angelnwk's Profile

因為朋友鍾意食日本嘢，而佢又喺油麻地附近，所以都幾方便，喺紅豆冰室隔離上2樓就係。地方都算幾大，有卡位有大枱，適合唔同群組喺度食飯。因為用OpenRice訂位，7:15之前下單特定食品會有優惠，大家可以留意一下。三文魚腩夠冰凍同肥美時令嘅生蠔好好食，唔知係邊度地方，但係夠肥美，平時唔落茄汁，今次撈埋一齊好好食呢個食咗先記得影，份量比較細，但係都夠新鮮同埋爽蟹籽份量好足夠，紫菜雖然未屬於好脆，食落都唔會濕，海膽味道平衡，最緊要夠抵食，每舊壽司都會有飯，如果唔鍾意食太多澱粉嘅記住建議叫返刺身，大部份食材都新鮮飯團點醬油嘅時候都唔會散開本身最想嗌嗰個和牛肉壽喜燒，原來係限定，唔係日日都有，所以就叫咗個普通嘅牛肉壽喜燒，味道都唔錯，混埋一齊都好食，如果有多一嚿豆腐就更加吸引第一次食雞腎，醬汁燒得好好食，牛舌亦都唔會燒得過咗火，分享嚟食都好高興和牛枝竹比佢哋燒到燶咗好好笑差啲攞唔起食落唔會太韌朋友最愛嘅燒鯖魚，燒得啱啱好魚肉好滑，建議加檸檬同埋醬油一齊食個魚會更鮮味笑吓唔會笑得太耐，蝦頭嘅膏都算新鮮推薦大家都嚟呢度食俾大家參考吓雖然係生日飯，但係呢度冇乜特別生日慶祝或者優惠，網上查詢好似係要切餅費。…Read More

朋友生日訂咗呢間餐廳，大家留意晚上有特定90分鐘用餐時間，坐低就會計㗎啦，我哋嗰日係假期，所以都幾多人。即使多人一齊食用，都有自己嘅空間，好似我哋嗰日咁呢度就有一班屋企人一齊坐。餐牌嘅選擇同種類都幾多，而且價錢非常合理。前菜嗌咗牛油果三文魚他他，撈埋一齊好好食，麵包係脆身同埋硬口，即使濕咗都唔會同攞唔起，配合他他好適合，紅色一粒粒嗰啲係辣嘅，唔食嘅話要注意。肉醬意粉相對份量較少，我哋五個大人一齊分享，如果需要飽肚可能需要點選其他意粉一齊食用。肉醬同配料就非常足夠，每一啖意粉都會食到漏咗個小食拼盤，肉丸非常好食，而且切開分享都唔會覺得唔滿足，蝦非常新鮮，食落去唔會腍啤啤，注意個蝦係有少少辣嘅。由於我冇食雞翼，所以我就唔使特別意見啦！主菜五個大人分享非常足夠，一人食到起碼兩條，肉整得非常之腍，而且醬汁適中唔會太重味道，適合多人分享當然唔少得吹水一定要有嘅薯條，薯條唔會炸到好燶同好鹹，可惜時間有啲趕，唔係可以慢慢食⋯⋯上網有睇過佢嘅雪糕好出名，當然一定要試買呢個甜品，當時嘅味道又唔同款，堂食同外賣都可以點。我哋就揀咗泰式奶茶味，同埋薑餅味配餅乾兜！應該係我最推薦嘅食物，嘆息奶茶會好甜，而且好似飲緊真嘅泰式奶茶味道甘香同滑。薑餅味道朋友們仲食到有少少焦糖味，薑味唔會好重，唔鍾意食嘅朋友都食得到，而且佢好似薑餅人浸味！原來佢喺其他地方都有分店，希望大家都會去支持啦！順帶一提嗰度嘅店員都非常之好，由於朋友帶咗小朋友去亦有嬰兒專用嘅高櫈同埋行過嚟都唔會有討厭嘅樣子，反而會同小朋友交流…Read More

