NiceBasePolly's Profile

剛開完會， 隨意搵一間餐廳食afternoon tea, 竟然發現到一間環境舒適， 靚街景， 價錢仲有驚喜嘅餐廳， 好開心， 享受悠然自得 me time, 經歷過第五波疫情， 更懂得慢活人生， 享受和珍惜此時此刻。食完嘢， 落緊雨 ， 好彩行落商場樓下就係地鐵站口，唔使開傘。😄放開心懷， 享受屬於自己嘅開心和輕省時刻。🏖放慢腳步，聆聽生命之樂，別錯過花開的聲音，珍惜身邊的風景，從容的生活。#放慢速度 #簡單生活 #慢活就是平衡 #怡然忘憂 #悠然自得…Read More

今晚好開心， 大飲大食，2位壽星女靚靚甜蜜合照😍，仲有好友帶來口感順滑，餘韻悠長啲 France Grange Du Midi Merlot 2019 法國南部麥廸梅洛紅酒💞，哇， 堅記堅好食！🤩👍🏻仲有種子商學院，簡單而隆重的起動禮，🌅 超正。🏆感恩人生路上，有妳有我， 共創富足人生。💝第一次去堅記食嘢， 馳名潤肺養顏杏汁豬肺湯，果然真材實料， 名不虛傳。🤩👍🏻 仲有秘製南乳骨， 鬆脆可口的椒鹽九肚魚，超好食， 美饌佳餚，齒頰生香， 好幸福，好滿足呀。😋😍👏🏻👏🏻👏🏻感謝堅記農家菜館老闆 ，熱情款待， 完全感受到圍村獨特啲人情味 ， so warm and sweet.😍😃…Read More

交通方便，地點就腳， 係選擇去呢間餐廳食早餐嘅原因。每次重遊舊地， 會回想起曾經同邊一位朋友到此一遊， 享受美點。記得當日與他 在此分享生活， 分享 amazing grace, so warm and sweet.每次同朋友去到一間餐廳 ，會拍照留紀念，最重要嘅唔係打唔打卡， 喺社交平台有冇人like， 最重要係 留著此美好時光， 難能的一刻。曾經去過呢間集團餐廳，港九新界分店好多次， 食物和環境清潔度 keep 住水準， 唔會有太大嘅驚喜， 侍應生服務一般水準。反而欣賞佢哋嘅選址， 地點真係好方便， 值得讚。…Read More

今日中午去長沙灣購物後， 突然想起去意樂食午餐， 志在夠方便。 又可以一個人安安靜靜，去享受食物。鍾意呢間餐廳地方夠大， 座位多 ，大部分時間都唔需要等位， 店舖在一樓， 主要做熟客， 所以 唔會太多人， 太嘈。由於呢間餐廳近教會, 好多時候都會同弟兄姊妹嚟食tea or dinner, 原來幫襯呢間餐廳超過30次啦。食物並非超級好食， 地方夠大係它優勝之處， 有空間感。 同姊妹談心， 傾下內心世界， 抒發情感， 這裡都係一個唔錯嘅選擇。值得推介 Tea time, 真係好抵食。…Read More

今晚6時半，經過星洲總廚門口， 竟然冇人排隊。我老公泰拳教練唔鍾意等位， 佢通常唔會選擇要等位和限時嘅餐廳。今晚佢見到咁方便就話入去食，之前食過兩次， 知道佢嘅食物有質素和特色。厚切豬扒飯好好食， 豬扒好鬆脆， 由於泰拳教練太肚餓喇， 所以幫唔到啲豬扒打卡。其實呢間餐廳嘅擺設都好有特色， 舒適嘅環境， 可以減壓， 心情可以放鬆吓。食物方面， 感受到主廚嘅心思， 好有heart, 我見到其他人嘅食物，都擺設得好靚， 值得加分。…Read More

