Stephenlau1989's Profile

屯門新開無耐既新加坡美食，襯5點幾無咩人同埋仲係下午茶時段就入去試下。叫左海南雞飯同喇沙米線。海南雞飯外表有啲似亞參，海南雞份量多同比較瘦無咩肥膏，雞飯就咸左啲，點雞既酸辣醬原來唔辣，通常出面食海南雞佢呢個醬都係會有少少辣的，雞湯一般有啲偏咸。喇沙米線份量都幾多下，有蝦、魚蛋、魚片、通菜、豆卜，湯底有啲辣不過幾香椰奶味，最正係豆卜索哂啲喇沙湯超好食，另外米線都幾爽口，值得推薦。價錢方面下午茶算底食，晚飯時段差不多貴二十蚊一樣…Read More

之前睇過好多咖啡推介同網上youtuber介已經知道屯門有間咖啡店評價價幾高，成日都想去試不過地點有啲奇怪，基本上成條街係得佢一間咖啡店，今日難得路經即刻去試下。店舖本身細細但沖咖啡既位入面有成三個員工係到都幾迫下。店員見我地企左係門口主動出黎問我地想堂食定外賣，仲拎埋個menu比我地慢慢睇。最後決定只買一杯熱cappuccino 拎走試下。落單個陣店員會介紹有咩咖啡豆選擇同講下咖啡豆既特性。當日有兩款咖啡豆我選擇左只有微酸但有果仁味既一款巴西豆。杯咖啡聞落已經有好香既果仁味，飲落果仁香味同奶味較重，比較溫和，連平時怕苦唔飲咖啡既老婆都話入到口，好適合唔鐘意飲太苦既人飲。咖啡質素係幾高的但價錢要$40杯，屯門區黎講都算幾貴下，不過想間唔中嘆一杯高質咖啡都係一個唔錯既選擇。…Read More

以為中環食野點都衰極有限，點知原來都係會伏，仲要係我人生中食過最難食既野其中之一。盒飯最後我食淨半盒扔左，因為肚餓我先食左一半白飯平時食野我係一粒飯都唔會淨，第一次寫食評就係為佢而寫。好入返正題，呢間西餐廳好多好評，見佢lunch有外賣套餐飯加湯加野飲七十二蚊算係咁啦。湯同野飲絕對無問題，好啦個飯先係重點。首先個飯有咩料呢？芝士，洋蔥粒，三四隻藍青口，幾條魷魚。下？唔係話焗海鮮飯咩？得幾隻青口仔同魷魚粒，不如改個名叫芝士焗藍青口魷魚飯啦。再黎係個芝士同汁，打開蓋啲芝士仲係成塊咁未溶哂，個汁仲離譜，好似用普通生粉開咁，又杰又透明既？就算你搵生粉洗啲魷魚同青口都唔係咁呀麻？以為個飯係焗唔？最神奇係個飯仲熱架喎，拎外賣走之前店員仲好貼心同我講小心個飯好熱，呢樣我比返1分你啦，其餘99分比個飯扣哂，呢間野無下次！…Read More