我係一隻為食鬼's Profile

老老實實，之所以會揀呢間，真係唔關個老闆事，純粹係因為佢個森林主題同cafe呢個字眼吸引到我，但係決定幫襯時我都係搵左個柳炒fd一齊去，哈哈哈哈……去個陣都好彩唔多人等位，又因為我地肯坐吧檯，好快有得坐，柳炒fd好用心同我介紹店內裝修，為免令本食評有濾鏡，我就唔細說啦XDDD建議大家自己去店內感受下 Btw，我對佢地12個是但一個品牌，無論食ge著ge都一向得一個字：好x貴，意外地呢間只係中上價位；又可能因為已經開張左少少時間，d staff都上左手，整體都好有驚喜 我地叫左個卡邦尼同慢煮牛意粉，好啦係時候要挑剔下，食物份量比想像中算少ge，但係，我要嚴重聲明，卡邦尼係好有驚喜，仲好好食！好啦呢間個食譜好似幾鍾意創新，卡邦尼唔係傳統個種漏到吐ge卡邦尼，個幾塊應該係巴馬火腿ge咸肉，仲有麵條間的小煙肉同黑椒粒，對好鍾意食卡邦尼但又嫌漏ge人而言真係好fresh！慢煮牛肉醬意粉一樣好食，但相對下就顯得普通左d～ 然後係甜品，我地叫左苔玉同樹頭蛋糕，兩者都係朱古力。首先店內推介ge苔玉……我……我想講…朱古力慕絲蛋糕就係朱古力慕絲蛋糕……但係…你地自己睇相又好點都好，過嚟買件食一次（我咁講即係我覺得好味啦），你地自己感受下佢係店內推介ge原因 樹頭蛋糕係類似黑森林ge做法但中間唔係夾忌廉而係麻糬，蛋糕玩味感重好多，感覺好童真，因為我地食食下變左拆蛋糕 最後，呢度服務真係幾好，但係我想讚ge係另一樣野：我無諗到去cafe 飲咖啡可以揀咖啡豆，雖然個下答唔出，但staff好好咁問我想要咩口感，呢個服務真係好少有 總之，想食呢間之前真係要搣左對鏡仔濾鏡或者偏見，咁先感受到呢度美食好唔好，我真心想再去食卡邦尼～ 至於缺點，我都係個句～食物細份左D lo…Read More

此文章如未能刊登，實在愧對所有係觀塘覓食之人垃圾食物垃圾服務！最近去觀塘返工，由於人生路不熟，梗係盡量試下不同食肆。今日一班同事一齊去駿業熟食市場，試下搵好野食，點知一入就入左地獄！一係門口，就俾盛記粉麵個女人（姑且稱佢為「老闆娘」，反正佢都擺款擺到成個老闆娘咁）半邀請半攔截咁阻住我地去路，不過唔試下點知邊檔係垃圾呢～於是我地都坐低，一坐低就......嘩~原來而家觀塘熟食檔食野咁貴ka，咁點解佢隔離個檔33蚊一碟炒粉麵ge？由於價錢實在差天共地，我地差d想起身走人，仲有「老闆娘」係我地考慮ge １分鐘內問左起碼10次我地食咩，問到我地有人發惡佢先收聲，最後由於我地比較多女仔，除左有幾個獨自食粉麵外，其他人就叫左幾個牛腩飯share算，「老闆娘」塊面呢，即刻黑個墨斗呀！唔止呢～另一檯有人一坐低「老闆娘」就遞左杯水俾佢，但我地落單後問佢拎杯水，佢話無lo~到d食物嚟到，真係呢～我終於明白咩叫做天外有天，人外有人，一山還有一山低啦～我一食粉麵就只叫牛腩，所以對牛腩牛筋都有d心得。牛腩唔一定夠香，但要爽口；牛筋唔一定滑，但一定有牛味。盛記粉麵d牛腩就完全係另一回事，要幾韌就有幾韌，要幾無味就有幾無味；牛筋先精彩，肯定係用瑞士汁煮ka，無牛味但就成陣瑞士汁味之餘仲甜到呢～我未食過咁甜ge牛筋ka！真係多謝盛記，又長知識lo。總括一句，堆填區質素但就要中環區價錢，仲要我係中環食過平好多之餘美味一萬倍的牛腩，可惜個間小店早已在兩年前關門大吉。只好慨嘆有心做的就做唔住，呢d根本唔知牛腩為何物的就可以生存下去...不如世界末日左去吧啦…Read More

