毒L飯堂's Profile

銅鑼灣哩間車仔面見佢門面裝修都幾靚仔，門口仲好多人排隊添，立即心郁郁想去試吓，餸菜其實都幾多選擇，係銅鑼灣黎講都算叫平易近人，試左豬紅夠實淨既，唔會一夾就散、豬皮冇毛有咬口、咖哩魚蛋唔係普通入貨果隻，裡面啲魚肉真係魚肉打成再炸、咖哩魷魚夠香夠辣、仲有生菜添、唯一係個麻辣汁真心好辣，唔食得辣嘅要小心 😂。…Read More

亞金好似好多商場都有分店，今日又係樓下食個輕食先去游水，下午茶都有個類似肉骨茶既野，叫做一字骨，我改左用米粉底，湯底都係有啲藥材味，餸都唔少架雖然係下午茶😂，不過其實最好味係啲芽菜，又夠粗又夠爽口仲要夠入味添、另外我叫咗個魚片頭喇沙滲滲，喇沙湯底用咗好多椰奶，雖然係好香但係飲完個湯好有罪惡咁🥲，哩碗相對啲餸比較少，下午茶來講個份量叫做OK啦。…Read More

今日出到銅鑼灣又30幾度，立即搵個地方消下暑先啦，係OpenRice search到哩間酒吧，上黎時可惜已經過咗happy hour 時間😞，叫左個fries$50 送下啤酒先，啲薯條岩岩炸出黎熱辣辣正常都冇得輸既，不過佢配左蛋黃醬比我就麻麻地啦，另外叫咗個前菜tres amigos tacos $120，老實真心唔值，唔知自己食左乜、好彩仲有個主菜頂一頂肚 Mac & cheese $120 ，雖然好邪惡，但當每粒通心粉充斥住芝士，一個簡簡單單嘅材料都變成上菜 ❤️…Read More

近期寵介人氣餐廳，立即去試吓先，星期六11:30到已經唔知排左幾多人係前面😮‍💨，今日一行4人2狗，裝修行日式非常舒服，仲有幾款為寵物度身訂造嘅食物，biru仔試左焗南瓜有機豚肉批$68，成個批好colorful，賣相好靚，biru仔三扒兩勃就已經食晒，我估應該真係幾好食😂，煎蛋布里芝士和風燒汁牛肉漢堡包配炸番薯條$168，人食嘅都好好味，上碟時仲熱辣辣有煙冒出，番薯條又甜又脆，再加支啤酒，立即唔記得晒嗰日出面30幾度😂…Read More

之前見有個KOl介紹佢個老鼠粉影到幾好食咁，今日經開旺角就過嚟試吓啦，地點其實有啲唔就腳，尤其依家啲天氣咁熱，坐低就叫左個煲仔老鼠粉，熱辣辣咁成煲上係幾正既，佢啲餸炒到香哂再放上去，辣辣哋幾正既、另外叫左個介央多士，多士好脆，係嫌個醬甜左少少、飲品叫左個馬拉熱奶茶、凍白咖啡，普普通通價錢進取左啲囉。…Read More

今時今日可以帶埋寵物嘅餐廳真係少之又少，今晚就去左沙田哩間食川菜，首先當然試吓佢哋個酸菜魚，味道夠濃且帶回辣，魚既份量都算幾多，啖啖肉冇骨，連湯都飲晒、小龍包，包皮夠薄但湯汁極多，豬肉碎都算入味、糖醋斑塊，魚肉炸過再上汁，全部都係大骨，可以放心食用、奶油津白，高湯煮至奶白夠哂creamy、賽旁蟹略嫌多左啲油，其實都冇乜好挑剔。…Read More

今晚黎到觀塘哩個新商場，試左哩間食上海野既餐廳，見到佢個餐牌有碗好大碗嘅擔擔面，當然要試吓佢哋個招牌野啦，花生醬味好濃，肉碎帶啲麻辣，面條比較粉、另外試左個賽旁蟹，份量比較少，但佢又出奇地少油，值得一讚、另一個係糖醋魚塊，感覺比較似生炒排骨，味道都還可以既。…Read More

早排睇有個koL介紹尖沙咀有間印度餐廳，見佢啲裝修同啲嘢食都好似幾得，所以約咗上去happy Friday，餐廳地方好大枱同枱之間都有好多位置，試咗個頭盤Palak patta chaat 老實講完全冇idea佢係啲乜嘢嚟 😂，睇真啲原來係炸菠菜葉，不過最主要係佢啲醬mix埋個味道幾特別、跟住試左個afghani mushroom，主要係一個炸芝士，不過我本人覺得膩口，自己就覺得麻麻地、另外叫咗個主菜，gosht biryani 羊肉飯，用乳酪同咖喱汁家樂羊肉飯都感覺好新鮮我覺得值得一試。…Read More

平日一至四呢間泰菜都會有支裝啤酒特價，今日我哋又黎食咗我哋最愛嘅咖喱軟殼蟹$168，今晚個咖喱汁煮得好杰身，可能落蛋多掛，令到我哋嘅蒜蓉包唔係好掛到汁，但味道依舊好好，算係性價比唔錯既一道咖喱，加埋即焗蒜蓉包條$38簡直係絕配，今晚改改口味叫咗一個馬拉盞雜菜粉絲煲，馬拉盞味就唔係特別濃，但都叫做有個煲仔上keep住個溫度，食落都還可以嘅。btw 唔明點解水喉水都要收人三蚊個(收銀妹妹話因為本店冇收加一服務費）🤷🏻‍♂️…Read More