趁住得閒嘅假期特登入屯門搵吓好食嘅餐廳，依度嘅人推薦依間，所以過嚟試吓。我由地鐵站行過嚟正常速度10分鐘左右，時間係星期日嘅六七點左右唔使排隊可以直接入。餐廳空間位置好大，如果有位置嘅話店員都容許隨便坐。牆上面仲有啲好地道嘅壁畫，唔知係咪咖啡廳嘅人畫㗎呢？（感覺上都係啲好熱血嘅圖畫）叫咗個藜麥煙三文魚牛油果沙律做前菜，佢個碗仲大過意粉個碗份量好足夠，蕃茄仔喺側邊仲好有心思放做心心圖形，牛油果足足有半個，而且沙律菜唔係超級大塊，應該有特登整碎，方便食用，大贊超級推介呢個明太子帶子意粉味道唔會太鹹，幾乎所有嘅明太子都包住每一條意粉，食落去每一啖都有意粉同埋啱啱好嘅明太子醬汁味道，帶子燒到金黃色落去，亦都唔會太過熟性價比超高！見到OpenRice大家都推介呢個蟹肉蟹籽意粉，所以都叫咗你試，餐廳非常之足料，橙色嘅魚籽一啲都唔馬虎，食之前自己可以撈勻晒喺啲意粉度，細嘅蟹鉗都有真嘅蟹肉，意粉入面亦都有啲蟹肉碎撈埋一齊每一啖都食到蟹！由於係晚餐時間，所以冇選擇咖啡。叫咗熱嘅抹茶鮮奶，佢屬於有甜度嘅抹茶，個拉花好靚我叫嘅時候冇特別嗌乜嘢味道，如果你哋需要特別訂製，可能就要同店員溝通…Read More

之前如果晏啲去一點幾一定大排長龍，今日特登早啲去試吓食午餐！平時行過天橋就已經見到，但係都冇機會試:(而家先知原來入面呈 L型空間都幾大，仲有好多大枱可以一齊食飯牆上面仲有好多香港特色嘅設計，仲有啲名人嚟過食嘢嘅圖片見到人哋介紹鯪魚球又大粒又吸引，所以下晝好飽都叫咗你試吓，應該係即叫即炸，所以電子落單之後要等一陣攞到嚟嘅時候好熱同埋都見到有油面好令身，即刻食嘢小心啲，蜆蚧醬屬於非常之鹹，個人認為就咁食就已經好夠味魚肉冇腥味唔食鯪魚球嘅朋友都食到特登嚟試佢嘅豬膶麵，份量超足夠嚇親一個女仔食兩塊已經好飽，午餐肉係煎過先放落去唔會隨便放。落單嘅時候面嘅性質都有得揀，我哋就揀咗正常。豬潤好厚好滑，食落去一啲腥味都冇好好食，強烈推薦因為我哋兩個之前都未食嗰種嗌咗一個豬扒燶邊蛋飯，豬扒份量超級大，根本可以兩個女仔一齊食，如果餸好多件女仔食嘅時候嗌小飯，嚟到先知原來係雙蛋，蛋黃汁仲可以撈埋啲飯同時又一齊食，係又尖又長嘅米食落好乾同香。仲有傳統嘅余均益辣椒醬，自家製辣椒油，胡椒粉麻油，勁多配料任你揀嘢食同餐牌嘅種類都好多樣，絕對推薦大家嚟食！…Read More