小鬼無野叻，最叻就係食；日本未去過，但就知博多拉麵好食，終於今晚我就有幸係香港食到啦～呢間別天神，睇落店面好細，但坐落唔覺迫。一入去係要叫完order就俾錢，此方式對店舖同顧客都十分保障是也~店員有日本服務精神，見你生口面都好照顧你，所以你唔駛擔心會遇到服務問題~小鬼order左個豚肉拉麵~眾所周知湯頭超濃（小鬼係大鄉里），飲落好潤好飽肚，麵條較幼身，但小鬼對日本麵感覺一般，只能說軟硬適中就是了……呢個時候小鬼對拉麵ge評價仲係「好食以上，美味未滿」，直到靚仔師傅向我介紹佢地個樽辣芽菜~即係咁，我覺得佢地樽辣芽菜真係實力ge表現，唔係點食辣ge我亦拎啲試試，個種辣度其實好輕微，超級醒胃！此時小鬼終於認真睇下店內告示，然後就跟指示加左辣芽菜同店內第二樣驚喜：蒜蓉！真係超黃金ge蒜蓉！啲蒜蓉碎到好似變左蒜蓉醬一樣！\(￣∇￣)/你問我加完呢兩樣ge感受係點？我答你……係成碗拉麵味道提升左去另一個層次！個湯更香，麵條又爽口好多！讓我大叫：蒜蓉萬歲！\(￣▽￣)/最後我食左成碗拉麵，但啲湯太濃未係好受到（胃弱呀），就無飲哂，好可惜啊~…Read More

屋企無煮飯，自己一個食，慶幸自己係灣仔返工，唔介意價錢的話，要搵一啲特色食肆唔難……但最近我食晚飯係以「少澱粉質」為主，又要唔好太貴，又要唔好太迫……（夠啦！）突然我諗返起呢間店有啲學生模樣ge人係度等位，即係唔係好貴，於是我就把心一橫，拉開趟門行入去！店面的的式式，係傳統日式料理店面常見的裝潢，一個人食都好輕鬆，但要落單就有難度啦，我本來想食咖哩+忌廉蛋包飯，點知我盲頭烏蠅圈左「淨忌廉」個格，變左淨忌廉汁蛋包飯！嗯……照食啦(￣∇￣)真係錯有錯著，忌廉汁好清甜，而且菜多肉少，菜爽脆，肉軟熟，總之係剛剛好的感覺；至於蛋包飯，係蛋煮好鋪係蛋上面個種，炒得相當軟滑食完個蛋包飯，愛吃肉的我還忍不住叫了一份香草腸！哈哈~其實佢地仲有一般豬肉腸同芝士腸，似乎係受歡迎菜式，好多人叫，我鍾意將香草腸沾芥末醬食，但係跟蛋包飯相比還是平凡一點容我誇張，感覺一星期的疲憊都係CAT'S EYE好好放下了，真係值得一試啊！減肥？食完先算啦～哈哈！…Read More

今日聽到同事講附近d食水停哂，於是我行遠d去食lunch試下其他餐廳。有時會經過北海道牧場，但都係去到今日先決定試下，點知一試就……伏．到．呢~~~~~~先講左下我要左咩先：一個肉丁餐，加辛口芝士，炒蛋（磨菇汁）厚多士另外我係跟2個學生模樣的男仔搭檯首先餐廳而家用左紙杯同紙盤等即棄餐具，其實都幾唔環保，係個DESIGN幾「的色」咁lo然後講食物，炒蛋同厚多士係好基本野，所以食唔死人就得，反而我幾鍾意佢個磨菇汁，幾清甜；當我品賞緊個炒蛋時，同檯2個學生剛剛食完，開始彈緊間餐廳有幾難食，我無理到佢地，因為我個肉丁通出現了，個一刻真係驚為天人……我係度先比擬一下北海道牧場個紙碗大細，其實同一個南記外賣碗差不多大細+深度，重點係：肉丁通分量只佔個碗大約1/5至1/4！我重申：只係佔個碗大約1/5至1/4！由於另外2個男仔都望到個碗通粉，個一刻大家表情都係：O口O --> (￣□￣；個通粉分量細都算了，我俾左$4加辛口芝士，事實係佢只係加左堆辛辣粉係肉丁上面！北海道牧場……我有咩地方得罪過你，你咁ge餐，仲收我50蚊......我弱小心靈受創了(。_。)…Read More