媽媽因為年長，經常要去瑪嘉烈醫院覆診， 有小巴由醫院去美孚， 好多時候，都會同媽媽喺美孚相聚和食午餐。老人家都係鍾意去飲茶，嘆下茶食個包， 傾下閒偈， 她就好開心。以前年輕唔鍾意去飲茶，覺得好嘥時間， 而家喜歡享受慢活嘅生活 ，感悟人生。百樂門已經成為美孚地標之一， 午餐和晚餐都食過超過30次， 喜歡佢嘅環境夠寬敞，舒適， 大部分嘅侍應生都好有禮貌。最重要係位置好， 搭西鐵同地鐵都好方便， 媽媽嘆完茶， 行幾分鐘就可以搭車返屋企。…Read More

My sister 推介嘅一間特色餐廳，環境優美， 鬧市中的綠洲。好開心，今日在這裡，同家姐談談情說說笑，輕鬆寫意，人生一樂也。3d Coffee， 一見到佢就好開心。 香港人嘅開心指數越嚟越低啦， 難得尋找到一個在鬧市中 可以提升開心指數嘅地方。食物品質有質素， 感受到烹調者嘅心思， 擺設都好靚， 值得打卡。一般來說，我唔鍾意去限時嘅餐廳， 唔可以盡興， 完全享受自由啲氣息。希望在市區可以多啲 ⁶這一類型嘅餐廳， enjoy our Me time.😍🤩…Read More

朋友生日聚會，選擇去這間餐廳， 第一次來 this restaurant ，比我嘅印象， 雖然位置並非是最好， 而裝修，環境和擺設別出心裁，感覺到店主嘅心思。:)店舖座位並非太多，我哋到樓上雅座， 雖然坐得有點擠迫， 而店主的熱情款待， 用心推介食物， 又可以為這餐廳加分。由於我們十幾人 共享晚餐， 傾下講下，時間實際上過得太快 ，所以都唔係有太多時間可以影相， 實在有啲可惜。如果喜歡打咭一族， 呢間餐廳值得去， 因為他的擺設可以 滿足到喜歡盡情地打咭的你， 哈...哈。…Read More

在旺角行街，行到有點疲倦， 無意中見到 呢一間餐廳, 比它的 別出心裁的裝修吸引， 所以想入去品嚐。 我覺得一間有心思去裝修嘅餐廳 ，他的食物質素 一定 有番咁上下水準， 果然食物質素， 包括色香味， 環境裝修， 侍應態度我都好滿意。:)最重要喺在旺角地帶，竟然有一個咁寬敞嘅地方，可以慢慢享受 一個人的High tea， Me time.舒適寬敞嘅環境，令人心曠神怡， 營商路上，實在太繁忙啦， 身心都好疲累， 好需要一個休息，叉叉電嘅地方。休息是為了將來可以走更遠的路。…Read More

餐廳外部裝修時尚舒適， 白色嘅框架，整體嘅感覺， 吸引了我嘅目光。近日繁忙， 想去一間可以讓身心靈放鬆一下嘅餐廳， 同家姐輕輕鬆鬆傾下偈。食物嘅質素果然有水準， 感覺到他們用心烹調， 別出心裁。侍應的服務態度， 有禮貌有親和力， 笑容親切， 讓人感到舒服， 有賓至如歸嘅感覺。The One， 由於地點交通方便， 有好多間餐廳都好有質素， 所以好多時候都會相約家人好友到這座 building去 High tea.今日好開心可以同家姐有一個好有質素嘅溝通， 一個開心難忘嘅high tea.…Read More

