princessgourmet's Profile

先唔講食物，講服務態度，未知係咪因為太多客人所以好似唔憂做。 店員質素參差，客面前做一套，背住客另一套。有人呼呼喝喝，表面好似有禮貌實質好串，收銀嗰邊，頭髮染到鬼五馬六， 又粗魯又串， 當嗰度遊樂場不停講笑嬉戲。傳菜執拾嘅服務員態度好好，快手俐落。知客都ok。 服務員冇講點單流程， 第一次去就自己估估下。點餐方面， 湯底味道好普通，點咗鳳梨雞同酸菜，鴛鴦鍋底加＄50，menu冇寫，叫嗰陣先至講。 餐牌上嘅價錢同時段亦都寫得唔清楚，問店員又好似唔係好知咁。有漏單情況，點五份嚟四份， 120分鐘，雖然任點，但係以火鍋嚟講，張枱又細，可以再叫幾次？ 嚟少咗食食下又要再叫過都好麻煩！四個人叫咗美國安格斯餐， 牛肉一份只有兩三片切得非常薄，一夾就爛晒！ 基本上冇可能一塊塊夾住淥，要一住住咁推落去個鍋，所以非常之容易過熟，而且分唔開，每次要成住咁食。 即係一份係一個人食，加上一份太薄太少，一漏單就唔夠食要再叫，而再叫係要等拎嚟，又嘥咗啲時間再叫再等。小童130厘米以上就要收大人錢， 其實連加一成三百幾蚊個人，用料普通， 性價比低。 菜係任夾嘅， 但係每枱只有一個好細嘅黑色碟， 就算唔係狂夾，都要行好多轉先攞齊，好唔方便。套餐選擇嘅食品數量都算合理， 新竹米粉好食， 其餘都不過不失。 整體唔算抵食， 120分鐘亦太趕，等來等去又細份亦“吃不飽“，食完都唔暖，唔值得成為長龍店。 見網上有好多好評，真係言過其實。試一次係ok嘅， 但唔值得不停翻炒。…Read More

食物質素可以， 服務員很少， 是現今酒樓很普遍的現象， 故此可以理解並沒有什麼服務可言，但卻要收12%的服務費。 一些所謂早午茶市特價的點心紙及粉麵飯標價看似便宜，但加上服務費其實與其他酒樓無異。 點心是即叫即蒸，水準可以。 點了鴛鴦飯， 都算不錯， 整體來說是可以的，只是因為茶錢加一，所以埋單比較貴。以香港現在茶樓來說，好吃的是.點心已經買少見少，金御算是不過不失。 至於環境， 由於疫情關係每枱保持2至4人， 每枱相隔也不是太密。…Read More

行過路過口痕痕， 見到有腸粉， 有好多不同款式而且可以揀紅白米， 即刻試下。似乎係即叫即整，要等。 等咗好耐終於有得食 。味道可以，價錢定得比較高，份量太少，性價比唔高， 以小食而言都唔夠食。 口感味道材料唔係粵式腸粉，腸粉冇味亦唔夠滑， 要靠醬汁。餐牌上有套餐，但係點嘅時候店員話冇供應，有啲失望。其實冇嗰樣嘢最好貼住話冇甚至唔好寫出嚟。店員態度幾好， 加番唔少分數。 總括來講尚算可以， 好鍾意食腸粉都可以一試，但個人嚟講未能提起再試其他款式嘅興趣，唔會有第二次。…Read More

偶然發現外賣隱世小店， 有四款便當，一些小食及台式飲品。和同事一起點了全四款及四杯台式飲品試試。 打開滿滿一盒，L1有雞槌、五花腩、蔬菜、滷蛋；L2有一隻大雞髀及一些配菜；L3有排骨豬扒及滷蛋蔬菜；L4有牛肉配台灣腸，全部有漬物跟醬汁以小盒另上，包裝跟台灣吃到的火車便當一樣， 算是十分精美，看得出製作用心。味道很好，跟香港一般吃到的台灣菜不同，是正宗台灣風味。 台式茶不錯， 總括來說性價比十分高，抵食又好食。沒想到能在香港吃到這種便當，能 一解因疫情未能旅行的心癮。…Read More