Fiwong912's Profile

星期一晚巿都坐到8乘滿座，幾枱嘅客同一時間落單，廚房好似有少少打仗的情況。佢哋食物即叫即煮，可能佢哋要做起隔離枱客比我哋先點餐嘅嘢食，先輪到我哋嗰枱。等咗差不多20分鐘我哋嘅嘢食先到。點咗兩款小食：章魚燒、炸魚薯條～ 主菜：咖喱日式漢堡蛋包飯、漢堡煎蛋飯配黑椒汁。每樣嘢都熱辣辣，幾好幾好，唔錯。但我略嫌黑椒汁鹹咗啲，建議佢哋再調教下醬汁嘅味道，唔好太重口味。會再去搵食！…Read More

午餐時間1:30左右嚟到，無訂位都即刻入座! 好彩呀! 大部分嘅座位係二至四人枱，對家咁坐，坐得都算舒服。佢其中一個細心位係座椅底下放咗個藤籃俾客人放手袋、其他物品。餐牌上有pizza、漢堡、意粉、飯類、煎魚、豚肉、海鮮、牛扒嘅餐。最後我點咗兩樣嘢同阿囝一齊食：脆薯角配黑松露醬、雜菌菠菜意大利粉。薯角炸得好香脆，上菜嗰陣非常熱辣辣，名乎其實係即叫即炸。薯角跟黑松露蛋黃醬，除此之外仲跟埋茄汁，俾兩種醬客人點薯角又係另一個細心位～ 讚！食咗一輪叫做頭盤嘅薯角，意粉後上。喇呢個雜菌菇菠菜意粉就麻麻地，原來係乾炒嘅，一啲意粉汁都無，意粉嘅質地偏硬，比al dente仲硬身啲，越食越乾，最後凍咗都只係食咗一半都無，決定打包番屋企用意粉醬再加工。可能其他人會鍾意食，但就唔啱我口味喇。黑松露醬脆炸薯角就好好食～ 讚！…Read More

又到咗冬天，係時候暖吓個胃! 專程揀《綠在西營盤》去交回收塑膠樽，目的為咗探訪隔離舖嘅蛇王海。已經第二次幫襯了！每次必點五蛇湯！今日咁啱一個人開飯，決定要試埋秘方浸雞髀，獨食一隻淨雞髀真係好爽。首先講吓隻雞髀，好有雞味，好嫩滑，好好味！40蚊唔洗自己做，隻雞髀的確物超所值、勁抵食！希望老闆同老闆娘繼續長有長做，生意越撈越好，雞髀真係好好食！接下來講碗大蛇湯（$36）好足料。飲完碗大碗五蛇湯成身都滾燙的，冬天飲夠哂暖身。流連港島區嘅朋友，一定要嚟蛇王海試吓，佢嘅五蛇羹、雙腸糯米飯、支竹羊腩、咖喱羊腩都必食！如果已經試過呢間嘅朋友，亦都要再三返嚟幫襯！…Read More

住喺度5年多都未嚟過依間食嘢。今次終於的起心肝去試！好用心製作既小店 ～ 長洲難得一見！ 我哋一行4人每人點咗個套餐，除咗阿仔個熱狗餐之外，其餘3個餐都將薯條轉咗蘑菇飯。個蘑菇汁調校得得唔錯，佢有落忌廉去煮，但唔會太膩，老公仲追加多一個飯，汁又香又濃，十分推薦！我哋一定會再嚟食！另外炸雞都好好味，雞皮炸得勁脆，一咬落去「索索聲」！至於肉質方面，口感好嫩滑又有肉汁，但稍為淡左少少，似喺屋企緊咁唔會整到太重味，所以本人覺得佢醃肉可以略為重手d，嚟就番d重口味嘅食客(因為一定會有人話唔夠味😂)。另外，炸薯條都值得一讚，唔會切得太幼，即叫即炸，一上枱馬上咬一啖薯條，簡直辣親條脷！薯條又脆又熱，唔似麥記嗰啲又幼又唔脆，推薦！除此之外，牛油粟米杯同大啡菇都係正常嘢，自己喺屋企都成日整香草烤大啡菇，可以唔駛出去食。…Read More