琴日同朋友們喺灣仔完咗活動肚餓想搵嘢食，就揀咗佢去碰吓運氣，原來佢收12點！平時午餐嘅時間好多人排隊，唔會食到。門面裝修已經好靚，日頭行過去嘅時候冇咁明顯。入面亦有港式燈牌嘅元素。佢fusion嘅地方係仲有特飲或者酒精飲品可以選擇。我哋第一個嗌咗鮮蝦腐皮卷，大家食嘅時候要小心因為係即刻炸，唔會好油，腐皮亦都好脆。我哋嗌咗四色餃嘅款，普通蝦餃皮薄餡靚，松露餃適合素食人士食用，魚子蟹肉餃好好味，入面都食到蝦同蟹肉嘅香，留意橙色嗰隻應該係酸菜魚蝦餃，所以會有啲辣。肉鬆馬拉糕好特別，平時一般食嘅馬拉糕都淨係甜嘅，加咗肉鬆會係鹹食嘅馬拉糕，店員好細心已經幫我哋切好可以即刻返嚟食，而且佢平時傳統酒樓馬拉糕嘅咁甜好適合香港人嘅最高評價！叉燒包都算幾大個，皮薄餡靚，叉燒包嘅皮唔會好甜，叉燒汁就唔算好多。我哋食完都唔知個皮其實係乜嘢做㗎，但係佢嘅做法好特別，因為鹹香味好重，作為香港人好鍾意朋友們一致都好鍾意食。呢個芋角酥都係新鮮炸起，放落口要小心啲。炸皮唔會好厚，餡料同埋皮嘅比例都啱啱好。我哋估唔到鰻魚飯上面都會有金箔個飯入面仲有蛋碎，食嘅時候仲充滿荷葉香味，鰻魚亦都好入味撈埋一齊好好食，但入面仲有啲肉碎同埋醬汁，非常足料！由於我冇食呢個，所以唔能夠作太多評論，注意呢個都有少少辣，平時鳳爪下面花生佢就用咗健康嘅紅腰豆。我哋最後唔夠喉，都係嗌咗個燒賣。記住攤檔先食，因為佢有少少爆漿，如果唔係會辣到口，點心都係好有心思個皮唔會好厚！雖然平時好多人排隊，但係佢喺各樣嘅點心，Fusion 都好好食，希望下次有機會可以食到其他分別！…Read More

同朋友夜晚想食啲熱同埋飯嘅嘢，好彩唔使排隊就入去食湯係一盅盅燉嘅，攞出嚟熱辣辣都好足料，今晚豪華啲叫咗花膠鮑魚豬肉燉湯，唔記得咗嘅餡料，仲有啲龍眼肉同埋其他嘢，足料無味精好好飲蒸飯唔係好大盅，如果唔係食好多飯嘅女仔其實兩個人分都得，一個男仔食應該會好滿足。梅菜蒸肉餅飯好好味，配菜唔會太鹹，少少豉油配埋落啲飯度好夠味仲嗌咗一個雲耳蒸雞飯，應該滲咗落去啲白飯度送飯超有味道雞嘅部位正常有啲有骨有啲冇骨，而且好入味，係一個食吓食吓可以清嘅選擇推薦大家都叫呢個嚟食！本身想嗌佢呢度好出名嘅木瓜燉蛋白，因為見到佢係木瓜上唔係好似有啲糖水舖咁切開，但係我叫嘅時間已經差唔多截單，所以已經賣晒。想試嘅朋友記得早啲落單，所以最後就叫咗椰皇燕窩燉燉蛋白，上面燕窩好足料，每一啖蛋白都可以有燕窩一齊食。燉蛋白相對嚟講較甜，入面有啲應該係椰青水，所以識落落亦有椰子味。唔算係年輕嘅椰皇椰肉唔容易刮出嚟…Read More

行過嚟諗住搵吓有咩食，點知見到依家門口好特別，好有性格，所以就行入去試吓後尾先見到原來佢馬鞍山都有分店，但係我都未食過，希望下次試吓原舖！見到佢環境入邊嘅poster都係自己嘅食物，而且超級，但係因為佢係下午茶時間，所以叫唔到咁多:(雖然係下午茶時間，但係舖頭入邊嘅座位都坐滿八成。漢保都係即叫即整，所以要耐心等候，你會聽到奶昔機嘅殺殺聲嗌咗佢嘅招牌漢堡，麵包都係烘過，仲有佢嘅窿邊太陽蛋，個蛋黃啲汁會滲入上面包皮，一定要讚係佢張紙夠硬，啲汁唔會漏晒出嚟，肉餅厚度啱啱好，配菜亦唔會話太多或者太少，味道超配合，大推咬開都唔會，好容易散晒，入面塊煙肉都煎得好香，配菜仲有生菜蕃茄洋蔥。豬西漢堡就係咁樣，佢入面仲有少少芫荽如果唔食嘅可以叫佢走菜，佢令到個麵包更加香，豬扒好似食緊飯嘅豬扒，上面仲有個煎過嘅菠蘿，所以一食落口唔會揦口，而且好香嘅菠蘿味。當然唔少得要試吓佢杯奶昔，我叫咗阿華田朱古力奶昔，面頭有脆脆，佢仲會比匙羹你潷嚟食，仲有啲白朱古力粒棉花糖同埋一塊我超鍾意食嘅細曲奇，配料嘅下面係唧咗cream，奶昔夠凍，所以飲落去阿華田朱古力味好濃。嚟到一定要試吓佢啲奶昔希望下次試到其他口味。我去嘅時間有啲奶昔嘅款式已經賣晒，如果鍾意飲嘅就可能要早啲去…Read More

