slimfoodiehk's Profile

今次同朋友嚟咗上環呢一間西式餐廳慶祝生日，成個體驗都幾唔錯！嗰日咁啱落大雨，行上斜路有少少辛苦，不過可能因為落雨，舖頭入面唔係好多人，所以環境都算清靜，同朋友傾偈非常方便！餐廳安排咗吧枱位置俾我哋，唔算最理想，但係整體嚟講都坐得舒服嘅！我哋叫咗一個鴨肉飯同埋炸雞！兩樣嘢都非常之好食！值得一讚嘅係：上菜嘅時候店員會非常之用心咁介紹菜式，包括係用咗啲乜嘢食材同埋食法。所以成個用餐體驗都非常完整！我哋仲嗌咗一個甜品同朋友慶祝生日，餐廳準備咗即影即有幫我哋合照留念！整體嚟講推薦大家去試吓呢一間餐廳！…Read More

嗰日去到太安樓見到呢一間韓國嘢食要咗一條飛魚子飯卷價錢非常之經濟實惠不過要企喺度食嘅！我覺得啲飯就稍為腍咗少少，但係非魚子嘅味道非常之出，所以最後都係食晒成條飯卷！如果喺附近返工嘅人我就會非常之推薦，因為係一個午餐非常之經濟實惠嘅選擇！但係如果山長水遠嚟到嘅話可以留肚食其他嘢嘅基於佢非常之平總括而言我都係推薦的…Read More

今日嚟到土瓜灣附近做運動，做完運動就去咗呢間Cafe坐！ 我哋係Target住佢嘅開心果甜品過嚟嘅！原來呢個甜品叫做terrine, 佢嘅質地有一半係類似生朱古力咁，另一半就係cream cheese咁嘅質地！成個甜品係非常之濃開心果味，加上佢配埋啲開心果碎，成個口感都非常之多層次！ ！開心果迷一定會好鍾意！另外我哋叫咗兩杯latte，都10分好飲！雖然店舖有啲細，但係整體嚟講都坐得幾舒服！舖頭入邊播住一啲輕快嘅音樂，成個感覺都幾輕鬆！而且店員亦都非常之樂意去介紹甜品，成個體驗都幾好！推薦鍾意開心果嘅你去試一試😍…Read More

星期日嘅下午嚟到太安樓掃街，不過原來好多舖頭下午都係未開嘅。嚟到呢一間食地瓜頭嘅舖頭，見到冇乜人排隊帶着非常之低嘅期望諗住試一試啦。我哋叫咗雙拼地瓜球，一半係梅子粉，而另一半就係朱古力加花生！兩款都非常之好味！個地瓜球嘅質地係外脆內軟，而且地瓜味都非常之出色！我個人就鍾意梅子粉味多啲，香港好少食到梅子粉味嘅地瓜球，自從去台灣食完之後我而念念不忘，喺香港食得返都好感動！花生朱古力就正常發揮，呢一個組合點會唔好食呢？…Read More

章魚無雙好食就好多人都知㗎啦！ ！今次嚟到太安樓都忍唔住要試一試！喺幾番掙扎之下，揀咗明太子章魚燒，明太子醬嘅味非常之出，章魚燒入邊非常濕潤，仲有一粒幾大粒嘅章魚粒起入面，基本上都冇乜嘢可以抱怨味道非常之好！而且佢係太安樓入面少數日頭有開舖嘅食物，所以我比一百分！…Read More

嚟到迪士尼玩，同朋友諗住嚟試吓佢呢一間大冒險家餐廳嘅自助餐，點知就食咗人生之中其中一餐幾難食嘅飯。食物嘅選擇非常之多：有印度菜，墨西哥菜，中式，日式，美式……總之包羅萬有！甜品就至少有10多款以上。但係你要問我邊一款值得你去試呢？我就真係一款都講唔出。😂一係就太辣，一係就味道奇怪，一係就冇咩味🤣唯一一樣值得讚嘅嘢係啲甜品整得好靚其中一個係埃及獅身人面像嘅蛋糕，係幾趣緻嘅！不過入得迪士尼都唔好咁多要求啦，唔想食難食嘅食物就喺出邊食飽啲再入樂園玩啦😂…Read More

之前喺mil milk個Channel睇過呢間舖頭嘅介紹，知道佢係一個媽媽開嘅家庭式經營福建菜，今日六點左右經過就入去食咗個廚師發辦。我問老闆娘廚師發辦包咗啲咩，佢話包咗封肉飯，冬菇，同一個春卷。（好似仲有一樣，但係唔記得咗。）我同佢講我想試面線同埋唔食冬菇。所以佢就整咗細細碗麵線俾我試吓。不過可能嗰日冇其他餸，所以佢俾咗一碗炒飯，我另外又俾咗一碗白飯我😂我一個人嚟講就有啲太多😂講吓個味道先：1. 第一名係個春卷，其實食落個味唔係好複雜，但係就係未食過嘅味。個皮有少少鹹鹹地入面包住啲雞肉同雜菜食落幾清爽，又冇乜負擔。2.面線個湯好重蠔仔嘅味道食落都幾好食，不過個人覺得可以鹹多少少3. 炒飯正常發揮普通4.雖然招牌菜係封肉 不過我本身唔係好鍾意食滷水豬肉之類嘅嘢，所以唔comment整體嚟講味道唔算大到太大驚喜，但都係好食嘅，如果經過附近可以一試…Read More

係旺角，位置方便，仲要係黃店！依家OpenRice訂枱仲有八五折。入門口有酒精消毒，夠衛生。主菜食左煎鵝肝伴砵酒煮蘋果、紐西蘭鮮肉眼（5成熟）。最鍾意嘅係個鵝肝，煎得好香口，配埋蘋果一啲都唔漏。肉眼扒好重牛味。甜品叫咗一個Ruby peach，外型夠晒靚，粉紅色好適合情侶慶祝。不過可能食得太飽覺得冇咩特別。市道唔好，星期五夜晚八點全場坐咗大概5成客，唔太迫，幾舒服。值得一題係有個落地窗，望住旺角嘅街景，雖然啲嘢食唔算平，但係夜晚嚟夠晒氣氛。…Read More