manlai88's Profile

星期六約左朋友係尖沙咀行街，夜晚係厚福街一間樓上居酒屋食飯。餐廳裝修簡約，也有獨立房間可以預約。我哋叫左幾款串燒炸物，其中推介燒牛舌芯，口感彈牙, 爽脆多汁。雞心燒得好嫩滑, 非常有嚼頭。黑豚腩肉燒到外層酥脆，肉質爽口而不肥膩。南蠻炸雞，炸得香脆，軟嫩多汁，配上特製他他醬，酸甜開胃。另外，蒜蓉燒茄子, 原條茄子加入孜然份和蒜蓉燒, 入口軟綿多汁, 完全唔會好油膩。鰻魚炒飯，鰻魚厚實，飯粒炒得乾身，食落好惹味。最後叫左蜜桃梳打，味道香甜解渴。…Read More

星期日約左朋友去啟德sogo行街，夜晚係雙子匯既餐廳食飯。餐廳主打泰國菜，6點幾已好多人等位，我哋叫左幾款食物，日本南瓜焗海鮮飯，用上原隻日本南瓜，加入魷魚，蝦和青口等海鮮，再鋪上芝士南瓜蓉焗，椰香味濃。辣椒膏炒大蜆，蜆肉新鮮，用辣椒膏炒，微辣惹味。鮮蝦米紙卷, 入面有蝦, 生菜和檬粉等材料, 配合特製醬汁, 味道好夾。另外，串燒叫左雞肉，豬肉和牛肉， 串燒燒得啱剛好, 有炒少焦香, 肉質鮮嫩, 配合香濃醬汁食, 十分香口。最後叫左芒果沙冰, 入面有芒果粒, 口感綿密, 甜度剛好。…Read More

星期日朋友新居入伙, 我哋下午去左佢屋企玩。夜晚係紅磡搵左間餐廳食飯。餐廳裝修簡約，主打台灣菜，我哋叫左幾款食物，豐盛牛肉麵，入面有牛筋、牛腩、墨丸和貢丸等配料。湯底濃郁，牛筋、牛腩都炆得軟淋入味，麵條煙韌，非常掛湯。夜香小香腸乾拌麵，香腸烤得外皮香脆，咬落去好多汁，配合蒜片一齊食，十分惹味。另外我哋叫左款小食，鹽酥雞炸得酥脆, 雞肉嫩滑多汁。最後叫左蜂蜜綠茶，蜜蜂滋潤，味道剛好唔會過甜，也可以解膩。…Read More

星期日約左朋去行街, 我哋之後去左太子一間cafe食飯，慶祝佢搵到份新工。店內裝修簡約，環境幾舒服。我哋叫左2人餐，入面有小食、餐湯、兩個主菜和甜品。忌廉雜菌湯，口感軟滑，味道香濃。柚子蜜糖雞翼，酸甜開胃，酥脆可口。黑松露粗管雜菌通粉，黑松露味香濃，粗管通粉煮得好creamy，口感煙韌。香煎味噌比目魚，比目魚煎得香脆，魚肉嫩滑，配搭有紅椒，蘆筍和薯仔等，十分開胃。最後叫左阿華田牛角窩夫，窩夫外層香脆，口感煙韌，淋上阿華田醬，配上雲呢拿雪糕食，味道更佳。今晚傾得好開心，下次同朋友可以再試其他款式。…Read More

星期日同朋友去啟德商場行街，夜晚去左新蒲崗食飯。餐廳位於景福街，主打海南雞，夜晚都好多人等位食飯。我哋叫左幾款食物，海南雞飯, 肉質嫩滑， 油飯軟硬適中，充滿雞油香，配埋薑蓉、黑鼓汁等醬汁，味道更佳。安格斯肉眼扒滑蛋飯，牛扒肉質軟淋而且肉味濃郁, 雞蛋炒得滑溜，食落十分開胃。我哋另外叫左兩款小食，無骨鳳爪配上酸辣醬汁，口感爽脆。吉列炸蠔，生蠔炸得酥脆，鮮嫩多汁，伴上自製醬汁，十分滋味。香芋奶茶，芋頭味香濃，味道清新。…Read More

