yiyicarr's Profile

今次係第二次幫襯，呢度不設時限可以一直坐到10:30閂門，咁當然係食物質素不錯，所以先會再嚟。一坐低首先上嘅係多款前菜涼拌小食，但最吸睛嘅一定係刺身船，三文魚、牡丹蝦、赤貝、帶子等多款，再下一道菜就係雞煲，完成埋雞煲先開始海鮮火鍋。我全晚最期待嘅就係海鮮火鍋，蟶子鮑魚沙白蜆蝦蟹都新鮮兼可以添加。…Read More

試業中的cafe點了三文魚begal n long black。兩片三文魚份量合理，begal上面嘅cream cheese 淡味，沙律菜讚好新鮮，羽衣甘藍嫩南瓜片香，另外那兩三片紫色葉脈同梗嘅小葉子我唔清楚吓叫咩名。Long Black$41三文魚begal$58…Read More

新年假後，幾個同事一齊食開年飯聚下，大家都係第一次幫襯菊月町。要知觀塘/牛公頭角一帶嘅cafe,一個普通lunch set 都過百，菊月町依度其實性價比好合理，Lunch定食有刺身丼、鐵板燒、吉列、選擇非常多，坐位間距合適，坐得舒服，如果想看廚師的鐵板燒功夫可以坐bar枱。同事們都好滿意依次lunch，講好了一定再回頭。特上刺身丼$153三文魚、油甘魚、赤蝦、海膽、海膽刺身新鮮有光澤，連塊紫蘇葉都好香鐵板特級牛柳$113銀雪魚金菇牛肉卷$163…Read More

聞說呢度有高質TIramisu⋯⋯所以weekend嚟試吓囉。Cafe 裝修簡潔，只有兩、三張小高枱，及一張長枱，坐位不多，人流亦不多。聞說中Tiramisu 就係依個賣相，幾好樣。入口係……一陣風咁又或者形容為好空氣感，總之質地非常鬆鬆軟軟，柔柔滑滑。㗎啡味酒味適中，亦不甜不膩，係好食嘅，可以一試。另外，點了熱cappuccino，拉花奶泡滑滑啲，鍾意佢㗎啡味清淡香香的，啱口味。溫馨提示：Cafe係自形式，用餐之後請自行收拾餐具😌唔該哂…Read More

屋村甜品店嚟計，德朗依間的確難得有水準，食品多選擇多款式，有傳統中式糖水紅綠豆沙一定有，另外又有新派口味例如益力多爆珠，中式甜品棗泥糕、糖不甩…..西式甜品布甸、窩夫、心太軟…..打開餐牌的確係花多眼亂……😊冬天最愛蛋白杏仁茶😌近排天氣熱就揀凍野，涼粉西米露、台式仙草，而榴連小丸子雪糕就最鍾意，一球榴連蓉一球雪糕，入口軟滑陣陣榴連香🥰如果嗰日返工好忙好忙，就會特別想入去坐吓食啲甜嘢開心吓減減壓…Read More

聽聞依度最人氣食品係班戟，我每次嚟幫襯又真係排隊買班戟嘅人多過買雞蛋仔同格仔餅，仲見到有媽媽買俾BB食添。望吓佢塊黃色掛牆大餐牌又真係班戟好多唔同口味，芝麻、朱古力、抹茶、肉鬆、芒果、雜果⋯⋯又的確多元化喎。不過，今次我繼續買雞蛋仔，鍾意佢質地鬆軟外層微脆微⋯⋯趁熱食食淨幾粒先記得幫佢留倩影每次都見依位哥哥對個個客人都好好禮貌......今次老闆叔叔我就見佢坐喺度小休緊😴，真係好街坊親切feel㗎:)。舊區小店越來越少，下次經過一定又幫襯，下次就幫襯班戟⋯或者⋯格仔餅啦。…Read More

All Day Breakfast $85All Day Breakfast 內容完全合乎性價比，一份綠茶/蜜糖多士，沙律菜，炒雜菌，兩片煙三文魚，兩條特色香腸，再加炒滑蛋。每款食材味道都濃淡得宜....其實又冇乜特別，總之我鍾意佢炒蛋炒雜菌都不油不膩，又鍾意佢嘅綠茶多士因為其他地方好少有E隻味。加$19 熱蜜糖鮮薑咖啡鮮薑，微微薑辣，啱我口味。今餐盛惠$108All Day Breakfasts & Honey Ginger Coffee觀塘工商廈嘅樓上cafe或餐廳越開越多，不過唔好以為細細間樓上鋪會平喎，好多閑閑哋都過$100一個lunch set，食完都冇話特別想食完再食多次咁囉。但係Coffee Art 係我同同事都會去完再去嘅，甚至午飯時間會早啲出門口特登嚟等位。因為佢仲有好多唔同款嘅pasta 價錢份量合理，味道當然不差！大家有機會可以幫襯埋佢TKO 同 TST分店…Read More

