Mandy But's Profile

6點去到，剛剛好開門，一入到去就知黃到發金😍一坐低就已經見到熱的玄米茶同中華沙律。佢的dinner set好抵食，叫左個泡菜三文魚骨鍋，包左麵鼓湯、野飲、沙律、炸溏心蛋、三件刺身壽司同甜品，先係78蚊！仲要冇加一，出面冇可能食到呢個價😎個泡菜三文魚骨鍋係配飯，好彩叫左少飯，如果唔係成個set咁多野食食真係會食唔晒🥶鍋入面有唔少的泡菜同炸三文魚骨，不過一浸係湯度就淋晒，入面仲有冬菇、粉絲、海帶、金菇、白菜，好足料下👍🏼個湯唔會好鹹，用少少湯送飯都唔錯～因為朋友太肚餓的關係，佢自己的刺身丼飯set之外仲叫多左個小食拼盤share食，個雞翼燒得幾惹味，另外串雞皮係好脆的、雞軟骨正正常常、朋友就話串牛舌好好食，但我本身唔食牛就冇試，最後可能因為最後先食串雞腎，放得太耐，凍之餘仲好硬下😶最後staff自動幫我地執好枱，上埋甜品比我地，呢粒外層係類似有咬口的黑糖味啫喱，入面係奶味的cream，我同朋友都一致覺得好好食！總結黎講呢間餐廳雖然位置上比較僻，但性價比相當高，有請聽障人士做staff，又係黃店，值得大力支持🥰…Read More

見呢間野係黃店，都多人比讚就諗住去試下，店員問左我地有冇book位之後叫我地等左陣，我地係walk in，就安排左個枱比我地，然後斟左兩杯水放係枱面。入面真係有文宣海報，裝飾都幾靚，個menu 菜式D中文名好有創意，但都係睇個英文會快明好多😂。我地叫左個pesto portobello with spaghetti 同spicy garlic spaghetti with prawns，等左冇耐就有得食。等緊野食同食緊途中飲水飲得多，店員除了係我地一入黎果陣主動幫我地斟過水之外就冇再主動幫我地斟，次次都要叫到先斟。但D店員唔係好忙，都係企晒係度吹水，我哋一食完就即刻收左我地隻碟，但又唔幫我地斟水，都唔知係咪別有用心想趕我哋走，咁的服務都要收人服務費真係唔多合理😕總結黎講，雖然係黃店，但食到一肚氣，唔會再幫襯，屯門有更多值得幫襯的黃店。…Read More

Coupon細則見到最少早一日book位，但突然想食，唯有朝早Whatsapp book位試試，但到4點都未覆機，就打去confirm先得，打到去佢就講聲牛肝黑野菌汁冇晒，要轉燒汁，冇晒都冇計啦，見佢態度都好好，就冇咩所謂。由鰂魚涌站行過黎沿途就算係星期日夜晚人流都唔多，7點鐘黎到，果然入面客人都唔多，有一枱客食緊。坐低比左張團購coupon , 佢比左杯熱水，唔似出面餐廳咁是但比水喉水你飲，呢樣值得加分，之後就等野食黎。侍應態度全程都好好，臨走仲送咗兩張優惠券比我地。整體其實唔錯，係個位置令人流比較少。…Read More

黎到餐廳7:30左右，入面坐滿晒，店員問左我幾位之後話等一陣，結果一等就係半個鐘。中途有唔少人入黎問有冇得拎飛，店員就話冇🤷🏻‍♀️。本身想叫個芝士唐揚雞肉丼，但話冇，之後叫個期間限定，又話冇...店員的態度愛理不理咁，覺得好無奈。以後都未必再黎食了。…Read More