Biru仔係附近放完電，當然就喺附近搵食啦，又係openrice search 下附近餐廳，就見到呢間啲嘢食好似好吸引，加上佢哋pet friendly 。1.Aoarashi matcha shake $62 ，老實講呢個價錢有啲進取，不過由於佢冇生啤供應，唯有試吓其他啦，哩杯綠茶奶昔，綠茶味超濃，係唯一輸蝕太細杯。2.Pappardelle wagyu beef $218，呢個意粉上枱時，職員會喺你面前即磨芝士上去，但係又係老實講，碟粉份量少到嚇親人，兩個人每人分得少少，都已經冇晒，而且啲汁多個粉，老實講我好似飲汁多過食粉 😂3.Pizza dough ball $88，呢個Pizza真係好食，個餅皮做得好香好脆。4.Hygge’s Neapolitan meat ball $128，呢個係一個Starter，但係佢係最遲嚟果一碟🤦🏻‍♂️，但係嗰包係值得一讚，點鵝肝醬同個蒜蓉醬真係一流，可惜我已經飽得7788。…Read More

同幾個朋友講起想去食雞煲，又想坐得舒服飲下啤酒，咁咪去返食一品囉，唔知係咪我太耐冇食呢間野呢，感覺佢個價錢越嚟越進取，今晚叫咗一隻雞，感覺佢份量得半隻度？🤔味道方面不嬲都知佢偏鹹，所以識食一定係嗌個響鈴嗌個菜浸一浸啲汁先食🤤其他配料例如炸午餐肉、炸魚骨分量價錢都算中規中矩啦，不過最離譜都係碟手切肥牛，收人三百幾蚊，都係得10片鬆啲🤦🏻‍♂️四個麻甩佬食，飲咗四支啤酒，埋單$1066，又係嗰句呢個價錢好多選擇😂…Read More

想去觀塘搵happy hour，呢間都算幾抵，20:00前酒類都好平，有一款直頭$99小食加一杯酒，不過今日我哋叫咗啲主食，今晚試咗佢哋嗰石燒，澳洲牛肉眼，上枱原來成份定食，估佢唔到咁抵食，上枱時舊石已經熱辣辣，舊肉眼外皮見佢仲紅紅地，但由於舊石仲係加熱緊，所以如果唔鍾意食得太熟嘅朋友，應該快啲夾起，可以自己控制幾多成熟都幾好玩🥰，另外叫咗個香蒜欖油蝦意粉，意粉質感好煙靭啲蝦又爽又彈牙，而且估佢唔到有咁多隻😂，我哋再叫咗個烤雞泡魚乾送酒，趁熱食嘅時候雞泡魚乾非常香口，好有當年喺韓國食嘅感覺😍再叫咗個黑松露薯條，黑松露混入左薯條嘅油香，真係茄汁都唔需要 🤗…Read More

呢間麻辣娘子，有時我都會幫襯佢嘅lunch，感覺lunch平好多，今晚即興試埋佢嘅晚市，老實講晚市同lunch個價錢都爭得幾遠，可能lunch係有set啦，感覺平好多，今晚我哋叫咗個娘子最愛酸菜魚（小）$248，呢盤魚上咗台之後我終於明白個價錢嘅分別係邊度，晚市嘅酸菜魚係多好多，魚嘅份量好多，我哋兩個人食都食唔晒要打包走，佢個湯底加埋木薯粉，真係連飯都唔使叫、另外叫咗個小食脆皮小豆腐，新鮮炸起上枱熱辣辣，送啤酒一流。…Read More

有時想食泰國菜又唔想落九龍城，哩間都叫幫到手😂，近近地又唔使坐得咁迫夾，今日叫咗個咖喱軟殼蟹，其實都係為咗食蒜蓉包條🙈，不過佢個咖喱甜甜地辣辣地幾好味㗎，軟殻蟹亦炸到脆卜卜、當然唔少得主角蒜蓉包條啦，我估呢個都係佢哋嘅招牌菜😂，麵包好厚好大條，落咗勁多牛油同蒜蓉焗，用嚟點咖喱真係不得了、另外都叫咗個生菜包，如果唔食得辣嘅朋友，記得叫佢走辣，因為都幾辣㗎，最後我想講，佢嗰度有個啤酒優惠，寫住逢星期一至星期四係有特價，食飯當日係星期四，不過埋單係正價，應該又係果啲假期前夕🤦🏻‍♂️餐牌當然冇寫明，我都費事同佢坳🌚希望餐廳留意下啦。…Read More

慶生飯局當然離唔開一班人打邊爐啦，每年都會嚟長沙灣哩間大煲皇開間房，今晚叫咗兩個湯底，蕃茄薯仔牛腩煱$128、另一個係升級魚翅煱$398，魚翅煱職員會先上魚翅湯每人一碗，跟住會加湯打邊爐，但老實講如果唔係有最低消費，我寧願叫兩個最平嘅湯底，因為真係唔係有咩咁特別好味，或者叫個雞煲食都好。未開飯之前，我哋叫咗兩個小食，脆炸魚片頭$68呢個真心推介，佢配左一個我估係佢哋自己整嘅辣醬，相當惹味、另外一個冰鎮辣味魷魚$88，可能我哋送啤酒多，所以呢兩款小食，好快清晒😂，主食我哋叫咗兩碟手切肥牛$328，牛味係好濃，係略嫌切得有啲細塊，影響口感。由於叫咗太多配料不能盡錄，整體感覺普通，如果食到呢個價錢，我覺得仲有好多其他選擇🤗…Read More