一大班朋友 一同慶祝，今次點選觀塘區嘅酒樓，酒樓位於觀塘帝盛酒店1樓，由於交通方便，時尚寬敞，環境舒適， 正合大家嘅心意。從網上媒體中看到此酒樓是開業近20年的順德菜館老字號，主打正宗順德菜，老闆兼主廚曾獲法國藍帶騎士勛章，酒樓於順德自設魚塘，確保魚穫新鮮無污染，擅長炮製新鮮靚河鮮、特色小炒，更會定期推出新菜式，保證有驚喜， 顧慕名而來。首次光顧品嘗招牌菜 ：太子成名脆皮咕嚕肉 （ 外脆內軟好好味）, 千島大蝦球 （ 有水準 ）懷舊大良炒鮮奶帶子蝦粒 （ 有驚喜）。值得一讚係店員嘅服務態度，細心招待， 使大家開懷暢聚，人生一樂也。…Read More

朋友家住荃灣 ，想搵一個地方大家好好享用晚餐， 南小館係一個不錯的選擇 ，尖沙咀南小館 係我經常到嘅地方， 很多時候同商界朋友都會在此飯局， 位置佳，環境舒適，食物質素和 員工服務態度有一定嘅水準。我欣賞此間餐廳的管理， 各項細緻都做得好好。荃灣店舖由於位置佳， 每次都有好多顧客光顧， 尤其是一家大細， 所以比尖沙咀店較嘈吵。每款食物均有一定水準， 特別喜愛 燻魚, 四小拼, 鮮肉小籠包, 雞絲粉皮等。今晚大家在輕鬆愉快嘅環境下享受美食， 分享生活趣事， 人生一大樂事。…Read More

路過太子 竟然見到熟悉的名字， 午餐時間不妨一試， 好彩 只需等五分鐘就可以入座， 有朋友曾經提及過此餐廳 ， 之前亦想品嘗一次， 竟然在巧合間， 與餐廳結緣。朋友們都稱讚金鳳嘅扒類煮得出色， 門口擺設已見證歷史悠久， 餐廳內的裝修， 相信也是歷史嘅見證。餐廳環境對我嚟講最重要係 "整潔"， 這方面他們處理得好好。 今日點選扒類， 果然名不虛傳， 有質感。由於面積不大座位比較擠迫， 但仍然有好多捧場客，這證明了餐廳的實力。有些長者前來光顧 ，可能這是他們懷緬過去的地方，或有一些人生珍貴嘅情景，可以在這裏回味一番。 這間餐廳我感覺到有獨特的人情味和親切感。雖然員工工作趕急， 服務態度一般， 而我相信一班熟客係因為同金鳳嘅緣分而來。…Read More

星期六返完晚堂崇拜， 同幾位教會弟兄姊妹去附近，經常吃的酒樓晚飯暢聚， 原來 年近歲晚，餐牌已經更新了， 散餐價錢大約 $1xx 一個餸, 所以我哋決定選半席 金鼠迎春全包宴， 一般酒席菜式沒有太大的驚喜， 反而 糯米飯做得好軟綿， 恰到好處，薑汁糕味道濃郁清香。由於當日太多訂座酒席， 所以座位比較擠迫， 加上有些公司食團年飯，咪聲聲浪太大， 第一次在星月樓感受到又逼又嘈嘅感覺。反而值得嘉許係員工嘅服務周到， 細心熱情嘅款待， 值得一讚。…Read More

台式風味， 裝修簡約特別， 清靜優雅， 大眾化嘅價錢， 又一個家聚好去處。晚餐精選連香菇肉燥飯及飲品花膠雲腿雞鍋 $70， 香葉三杯雞鍋 $60， 山楂鳳梨雞球 $55。價錢同口味都好適合香港人。 三杯雞是江西寧都的傳統名菜，它的來歷與民族英雄文天祥有關，是八大菜系之一贛菜的一道經典製作。此店三杯雞這道菜色澤醬紅、原汁原味，色香味俱全， 值得一試。我對店舖啲要求， 地方環境一定要整齊清潔。有時繁忙嘅工作後想找一個清淨少少， 舒適嘅地方， 同家人閑談， 輕輕鬆鬆吃一餐飯， 又唔需要洗好多錢， 此店正合朕意。…Read More