今晚本來約左女朋友去荃灣千色會板長食壽司，但係佢公司臨時有事放左我飛機，我自己一個都唔知食咩好，在板長隔離見到有間新野，叫日本牛奶公司，我就比佢個名吸引到，入左去叫咗個一人火鍋，牛奶雞鍋，喜出望外，呢個配搭得喎，牛奶好滑，雞亦都好鮮嫩，加埋一齊真係無敵，覺得自己真係去咗日本咁，$78呢個價錢，我真係冇嘢好講，我加咗碟和牛同烏冬，基本上我一個人係冇可能食得晒，我盡量嘗試食晒佢，但係真係搞佢唔掂，至於和牛，就冇乜特，和牛我俾佢70分，牛奶雞煲我比佢95分，下次一定要帶埋女朋友嚟再試，埋單$150，我覺得完全可以接受，呢個星期日晩雖然冷清清咁渡過，但係有呢個一人火鍋比我感覺䁔在心，食飽飽，早啲返屋企瞓，聽日星期一又開工啦…Read More
