cky11111998's Profile

Donki雖然已經開到每區都有一間，但係水準依然保持得非常好，尖沙咀呢間冇以往咁多人 ，今日天氣凍經過就即興買個關東煮食下暖肚。我最鍾意食豆腐魚球同埋蘿蔔 ，佢呢度啲蘿蔔又大嚿又冇渣，嚟到就算唔肚餓都忍唔到口啦🤤…Read More

食海鮮一定要多人食先至正，可以試多幾款，今日同屋企人喺屯門買咗啲海鮮就入去三聖邨食，二間餐廳食咗幾次次次都唔會令我哋失望 ！手工費價錢合理，服務態度好，又快手。除咗返煮海鮮，佢哋啲招牌菜都好值得一試👍🏽👍🏽…Read More

呢間好評如潮嘅意粉店，係我一直bookmark左好耐既西餐廳，今日終於有機會試到，估唔到性價比咁高之餘味道、服務、環境都樣樣掂！呢度雖然唔係好大但係環境好乾淨氣氛都好好，職員唔會因為有人入嚟就逼你要坐逼啲讓半張枱出嚟👍🏽反而叫你唔好急慢慢食。佢黑板寫低咗精選嘅意粉同埋Pizza介紹，但係比起黑板上嘅推介，今日個胃口更加想試menu上面種種意粉（而家睇返又好想試佢個燒牛肉意粉，不過留返下次啦😝）。食意粉一定要飲個餐湯開下胃先！一開頭我哋嗌左酥皮黑松露野菌湯，個湯非常香，入面有蘑菇蓉再帶點松露香，飲至我哋讚不絕口🤩酥皮要另外加錢嗌但係絕對值得一試，酥皮帶有一絲絲牛油味，熱辣辣撈埋餐湯好正，天氣凍好暖位！友人嗌左個冬陰功香辣肉碎闊麵，呢個絕對冇令我哋失望。同預期中一樣，佢真係非常香冬陰功味，好似平時喺正宗泰國餐廳飲嘅冬陰功湯一樣味道，不過唔食得辣嘅朋友就要考慮吓嗌杯嘢飲啦因為有微辣😙😙。之後就到我個紐西蘭蜆白酒牛酒扁意粉🍝！值得一提嘅係個蜆大隻得嚟非常鮮甜，加上意粉口感不會太淋，好有彈性，食到我哋讚不絕口。整體而言都係一間非常高質嘅餐廳，一定會encore👍🏽👍🏽…Read More

今天走過尖沙咀，咁岩行過呢間聞到非常香嘅新鮮出爐蛋糕，忍唔住要買返個試吓😋。咁啱新鮮出爐嘅正正就係我最想食嘅法式奶油布甸蛋糕，一於買咗半個同朋友分。意想不到不到的是，蛋糕中間查咗好多塵非常香滑嘅布甸奶油，食落口感好滿足好似食緊雪糕蛋糕咁😋😋雖然我雪左一陣先食，但相信熱食的話布甸會更加惹味～另外我和友人各自order了一杯嘢飲，包括佢推介的Oreo smoothie和同樣是王牌的美祿惡魔。Oreo smoothie面頭佈滿曲奇碎，飲每一啖都充滿曲奇味，非常香口。而美祿就好濃美祿粉（相信看圖你已能想像有多麼濃郁🤣）鍾意飲美祿嘅朋友可以一試，而我就鍾情於Oreo，下次經過一定會再買！…Read More

之前聽朋友介紹呢間位於尖沙咀中心一帶嘅西餐廳，一直都想試好耐，今日難得男朋友偷偷地提我預訂位俾個surprise我，果然好驚喜無令我倆失望！😍😍餐廳遠眺尖東海旁，播住好浪漫嘅音樂，加啲聖誕裝飾，氣氛100分。我哋兩個各自嗌咗一個五道菜套餐。一開頭上個蟹肉三文魚沙律，佢嘅擺設非常有心思，蟹肉包在煙三文魚入面，兩個味道都非常香濃，夾埋啲沙律菜口感非常豐富。黑松露蘑菇湯係其中一個令我非常驚喜嘅一道菜。蘑菇打碎左加入湯入面，每一啖都係滿滿的蘑菇碎，加上松露香，令人讚嘆不絕。冬陰功年糕感覺非常新奇，以往吃冬陰功都是以湯的形式，加入年糕入面，令年糕口感更加豐富但有不會膩，值得一試。頭盤就選了精選雜扒，分量真的非常足夠，肉類亦都分配恰宜。值得一題的是西班牙黑毛豬非常香，亦沒有多餘的油分，脂肪魚肉量分配很好👍🏽，絕對值得一試！…Read More

行到去登龍街，成日見呢間排隊都冇去試過，今日終於等到佢啱啱開舖無乜人等即刻入去試試。一入到去環境好開揚，啱啱好太陽曬入嚟感覺好舒服。呢度有好多款午市定食，但我哋一開頭都嗌左幾件壽司開下胃先，試吓邊隻刺身好食再嗌佢最出名嘅井飯。油甘魚壽司同埋吞拿魚壽司都非常好吃，非常爽口同鮮甜嘅刺身，壽司飯放入口一刻有微微散開的鬆軟口感，好掂！食左幾款刺身壽司之後決定要即刻嗌個廚師發板丼，試吓廚師最推介嘅幾款刺身，果然冇令我哋失望，每一款刺身都係入口即溶，鮑魚非常爽口，冇諗過鮑魚整刺身撈壽司飯都可以咁夾。另外友人都嗌左個蟹丼同埋蟹甲羅燒，佢啲表示好好食同埋好重蟹味，蟹膏好香，不過由於我太飽就冇再試啦，有機會一定再嚟encore!…Read More

