神貓蕃薯's Profile

今日由於一啲私人原因過咗megabox，咁啱又見倒個佢做1人燒肉放題，所以立即到場試食，有3樣前菜，1湯，12樣主食，嘢飲半價選擇，我選擇咗泡菜，我食之前都冇乜期望，選咗肥牛，豬肉，雞肉，和牛漢堡，腸仔，菇同金針菇，首先講講d肉類，冇乜肉味，冇乜口感，得和牛漢堡同腸仔有返d味，蔬菜幾靚，我雖然冇單點佢啲牛肉，但見到旁邊果家單點嘅A4和牛都好靚，價錢唔算貴，建議直接散叫呢家嘅A4牛比較好，1人放題覺得唔太值得食，食完有種罪惡感，以上為個人感受…Read More

前幾日老婆見到268雞煲放題優惠，收工立即去試食係唔係咁抵食，首先一入門口富麗堂皇場地好大，服務週到坐得舒適，醬料齊全，一坐低當然要試咗個雞煲先，雞件野味香口，不過唔夠先嫩滑，總體評分一般，然後到打邊爐個湯底，我哋叫咗花膠湯底，鮮甜味濃，色香味俱全，等緊啲牛同啲豬嘅時候上咗個海鮮盤，海鮮好新鮮，大大隻爽口嫩滑，配上香濃嘅蒜蓉簡直冇得頂，但呢度要畀第二個可惜，竟然配烏冬，配烏冬唔及粉絲入味咁快同咁香，配搭起上嚟有啲唔啦更，最後講講d牛同d豬，牛肉紋理好靚，食落一般，豬肉口感軟軟糯糯，非常好食，總體268未加一食到呢個質素，性價比一流，以上食評為個人感受…Read More

香港生意真係越嚟越難做，某日突然見到佢做優惠，但當日時間比較晏，已經買唔到OpenRice個優惠，上到鋪頭由於時間上早，所以有個折扣優惠，本來想去曾經食過好食嘅鋪頭食雞翼放題，但一查之下發現香港得返呢間仲有做雞翼放題，而又未倒閉，在這老婆好鍾意食雞翼，所以當晚就選咗呢間餐廳去食晚餐，首先講講啲雞翼真係炸得有啲老，太過乾唔嫩口，口味睇落好似好多，食落有好幾款感覺都係差唔多，由於雞翼炸得太老，口感都係一樣，如果比著我唔會黎第二次，知不過我老婆同我嘅睇法有d唔一樣，佢覺得呢度d雞翼除咗老dd之外，味道都好好，所以一定會再返嚟食，以上內容為個人感受及體驗，希望對大家有用…Read More

某日在OpenRice見到有498兩位用未計加1優惠，所以訂咗位同老婆大人一齊去食雞煲打邊爐，買之前冇睇食評，到咗去果日先睇食評就感覺佢好伏，經過親身驗證，除咗個雞煲真係好伏，伏嘅意思係冇必要食除雞煲之外嘅野，但食個雞煲又真係有d麻煩，每次都要自己煮8分鐘，吓吓要睇住個鐘，想拎d牛肉配料放埋入個雞煲度焗又唔容許，真心呢間鋪頭好唔人性化，講講其他好處就係地方大，坐得舒適，店員都會主動問吓有乜需要，最終通知我呢樣唔得果樣唔得冇點解，老闆定，如果中意食雞煲嘅人真係值得一去，我應該唔會再去，以上為個人體驗及感受，唔一定次次雷同…Read More

事原當日老婆加班，咁啱我響網上見到仲有時間可以BOOK就選咗呢間，一入場富麗堂皇，日式裝修，服務態度一流，職員從頭笑到尾，就算最後埋單等咗好耐都唔覺掃興，野食方面有返同價位一樣嘅水準，只係甜品方便老婆覺得仲有好大進步空間，我自己就覺得甜品一般，我地點得最多係佢地嘅牛肉，肉味都重嘅，當然唔好拎深圳d現切牛牛黎比，牛牛肉質軟綿綿，我個人除咗牛牛都幾中意果度d羊羊，口感都係軟綿綿，總睇黎講值得推薦去食，前提係保持到質量的話，以上為個人感受👍🏻…Read More

