lazyinsect's Profile

呢間野，我係2022年嘅時候食過一次，亦都出過一個post，因為當時覺得好好食、份量又夠大件，真係好抵食。但係估唔到三年之後呢間嘢唔單止加咗價（當時賣$37，而家$39，加價都明，物價上漲），仲要cut開咗一半份豬扒 ，沙律少咗我都唔講啦（因為已經食左，冇影份量係幾少），成個餐份量減半仲要加價有冇搞錯？今時今日咁嘅時勢，食物冇質素，仲整成咁？檸檬茶冇檸檬都算，唔怪得香港人番大陸食野都唔留港消費！有圖在真相，大家自己睇…件豬扒細到離哂譜，個切口都好明顯下，擺到明就係將件豬扒一開二！…Read More

尋晚一行八人預先book咗海底撈7:30食晚飯，準時到達之後服務員安排我哋就座。座位寬敞舒服，食物老實講雖然唔係特別出眾，但係嗰個氣氛非常之好。因同行屋企人就生日，餐廳送左小禮物🎁、加上座位旁亦有生日牌比你打卡。最高興莫過於waiter 會一齊去你個位度同生日者唱生日歌、表演🎤，拉手工拉麵嗰個亦都好正🙌，氣氛非常濃厚.。八個人大概食咗二千零蚊，平均都係$250/個，老實講相對算係幾抵食。雖然講明時限係兩個鐘，但係當日唔係太多客，佢亦都冇限制你到底要坐到幾點鐘就走。所以下次一定會再嚟。…Read More

因為抽到旅發局既＄１５０ coupon, 揀左尖東既呢間餐廳試，由於時間仲早(我地6點就到左), 完全唔洗等位就可以入座。個coupon 本身定左係食咩, 同埋配紅酒，所以都好開心咁耐心等候。1) 紅酒: 果味香濃，唔太酸，同紅肉應該幾夾2) 法式油封鴨脾， 酥皮窩夫: 鴨脾好脆，但一D都唔油膩，咬落去鴨肉仍然係好juciy, 怪唔得呢個係招牌菜，再配上酥皮窩夫，真係好食到不得了, 好想再食多件3) 大蝦意大利飯: 個人對意大利飯麻麻，但佢整得唔會太硬，而且好入味; 蝦亦好大隻，好彈牙…Read More

每次行親魚街都見到呢間舖頭長長人龍，今日都唔例外，還掂都中午，就試下係咪真係咁好食。由於我一個人排，阿姐姐都好快比我入座，一個人食都有一個人既好處 。午餐例牌都係個D 牛扒、豬扒、雞扒，見到佢有個丹麥多士好似好出名，就叫個常餐試下。１）豬扒通粉——＞ 個人認為湯底同澳牛不相伯仲， 豬扒煎得香口，好味２） 丹麥多士———＞ 鬆軟，夠熱３）炒蛋——＞正常，偏油左少少４）熱檸茶——＞茶味香濃…Read More

任食打邊爐，講真， 除左第一碟覺得幾好食之外， 其餘幾碟感覺麻麻，Ｄ肉好似放耐左咁。。。質素都只可以講好一般，唔值呢個價，但勝左唔洗等好耐就送到嚟，如果係牛肉迷，食番十碟八碟，應該都會抵番GＡ， 不過我自問就冇咁既能力，所以食左兩碟就已經投降。。。轉攻食其他野。款式方面，都叫多選擇，竟然連羽衣甘藍都有，不過味道有少少苦，唔係咁岩打邊爐，可能本身呢隻菜味道係偏苦。其餘應該要有既汽水， 雪條都有，至少唔會令你失望。…Read More

見之前電視講到呢間舖既雲吞麵咁好食，咁我當然要嚟試下啦, 雖然有少少遠，但都行左一陣就到.. 果然...過左兩點既食晏時間，仍然成村人排緊隊，可能受到之前電視既影響，好..就試下你到底係咪咁堅!1)叫左一碗雲吞麵，等左一陣就到，聞到係好香既蝦籽味，雲吞藏係麵底，而麵上面有好多蝦籽，完全係視覺享受。先飲一啖湯, 夠熱，再食一口雲吞，入面有滿滿既蝦肉、豬肉，雲吞size 同出面既係一樣。可能係自己期望太高/ 受電視吹得佢太勁，係好食..但未到驚為天人既個個level...最多都係７.5分（以１０分滿分為準)2) 此店強調有自家醃製白蘿白，可惜叫左好幾次。。都係冇攞比我，至少叫到第３、４次佢先攞嚟，服務有待改善; 個人覺得咁樣唔太衛生，就咁用筷子自己攞。。。呢個位真係要改善一下。…Read More