天后一向都好少有靜靜傾偈嘅餐廳開到咁夜，又行過見到佢，所以就去試吓，好似題目咁講其實我已經唔止去過一次！夜晚條街佢間舖頭都幾光，所以係幾容易搵，有東岸公園經過，好快就行到。一般都會由天后地鐵站行過嚟。唔好以為佢淨係得飲嘢，其實佢都有嘢食，呢個係固定餐牌，如果你好彩嘅話嗰日可能都會有廚師限定要留意佢都有截單時間太夜過嚟有機會冇得食，而且啲嘢食水準一啲都唔差，個廚師仲好年輕，一睇就知佢係少年廚神餐廳擺滿不同嘅紅白酒，有來自世界各地，聽到老闆同其他客人傾偈所有都由佢親自挑選，同埋真係試過先會放喺度，每支都明碼實價，仲偷聽到佢其實每隻款都唔係入好多，有啲真係飲完就冇！牆上面嘅都係同酒相關嘅設計佢有我最鍾意食嘅芝士拼盤，係我每次嚟到嘅必點之選由於我每隻芝士都鍾意食，所以我就唔評論啦，拼盤入邊會有一啲冇鹽果仁同埋有味嘅梳打餅配搭。每次嚟到一啲芝士碎都唔會放過～呢個雖然份量唔係好多，但係非常適合送酒，同啲朋友談吓心吹吓水，不知不覺就會食晒。係餐牌上面少有唔太西式嘅嘢。我嘅嘢食可作大家參考！呢個意粉是辣的，全店嘅意粉類型都係扁意粉類，對於唔係好識辣嘅我只係食到少少，味道ok，亦有茄汁味，但係唔會蓋過咗整個意粉，適合配酒。當然相比之下卡邦尼意粉，對於我就好吸引，芝士味香濃，佢入邊嘅肉屬於較鹹性質，有少少肥肉，但係撈埋一齊食唔過分。記住最好趁熱食，都適合一大班朋友分享好快就清碟。本人其實唔係好食炸物，但係呢個菜式係朋友每次嚟到都必點嘅炸薯條，我哋試過肉醬同埋呢隻有蛋黃嘅配合都好好食！鍾意食炸嘢嘅朋友一定要叫，佢嘅幼薯條係有味薯條，亦都可以係重口味選擇嘅嘢食配酒由於小編同有啲朋友都已經嚟過好多次，以下介紹一下一啲隱藏餐牌啦唔記得係美國定係澳洲嘅牛，但係廚師弟弟整得好好食，煮出嚟啱啱好唔會Over cook,當時係一台人share，牛上面有少少鹽帶起成個牛嘅味道，上面仲有醬俾你配搭。仲有一次食咗鵝肝多士，由於我哋係訂咗位去，我哋都係去到先知有得食！雖然佢個鵝肝唔係好大件，但係佢個烤過加牛油嘅多士超級好食，鵝肝應該都有稍稍煎過，所以封住肉汁，蒜蓉包是很脆和很香的。由於喺度飲嘅紅白酒已經好多，所以不能盡錄。冇心水想飲咩嘅話可以搵店員幫手介紹吓，佢哋會根據你嘅口味去挑選，一般都係一支叫。唔想揀嘅話，佢都會有一款紅同白俾你用杯計。老闆係個好年輕嘅後生仔，雖然個樣可能唔係好似～ 的確係天后少有嘅餐廳品種，有時平日經過都會見到有客人。加油…Read More