朋友係太古返工，星期二約佢係附近食飯，呢間來自新加玻既餐廳，朋友之前去新加玻都有試過。我哋今次叫左幾款食物，海南雞飯，雞肉肉質鮮嫩， 伴上自製既辣醬，薑蓉和黑鼓油等醬汁，味道濃郁。雞油飯，粒粒分明，吸引了雞油的香氣，伴碟還有青瓜，食落清爽解膩。酥炸椒鹽豆腐, 豆腐炸得乾身不油膩，外脆內嫩，配合特製醬汁食，十分開胃。火焰沙嗲串串，包括牛肉、雞肉和豬肉，燒到微微焦香, 肉質嫩滑, 配合香濃沙嗲醬, 十分惹味。最後叫左芒果糯米飯，糯米飯軟糯，椰香味濃，芒果鮮甜。…Read More

星期六約左朋友打波，夜晚我哋去左銅鑼灣食飯。因為做完運動，唔想食飯，朋友提議食餃子。餐廳有多款餃子和雲吞選擇，全部新鮮自家製，我哋叫左幾款食物，軟心芝士餃，入面有芝士、粟米和豬肉等餡料，餃子煎得好香脆，即叫即煎，芝士味濃，咬落去有流心效果。餐廳亦提供多款醬料，令到餃子味道更豐富。另外，韮菜餃子麵，韮菜新鮮，咬落去好多汁，面條爽口，湯底鮮甜，配合自家製菜鋪辣椒醬，味道更佳。飲品方面，我哋叫左檸檬薏米水，可以去濕清熱, 啱晒夏天消暑。…Read More

朋友黎緊返加拿大，星期日同佢行街, 夜晚去左佐敦食飯。餐廳主打泰國菜，我哋叫左幾款食物，封門牛柳船麵, 牛柳肉質軟腍，豬皮炸得香脆， 船面湯底濃郁帶有甜味。泰式豬肉生菜包，豬肉炒香微辣惹味，配搭爽脆既生菜食，十分開胃。泰式冬蔭功湯, 材料豐富, 有大蝦秀珍菇等, 味道酸辣濃郁, 十分開胃。泰式沙嗲雞肉串燒，雞肉燒得焦香嫩滑，配合沙嗲醬，十分惹味。最後叫左芒果沙冰, 入面有新鮮芒果粒, 口感綿密, 味道香甜。餐廳坐座闆落，係度食飯傾計都幾舒服。…Read More

星期同日朋友夜晚去左尖沙咀食韓國菜。餐廳由韓國人主理, 主打傳統韓式家庭料理。我哋叫左兩人套餐, 入面有一款湯, 三款主菜和12碟小菜。餐廳上菜方式好特別，用木板將所有菜一次送過黎，排場感十足。小菜有12款, 全部係新鮮自家製，其中最推薦係泡菜和炒粉絲，泡菜微辣口感爽脆，粉絲炒得好入味，彈牙爽口，十分開胃。雞肉章魚火鍋， 雞肉嫩滑，湯底清甜，章魚彈牙。醬油蝦，吸引了醬汁味道，肉質新鮮，結實又富彈性，味道鮮甜。鰻魚外皮烤得酥脆，魚肉鮮嫩，沒有腥味，配合生菜，泡菜，薑絲和蒜頭包著食，可以去油膩，口感更住。餐廳好適合一班朋友黎聚會，如果黎食最好預早book位。…Read More

星期六同朋友去灣仔行完動漫節後, 夜晚去左旺角食飯。今次去左一間樓上cafe, 餐廳座位寛敝，入面擺左好多boardgame, 好啱同朋友過黎玩。我哋叫左幾款食物，香辣虎蝦海鮮意粉，入面有青口，虎蝦，魷魚和蜆肉等海鮮，虎蝦肉質彈牙，意粉煮得剛好，微辣惹味。黑松露意大利飯，黑松露味香濃，意大利飯口感煙韌又有咬口。另外叫左兩款小食，椒鹽魷魚鬚, 酥脆香口, 魷魚鬚爽口彈牙。越式炸蟹餅，炸得鬆脆，配合特製醬汁，十分開胃。最後叫左豆腐芝士蛋糕，味道清新，口感細滑，甜度適中。…Read More