10月中開始有點點秋意，行街唔再出汗了。下午3點左右，係時候探訪一下粥店啦。行開深水埗福榮街，好快見到有粥檔。入去坐低叫咗我嘅例牌 —— 生滾魚腩粥。粥底好綿，米量夠厚身，食到尾都唔會出水。魚腩滾到剛剛好，魚腩位好好肉同埋好肥美! 瘦嗰啲部分都唔嚡口，滾得有水準唯一差少少係佢嘅胡椒粉完全唔辣，冇胡椒香最後埋單叫多兩隻蛋黃咸肉粽俾老公。每隻17蚊好經濟實惠！…Read More

弘廚嘅鐵板西冷牛扒餐當然係必試之選。鍾意德國咸豬手配牛仔腸嘅朋友都值得試吓。除咗鐵板我哋都點過西式焗飯(例如：焗芝士白菌葡國雞飯、焗鮮茄菠蘿豬扒)、南瓜海鮮煲燴飯、至於鐵板餐就附送餐湯、蒜蓉和薯菜。另外，香草龍脷柳配炸蝦餅都會推介。我覺得佢哋嘅豬扒、羊仔柳同雞扒都醃得好，唯獨是牛扒略為遜色，因為用梳打粉「那」到好腍，無咗牛肉本身嘅質感。有一次喺餐湯入面搵到隻昆蟲仔⋯話俾個樓面妹妹知，佢話換過碗湯俾我～ 但我話唔需要了，話唔定隻昆蟲已經一早跌咗落煲湯度。不過，都會俾多次機會佢嘅…Read More

早上11點幾，見門面無乜人龍，就決定試佢！佢主打係魚片頭同埋切腩撈粗。店內氣氛有點兒緊張，除咗每張都搭枱之外，樓面仲好多伙記做嘢，一坐落就望實你感覺好似吹你快啲落單。我叫咗魚片頭撈幼面，朋友食切腩魚片撈粗。的確好快上菜，唔洗兩分鐘d撈粗就到！味道唔錯，撈面嘅醬汁都幾好味，食得出係精心調較過。魚片頭太少了，只得兩件，我明明係叫「魚片頭撈面」㗎嘛，點解唔係片頭最多嘅咩辣椒油都正呀，炒得好香，d油好深色…Read More

今日難得去樂富廣場做嘢，開工前要食個大早餐。行下行下就揀咗呢度。星期六早上9點幾坐滿人呀竟然！我點左D餐～吉列魚柳太陽蛋配牛油多士。餐飲係熱奶茶～後上外賣。估唔到好快就上菜！太陽蛋煎得恰到好處～勁爆蛋汁出嚟～啱晒我口味！ 魚柳都熱辣辣，外脆內軟，魚肉好滑。正！吉列魚柳香脆可口！魚肉軟滑👍🏽多款選擇，有些選擇困難症的感覺…Read More

一到週日，難得留喺小島上，就好想落通記嘆番杯茶走！真係唔知點解，自從飲過佢嘅奶茶之後就番唔到轉頭，接受唔到另一間茶檔了！飲落好濃厚好滑，一D都唔嚡，夠茶香味！再加上煉奶的甜，十分之配合，一飲就上隱。呢度特別之處係佢可以order「大茶走」～加兩蚊就有一杯比普通杯double size嘅份量!溫馨提示：逢星期一休息…Read More

對於無飯家族嚟講，放工返到長洲唔想諗食乜～亦唔想周圍去搵嘢食，只想快快醫肚就返屋企最就腳就係呢間。所以大大話話都幫襯咗好幾次今晚食胡麻醬撈讚岐烏冬，麵質算彈牙夠Q可惜d配料就麻麻地，得d粟米粒同青瓜絲今晚揀咗配吉列豬扒～豬扒偏薄，顯得脆漿較為厚，希望佢有改良。餐牌其中一頁醬汁又唔係好夠，食到底部已經乾憎憎。值得一提嘅係佢嘅辣椒油，好香好野味又夠辣x x 腸好普通～下次唔洗再食，試另一款小食…Read More