平時經過見佢都要排隊，今日行過就唔使等，所以就同同事揀咗佢一般嘅台式飲品都需要加錢，見人哋隔籬枱嘅珍珠奶茶都幾大杯，下次有機會可以試吓一開始見到以為係午餐餐牌，後尾見到佢係台式全日餐，款式都有好多，所以我哋全部都揀咗廚師推介。超大雞扒配滷肉飯同事就將飯揀咗做米粉，啲米粉索晒啲湯嘅味夾起嘅時候已經唔係白色。雞扒好大塊，而且唔係好肥，亦都食起上嚟非常鮮嫩。如果有人味道唔夠，仲可以加啲豉油佢好貼心咁樣有埋前菜同配料。相反，呢個度小月海味泡飯就比較遜色，入面嘅海味其實應該係乾嘅柴魚，之後我就搵唔到其他配料，如果比較挑食嘅人就唔建議選擇依個。不想嚟嘅時候有啲飯仲黐住一嚿～但係就肯定夠飽肚。備注一下佢嘅餐牌係電子落單，飲品冇得叫凍飲，但係因為係膠杯所以飲唔晒可以拎走之後仲可以攞返去沖多幾次，除咗餐牌上面嘅價錢，佢仲要收取加一服務費…Read More

作為正宗嘅香港人本身就好鍾意食餃子，今次行過旺角依家出名嘅餃子店竟然唔使等位，所以就同朋友試吓！由旺角東方向去通菜街會比較近，門口好快就到入到去如果你係第一次嚟店店員會好細心解釋今日嘅特色餐牌同埋點樣叫餐嗌咗今期特色餐牌上面嘅窩物，入面有豆腐芽菜冬菇醉雞翼同埋佢嘅特色餃子，啲醉雞翼超大隻非常入味。個煲攞到嚟嘅時候好香醉雞味，但係飲落去就一啲都唔覺有酒味非常好飲，仲有少少紅棗好暖心。除咗湯餃，我哋仲嗌咗煎餃兩重享受，照咗佢嘅招牌同埋松露餃子，佢有10隻同12隻選擇雙拼要加錢黑松露餃子嘅入面唔係好見到好多黑色但係食落都有好香嘅松露味，由於餃子擺位唔係直牌雙拼，我同朋友好似開盲盒咁樣喺度試緊邊隻打邊隻味我哋最後覺得唔夠滿足，仲要多咗個大阪燒餃子大阪燒入面係佢嘅招牌蒜心餃子，好少有呢個組合食落去好新鮮，蒜心亦都好甜如果我哋冇食錯嘅招牌應該仲有少少韭菜到最後我哋都係冇尋找正確答案嘅我哋當時食餃子店員仲限時送咗一杯清酒俾我哋飲呢個配搭好新鮮店舖好有心機推介所有人都去食！…Read More

今日同朋友嘗試去北角睇吓有咩食？嚟咗北角好出名嘅巷仔揀咗佢，八點幾左右唔需要等位可以直接坐低。朋友見到門口嘅餐牌有牛肉丼飯覺得好吸引就即刻入去。入面設有梳化卡位位置唔算好多有五張枱左右，建議都係小人嚟食會比較好。叫咗依度嘅推介芝士牛柳丼飯，以套餐形式配埋前菜同埋飲品。一個男仔食嘅話，份量未必夠飽，女仔嘅話就啱啱好。芝士味道同牛柳非常融合。本身想叫牛扒溫泉蛋丼飯，但係佢話賣晒所以我哋升級揀咗封門柳溫泉蛋丼飯，仲想試吓佢個烏冬，所以加$8換咗湯烏冬。建議男生一定唔好食烏冬，因為會唔夠飽封門柳嚟講個人都係建議配飯好食啲，佢偏向係原汁原味嘅牛柳。醬料唔會係好多，如果係湯烏冬嘅話個蛋就會另上，變相令到溫泉蛋難啲同牛柳同埋一齊食。升級咗嘅牛柳更加嫩，唔係牛肉味好香，但係肉質都一樣好好食。…Read More

