AuroraAurora's Profile

同阿女係附近上堂，每次經過都會買野食同飲品，再行去佢地隔離間店舖坐低，休息下。我地每次都揀窗口位，一邊飲野，一邊望著街外情況，感覺時間停頓了，很舒服。佢地既曲奇餅係自家制，好味又健康。Brownie 好味，咖啡之外，試過玫瑰梳打水，好香好舒服👍🏻👍🏻…Read More

Amour Corner,座落於油麻地，地點方便，由地鐵站行5分鐘左右便到。店舖裝潢以木為主，加上每台有暗淡既燭光，非常有情調，最適合情侶共進晚餐。今次我們點了"經典二人晚餐"，再另外點了生蠔半打，正。生蠔只需HK$128就有半打，沒有不叫的理由。今次生蠔來自美國、加拿大及法國。生蠔非常新鮮甜美，質素高，必食。此"經典二人晚餐"HK$328已經有頭盤、湯&沙律、主菜及甜品。頭盤方面，點了青蘋果鵝肝多士及巴馬火腿蜜瓜。鵝肝香口，配合青蘋果同食可減肥膩感。巴馬火腿甘香，令人回味。湯是我最愛既蘑姑湯，不消一會便喝完，yummy.食埋凱撒沙律，便上了主菜:香草煎封羊架及烤澳洲牛柳扒。羊架外焦香，內嫩滑，令人留下深刻印象。牛柳熟度掌握得好好，切開入面是粉嫩色，入口細嫩，回味無窮。最後食埋士多啤梨奶凍，為今餐畫上完美句號。…Read More

此間店用Ipad自助下單。由落單到食物送到面前，速度超快。首先點的是鯛魚，深海池魚，凡立貝。鯛魚的魚身厚，深海池魚的魚身厚之外，肉質亦結實，而凡立貝味道香甜。再來一客活鮑魚，口感爽口。叫了海膽蒸蛋。第一口先食蒸蛋，蛋味濃。第二口蒸蛋連同海膽放入口，一冷一熱，再加上海膽在口內溶化，鮮味大爆發。之後一口蒸蛋，一口蒸蛋+海膽，梅花間竹去食，不經不覺就ko了一碗鮮美的蒸蛋。食完海膽蒸蛋後，再繼續點壽司。今次點了火炙吞拿魚腩。火炙本身香口，加上吞拿魚腩的油脂重，兩樣拼湊一起令到件壽司美味升級十倍。季節墨魚。有墨魚既粘口感，但感覺比平時食開既墨魚有少少分別，較為清新d。生松葉蟹腳。第一次食生松葉蟹腳，雖然比熟的少了一份實在感，但反面感覺清新。蝶魚邊。入口柔軟，咬第一口有少少咸鮮味，再食開始油香味湧出，係每咬一口就湧出來，越食越油香，好特別。令人留下好深刻既感受。所以最後忍不住再encore一份，哈哈。間八。入口柔軟。最後試了紫蘇梅子手卷。看落以為是平平無奇的手卷?咁就大錯特錯了。紫蘇葉味濃，食得出是新鮮貨，配上酸酸的梅子，整件事是你估唔到的美味。…Read More

以往多數去連鎖店食壽司，今次選擇了一間位於工廠區樓上店的"掌壽司"。店內以日式木裝飾為主，加上台與台之間很寛敞，感覺舒適。店員細心地介紹店內食物後，點了以下食物:招牌沙律:此沙律除了有粟米、沙律菜、車厘茄外，還加上咸香既唐揚豆腐及鮮香的櫻花蝦，非常惹味。而此沙律最驚喜位是黎麥。黎麥沾滿醋汁，咬落會有少少爆汁效果，好特別。壽司:牡丹蝦-肉質黏口及甜，口感豐盛 金目鯛-肉質比牡丹蝦扎實白蝦-超香甜 有fruity味道 肉質比牡丹蝦更黏口燒左口魚邊-非常油香，與上面明太子味道很夾鐵板黑毛和牛飯:員工在我面前即席炒黑毛和牛飯，一同享受視覺同嗅覺的滿足。此飯配料豐富，有櫻花蝦、菇、粟米、黎麥，加上半生熟雞蛋，吃一口有滑蛋飯效果。主角黑毛和牛方面，牛味濃，油脂香。經鐵板燒熱力迫出油脂，食落口感不油膩但富油脂香。同時牛味濃郁。最後員工細心地將壽司餘下的牡丹蝦頭煮湯，變成一碗牡丹蝦頭味噌湯。…Read More