年多前係銅鑼灣返工, 呢度距離返工地點5分鐘腳程, 雖然成日都好多人, 但雞扒又大又美味, 伙計態度又好, 價錢相宜....總之成日都會去幫襯, 雖然後來轉工唔再係個頭出入, 但仍然好懷念榮式ge美味, 終於尋日同男友去食.....容許我大叫一句：那些年我的榮式雞扒呢?!!!!!!!!!!!! 隔左年幾無食je, 發生咩事呀? 我地叫野食, 除左雞扒外要乜無乜, openrice話呢度2130關門, 我地八點左右到, 咁快就無野食, 會唔會過份左d? 唔係個個去榮式都老馮要雞扒ka! 仲有伙計d態度可以敷衍到咁, 我唔係要你90度鞠躬道歉, 但次次都係落完order先話「無xx wo」, 廚房同店面溝通真係好好wo仲有, 我記得我以前食, 4x蚊已經可以有一個麵/ 烏冬+一杯飲品, 你話通脹乜都加價, 好, 我接受, 但係唔係要我地為左有野飲就要俾多1x蚊嘛? 價格相宜的榮式雞扒呢? 好, 批評完服務, 最後講下野食, 真係幾令人噴飯我要左雞扒烏冬+$14一個油菜+飲品(本來係+$16有鍋豆腐, 又係落完order先話無lo)我好懷念當年有少少雜菜+一塊鳴門卷ge榮式雞扒湯底......:(仲有個「碗」菜, 雖然影相時我已經食左少少, 但係實物都只係有呢個碗ge分量, 你可以估下有幾多?榮式雞扒呀, 你新鋪就識開, 但係你除左個塊仍然惹味ge雞扒外仲淨低咩? 要食惹味雞扒我不如去食豪x大?…Read More

那些年,仲係堅道返學時偶然發現呢間店(就係俾佢未轉角都聞到嘅牛腩香吸引囉哈哈哈哈),食過佢嘅牛腩河同餐蛋麵,好味程度係而家出左社會做事都仲想返去食.終於今日趁有少少時間,仲唔撲返去食?估唔到佢啲牛腩依然咁香,我未到地產鋪都聞到.但意外地夜晚店內無乜人,我例行公事地要左個餐蛋麵,湯多左少少,但好熱好香,隻蛋係煎得好靚的微焦,奇在塊餐肉,好似只靠熱湯灼熟,無乜油,不過薄切得好靚.話時話我仲未帶我朋友來食,希望到時佢地仲係度.(咁好味我覺得加少少價無問題囉)話到呢度,我去埋單先啦,哈哈哈哈…Read More

