sasa602's Profile

雖然話開關可以去返旅行，但生活中總係有唔同原因令我地唔可以話飛就飛🥹 今次嚟咗呢間裝修好有台灣風味嘅餐廳，食得好開心🥹🥹由樓梯轉角行落餐廳地庫已經見到有台灣郵筒同好有風味嘅畫，完全唔覺係去緊食打邊爐🤣 餐廳入面座位嘅顏色配搭，仲有俾人掛卡仔嘅牆，係超級台灣嘅感覺！調味料區仲有啲台灣建築物佈置，令人未食已經好開心🤣食物方面🤣我地叫咗Lv 2嘅餐，不過之後開返後悔，因為見到人地食海鮮好似好正！啲海鮮又好大件，早知俾多少少叫埋👉🏻👈🏻 不過好在呢度嘅小食同自助區都好多選擇，最特別嘅係有好多菜嘅選擇！連羽衣甘藍都有！講起食材抌本，呢度竟然有任食movenpick雪糕！🤤我地叫咗沙茶豬骨同埋人蔘雞湯底，沙茶夠香，怕辣都可以食，用嚟淥牛肉超濃味，人蔘雞嗰邊淥吓菜同豆腐，吸哂啲雞湯，飲多兩啖都唔怕食到口渴🥰 其中最推介牛丸，有一款勁濃牛味仲有啲爆汁，食落同其他任食打邊爐要加錢叫先食到嗰隻牛丸一樣，好正🤤最後仲有呢度都幾多特色飲品，可以加錢叫台灣啤酒或者都可以拎罐裝珍奶～ 食物嘅選擇好多🤩…Read More

今日趁放假就同朋友去遠啲，嚟咗喺西灣河嘅呢間The salted pig試吓~聽講呢間舖頭出名食豬，我同朋友都好期待😋卡邦尼蛋汁煙肉意粉（$178）佢哋嘅卡邦尼醬比一般餐廳食到嘅厚身少少，令到每條意粉都可以掛到好多醬汁，所以會比平時感覺偏鹹少少，但係同時又唔會感覺重口味，反而覺得每啖都食到好豐富嘅卡邦尼醬味！而且佢半肥瘦嘅煙肉好有咬口，正好為成個意粉做一個點綴😋慢煮醬燒豬肋骨、椰菜沙律、粟米（$288）豬肋骨因為係慢煮嘅關係，所以佢嘅肉好腍影入口，而且佢嘅醬都比較多，亦都燒得好入味。椰菜沙律就酸酸地幾開胃。另外佢仲配埋薯條，份量好充足，食食吓豬肋骨嘅時候，間唔中食返一兩條薯條都幾過癮🥳橙汁（$38）佢係用鮮榨橙汁，所以一路飲嘅時候會食到好多果肉，感覺好新鮮好健康🤣水果茶（$42）呢餐飯份量比較多，一杯水果茶可以幫助飯後消滯，而且佢仲會喺你飲完嘅時候幫你加熱水再飲🤩…Read More

食泰國菜首選九龍城，不過九龍城咁多間泰國菜，真係唔試過唔知邊間好味🤣冬陰功海鮮湯$85海鮮湯好足料，味道偏濃，非常惹味😋 除咗海鮮之外，入面仲有大量嘅菇同埋蕃茄👍🏻炸蝦餅拼魚餅$78雙拼嘅選擇，就可以滿足三心兩意嘅人類🤣 蝦餅同魚餅各自出色，我鍾意蝦餅夠彈牙，朋友就鍾意魚餅夠香🤣蛋包鮮蝦金邊粉$78金邊粉上碟超精緻，金邊粉俾有網紋嘅蛋包住，仲插咗條蔥喺上面，成個菠蘿咁🤣🤣🤣 金邊粉炒得比較濕，同樣好夠味🤤椰汁西米糕拼千層糕$36本身係為着椰汁西米糕叫呢個甜品，最後令人喜出望外嘅竟然係千層糕🤣 千層糕微暖，煙韌嘅口感令人想一啖接一啖🤤🤤🤤 大愛🥰…Read More