今日心血來潮行過街市，心諗呢間野都開咗一段時間都冇試過，今日過去試一試啦，叫咗杯芝芝乳酸芒果沙冰，點知果杯沙冰真係有d侮辱個沙字，你老闆d沙大個粒手指頭，大粒到連粗吸管都吸唔起，唔大唔細仲大鑊，比粒冰逐一逐，咳到我PK，比d人性啦，收47蚊都唔做好少少，雖然係打工姐，都唔好咁hea，係唔係人工太低唔想做丫，話晒都47蚊一杯，比d咁嘅垃圾人飲，好心你公司做好d培訓先推新品，前線都未識做就賣，一係改名做芝芝乳酸芒果冰粒…Read More

等女朋友進食中途順手寫寫食評先，店面唔大，會為客人著想，我食緊果陣有人入坐，店員以店面細坐得唔舒服為由，立即安排，服務唔錯，講返味道，我叫咗雞同魚嘅沾面，首先講講雞沾個汁，可能我唔太識分雞嘅味道，我覺得醬油味比雞味重，洋蔥味重，面底大碗，口感偏硬爽口，叉燒薄咗少少，口感有進步空間，不過舊雞就真係好好味，香噴噴滑嘟嘟，再黎講講個魚沾面，魚湯底比雞味更有特色，魚味濃郁，其他方面同雞沾面大至一樣，冇乜分別…Read More

以前響呢頭返工，食咗好多年，都算老顧客，今日過空啟德空中花園就順手走過黎食咗餐下午茶，同以前一樣味道，大碟夾肥膩，見倒都覺得有糖尿病，但好好味，黃金西多士口感豐富，軟香超級甜，微微脆，脆脆豬當然係脆啦，脆得黎都幾喊，特別係食完黃金西多士再食脆脆豬，喊味就更加特出，最後輪到講吓杯檸檬茶，冇特別，普通檸檬茶一杯，不過隻杯幾靚，金屬高身杯，拎上手特別涼快，我同老婆一人叫咗一個餐，份量好足，食到頂住個胃咁離開🤣本黎都寫完，臨走先發現杯野飲有粒蟲仔🤦🏻所以衛生減咗分…Read More

呢間係我一直去開嘅pizza店，以前已經出過食評，但琴晚去家庭聚餐果陣發現難食咗勁多，個底都燶晒，入口有強烈濃味，換完又係咁，而且個面仲係凍嘅，明顯個爐溫度過高，底燶面頭未熱，我覺得起碼都要暖，而且有職員不斷提示離座時間，感覺堂食時間過短，其他都冇乜點變了，我應該會去多一次，如果情況都一樣就唔會再去，我內心都唔捨得呢間餐廳，幫佢諗咗好多原因，例如廚師突然有事請假或病咗，希望下次再去唔會再有同類事件。以下圖片係換過後依然勁燶嘅pizza🤦🏻…Read More

呢間餐廳都食咗好耐，大大碟價錢算唔貴，而且好食，特別係炒野，不過唔好夜晚去，味道差好遠，我估應該係兩個廚師黎，我食咗都有一段時間，久時久就食倒d奇怪野，我唔講咁多，最奇怪果次係食倒釘書機釘，我仲要次次都係叫乾炒公仔麵，我真係懷疑果次如果睇唔見食埋落去會點，自從果次之後我就冇再去過呢間餐廳食飯，不過我對碟炒麵真係諗諗不忘，真係炒得好好食，唔似附近其他餐廳咁，炒麵火喉次次都唔同，d麵經常煮過龍都仲放落鍋度炒，以上都係個人感覺…Read More

一入門口就見倒裝修好特別，門口大大個字寫住雞頭，入到去一句一齊去叫雞真係好特別，首先我地點咗個最普通嘅雞翼放題，全部味都點咗1次後發現唔太啱我地口味，除咗個泰式味雞翼外，其他都比較咸，不過我對呢間鋪頭印象最深刻嘅係佢地嘅服務態度，笑容超親切，我唔小心倒瀉咗杯水，立即衝上黎幫手清潔同提議立即幫我地換檯，果日全場爆滿，佢地人手又唔多嘅情況下，仲立即幫手，我真係覺得好感動，果日倒瀉水冇點影到相，有興趣可以過黎食雞翼，不過英文水平要好少少，我英文水評超差，所以當日點雞翼都係靠指指點點😅…Read More