好少過海㗎，一場嚟到中環........就咁......就諗起好似附近有個檔口仔有蕃茄湯底嘅麵食。即刻OpenRice 下，search到啦——係勝香園啦！中環老字號，街邊檔(唔算大排檔啩)。幾年前嚟過一次朝聖係要排長龍㗎吓......今次係一到即入坐仲有位比我揀添喎，盛況不再係因為疫情，還是其他原因，我唔清楚。茄牛蛋麵好快上枱，目測已經肯定個蕃茄湯底濃過我樓下茶餐廳同連鎖快餐店，麵面再嚟一團蕃茄碎醬仲發現一粒只係椿爛咗一半嘅車厘茄，即刻覺得又幾Fresh喎⋯⋯入口湯底偏酸我仲要咁喎，牛肉夠稔，蛋半生熟，我好滿意呀。再嚟杯熱奶茶，有茶味喎，啱我口味。埋單$49，合理呀。…Read More

舊區一小店，但未有緊縮坐位空間，仍能與隔離枱留住點點安然間距。今次其實是第二回幫襯，那當然是第一回給了我點點驚喜所以才回頭再訪。點了跟上次一樣的午餐set紐西蘭肉眼扒，先上枱的甘筍湯混有點薑蓉，回味，讚👍🏼肉眼扒雖5成熟，入口稍稍亁，應該是欠了點油份，肉質瘦了點。那我上一次（2個月前）吃的質素比今次好多了，似乎質素稍稍不平穩，但$148的set lunch我仍然覺得是合理的。叧外一讚的是店員都溫文有禮甚是親切，還有那支加了薄荷葉和檸檬的水，淸新有心思。我還是會再回頭的，期待下回…Read More

Tea Set Menu 選擇配搭算多，我選了迷你曼飯，6件三文魚小卷，兩件炸雞，一杯熱柚子茶。$44的日式tea set份量不多，味道不過不失，我可能應該多付$20-$40選其他定食set會較引起我的興趣，留待下次吧😌…Read More

無意中得知NOC被一旅遊網網民選入「亞洲最佳咖啡店排行榜」50強，名列20位，所以決定走一趟，想慕名一試。Cafe正門一列玻璃窗向着紅磡碼頭海邊，內𥚃裝修簡約，氣氛輕鬆悠閑，於櫃檯點了一杯cappuccino 再選個坐位坐著等。自己不太懂咖啡，就是喝著覺得味道跟另外兩間大型連鎖店的確口感不同，我點的這杯味道較輕盈，感覺良好，我知道自己絕對會回頭。另外也點了一件店家推介的小蛋糕。期望下次可以再嘗試學習如何品味它的味道…Read More

唔係純粹街坊舖咁簡單，盛記嘅熱愛社區關懷弱勢嘅行動深得大家支持。限聚令稍寬至8人，大家一齊走入沙田走轉盛記支持本地消費。打邊爐食物整體新鮮，是晚點了兩次美國肥牛，都是肉質腍滑，脆肉鯇新鮮爽脆，久違了的豬紅和鵝腸很受大家歡迎.....我推介炸魚皮、響鈴、老友鬼鬼，都新鮮炸起沒有油膩感。重點項目一定是海鮮，是晚的花蟹絕對新鮮，肉質結實鮮甜，超讚。整晚唯一的少瑕疵就蝦丸肉質鬆散不彈牙，期待下次嘅改善進步。支持我哋會再嚟幫襯㗎。…Read More

閒日，一個人走人德福舖，服務員大方給我坐4人卡位，超讚！Lunch set選擇很多，我點了最貴的安格斯肉眼扒盛惠$218，包了餐湯、菜沙律、餐飽。那個餐飽絕不馬虎，係熱烘烘配著小碟奶油上枱的.....仲要係可refill㗎，又一超讚！主菜出場，安格司肉眼扒，切開小塊乃見嫩紅肉色，正好，就是我order的五成熟，肉質鮮嫩柔軟肉汁豐盈，的確值得回頭。…Read More

近近地去德福食tea，決定揀Outback。燈光柔和，卡位寬大，就係環境舒適囉！就算我一個人，服務員都願意俾我坐4人卡位，就係值得讚嘅服務！選了凱撒沙律燒大蝦，等了15min就上菜，大蝦的確係有燒烤(還是香煎呢🧐？🤷🏻‍♀️）過嘅口感蝦面係有點點焦香乾煎感覺，蝦肉爽嫩，蝦的下層鋪了層薄薄芝士碎片，再下層就新鮮爽脆嘅羅馬生菜。$72 tea set 其實不算便宜，但食物質素及環境的確不是茶記嘛。我就好滿意啦🤗…Read More