晚市幾十蚊就有一個燒肉Set喺邊度搵🤭🐷韓式菜包黑毛豬五花 $67超多塊五花肉，配埋菜沙律同埋湯到先至$70唔洗！五花肉層次分明，加埋泡菜用菜包住嚟食，一啲都唔怕Heavy🥳🐮牛小排片橫膈膜 $120雙拼牛肉，加埋前菜同埋飯，一人前份量啱啱好🥰 雙拼啱晒有選揀困難又鍾意試多啲嘢嘅我🤣 牛肉肥瘦均勻，橫膈膜牛味比較濃，牛小排就較香牛脂味～燒肉熱辣辣最啱叫返杯特飲，特飲有特價$19.6～ 如果唔要飲筒仲可以減一蚊🤣 我哋叫咗白桃乳酸特飲同荔枝乳酸特飲，汽水價錢特飲享受😎見啲嘢食咁抵唔爭在一人叫多個甜品😂🧇 奶醬牛角包窩夫$28 🧇抹茶紅豆牛角包窩夫$32個人比較推薦抹茶味🤣 超濃抹茶粉嘅味，拍得住甜品店質素！紅豆亦相當大粒，雪糕同窩夫一冷一熱，為今晚高CP滋味嘅一餐畫上句號🤣門口有個立體「電視」好攪笑，最後食到成十點啲人走哂😂…Read More

之前bookmark咗呢間cafe嘅甜品，新年有幾日假終於有時間去食🥰 好彩有book位！去到見到張張枱都黐咗紙仔俾人book咗🫢由於見到小食勁抵食，我哋決定用一個主食嘅價錢嚟叫多啲小食happy share🥳✨炸魚薯條配塔塔汁 $78有兩大塊炸魚！魚肉肉質厚實，絕唔係大快樂質素🤭 ✨香烤單骨雞翼（水牛城汁） $58 水牛城醬辣得過癮，超級滋味～單骨方便食用，一啖一隻🤣蒜香蟹肉意粉 $138 （配鮮奶抹茶）主食可以用優惠價配特飲，其實都好抵🤣 意粉超多蟹肉，用蒜油炒嘅意粉亦夠香同保留咬口，好鍾意佢上碟有朵蝶豆花好靚🥰黑色幽默疏乎厘 $138朋友話要挑戰呢舊黑萌萌嘅疏乎厘🫣 結論係：佢係一舊俾黑色外表耽誤咗嘅天使美食🤣🤣🤣👼🏿 雖然黑色嘅嘢食本身有啲得人驚，但佢黑得嚟睇落好滑，食落又真係好滑同空氣感十足，好大反差，都幾驚喜🤣🤣啲士多啤梨乾除咗靚，仲酸酸地中和返疏乎厘嘅甜味🍓Flat white $38最後不得不推介都係好抵嘅飲品，咖啡質素唔錯，鮮奶抹茶都好濃超多抹茶粉嘅感覺☺️可能由於餐廳喺工廈比較平租，食物勝價比好高🥰 餐廳環境都好闊落，仲間咗間小玻璃房可以坐一班人一齊食嘢，可以bookmark低下次攪gathering👫👭👬👨‍👩‍👧‍👦🥳…Read More

之前食過呢間Cafe嘅fusion卡邦尼腸粉，一直念念不忘，估唔到今次嚟又換咗新餐牌啦！不過同樣都有一個有港式風味嘅餐🤣柚子青芥蛋黃醬大雞扒·醋蘋果片配菠蘿包及番薯條 $108係大大個菠蘿包😍 醬汁調得非常出色，清香嘅醬汁同配料同雞扒好夾，配埋脆脆地嘅菠蘿皮，食得出廚師有用心思考過食材嘅配搭👍🏻日式蒜香紅蝦青口扁意粉 $98扁意粉因為比較粗身通常都要掛啲醬先會夠味，但呢度用嚟炒都同樣做到好掛味👍🏻 上面仲加咗啲蝦粉，加增咗鮮味，食落有驚喜🤣🌟+$10升級海鹽鮮奶咖啡 凍朱古力加$10就升級到其他味道嘅咖啡，好抵🥰 …Read More

呢間餐廳食過幾次，每次都係同生命中重要嘅朋友一齊嚟食💕 貪佢地方夠大，方便傾偈，食物價錢亦都唔貴～花雕麻油雞湯麵 $78每次都必要嘅食物🤣質素保持到價錢亦都冇變，雞卷食落好滑，淋上另上嘅花雕酒，加埋湯嘅熱力香氣撲鼻~麻辣鴨胸鴨血湯麵$78係季節限定嘅食物，鍾意食辣嘅人一定抗拒唔到麻辣鴨血～～～食落辣得過癮，超讚！芋圓仙草凍$38鹽酥雞$38呢兩個甜品同小食，都係每次必叫！份量都幾大，幾個朋友一齊分享都足夠，芋圓煙靭有咬口，鹽酥雞香酥脆口🥰餐廳牆上面貼住那些年嘅電影poster，唔講唔覺原來已經係2011年上映嘅電影🫢 同三五知己一齊食餐飯，回想那些年，真人令人好懷念👵🏻🥹配埋台式飲品，係充滿回憶嘅一餐啊…Read More