其實如果真係寫食評我唔係咁推介呢間, 其實見呢度有14個smile真係嚇左一下..........各位前輩得罪了.....話說呢日要同幾個同學farewell ( 店主睇到肯定認到係邊班人了, 此食評僅代表本人立場呀 )唔知邊個搵到呢間, 但未上去, 已經有人話「係咪呢度ka?我只係見到好多xx賓館招牌lo!」結果上到去, 真係左, 係眾多賓館中竟然隱藏左一間cafe!店面唔大, 又有其他客. 成班人都坐得好迫. (我唔知有無得包場, 所以日後有人想去呢間又有>15人一齊去ge, 問下佢有無得包場啦)但玻璃窗好大, 仲有一邊牆貼左好多drama海報. 原來有套drama係以呢間cafe做題材但呢度ge「特色」似乎就真係..........總之, 唔好講求咩裝修了, 地方淺窄呀!講返野食先, 一句講哂: 真係好一般!首先佢個價錢真係唔平,有度好奇怪, 就係佢有個set係6x蚊,但最低消費好似要$80!我都希望係我聽錯啦. 同埋上野食真係好慢, 第一個有野食ge人食完差不多成個鐘仲可以有人未有野食不過佢地得2個人做廚房. 今次就當係我地多人所以唔怪佢.同埋好多「唔好食」, 「難食」,「一般」等負面評語都出哂場.我就叫左d咩呢?凍mocha- 等左好耐終於登場ge凍mocha. 算係無令人失望.cream夠甜, 朱古力味都足夠. 不過只能說佢係一杯凍mocha, 唔夠特別, 就係咁.(我想問下香港仲有邊度會飲到10g個隻ice mocha?)白汁雞皇螺絲粉-其實呢碟本來係另一人食ge.但我弄錯而食左,好瘀呀...............嗯....唔難食,芝士好少,食到底個陣更加發現.....咦...白汁雞皇個白汁咁「水」ge?其實呢間有好多地方可以俾個:(佢. 不過最後我都明白呢度未有:( ge原因. 因為服務態度真係補返哂, 呢晚我地ge出席人數比預期多好多, 當然為佢地帶來不便. 佢地都盡量幫我地加檯加椅.臨走時我地計數計到好亂, 佢地仲自動俾左計數機我地. 有個女仔仲問其他人:「不如幫佢地計埋?」嗯...所以, 如果大家想睇下「賓館深處cafe」, 不妨來食一次. 但我暫時未有再去ge打算lo. …Read More

早就打算第一篇食評係奉獻俾呢間,不過而家先有時間XDDDDD其實我來左2次, 第1次係因為係open rice「搵食」時, 發現呢間食評竟然係全部笑臉wo!覺得點都要睇下堅定流, 於是第日即刻去食食完之後, 就將幾日後慶祝生日ge地點改去呢度啦首先要講下環境, 如果好鍾意cafe個種柔和浪漫feel ge人, 呢間應該會令你有d失望因為呢間d傢俱同設計都傾向方形, 同埋佈置都幾簡單, 得白,綠同紅ge色調同埋佢所謂ge鬆馳熊cushion係一張檯一個, 唔係成間cafe ge主題不過男仔or年齡較大ge人就會鍾意啦(事實上我個日d男仔fd都幾like)有wifi上網(但唔見有得插濕電), d玩具又夠玩, 最重要係佢書架有一d雜誌(仲要唔係8卦週刊)等漫畫以外ge書呢樣野好得我歡心lo, 感覺唔庸俗嘛!至於服務方面, lunch同dinner我都有去過, 大廚主力係煮野食個位男仔但夜晚原來會多一個, 同埋有d女仔幫手期望唔好太高啦, 但整體而言唔差ka, 我同fd去個晚係咁叫人加水, 佢地呻都唔呻!跟住講返d野食啦!沙律-好似dinner先有, 個沙律主要都係生菜+沙律醬, 加多塊唔知咩東東, 食落去係有d似素鮑魚切片????不過就係呢塊疑似鮑魚切片令我對成個沙律加左分, 梗係啦, 我去cafe ja wo, 竟然食到疑似素鮑, 有幾可?湯-2次去都係忌廉磨菇湯, 我只能講一句: 擺明唔係罐頭湯. 因為隻色好白, 又有少少稀. 但我都覺得ok咁lo.主菜-2次食都係忌廉三文魚意粉. 一句講哂, 好食! 忌廉唔漏, 三文魚又好香. 我仲食埋我fd個青口意粉, 因佢胃口唔好, 但d青口佢食哂wo, 真係啤一聲. 不過都證明煮得好食lo.小食-我地本來無得食個麥樂雞ka, 點知唔記得係咩原因, 最後我地有得食麥樂雞ka!!!一口咬下去,, 無汁. 不過我一向用m記個麥樂雞做standard , 呢間肯定係m記之上上上上! 雖然無汁但感覺唔乾身, 仲有d軟口. 個酸辣醬配埋又夠惹味.甜品-我食完終於明白, 點解佢個招牌菜係呢個豆腐芝士蛋糕lo............1.豆腐配芝士真係好滑2.成個蛋糕無一般芝士蛋糕個種漏到乜都唔認得ge口感3.加埋個朱古力醬, 真係好好味!整體而言, 呢間係值得去ge. 我會再帶fd上去!…Read More