偉哥仔's Profile

約左個大陸客晌圓方傾野, 坐底晌黃家沙食上海菜!時菜>>>不過不失, 普通一碟菜, 無乜特別.擔擔面>>>湯底好味, 辣度適中, 肉碎份量也夠多, 擔擔面質地也夠滑. 正!糖醋魚>>>炸魚一條, 不過炸得好入味皮又脆, 條魚也夠大條多肉! 掂呀! 小籠包>>>多汁, 皮薄, 一上台, 已經第一時間拎起筷子夾來放入口, 就證明吾錯喇!…Read More

今晚探老友, 順便帶老婆同個女來食飯, 小弟鐘意食中菜多過泰國菜, 不過一試無妨.紫菜四寶丸>>>叫比個女食, 小朋友吾食得辣, 老婆話其中三寶丸墨魚, 豬肉丸, 魚丸大粒彈牙夠入味, 四寶丸之中, 牛肉丸就差咁D, 有陣味吾新鮮, 老婆仲話就好似試過一個處子之身同豪放女好吾同的分別就知, 老婆呢番話擺明係比說話我聽喇, 正衰婆! 飛天通菜>>>通菜新鮮亦炒得夠爽, 不過只限成年人, 兒童不宜, 因為太酸辣! 個女食左一條菜就嗌晒救命.海南雞飯>>>老婆笑住話吾叫雞呀…其實係好怕食到冰鮮雞果陣雪箱雞味, 不過慶幸這家食吾出, 雞肉都幾夠滑. 比個GOOD!芋頭煲>>>呢個煲飯芋頭粒粒好香, 又粉, 腊腸滲入炒飯散發出香味, 煲底有少少飯蕉, 好香又適合呢種天冷天氣的炒飯! 掂!…Read More

好兄弟有事搵我傾, 又係兩條麻甩佬暖味密密傾, 食完晚飯已經好飽, 比佢捉左入呢間糖百府食糖水.一個叫一個甜品, 留連秋香- 一入口刨冰就溶, 有重的留連味, 香啊! 可惜天氣太冷, 我試錯了這款甜品! 我不是唐百虎, 都覺得秋香好味, 是天氣的錯!另一個是木瓜雪耳, 兄弟捱更抵夜好識食, 呢個夠滋潤, O岩呢種天氣, 條友仔喉住我個妹好幾年, 話如果將來個老婆識得日日煲比佢飲就好囉.原歸正傳, 呢度個環境係露天, 晌豪宅區樓下, 有一番雅致情趣! …Read More

小弟牛一, 老婆特登一早收工同我食飯, 今次係如心廣場陶源酒家, 平日得幾圍台, 環境吾噪, 兩公婆談下心又幾好, 今次吾食鮑魚, 試下其它菜式: 金銀菜燉白肺>>> 吾覺有味精, 個湯好濃, 湯渣食埋滋潤下個肺.通菜>>> 好難相信酒樓會炒出咁既通菜, 菜太老, 茶餐廳都好過佢, 好失望.乾坤海星斑>>> 炒得好乾坤, 蒸可能會比較好, 白白浪費左條石斑.宮庭醬烤骨加包>>> 烤肉骨夠香, 配搭個包一齊食都OK.最后送左個杏仁茶, 不過不欠.食完餐飯, 小弟只能說我比較喜歡平時來飲茶多過食晚飯.…Read More

是晚, 約左個好兄弟叙舊, 又來到荃新天地呢家上海婆婆食飯.兩條麻甩佬點左以下菜式:賽磅蟹>>>食落又吾似食蛋白咁簡單, 蛋白炒得清清甜甜難以形容!婆婆擔擔面>>>我地兩條麻甩佬SHARE一碗面都幾暖味, 你幫我”BUT”, 我幫你”BUT”, 一人分一小碗. D面都幾彈牙, 不夠食落吾算辣, 要飲埋湯先夠正! 上海炒年糕>>>一人一小碗擔擔面又點夠呢, 再來呢碟炒年糕, 感覺認真麻麻地, 不是太油就係涷晒, 可能天氣冷關係, 一上台已經凍有D干硬!小籠包>>>好兄弟最愛, 每次來到必叫指定動作! 一句講晒皮薄含靚, 多汁, 真係無得頂! 魚香茄子>>>炒得好香, 茄子一入口就溶.呢一年來, 好兄弟請食飯必來呢間, 食左咁多餐總括來講都算吾錯, 算是咁多間上海菜較突出的!…Read More