趁阿女尚未出世，想同老公好好享受倒數的悠閒日子，決定要選間質素好、食物種類未試過、感覺舒適的店舖，最後選了位於灣仔的Odelice!此間法式小餐館，店內貼滿了法式既海報，落地玻璃的趟門，再加上外面自然光透進店內，未食已經令人感覺悠閒舒適。店員之一Kelvin非常細心，見本人是孕婦，便待其他食客離開後安排近門口的寬敞位置給我倆。由於Menu選擇眾多，Kelvin亦細心逐一介紹及推介適合我們的食物。最後我地選了English breakfast galette，crab cake benedict，Fresh Avocado Tartine。同時點了兩杯fresh juice。Fresh juice:我點的是orange,carrot and ginger。老公那杯是Pineapple,cucumber and apple。兩杯juice各有特色，orange,carrot and ginger香甜，而pineapple,cucumber and apple清新。他們非常新鮮不在話下，最重要是沒有所謂的"青草味"，令人不禁一口接一口地喝。而喝了差不多半杯juice為味蕾提提神後，便開始迎接所點的食物。English breakfast galette: galette即是法式蕎麥餅，此食物聽就聽得多，食就倒是第一次。galette食落鹹香，口感軟得來比pancake煙靭，配上太陽蛋，水牛芝士，番茄，蘑姑及煙肉，味道非常豐富。不要以為看上去分量很少，其實都頗飽肚的。Crab cake benedict:新鮮熱辣既炸蟹餅，蟹肉豐富，外層酥脆，配上流心的蛋黃，非常惹味。Fresh Avocado Tartine:牛油果非常新鮮，香滑。最後我們點了兩款甜品作為今餐的句號。Crepe Suzette:因為想看火燄，所以點了此款火燄橙酒可麗餅，哈哈。見著店員在你面前淋上橙酒及點火，未食已經很興奮。滿足了視覺的享受，輪到享受味覺。可麗餅軟綿煙靭，加上橙酒後口感濕潤，味道香甜。Tiramisu:面層口感幼滑，配合中間浸透咖啡酒的lady finger，味道層次豐富，令人非常陶醉。此店無論環境、服務、及食物質素都十分好，值得一去再去。…Read More

終於到老公星期六短週唔使返工，決定去呢間想食好耐既串燒店享受一下悠閒下午。店內裝修走日式風格，牆上掛滿串燒食品名、清酒招紙、是日鮮魚介紹，裝飾獨特。而餐牌設計亦見心思，手繪很多日本style既公仔。見店員經常橫貫四周，對顧客要求迅速回應，值得一讚。今次星期六小店提供多款brunch選擇。而我倆食了兩款招牌串燒餐。飲品方面點了柑桔話梅蜜及蜂蜜檸檬柚子茶。柑桔話梅蜜及蜂蜜檸檬柚子茶:柚子茶香甜，再加上幾片新鮮檸檬，味道香甜清新。而話梅蜜酸甜開胃，令人回味。招牌串燒拼盤A: 此拼盤以肉類為主，有黑豚六花腩、雞翼、牛仔骨，並配以紫薯蓉及沙律菜。牛仔骨不俗。雞翼以黑椒調味，配合燒至香脆既表面，十分香口。而由於原隻燒的原因，咬下去仍有肉汁流出，令人回味。最出色的是黑豚六花腩，此六花腩上台時燒至乾身，表面鋪滿調味料。咬下去豬味非常濃郁，而由於燒得乾身，食落有油脂香味但不會感到油膩，令人讚嘆驚喜。配菜方面的紫薯蓉香甜健康又飽肚。招牌串燒拼盤B: 除了煙肉外，此拼盤B以素菜為主。有煙肉荔枝卷、脆皮豆腐、日本蕃薯仔、露荀，配菜與拼盤A一樣。鹹香既煙肉配清甜荔枝很特別，脆皮豆腐配上醬汁及木魚，味道不太濃岩岩好，蕃薯仔一口一件，香甜糯香，燒露荀非常清甜又爽口。整體感覺很健康。…Read More