要係觀塘搵一個地方大家可以坐底食下野、慢慢傾計真係好難，多數都限時限刻/ 一係就好貴，但呢度全程都唔會趕客，仲比你慢慢坐，又不時幫你refill 水，雖然地方有少少難搵，但都不失一個食野傾計既好地方, 我地一係5人，坐左差不多3小時...真係快樂不知時日過...…Read More

話說公司攪慶功, 同事好好一早就訂左位..其實我一直都唔知呢間野係食四川菜...以為係D高級中菜..去到先知原來係食四川菜..其實都唔緊要..凡事都有第一次...入到去..好快做好登記安心出行...waiter 已經即時帶我地入去坐好..面對無敵大海景..未食其實都已經加哂分...先來一客清茶加甜甜酸酸既蕃茄仔，等你開下胃..愈食愈想食....菜單如下:1)串串香   2) 蔥燒餅--> 非常鬆脆, 每份一小件..不多也不少 3) 敲糖捧捧雞--> 打爛個糖膠之後就混埋炸雞一齊食..好得意、又好玩4)椒麻南非鮑魚--> 鮮味5)千絲西葫蘆-->出乎你既想像..竟然可以將青瓜整到咁靚6)金湯花膠--> 呢個應該係成晚既女主角, D 花膠厚到...而且又入哂味7) 香芒山葵脆蝦-->少少山葵味..唔會太辣，大蝦亦都好彈牙8) 椒鹽平蘑--> 將D 蘑炸到好香口9) 沸騰桂花魚--> 雖然好辣，但桂花魚煮得真係好滑，而且食到尾D魚肉仍然係好熱10) 酸湯牛肉11) 石鍋發菜豆腐12) 煙燻香茶鴨--> 先聞到濃濃既茶香，再食一啖鴨肉13) 歌樂山辣子雞14) 紅糖糍粑--> 鐘意食湯丸就岩哂..好煙韌…Read More

公司攪活動，安排左下午茶比我地，今次見到呢個布甸🍮都好興奮，事關呢期好似好hit 呢間野，三隻味有原味、咖啡及皇牌椰青，咁就梗係試下皇牌啦1）將個布甸倒放係個碟上面，即刻變左個好可愛布甸🍮，椰青味勁濃，但係好清甜，好特別既味道，原本椰青可以同布甸咁夾…Read More

下午食飯遇著落大雨，係MegaBox 番工，唔行出去都唔知可以食咩，見到熊小館唔洗點排隊，就入去試下。1）菠蘿🍍焗豬扒飯： 等左大概5分鐘就到，賣相都幾好。先講講個菠蘿，菠蘿就肯定係罐頭🥫菠蘿🍍，但食落係焗完之後先加番入去，就麻麻地囉；至於豬扒，係就係好林身，但亦食得出好大陣雪味，咁基本調味都做成咁，唔怪得冇咩人排隊食；至於個汁同炒飯底都算可以2）熱檸茶： 算正常，同埋用新鮮檸檬🍋埋單$68 （有9折優惠）…Read More

落雨天☔️想搵下野食，行行下見到有間潮州粉麵叫「雞記」咁攪笑？就行入去試下。坐底後侍應好快比menu 我，原先諗住食普通粉麵，但見佢主打墨魚丸，本身都好想試下，但岩皮膚敏感唔食得，諗左勁耐，見到佢有炸魚片頭，就決定試下啦。1）炸魚片頭黑豉油王撈麵： 等左一陣就到，比想像中細碗，心諗今次伏左，咬左一下個魚片頭，當下真係驚為天人，「點解佢可以咁新鮮熱辣辣？」「彈牙彈到好似瀨尿牛丸咁？」 魚片頭外皮好脆口，但入面魚肉卻好雪白、好甜，但唔會有魚腥味，食得出係新鮮貨先做到咁彈口；至於個粗麵，個人覺得咸左少少🤏呢間粉麵店，講真行行下真係好易行過左唔知，但下次我絕對會試佢個墨魚餅我覺得真係要為炸魚片頭爭番口氣，個個都食炸墨魚餅，其實炸魚片頭都好正，配埋支裝可樂，真係一絕…Read More