朋友介紹左呢間京菜好多次，今日終於人齊過嚟試。人多既好處就莫過於可以試多幾樣菜式，我哋加埋五個人嗌左七樣，樣樣都非常出色，價錢亦都好合理。一隻片皮鴨，食完之後仲可以包走埋個頭，建議大家有心機一定要拎走成隻因為仲有好多肉可以返屋企炒菜或者煲湯，食多幾餐都得。酸菜湯我哋嗌左每人一碗，食得非常開胃，就算平時唔鍾意飲酸湯嘅我都表示非常好飲環境坐得咁舒服之外每碟菜式都好大碟，好抵食，員工服務態度都好好，值得一試！…Read More

次次行過糧友都令我諗起去日本旅行嘅日子，日本嘅麵包花款好多亦都非常好食！屋企人最鍾意食佢個腸仔炸物包，多數夜晚買定朝早食早餐先食，雖然隔咗成日但個包都唔會回油，但好脆口，啲油嘅份量都好恰當唔會食完覺得個嘴好膩。另外餃子包個饀非常好食😋入面啲芝士唔會太濟，食完啱啱好，建議初次嘗試一定要試佢啲炸物包同炸子包系列！…Read More

一起身已經打8號風，諗住疊埋心水係屋企煮個公仔麵算，原來三哥都有開！作為三哥忠實粉絲一定要去支持下食慣咗，兩份雞肉已經開始滿足唔到我，所以而家要嗌四份確保食夠蛋白質呢到四份雞肉份量唔單止標準，而且好多，大家都食到好滿足，8號風球下顯得呢一間舖頭格外熱鬧，辛苦晒譚仔姐姐，堂食又多外賣又多，絕對值得表揚👏🏽👏🏽👍🏽👍🏽佩服…Read More

次次嚟將軍澳都幾鍾意買呢間外賣，但呢一兩個月開始質素好似有啲下降，唔知係咪轉左廚師呢鹽酥雞依然係份量多兼且好食嘅！經過就咁買一份小食都OK，但係豬扒肉操飯就失望咗少少以前個肉操甜甜地會追飯食，但係今次個肉操食落似珍珠雞饀，一啲都唔似肉操味。牛肉麵雖然個湯底好香，但係啲麵就算分左湯都覺得有啲淋，牛肉都係好睇唔好食，希望可以改善下啦！…Read More

行過咁多次而家先知呢間餐廳有個外賣咖啡部，咁啱想飲咖啡又唔想行過去隔離買連鎖餐廳既，一於嚟呢到嗌杯cappuccino ☕️ 咖啡師好用心打奶，全程服務態度都好好，簡單上嚟聽推薦下，有機會會坐低食個下午茶。👍🏽…Read More

屋企人一直都好想試呢間，今日佢哋終於帶咗呢個韓式烤肉芝加哥pizza外賣返嚟，本來都覺得一個細批點解可以咁貴，食嘢先知原來性價比極高！唔可以話好抵食但係真係值呢個價錢嘅。佢個餅底唔似另外啲連鎖Pizza咁會過厚/太薄好似餅乾咁，反而食落都會有淡淡的芝士香同埋好足料，去到個包邊仲有少少甜甜地嘅糖霜同蜜糖，值得encore!…Read More

今日day off, 同朋友嚟淺水灣chill下。終於試吓呢間次次行過都香噴噴既Artisan pizza 🍕 因為我哋想試多啲味，就嗌左半份classic辣肉腸同半份 Quattro formaggi，再加個薯條本來要兩個人食唔晒，但原來佢唔似隔離間大型連鎖Pizza咁，佢個餅底唔算好口同埋太多麵粉，熱辣辣食都好正，薯條亦都好香新鮮薯味，就算外賣都唔駛等好耐，一定會為咗呢個Pizza再過嚟淺水灣曬太陽！…Read More

三哥diehard fans又嚟試其他分店啦，今日嚟到銅鑼灣香島大廈呢到試，經過咁多次宜家先知原來有兩層，坐位都幾闊落，繁忙時間都唔迫。黎得三哥一定要嗌佢煳辣，加上呢排鍾意食薯粉，雖然薯粉冇咁飽肚，但係鍾意佢嗰種煙銀口感，加上滿滿嘅雞肉，正！…Read More

朋友生日，想食一餐好嘅西餐，二話不說諗起呢間氣氛好好職員又nice既餐廳🤣我哋去嘅時候仲早唔使等位，職員都好好安排我哋坐個闊落啲嘅位我哋嗌左兩個main share食，三個小食，同埋每人一杯飲品朋友嗌左個12oz Angus sirloin steak 🥩 五成熟，大家一致認同佢肉味好重，同埋都冇諗到個薯蓉同牛扒咁夾，嗰兩個汁嘅調味啱啱好，唔會過分濃，食完個牛扒都決定要嗌多個薯蓉小食先夠喉😂😌其次就係嗌左個beef Ragu linguine個香草鮮茄好有心機烹調，係新鮮蕃茄，而唔係純茄醬，牛肉被紅酒烹調過之後口感非常濃郁，將牛味同埋肉質昇華到另一個層次，好有驚喜！另外就係嗌左黑松露薯條小食同埋牛油焗菜，兩個都好好食同埋份量好多，好彩嗰日好肚餓先至啱啱好食得晒如果唔係兩個人嗌兩個小食都已經多到要打包啦！嘢飲方面我哋因為唔想太油膩，所以嗌左ice peach tea & ice English breakfast teaPeach tea建議飲之前要攪勻咁樣先會更好飲！而佢個英式茶個茶底都好香總結而言係一間好好嘅餐廳，好適合同友人聚會！…Read More