由於屋企人今日要搭高鐵，所以揀咗附近嘅酒樓食試吓新嘅酒樓。餐廳都容易搵，上電梯嘅時候就有指示大枱細枱都有，位置幾闊落，就算輪椅行都方便。有午市套餐留意公眾假期同六日就需要加費用，都幾抵食，又有點心又有煮食適合一家人飲茶。當然仲有點心紙，餐廳都幾有心意，仲有點心下午茶，假日去就冇見到有人攞嚟打卡，價格都算相宜。好少酒樓有煎米雞，係糯米加啲雞粒係少份量適合大家試少少，老人家食唔到咁多依個份量就啱啱好。套餐入邊四個點心嘅其中一個就係油菜，今日嘅菜心都唔好啱啱好。嗌咗瑤柱蛋白炒飯，我哋五個人食都分到有人一至兩碗。燒賣就擺得有啲醜樣，係屬於多豬肉嘅燒賣都係飽肚嘅。大部份點心都係三粒。叉燒包就係細嘅叉燒包，叉燒唔係剩係得肥豬肉味道唔會好甜另外喺點心紙叫嘅叉燒腸，豉油會另上等自己方便要幾多佔幾多。會切開咗有6分，多人嘅話可能要叫兩份。點心套餐入邊嘅棉花鮮竹卷，點心足料味道唔會好濃。…Read More

一路知道新城市新開咗Bakehouse , 星期一竟然見唔使排隊，夜晚仲有沙田嘅特別版，所以就即刻衝咗入去買。呢個楊枝甘露菠蘿包絕對推薦佢比平時嘅菠蘿包比較細，適合一個人兩啖食晒，菠蘿皮冇平時嘅菠蘿包咁脆，但係都好配合成個麵包。入面個餡好似我哋平時好足料飲嘅楊枝甘露，超喜歡楊枝甘露唔會得少少啱啱好一啖麵包一啖餡料。當然唔少得買埋沙田嘅特別版沙田蜂蜜柚子冬甩，店員好細心咁有提過佢可能會有啲甜。蜂蜜網係類似曲奇嘅脆餅，唔係好甜。第一次試嘅人可以撈埋冬甩一齊食口感會豐富啲，可以中和冬甩太甜嘅味道如果冇食錯入邊係雲呢拿吉士同埋柚子醬嘅配合，神奇地有幾配合，佢唔會漏晒出嚟醬料啱啱好，佢外圍包住砂糖都係比較甜，好似我咁鍾意香港好食標準就可以撥走啲砂糖先再食店員仲有提及下次可以試吓鹽麵包部份之後再去買！…Read More

成日都聽依間朱古力專門店，有日行過食完飯終於可以買。旁邊嘅水牌有介紹佢哋唔同嘅朱古力，個樣都係差唔多，但係個名就唔同可以根據個名選擇一下好鍾意佢哋嘅Slogan, 但願所有打工仔都係咁樣第一次叫朱古力叫咗士多啤梨朱古力，唔係太甜士多啤梨味唔會好重同好香清清地。好靚嘅貓頭鷹俾大家打卡用。之後嗰次分別叫咗60%同73%朱古力，60叫咗全脂奶，感覺上甜味會比較出，係濃郁嘅朱古力奶。73配上燕麥奶，感覺冇咁豐厚，亦都唔甜，拿迎聞到好香嘅朱古力味。佢哋都有儲印仔嘅卡，開始咗之後相信好快就會飲埋唔同嘅味道。佢一般嘅朱古力都有分熱同埋凍，可以根據大家嘅喜好選擇。飲到中間會有好似咖啡油咁嘅面，飲落去都唔會好油，建議大家如果放得搖一搖再飲，咁底下嘅朱古力就會均勻啲。…Read More

喺灣仔返工放飯時間，佢都會好多人排隊，今日趁假期都過嚟就試吓門口就有貼住餐牌可以先睇吓適唔適合食一兩點去都有八成滿座，唔使等位，可以即刻入去通菜份量好足塞到好滿食極都仲有，三個人食，仲要下午同晚上都可以叫係好正宗嘅泰式炒河河粉係不規則嘅黏笠版本，會比港式河粉更加煙靭，雞肉唔算好多，但係配料都好平均，啖啖都好多菜，係我認為你呢間餐廳一定要食嘅菜式因為朋友唔食牛肉，所以我哋嗌咗豬肉船河，都係超級足料，有豬肉片豬肉芽菜通菜酸菜，麵底可以自己選擇，我哋就揀咗金邊粉，仲有蛋麵選擇，總共四款。湯底濃郁但係唔會好鹹，金邊粉湯味道好好食唔怪之得平日返工打工仔都咁鍾意嚟。呢度食係好高質嘅泰國菜，希望之後可以試吓其他產品店員都有泰國人喺度，餐廳設計亦好似去泰國旅行見到嘅餐廳體驗非常之好…Read More