想食泰國菜，唔通下下走去九龍城咩…咁岩行開吉之島，見到旁邊有間泰國菜館，雖然位置唔太顯眼，但可能寶物沉歸底，一於去試下。由於時間仲早，7點幾，人流唔太多，我同男朋友快手快腳入去搵個靚位坐，兩個人坐卡位就最舒服。首先叫左個咸蛋木瓜沙津，再叫左個豬肉生菜包，最後點左個籽泰船面（牛腩）。1）出面食木瓜沙津就食得多，呢間加左咸蛋，咬落個味道好得意，少少🤏咸咸地,好過癮2）豬肉生菜包上面有炸過既豬皮，卜卜脆，呢個真係要encore, 尤其係d 生菜🥬，颯颯聲好脆3）籽泰船麵：配料有好多，例如牛腩（勁林）、牛肉、泰國肉丸， 湯底仲勁濃味，但卻唔油膩，呢個好得， 如果湯底再熱d仲正最後一定要提兩款辣椒醬，其中一款係自家製酸辣蕃茄醬（呢個真係勁爆好辣），食得辣既朋友唔好錯過 …Read More

尋晚約左朋友食飯, 因為有商場的coupon, 而且好耐都冇食pizza, 所以就嚟左時代廣場呢間pizzaexpress, 可能由於coupon就快到期, 平日明明唔需要等位..但今次平日6:45已經要排隊。唔緊要啦, 為左食好野, 排一陣都冇問題。好快到我地，睇左一陣MENU, 就叫左一個side dish, 一個pizza, 一個salad 及2杯drink1) 個side dish 真係細到嚇親...咁既份量..得幾粒mushroom, 就收$68, 味道一般..伏...2) 個海鮮salad 都幾好食, 蝦又大隻又新鮮3) pizza本身要讚，因為佢本身有少少spicy, 酸酸地, 加埋cheese 本身應該好好食, 個底又夠薄..可惜個pizza 食到中間位置..個底係濕的..都唔知發生咩事..唉..好失望4)最後就係杯drink , 都幾好飲..不過不失埋單因為有商場coupon, 減左$200, 合共收$280, 都算可以啦…Read More

今日落大雨，困係MegaBox 入面..真係唔知食咩好..好左M記有個外賣app..禁幾個制，好快就可以直接到舖頭攞到外賣，呢個真係要讚下。先講下個蘑菇安格斯漢堡包，個麵包外皮係比平時個D 好食、唔太乾，有咬好，但係幾薄下; 至於個牛肉呢..本人就認為同普遍漢堡包分別唔太大，真係唔洗加錢買一個貴咁多既包。栗米杯就最正常，而且份量滿滿的; 最奇怪就係個熱檸茶，明明跟餐加左$1.5轉大杯..但竟然都係咁細杯。總括嚟講，女仔食應該都OK, 男仔應該就唔夠了。P.S: 扣左PAYME $5現金券…Read More

阿波羅乳酪雪糕係我地讀書時候既最愛, 估唔到過左咁多年..最近多左好多人講番起呢間舖頭..搵左呢間舖好耐..終於比我搵到佢...因為下午時間得兩個員工做野..一個去左買飯..另一個又要負責收單、又要整雪糕、又要收貨..其實真係好辛苦..所以佢落半閘截單都好明白，大家都好守規矩，排好隊，等姐姐整好哂野先再收單。等左十幾廿十分鐘，終於到我，一如以往，我都係叫藍莓乳酪雪糕，先唔講中間我又等左幾耐....同埋佢D cone 冇 cover 好..個人擔心衛生問題，我改用杯裝..終於乳酪雪糕到手，一咬落去，我只能講..係冇味...唔知係D蓋莓冰得太耐定佢落得太少藍莓...真係冇味..好失望..仲要$48 既價錢...真係寧願食番Haagen-Dazs 好過...…Read More