呢間小店地點方便，由K11商場行去只需幾分鐘。店內乾淨企理，木式裝修感覺舒服。所有串燒即點即燒，適合與好友坐底一路慢慢食即燒串燒一路把酒談話。今次與好友點了白鱔、免治雞肉、大蔥雞肉、雞翼、牛舌、A4和牛、黑松露金菇牛肉卷、鹽燒豚肉、芝士年糕豬肉卷、露筍豬肉卷、明太子飯團、茄子、准山，另外點了當日廚師推介的炭燒雞卷。白鱔:一上台見到白鱔燒至外皮香脆，咬下去魚油豐富，令人口味。牛舌:一串有三件，而且是厚切，正。咬下去有口感、舌心仍然柔軟不韌。日本A4和牛:咬下去肉質柔軟、油脂豐富、油香撲鼻。完全是A4和牛應有既特質。黑松露金菇牛肉卷:上台時已經見到非常飽滿、而且表面燒至焦香，忍不住一口咬下去。牛肉卷焦香而帶醬汁既甜味，入面金菇多汁，再配合黑松露醬的獨特香味、簡直美味極佳。免治雞肉:此串燒一定要配合醬汁與新鮮蛋黃，混合一起食真的美味無比。大蔥雞肉:大蔥香甜，雞肉香口。鹽燒豚肉:此豚肉油脂豐滿，肉質爽有彈性。適合喜愛油花的朋友。芝士年糕豬肉卷、露筍豬肉卷:兩款豬肉卷各有特色。芝士年糕豬肉卷香糯，而露荀豬肉卷爽甜有口感。茄子:茄子表面介花，使醬汁容易吸收。咬下去茄子仍然保持爽身口感，不錯。淮山:第一次食燒淮山，燒至金黃色的淮山賣相不俗，咬下去仍保持爽口而帶少少淮山應有的黏口。明太子飯團:飯團燒至表面金黃，賣相極佳。飯團食落焦香，入面香軟又平均沾到明太子，這絕對是廚師細心表現，搓飯團時將明太子與飯團平均搓均。與坊間做法將一堆明太子塞入飯團中間更勝一籌，值得一讚👍🏻👍🏻最後留了部份飯團與紫菜一起食😋😋炭燒雞卷:店中掛有當日廚師推介的美食，我們點了炭燒雞卷。雞肉包住冬菇、大蔥等等，味道及口感佳。…Read More

今日要去灣仔，臨出發前搵下有咩推介野食可醫肚，見到呢間食碟頭滑蛋叉燒飯出名，就決定去試下。究竟一碟滑蛋叉燒飯有咩咁特別呢?原來呢間既滑蛋係用日本蛋+日本牛乳去炒，而叉燒及甜豉油都是自家制。上菜速度超快，好快就有一碟新鮮熱辣既滑蛋叉燒飯放係我眼前。未食已經見到滑流流既蛋，同埋薄切成一片片的叉燒，再加上淋得均勻既甜豉油，簡直令我食指大動。食落味道不錯，不過略嫌滑蛋太薄身，份量不足。除了食物外，亦想讚賞一下員工既服務態度。店舖細細，繁忙時間亦較多人排隊。但她們見到我一位大肚婆，亦安排了近走廊的位置，方便我起身坐底。當然果日亦特別多謝其中一位男食客主動與我交換坐位。埋單時亦提醒自己員工及我要小心行路，非常細心。…Read More

呢間餐廳既食物質素一向不錯，我同老公經常幫襯。今次想講的反而是服務質素。呢間餐廳都頗多人光顧，尤其是下午茶時段。大肚既我有兩次於繁忙時間入席，員工除了很細心提醒我要慢行、讓路給我行之外，亦會擔心我坐得不舒服，而彈性安排較寬敞的二人坐位，非常細心及體貼，亦很有人情味。亦是每次令我優先考慮此店的原因之一。食物方面，無論是午餐時段的米蘭番茄焗豬扒飯、咖喱牛肋條飯，還是下午茶的公司三文治，食物水準仍然高。…Read More

添好運呢間店聽就聽得多，今次終於第一次同老公品嚐。係等位期間，我地拎了張點心紙，先選定點心，一入到去坐底就即刻遞給姐姐下單。我地點了呢間店馳名既酥皮叉燒包，另外亦點了蝦餃，鮮竹卷，賽螃蟹春卷，鳳爪排骨飯。酥皮叉燒包:人氣點心之一。果然有水準，上台新鮮熱辣，酥皮不油厚度又岩岩好。蝦餃:比坊間既較為小巧，但餡料充實，蝦彈牙，皮又不會溶爛。正。鮮竹卷:老公最愛點心，所以特意點比佢食。平時不感興趣的我亦食了一條。首先獻汁不濃不咸，外層腐竹香口又不會太淋，入面餡料既調味岩岩好。而且由於size較細，食完都唔覺太飽。不錯。賽磅蟹春卷: 聽名已經覺得好特別，不斷想像春卷入面點可能有蛋白滑，但原來真係可以做到ga。外脆既春卷皮入面包住蛋白，而蛋白仍然滑溜，不油不膩又keep住香脆，高水準之作，絕對值得一試。鳳爪排骨飯:正常，美味。整體而言，上菜有效率，味道不會過濃或過咸，除此之外，最欣賞是每件點心size小巧，可以令人試多幾款又不會太飽。…Read More

