banalai's Profile

想當年淨係得佢一間嘅日本拉麵係最正宗就覺得佢好好食成日早起身走去排隊，依加拉麵店開到一街都係，將佢同其他拉麵店比較先發覺佢個湯底有啲偏咸，尤其係"豚王(原味)"以外嘅"王"。所以唔鐘意咁喊嘅朋友可以係香味油同秘製醬油果度揀"少"。除左"豚王"之外其他"王"都有一舊半圓形嘅醬，舊肉嘅色就代表唔同嘅味，但個base都係"豚王"。"豚王"係88定唔知9蚊，其他王係95蚊。全部拉麵會包兩塊肉，可以揀肩肉或腩肉。我次次去食都淨係會揀肩肉，比較薄身但好大塊。我分別食過翠王同黑王。翠王:主要材料係巴西葉同芝士粉。睇啲材料似意粉汁好似好怪咁，但係又啱味架喎。個湯好香豬骨味，加上巴西葉別有一番風味。黑王:主要材料係肉碎同黑蒜油。上面講果個半圓形嘅醬偏咸，所以其他有味嘅嘅都可以揀。…Read More

其實去之前已經知得一罐野飲，但諗住佢水都有比人呱?或者再叫野飲唔會好貴。但sorry佢一滴水都冇同埋所有野都要加錢仲要係海洋公園價錢。18蚊一罐野飲，5蚊一杯冰，30蚊換個網，依個價我可以去其他地方食差唔多質素嘅燒肉放題仲要有埋野飲。同埋啲汁好怪，有一個係普通燒肉汁但點極都冇味所以我寧願點豉油，然後其餘果兩個汁係泰色汁，九唔搭八，我都冇用過。食物：都有好多種類，燒嘅有牛，豬，雞，海鮮同菜。其餘都係放題會見到嘅野，雪條做做馬要like佢地個page又要share又留言先有得食。壽司，小食同熟食我地叫得唔多，但我地叫左雞軟骨，炒雜菜，凍豆腐；壽司叫左燒和牛，黑松露帶子，有海膽果個唔知咩。雞軟骨同豆腐冇咩特別；炒雜菜好食同好香，有好多木魚係面頭；以上3款壽司都好食，壽司啲飯唔大舊，唔會係塞飽你果啲。刺身：三文魚：都ok，唔可以話好好食但夠厚；甜蝦：有我隻中指咁粗，好鮮甜燒：肉類我地淨係食左牛同豬(有雞肉)牛：牛肉粒好靚，但要燒得啱啱好先好食；牛舌唔係厚切，但都好食好重牛肉味；薄果啲牛肉(唔記得咩名)睇就靚但有筋，同埋因為未解雪所以燒左之後啲肉汁比啲雪水沖淡左啲。豬：薄果隻豬肉(又唔記得叫咩sor)燒果時有個男人(應該係老細)幫我地燒，然後佢話加啲鹽就咁食好食啲，食落又真係好食過點汁食;有一款係卷住啲菜果隻好食，唔係好大舊，係最light之選；有一款佢話係辣嘅同埋張相係卷埋一舊好靚咁嘅，黎到唔係卷埋又唔係辣，我同我個fd食完都唔知係果個黎...海鮮：蝦：必食！好甜好新鮮，新鮮到痴殼！建議唔好燒太耐，如果唔係會好乾。蠔：比左咁多錢又冇野飲，放題克星嘅我唔會蝕，同我個fd一人半打(合共一打)。好好食，重海水味，creamy，乜都唔洗落燒完就咁食。但唔識燒嘅朋友一定要問啲職員點燒佢地會教你。多春魚：好難燒因為好快痴網，味就冇咩特別。魷魚仔：好食，好香又唔係大，唔會好飽。總結係店員好nice會教你同幫你燒，任食黎講啲野食都唔錯。但水都冇滴就有啲過份，雪條又要做馬先有得食。如果唔食得多建議唔好去依間，如果自問同我一樣係放題克星請你快啲黎。…Read More

成日經過都見佢排哂隊咁就黎試下佢係咪咁正。餐廳嘅bakery係open kitchen,最多人睇就係啲師傅用火槍燒緊個lemon meringue tart嘅時3，可惜我唔好檸檬咪嘅野。入到去的確有一種去左外國嘅feel,窗邊位大部分都有太陽遮(雖然冇太陽)，佢應該係想比人有一種去左外國嘅feel，可惜service唔係外國嘅feel。帶枱員帶我同咋一個朋友坐低左之後水都冇一杯，又冇人黎問我地落唔落野，想叫人又冇人係乎近。等左大約10分鐘終於搵到人落野。我點左個Raspberry truffle cake同熱咖啡。Raspberry同朱古力不嬲都係絕配，超濃朱古力味加上Raspberry嘅香味，連埋個朱古力脆底一啖啖食落去真係好正。我朋友點左個Quesadilla with chicken. Jalapeno. Cheddar cheese同Blueberry cheesecake. 個Quesadilla涵雖然似pizza多果似真正嘅Quesadillas，但當pizza咁食都好食。個blueberry cheesecake好重芝士味，一食就似佢落足料，仲有好大陣檸檬味。…Read More