連日假期多咗時間出去食午餐，發現呢間餐廳午市時間都有酸菜魚套餐，一人一份，幾個朋友可以食勻種菜式😍酸菜魚配粉條 + 白飯 + 可樂 $101雖然係一人套餐，但係份量唔少！鮮滑魚肉配上麻香酸嘅湯底，送飯一流～ 雞翼麻辣香鍋 + 白飯 + 升級柚子茶 $64除咗有雞翼，香鍋入面仲有薯條、蓮藕片、炸黃豆～ 乾撈嘅方法更加突顯食材嘅香味！除咗雞翼，仲有好多唔同食材可以加入香鍋入面！大盤花菜 + 白飯 + 檸檬茶 $54朋友們都一致認同呢碟餸最有驚喜！雜菜炒得非常香口，加埋少少鹹肉嘅香味，令人食唔停！紅糖糍粑 $48糍粑新鮮整起，外層香脆，入面煙韌香糯，點埋紅糖漿甜甜地，要bookmark下次要encore 🥰🥰🥰…Read More

放長假期食好啲，去咗遠少少，又豪少少，試吓「玩」即捉即燒游水蝦🦐😍本身以為好好玩嘅捉蝦活動，因為啲蝦好生猛，要快恨準先夾到，都有少少難度同刺激🤣 夾到隻蝦之後要放佢地落啲冰度暈一暈，咁燒嘅時候先唔會掙扎～除咗有蝦燒，原來仲有好多唔洗捉嘅海鮮任拎🤣 有鮑魚、扇貝、唔同種類嘅貝類、蠔、成條魚😂、仲有魷魚！行到最後仲有個調味站，可以自己加蒜蓉等嘅配料，其中我地encore咗好多次扇貝🤤🤤🤤 貪佢粒肉又大，又好快有得食🤣🤣個燒烤爐有兩層，喺上面燒緊海鮮嘅時候可以喺下層燒吓薄啲嘅肉同菜，我地仲善用咗下層嘅優勢，整咗芝士大啡菇😍😍😍 係拉絲嘅芝士😍😍😍 雞翼怪當然要燒嚟試吓～ 都醃得好入味🤤喺等緊嘅時候仲有熟食！有已經燒好咗嘅蝦同其他菜式🥰 雖然自己燒蝦好玩，但人地燒嘅蝦好似燒得仲好🤣 唔怕燒到太熟😂 燒海鮮同食燒肉一樣都要練習多啲先得😂 我地都有參考隔離同問店員啲嘢食點燒，好似做實驗咁試吓唔同嘅燒法，好好玩🤣🤣🤣 最重要嘅係可以自己夾，每款可以試少少，慢慢試到成功🥳…Read More

每次去開啟德都會想食呢間burger店😍 超鍾意佢除咗有邪惡漢堡，仲有健康嘅沙律同生酮系列食物👍🏻經典芝士漢堡$75牛肉勁juicy爆哂汁😍肉身夠厚一啖都咬唔哂🤣🤣🤣好彩佢嘅麵包烘得脆脆，吸咗肉汁都唔會浸到淋哂🥰套餐加$33有汽水同炸雞🍗本身以為係普通麥樂雞，點知原來係有一絲絲真肉嘅肉塊🤣🤣🤣 好有誠意～加埋少少香草同多多肉汁，覺得驚喜🥰🥰大蝦牛油果蕃茄沙律$88今次要食得健康啲加多個沙律🤣 份量充足，其中蝦肉做得好出色，肉質彈牙，輕輕煎過有香草同鮮味，非常突出～沙律汁都唔輸比大蝦，除咗平時酸酸啲嘅沙律醋，仲食到少少好似柚子蜜嘅味，好香甜🥰…Read More

去開新蒲崗工廠大廈，去到附近嘅小街搵嘢食，見到呢間細細地嘅韓國餐廳，食啲小食都唔錯👍🏻韓式炸雞二人餐$88有六至七件炸雞、一個沙律小食、仲有兩罐汽水唔知係咪通常啲人都係叫外賣，炸雞同埋醬係分開上嘅～我哋叫咗甜辣醬，係最基本嘅韓式風味～～😌 炸雞用嘅麵包糠比較粗粒、比較有咬口同香脆，炸雞肉汁豐富，食到有胡椒嘅調味😋韓式燒牛肉飯卷$46飯卷都幾大條，好抵食！入面亦非常足料，好多牛肉！味道方面偏向迎合本地嘅口味雖然餐廳細細，可能因為好抵食，一直都有人嚟買外賣！一百蚊都唔洗又可以食到二人餐都真係喜出望外～😝…Read More