自從懷孕後，實在太耐冇出街食西餐。趁我仲有幾星期既放縱時間，再加上朋友就黎要移民外國，決定相約兩位好友黎DOUX見多幾面😊😊DOUX空間感大，藍色燈光令餐廳分外有格調。我地坐既4人位置寛敞不局促。我地今次食了藍青口意粉、burger、同甜品。藍青口意粉: 藍青口肉質香嫩鮮甜，份量亦不少，一碟有成9只。意粉醬汁杰身度岩岩好，可以岩岩好掛係意粉上。整體味道非常好。Burger:離遠已經見到厚厚的牛肉漢堡，再加上新鮮的番茄及沙律菜絲，份量十足。牛肉漢堡的生熟程度岩岩好，配合開胃的醬汁及蔬菜絲，yummy。旁邊的炸薯條亦絕不遜色，見到薯條仍有薯皮，咬下去啖啖薯仔味，令人忍不住一口接一口食唔停。甜品:擺設十分吸晴，顏色美豔，視覺上已經十分滿足。外表是carrot食落去原來是cheeze cake，甜品不會過甜，岩岩好，令今晚的晚餐劃上完美句號。…Read More

去到懷孕後期，同事提我要食下芝麻糊，除了有助排毒、令bb頭髮烏黑外，黑芝麻富含鈣質，有助bb吸收足夠鈣質之餘，亦免媽媽缺鈣。提起芝麻糊，除了想到佳佳，亦會浮現港記。港記芝麻湯圓出色外，佢既芝麻糊亦係人氣no.1。芝麻香濃，濃杰適中，甜度岩岩好，食一整碗亦不會甜到口乾。真心推介。…Read More

今日與好友黎到呢間台式火鍋店。一向對於台式火鍋印象不錯，尤其是湯底，所以對於今次晚餐亦滿有期望。一入此火鍋店，感覺古色古香，以木為主既裝飾，再加上台與台之間有足夠空間，令人感覺清靜舒適。坐底後，我們先選湯底。雖然只有6款湯底，但正所謂貴精不貴多，每款都非常吸引。最後點了最愛的酸菜白肉鍋。湯底酸香，配料酸菜白肉越滾越好味，令人越食越開胃。我們點了其他配料，包括手切牛肉、即炸嚮鈴、黑柏葉、墨魚滑、水餃拼魚皮餃、雜菜拼盤。現時只要like facebook及打卡，就可以有一杯免費指定飲品。我們選了自家制杞子菊花圓肉飲品，非常潤喉透心涼。手切牛肉: 牛味濃，脂肪香。正。即炸嚮鈴:呢個係必食、必食、必食!!!我們一致推介!!!直接放入口新鮮、熱辣、香脆、豆味濃。如果落火鍋燙3秒，吸收了湯底的味道，又是另一番滋味。黑柏葉:爽脆，但記得只可焯3秒。墨魚滑:新鮮、有墨魚鮮香、口感爽同彈。水餃拼魚皮餃:水餃餡料豐富。魚皮餃香口。有水準。雜菜拼盤:真開心，有我最愛的粟米、淮山、秋葵。款款都很新鮮。…Read More

很久沒食公和的豆花了，依舊滑溜並帶有豆香味。同時非常欣賞豆花是暖，岩哂依家嚴熱既天氣進食。食了一啖老公的凍豆花，發覺我的堅持是沒錯的。熱豆花比凍豆花確實是較滑溜，哈哈第一次食三寶，有魚腐、豆腐、豆卜，每樣各兩件。豆腐勁有豆香味，不過老公嫌上面的魚肉太薄太少:(我最欣賞豆卜，豆卜皮又薄又脆又香，連埋入面既魚肉一齊食，口感及味道平常平衡。而我老公最欣賞魚腐，夠厚夠脆夠份量…Read More

今日路過深水埗，當然不會放過食盡當地小食。呢間就係其中一間想試的店舖。早排係灣仔食過另一間既生煎包，今次可以好好比較兩間店舖。呢間店只有堂食，沒有立食。價錢$32/4粒亦比另一間貴$2。原本想堂食，但見到外賣$28/4粒，價錢較平，而且我地趕去另一地點，就決定外賣再係街頭即食。等了一陣就有一盒生煎包，我地即時在街口立食，打開外賣，發現沒有提供醋，即時有點失落，不過算了吧。有了上次經驗，我先在生煎包上開了小孔，再吸取肉汁。講真，沒有比較的話是ok的，但與之前那間比較下，呢間肉汁沒那麼甜。再咬一口，發覺肉質比較淋身，於我而言係太淋身了，不合我的口味。而包底比另一間較硬身有少少脆，但絕對可以再脆d。總括而言，不是很難食，但不是我杯茶。…Read More