mayuuu's Profile

本來想試香煎日本淮山,看看有什麼不同？不過朋友説他吃了兩天淮山，不想再吃了，好的，就吃别的吧！菜胆杏汁猪肺好清甜，豬肺只有兩塊比較少竹笙鮑魚菇紅燒豆腐材料都夠，竹笙同鮑菇比例都夠，我就一片竹笙，一邊鮑菇，一塊豆腐，一啖一口蝦籽柚皮鵝掌柚皮煮得好冧，但係唔夠入味，可能係蝦籽問題，有少少腥味，不過可接受，鵝掌好入味，好好食糖醋面生韭黃放在麵底，咁啲熱力令到啲韭王有少少軟，但係又唔會冇咗韭黃本身佢嗰種脆，夾在跟麵加糖加醋一起吃，好味蛋白杏仁茶可能因為太香脆，吃麵後，喉嚨有點不適，就來一個杏仁茶，不太甜，蛋白香，不適感没有了馬蹄卷不太甜，入面仲有一粒粒的馬蹄，好味員工服務很好，會留意你桌上動態，合時處理，謝謝…Read More

上兩個月和老公在這間餐廳吃過早餐, 感覺不錯, 今天再試多一次。初時見到份早餐好似好細咁, 還以為不夠飽, 點知在回家途中, 感覺就來了, 好飽呀﹗老公叫了美式早餐環境不錯, 服務員態度很好, 很溫文, 略嫌細聲了, 有些時候她們覆單時, 我也聽不到。:)整體不錯, 可以過一個似優皮一族的早餐餐廳還有2樓的, 可能上左樓就係秘密了…Read More

因為老公比較鍾意食西餐。所以今晚選擇了公司附近的西餐廳。餐廳比較小, 客人不多, 但每只有三張枱"吉"出來。心想, 都好吖﹗起碼唔會一個人都冇。老公要了黑椒牛柳配薯菜。我要了蒜蓉汁西冷牛扒配薯菜, 。薯角新鮮, 熱呼呼的, 老公就食哂, 但我怕熱氣, 所以唔敢食哂。:)配菜有西芹, 甘荀同青瓜, 有菜本身的甜味, 所以我食哂d配菜。:)初時點菜時都好驚吓, 因為落單果位仁兄問我地要幾成熟, 我同老公都係怕食生嘢嘅人, 所以老公要全熟。我就要八成, 總之唔見血就得。阿仁兄答我話牛柳就全熟都冇問題, 不過西冷熟就會"un"。好似如果西冷靚嘅話, 全熟都會"淋"架喎﹗先上湯, 因為有飽, 所以要左羅宋湯, 湯比較稀, 不過飲唔到味精。先來個黑椒牛柳 - 全熟都好淋, 需然牛肉味少些。不過都唔似出要有d牛肉味都冇。我個西冷嚟到一切, 咦﹗唔錯喎﹗都好淋喎﹗而且蒜蓉汁好香。:)仲有個什果涼粉做甜品。其實最令我印象深刻係侍應的態度, 因為我在差不多食完主菜時, 就點了飲品同送上了甜品, 我放下叉不久, 侍應就來收碟, 平常收咗碟就走, 但個侍應就順手咁把我嘅甜品放到我面前, 飲品就放在右手邊。這動作令我覺得很好, 還有一點, 因為喉嚨不好, 不能飲凍飲, 但又不想飲熱, 所以就點了凍檸茶, 要淡, 小小小冰, 通常這要求好多都唔啋我, 因為小冰的話, 佢就會比多左茶我, 所以多數唔啋我, 咁杯茶嚟到我就自己"畢"冰, 但佢地真係有聽我講, 感覺是一間重視顧客的食肆。所以我都幾鍾意。會再來。由於是新手的關係, 忘記了影相, 相信下次會記得仲有係冇加一架…Read More