Daisic Jack's Profile

社交平台見到佢有優惠。 Happy hour88蚊加10％ pizza同pasta。 book位嘅時候，寫5點鐘入座6點半last order。 可以坐到7點。 點知一入到去。 嗰位服務員就同我哋講要6點半離開因為佢夜晚好Full。心裡面有啲唔份氣。但係既然嚟咗，就算啦照坐低食。其實食物質素係ok嘅。可惜服務員態度甚差，冷氣都係我哋叫先開。唔知係吾係因為我哋食happy hour阻住佢休息。其實我哋坐低咗後。帶來兩枱walk in人客，都算係幫佢哋增加咗收入。但明明同一時段， 佢冇推廣 happy hour特價，叫人掃qr code落返ala carte menu。如果唔想做推廣特價，不如唔好做啦。大大個mon喺出面寫有happy hour。可惜一間餐廳， 只要你請錯一個員工。 就會影響一切。有時真難怪大家要北上消費。果啲網上平台優惠啲服務員幫你用手機㩒到為止。…Read More

星期日午餐四人試呢間sukiyaki 。被安排坐bar 枱,好似好正。但好失望。一坐低,侍應急忙送上每人一份前菜給調味料。還未食完蒸蛋,女廚師已經將第一件牛肉送上。煮得好生,好彩我唔介意。同行朋友有D部分太紅就食唔到。廚師繼續烹調蔬菜同第二件牛肉,好似好趕收工。我個人食過幾間本地sukiyaki店。從來冇咁趕住食。1：15pm 坐低。14:00已埋單。仲快過工作日嘅午餐。講緊係一個價值$480+10%嘅午餐。食物質素係ok既。牛肉係好滑但個人喜愛有D焦香。灣仔果間就會好貼心問你既喜好。可能廚師係日籍,語言有障礙。要重點講最吾掂係白飯。又林,又黐埋一嚿嚿。我未係日本餐廳食過咁差嘅出品。唔知道主廚有冇自己試過味。如果咁嘅質感都可以俾客人食,我會覺得唔似係日本人嘅風範。雖然呢度整體係平過香港島兩間sukiyaki,但食物質素同服務實在係差太遠。…Read More

從FB認識呢間💛小店。再睇下個menu, 果然好有態度, 原全吾係港式西餐。更加令我想試試。6個course menu $498+10%/8個course menu $628+10% 喺葵興呢個吊腳位置認真係好有guts.餐前小食- 先嚟個牛角包加牛油果醬, 夠熱吾錯。4/5薄切油甘魚- ok refreshing 亦食得出有火炙過。4/5椰菜花奶凍配希靈魚籽- 係全餐最驚喜既。Panna Cotta 通常以甜品出現,咸既較少。淡淡而香滑奶凍加埋魚籽配搭恰當。5/5xo醬蟹肉櫻花蝦意大利蛋麵- 麵質好爽身彈牙👍。面既炸洋蔥好香亦增口感,加分既。可惜xo醬味太濃,如果可以食到蟹肉同櫻花蝦既鮮味會更好。3/5法國鯛魚- 魚皮煎得好香脆,但底下既lentils 先係驚喜所在。店員話係用魚骨煮過,好味！可惜魚肉有點實同腥。3/5A4 和牛西冷 （+$80）- 不過不失,加$80就有和牛？ok la 4/5法國黃油雞胸 - 雞胸好食實在難求。吾係慢煮實在冇可能。吾知呢度用咩煮法,可惜比較鞋同乾。建議轉另一來貨或轉西斑牙豬,可能效果會更好 2/5主菜配上一碗薯蓉,睇得出廚師曾在星級餐廳工作。如果可加多啲牛油會更香滑。4/5紅桑子梳乎厘- 出嚟熱辣辣,酸酸既紅桑子味好突出！5/5整體嚟講食物出品係有誠意嘅。淨係睇六個course同八個course要準備咁多嘢已經頭痛。其實如果serve 4/5個course, 等食材可以upgrade 啲,會吾會更好？我相信未必太多人選擇8個 course 。事實我絕對同意餐廳位置吾重要, 只要食物有水準,服務好就遠遠都有人冒名而來。無忘初心, 加油！…Read More

成個月前見十隻蠔加一杯酒2人$348，又幾底喎.未叫埋班friend一齊去。點知當曰佢地打黎confirm booking 時又話個同事冇take 低你地有coupon喎，吾知有冇預蠔。‘有問题先打俾你啦！‘我心想约晒成班friend,吾係馬？個小姐尚算禮貌。到6:30p.m.都係吾放心，再打去問問。個小姐話冇打俾你即係有蠔啦!上到去，同友人坐咗成15分鐘，水都吾打算俾。更奇怪，menu都吾俾你睇！吾通佢地做團購吾係為咗drive additional revenue? 或者已認定我地係cheap既一羣，吾會再叫野？一名聲線粗豪，貌似captain既過黎收咗我地幾張coupon. 之後來來回回幾次話其中一張係一人份，因為寫法吾同。我話明明value 都一樣喎。佢話上面寫‘10 oysters for each person' 吾同其他寫20 隻2人用喎...大家都回應，你識吾識英文呀。。。好彩佢都冇再爭拗落去。講到D蠔，成埸得幾枱客都要分幾次送上。味道一般啦，但好似開咗好耐，完全冇晒水。問captain 有冇紅酒醋，佢話用紅酒醋過時喎...難道用cocktail sauce 好時興？實在難理解。。。友人們只好食完再去打冷。其實吾想做團購就吾好做啦。我以為團購係希望多D人客體驗你D好食物同服務，等佢下次返黎。吾通真係諗住搵一筆就摺埋？…Read More