因為佢開得夠夜所以放工放得晏嘅人士可以黎依度醫醫肚我同另一位朋友收工晏左(11:30)又突然想食韓燒，所以就黎左新麻蒲，收凌晨一點嘅韓燒應該唔多。我地叫左個248嘅歡樂時段BBQ套餐，個餐包括：前菜(爐邊烤蛋，黑芝麻醬沙律，泡菜，辣蘿蔔絲，應該仲有不過唔記得)，護心肉，豬頸肉，五花肉，牛肋排肉，雜錦拼盤(年糕，蘭菇，大蝦)，加兩杯半價飲品：藍天檸檬汽水，覆盆子紅酸汽水再散叫芝士蠔拼牛油帶子(燒)及海鮮嫩豆腐鍋各一客前菜：黑芝麻醬沙律個醬好香好特別，如果有得買一支我一定會買;泡菜同辣蘿蔔絲夠哂辣好開胃;爐邊烤蛋有泡菜係底，又香又脆，可惜我地唔記得左食所以啲蛋老左太乾身，建議你地等啲蛋一成型就食。肉類：二人套餐但每客肉得三件叫人點份?味道一般，冇咩特別。雜錦拼盤(年糕，蘭菇，大蝦)：年糕我地已經睇住黎燒，根本就燒唔到因為個皮好易硬然後咬都咬唔到，可能係我地唔識燒;大蝦係用煙肉包住，但唔覺得佢係大蝦只係中型蝦。芝士蠔拼牛油帶子芝士蠔係用錫紙兜裝住嘅，但應該係啲蠔嘅水佢地冇整乾，因為我知煮芝士有太多水啲芝士好一舊舊所以我地要中途倒左啲水。我朋友食完有啲肚痾但我冇事，唔知係咪佢啲水唔乾淨??? 牛油帶子係原隻加大量牛油所以超好食，亦好新鮮，但好難燒因為個帶子一斜左啲牛油就會掉落個火度然後好搶火，有一下差啲燒到我隻手。海鮮嫩豆腐鍋：海鮮係有一條中蝦，蝦仁同幾隻蜆，個湯飲唔到有海鮮味，好似飲左一碗辣嘅水咁。藍天檸檬汽水其實係檸檬梳打汽水，都幾清新;我朋友話個覆盆子紅酸汽水似大家童年啲車里子味藥水，我見佢飲得好辛苦…Read More

建議減緊肥嘅朋友唔好去 因為佢地嘅炸野超好食超有水準！芝士炸鮮魷：冇錯，佢係三高人仕最怕見到嘅魔物。芝士汁係芝士龍蝦伊麵果隻芝士汁，不過唔係次次去食都咁濃芝士味，但彩數好嘅話就真係好正。至於個鮮魷就一般，因為唔係舊舊都好食，有啲好厚粉有啲啱啱好，都係果句，睇彩數唔知叫咩但有粉絲同蜆嘅湯：我平時都唔係好好有湯嘅野但係依個湯真係好正(我飲左4碗)，個湯有好重嘅魚味，但又唔腥因為有好大陣胡椒味，蜆肉嘅味比啲粉絲索哂超好食。椒鹽九肚魚：炸得啱啱好，外脆內軟，軟係非常軟軟到好入口即溶。記得依個一定要襯熱食椒鹽豆腐：香港好少地方可以做到依個水準，又薄又脆嘅金黃色外皮咬一啖係又軟又香嘅豆腐…Read More

完全唔明點解有人會覺得好食 又貴又唔好食原味台灣牛肉麵($45)：食第一啖麵有少少酸嘅感覺 好似啲cheap鳥冬嘅酸味，但牛肉都ok，夠咪同夠林。滷蛋豆腐肉燥飯($34肉燥仲要+$5)：重點黎啦，我第一眼見到依個飯我有一種大陸工廠放飯嘅感覺，啲所謂肉燥少到離哂大嫂，個人覺得食肉燥飯嘅最興奮之處就係見到一pat肉燥淋係個飯度然後食落係啖啖肉架嘛，啲肉燥仲要冇味。因為係我呀哥叫嘅，我見佢咁慘唯有比舊牛肉佢…Read More