佐敦開咗好幾檔新食店，其中呢間吸引到我之處係⋯⋯乜嘢⋯⋯究竟係乜⋯⋯答案⋯係⋯⋯湯！♥️♥️♥️♥️♥️湯湯湯湯湯湯湯♥️♥️♥️♥️♥️無論係中式湯或西式湯，我都十分喜好。平時一向幫襯佐敦的專賣魚湯及烤魚的店一直都係好滿意⋯飲完碗魚湯好滿足！今次試藥膳雞湯米粉 ～ 配～醉雞好食～雞十分勁嫩口，雖然雞係係凍凍地，但配d雞湯+新竹米粉，的確唔錯。因為d米粉十分掛雞湯，吸盡濃厚雞湯精華。各位同事食後都讚～佢哋點了砂煲雞湯翅仲有刀削麵，都得⋯ 下次必定再幫襯 ♥️…Read More

今日一家三口喺附近搵餐晏食，行吓行吓唔覺意就衝咗入WTC。原本想食自助餐，但太晏了，唔夠時間任飲任食了，所以打消念頭唯有臨急開 Open rice 摷吓喺CWB有咩好介紹~最後決定食蕎麥麵！老公揀，我就唔洗諗🤗叫咗個兩人午市定食：前菜 - 蘿蔔燜牛筋腩拼鍋粑、刺身主菜 - 吉烈蠔、吉烈豚、自助燒牛肩、蕎麥麵大驚喜！新鮮滾熱辣，外脆內超 juicy! 唔油，好食過隔離果檔吉烈專門店！又係勁大驚喜～ 牛肉重牛味、肉質軟腍煎到8乘熟都十分 tender and juicy! Like 800X !跟蕎麥麵和雜菌一齊食，感覺健康d～輕食由於我唔食菇類，俾哂老公包辦～佢話d金菇秀珍菇各類都好食過普通街市買果d最後都係影相留念呢d巡例動作…Read More

我們常經過這店但從未有機會入去～今晚把心一橫，決定喺我同老公嘅隆重大日子去食番餐特別嘢慶祝一下。7點幾8點入到去竟然可以坐卡位，難得難得！我地點咗6款送酒小食，再加份丼飯定食。• 吉烈炸生蠔• 鹽燒鯖魚• 燒牛舌• 燒豚肉• 薯角• 燒雞軟骨大致上都好好食，質素高，食材都係高質素。好在佢唔太爆場，所以上菜速度都算快。相比起位於同一條街，街角，近碼頭的日式料理兄弟食堂的確好食過佢多多倍！！！！今晚呢間嘅服務又好好，氣氛又好好，總之整體滿意程度都高過佢～ 希望會一直保持呢個水準啦…Read More

佐敦有食店新開張，專賣花膠的菜式😋！同事們二話不說就幫襯吓支持吓。我們一行11人準時12:45到達目的地。由於提前已經落哂單，所以一坐低很快有湯飲了。新張期內逢點餐都奉送花膠雞湯一碗。很可惜只有湯水，花膠卻欠奉⋯ 不過味道就十分滿意，唔會好油，很濃厚，飲完湯兩片嘴唇黏黏的，充滿膠質的感覺。我點了膠得喜撈麵，配魚蓉麵。同事們都口味好一致咁點了撈麵～ 上菜時看到每份撈麵的花膠的份量很大出入。身旁的同事，撈菠菜麵，那塊花膠好大片，平躺在撈麵上，幾乎覆蓋全部麵。而我那份就縮埋一小綴，兩小條。好失望。味道係ok 嘅，但份量嘅分配有待改善。將心比己，調轉頭若果我同事被派到一份花膠很縮水的那碟，同時看到我的花膠大塊咁多，都會有微言啦…Read More

是日點了吉列魚柳配黑椒汁，跟白飯。平時喺屋企極少炸嘢，所以出去食會叫d屋企唔會煮嘅食物～ 就算熱氣都照食！樓面果位妹妹仔夠哂快手，熟哂駕步，又算有禮貌，喺長洲餐飲店嚟講十分罕見，抵讚。除左食物之外，我覺得服務態度係我會再次幫襯嘅重要因素。講食物質素，的確係唔錯。上菜時必定係熱辣辣。唯一美中不足係魚柳偏薄，顯得脆漿部份份外厚令我會間中吐d脆粉出嚟⋯⋯餐廳內有電視，一邊食一邊睇新聞，食得幾舒服。d白飯對我嚟講太多了，又唔夠黑椒汁最後，我放棄了4-5啖白飯⋯⋯…Read More