估唔到呢間主打星加坡菜嘅餐廳都有波睇！仲坐得好舒服添！牆上面仲有魚樂無窮嘅相片，好似去咗水族館🤣🤣🤣新加坡大蝦喇沙麵$108我哋以為叫咗海鮮麵，因為入面除咗有蝦，仲有青口帆立貝～反而蝦就唔係太大隻🤣不過食多啲海鮮款式仲開心！當中帆立貝最有驚喜，有輕輕煎過，加埋喇沙湯又香又鮮甜～串燒三串$58 馬來炸雞$78串燒可以揀牛、雞、豬各一串，相對較乾身脆口，炸雞都同樣香口，啱晒鍾意點醬嘅人，非常掛汁蜜糖雞翼$48呢個西式煮法，比較保留到肉汁，上面嘅蜜糖亦香甜，讚！美祿恐龍$33美碌波波多到差啲碌咗幾粒落張枱度🤣 建議唔好嗌少冰，如果唔係啲冰融晒飲品會唔夠凍😂 …Read More

有朋友喺外國返嚟，最懷念嘅一定係香港嘅地道小炒同大排檔風味！所以今次重臨呢間餐廳⭐️金沙脆鮮魷$118係不能抗拒嘅黃金風味！咸、香、脆齊全，不過得兩個人食，食食吓會有少少漏🤣一次半次冇所謂啦🤣脆皮牛腩$148好少食呢個餸，牛腩本身已經係功夫餸，仲要拎埋去炸，真心誠意之作～牛腩好鬆化唔會黐牙，加埋脆皮同辣汁，香口又入味😙XO醬韭菜花炒爽肉$118韭菜花一定係吹水必備嘅食物，因為可以逐條慢慢夾😂 韭菜花好嫩，炒得香口有鑊氣，一條接一條咁食🤤炒蟶子 $96 兩隻少少地一人一條蟶子，估佢唔到咁大條多肉，鑊氣同鮮味十足～揀呢間餐廳其中一個原因，就係佢開到12點，咁就傾偈傾嘢再都唔怕啦🥳久違了的夜生活🥹…Read More

星期日去咗將軍澳打波， 打波前先醫肚， 快手食碗拉麵先～嗰日見到有兩款拉麵做緊特價， 雞肉睇落好似幾吸引， 又懶係健康咁🌱大阪雞白湯拉麵$78 🐔雞肉選用雞胸比較低脂，雞肉食落唔鞋🥰雞肉有烤過嘅焦香味， 湯底濃厚雞味極濃，健康之中帶點邪惡👹最終湯底實在太吸引，偷偷地飲咗好多啖！ 為左增加味道層次， 拉麵上面仲配左少少黑松露醬， 可以按自己口味混和喺湯底之中，炸蓮藕片亦相當特別！蝦味噌豬骨湯拉麵$88 🦐🐷湯底以豬骨湯為主，加入櫻花蝦增加甜味～ 湯底同樣濃厚，非常掛麵👍🏻 前排涼涼地嘅天氣最岩食濃厚嘅麵🤣芝麻雞翼$48好明顯我哋已經唔記得咗今日係嚟做運動😂 或者運動係為咗食更多好味嘅嘢🫣 呢個炸雞翼完全值得食完跑多幾步～ 雞翼新鮮炸起非常有肉汁，係一個唔錯嘅小食🥰最後值得一提嘅係，呢度嘅拉麵都配有玉子，唔使加錢都有超抵👻…Read More

九龍城出名多嘢食，今次去咗間環境簡約得來又舒適嘅西餐廳🥰 餐廳以木系為主，樓底極高，好有空間感～ 食物方面擺碟亦有美感，仲有食用花裝飾，打卡一流🥳 食物味道亦有水準👍🏻🥑牛油果沙律 $128用咗青醬做底，用牛油果好夾，有fresh嘅感覺～🍕意大利巴馬火腿薄餅配火箭菜 $108Pizza餅底夠脆，熱辣辣仲拉到芝士，火腿配埋茄醬火箭菜唔會太漏🍗燒法國春雞配新薯 $198上碟都好靚～好香百里香味，又係熱辣辣上枱！好少食春雞因為通常唔係鞋就係霉😂但呢隻食落肉質都幾正常，感動🥹🍓士多啤梨拿破崙$128唔好意思要講三次，擺盤真係好精緻🥰 本身一般食吉士甜品，但拿破崙一層層咁食落脆脆咁，加埋士多啤梨蛋糕，表示非常滿足🥰另外飲品都做得幾有誠意，三四十蚊一杯算係相對抵飲～雖然埋單有少少貴，但平衡埋食物質素同環境都乎合性價比，過咗chill chill一晚係值得嘅🥰…Read More