香咖喱，食食好，發現有一片片椰肉，原來用一個椰皇煮的，怪不得咁好食。$168其他小食蝦餅，木瓜沙律等等都很出色，一定會再嚟，抵讚 👍🏻👍🏻…Read More

Why full cup of ice?泰國人飲凍茶的文化又學懂別國文化點滴。泰國手標奶茶同係泰國飲差唔多，好正宗，就算叫少甜都甜，茶味好香濃，多冰，用嚟稀釋，非常消暑。加左斑蘭碧綠珍珠，好有咬口。其實呢間奶茶都有好多其他味，蜂蜜檸檬、茉莉花、荔枝呢啲特別味道。飲過之後，總係有時心思思想飲，又有時候口痕想飲甜嘢就啱晒。個人認為價錢合理，間間手搖茶價錢都不平, 又不是間間有水準, 買logo杯美國咖啡店, 也不平, 各人有各人口味。中環店有蛋糕買，有大約五款，試咗泰茶千層蛋糕，的確唔錯，新鮮柔軟，值得推介。…Read More

沙田新城市廣場開咗呢間ChaTraMue Cafe 一直都有朋友讚好，但直至今日做完gym同幾個朋友一於去試吓。 餐牌簡簡單單一睇落去價錢都唔算貴。泰茶有幾好飲就不用介紹。 我叫咗個安格斯牛肉湯河, 班friend分別叫咗一個香葉肉碎飯, 豬頸肉飯同泰式海南雞飯。之後再加咗幾個甜品，泰茶巴斯克芝士蛋糕椰子蛋糕同埋 Waffle. 安格斯牛肉湯河，牛肉有牛肉味，入口嫩滑，湯底清甜，係好食㗎，只係$88。班friends 嘅海南雞飯都好味，海南雞做得好，高質雞肉，入口嫩滑有雞味，香米飯都係優質香味入口軟熟。個friend話佢個燒豬頸肉飯非常好味，豬頸肉醃得入味，燒得又好香口，佢叫我要大大力去讚吓佢個點豬頸肉醬汁。 另一個朋友話個香葉肉碎飯炒得都非常香口好有泰國feel。佢哋主食質素高班，大部分都係$88，抵食。甜品真係有驚喜，巴斯克芝士蛋糕茶味同芝士味非常平衡，鍾意食芝士蛋糕嘅人肯定鍾意。但係驚喜嘅係佢嘅椰子蛋糕有濃郁嘅椰香味及忌廉香味，蛋糕軟熟幼滑加上一絲絲椰子好有咬口，呢個係我個人最喜愛嘅！另外一客嘅Waffle新鮮整出嚟好有蛋香味，食咗一啖係會唔停口。店舖環境優雅乾乾淨淨員工都好有禮貌，而價錢大眾化係，抵食嘅。值得推介！ 👍🏻👍🏻…Read More