星期日夜晚係尖沙咀搵左間法式西餐廳，同朋友慶祝生日。餐廳裝潢華麗，周圍都有好多花既擺設，好適合黎打卡。我哋叫左個兩人晚餐，前菜凱撒沙律，生菜新鮮爽脆，還有蕃茄和鬆脆既麵包粒，配上自製既沙律汁，十分醒神開胃。主菜要左火焰牛扒，上碟時職員會係牛扒上淋上威士紀酒再點火燒，造成火焰牛扒，好有氣氛。牛扒外層煎到有啲焦香, 肉質軟腍而且牛味濃郁, 食落好juicy。卡邦尼意粉, 芝士味濃有蛋香，醬汁creamy, 煙豬頰肉口感香脆帶有鹹香味，意粉煙韌有彈性，十分掛汁。最後叫左忌廉芝士雜莓法式班戟，蛋香味濃，口感鬆軟綿滑，搭配新鮮雜莓，味道香甜。餐廳環境舒適，今晚我哋食飯都好開心，同朋友影左好多相。…Read More

台灣朋友黎香港玩，星期日同佢係尖沙咀行街，夜晚同佢去左呢間新開既餐廳食飯。我哋叫左幾款食物，手工沙嗲手切牛肉沾麵(火鍋)， 沙嗲湯底濃郁，帶有花生香，不會好鹹，牛肉新鮮嫩滑，牛肉味濃，麵條掛汁，吸收晒沙嗲湯底既精華。鮮蕃茄湯手切牛肉牛筋丸麵，湯底用新鮮蕃茄熬製，無加味精，味道酸甜開胃，仲食到蕃茄粒，牛筋丸彈牙多汁。另外也叫左幾款小食，涼拌百葉豆腐，口感軟綿，豆味香濃，配合佢既醬汁，食落十分惹味。花枝丸炸到好酥脆，食到有墨魚粒， 彈牙爽口。朋友今晚食得開心，覺得味道唔錯。…Read More

趁著假期，約左舊同事去左尖沙咀一間酒吧餐廳食飯。店內環境寛敝，擺左好多植物，亦有不同既娛樂設施，可以玩飛標和唱K，有獨立VIP房，可以下次約埋一班朋友過黎玩。餐廳主打泰國菜，我哋叫左幾款食物，明爐冬蔭公烏頭，湯底酸辣開胃，配料有秀珍菇，蕃茄等，烏頭炸過比較好香，肉質結實，完全無魚腥味。泰式香芒蟹肉炒飯，蟹肉份量幾多，芒果夠甜，兩者味道好夾，飯炒得夠乾身又唔會好油。泰式燒菇子，用辣椒和蒜蓉原條燒，外層燒到微焦軟淋，味道濃郁。最後叫左杯泰式珍多冰，椰奶味濃，粉條煙韌爽口。…Read More

假期約左朋友係銅鑼灣食飯。今次去左呢間天台酒吧, 佢位於30樓頂層, 室外環境舒服, 可以望到跑馬地馬場，也睇到維港景色。我哋叫左手工啤酒套餐，可以揀6款啤酒, 其中幾款生果味啤酒好啱女仔飲，好椰混和椰子和檸檬味道，飲落好清新。花有茉莉花香味，味道酸甜，較易入口。桃寶有好香桃味，茶香味濃。另外, 我哋亦叫左幾款食物，瑪格麗特薄餅，用上羅勒葉、水牛芝士、蕃茄醬造成，餅底鬆脆，芝士味濃，口感煙韌。香辣油封鴨肉意粉，鴨肉嫩滑，加入辣椒和醬汁炒香，食落十分惹味。蕃薯薯條炸得好香脆，配合蛋黃醬食，味道更好。呢度環境好relax, 好適合同朋友飲酒黎傾計。…Read More

星期日朋友生日，我哋去左觀塘一間cafe食飯。店內環境寛敝，入到去已經坐滿人，如果假日黎最好預先訂位。我哋揀左四款菜式，蜜糖芥末雞翼炸得好香脆，配合濃郁既蜜糖芥末醬，十分惹味。自家製千島醬雞肉pizza，佢既餅底焗得鬆脆，雞胸肉嫩滑，加上酸甜既千島醬，味道唔錯。帶子喇沙海鮮意粉，帶子鮮甜彈牙，喇沙味道濃郁, 意粉微辣但好掛汁。最後叫左芒果斑斕糯米窩夫，窩夫外層香脆，斑斕味香濃，口感煙韌，配上椰子雪糕，味道更佳。呢度好適合同朋友聚會, 下次黎可以試下其他窩夫。…Read More