今日終於得閒寫吓食評，果日出到荃灣左簡右簡簡著呢間買沙冰就真係陰公囉，係沙冰，不過係大粒版沙冰，真係好有口感，樣就真係幾吸引嘅，面頭有幾粒芒果肉，一飲落就知中伏，一陣陣藥水味充斥住你嘅口腔味蕾，難飲到一個點，原來面頭果幾粒芒果肉只係裝飾，杯野飲唔係用鮮水果打出黎，細細杯就賣緊33蚊，我真心覺得貴，附近好幾間都有賣沙冰，我果日隨便選1間選著佢都算黑仔啦，我女友選對面果間好飲勁多囉，呢間野其他冇飲過，不過沙冰我唔會再試，而且附近飲品店都唔少，我應該唔會再試呢間，以上都係當日對呢杯野嘅個人感受😑…Read More

最近見雜誌狂推薦，果日同女友行過就排咗45分鐘隊入去見證一刻，本人非常中意食沙爹同公仔麵，其實已經期待已久，講漏左，排咁耐係有原因，提醒一下大家呢晚餐廳係派籌入座，你去排隊係冇意義，因為果度冇指示要拎籌，我點咗個真沙爹豬排公仔麵分上，加一個下午茶餐熱狗同凍檸檬茶，熱狗條腸係廚師腸，包大腸幼，食起上黎冇口感，而個主角除咗貴又真係幾好食嘅，不過好唔好食就要自己控制一吓時間，因為個公仔麵真係就咁放落去浸透，從吸收果刻就已經係沙爹汁，而塊豬排亦唔乾身啱啱好，甲埋一齊食真係唔錯，不過就價錢已然我會選擇去食斜對面嘉豐茶餐廳，同一樣野除咗少緊個煲之外，40蚊有找包埋野飲，而呢間68唔包野飲，真心覺得唔平，以上純粹就價錢同個人口味嘅意見…Read More

日日返工行過見個裝修幾靚就同女友行咗入去食lunch，本身問題都不大覺得唔錯，包括食物質素，先黎講講個苦瓜意粉先甘苦咸甜樣樣齊，味道幾特別，另一個蝦意粉我冇食到唔清楚，女友話好食，個湯都好飲，不過食緊飯果陣d員工走咗幾次過黎拆塊間隔板就有d煩，雖然有禮貌，不過次數都唔好咁多囉，講真唔通唔比你拆乜，最火滾係臨尾埋單果陣都可以唔記得咗，我行過去埋單仲話要我排隊，大哥，我早15分鐘同你講埋單，乜都埋倒啦，結果我遲咗3分鐘先返到公司，以上為本人對食物嘅感受同個人經歷:)…Read More

女友每次學完車都會過葵芳搵我食lunch，今次我地就選中咗呢一間拉麵店，疫情其間lunch時間都要等10個8個人感覺應該唔錯，我叫咗黑蒜油熟成濃湯拉麵同俺流男盛拉麵熟成湯底，先黎講講個黑蒜湯拉麵先，拉麵冇乜特別，但叉燒真係勁厚仲有隻流心蛋，份量已經令女朋友食唔晒，不過個湯底就有d失色，蒜味係重，不過有微微燶味，而相對俺流男盛拉麵就更抵食，加多11蚊竟然多咗兩舊雞扒，可惜上檯方式問題影響口感，明明炸嘅浸落湯，影響口味，熱湯令雞扒熟過咗軟淋淋，拉麵冇乜特別，個湯底真係好濃郁，白雪雪，真係好好味，再黎講吓就到d店員，雖未去到黑口黑面，不過笑容欠佳，語氣生硬，感覺聽起上黎唔多好，不過我估應該唔係個個係咁嘅，以上都純粹係我個人感覺，喜歡可以睇睇…Read More