Milun's Profile

紅雨之下去左Airside，本身想去食海南雞，點知佢成個場半吉都唔俾個Sofa位我哋，就去試其他野，睇完水牌就去咗呢間泰沾麵試下！先講講服務，係非常之滿意，好有禮貌，自動波見到唔夠碗會再俾，refill水完全唔使提，大讚！講完服務講野食，先黎左個船麵，熱辣辣，個賣相好靚！個麵同個湯都中上，但係去到粒丸同埋兩塊肉就非常之媽媽，粒丸一啲都唔彈牙同埋冇味，而塊肉嘅話清唔切好食亦都唔可以話佢好難食，no comment!然後佢就再嚟埋個炒河粉，河粉咁味其實幾好食，但係個河粉就比較黐口，同食開嘅泰國炒河唔一樣，唔知係咪佢嘅特色，自己都係鍾意傳統嘅泰國炒河粉多啲，個雞嘅話就非常一般。然後個冬陰功非常非常之油，見到隔籬枱俾佢個賣相呃咗，以為有兩隻大蝦，點知原來係一隻分兩邊，咁樣$200就好唔抵啦。最後椰青，成個椰青同埋隻碟都係凍嘅，但係入邊嘅椰子水係一啲都唔凍，唔敢諗點解會咁樣。整體服務非常之好，但食物質素有待改善，價錢亦都唔抵食，應該都唔會再嚟，食泰國嘢正正經經去九龍城算！…Read More

岩岩伏完一間，食唔飽之下再去另一間算係多好評既中餐，叫左比較多人會叫既牛筋腩河同炸鯪魚波。加分位係落單叫牛腩河既時候，姐姐會問你要唔要筋，最後變左牛筋腩河，但係咪同一個價錢我就無留意。兩樣加埋78蚊！個炸鯪魚波就算中上，彈牙，夠熱，一碟6粒，影個時已經俾人挾左一粒走。Size就正正常常，可以一試。根住到個牛筋腩味精河，食落去個湯係掛到上去個，個湯仲幾香，但3點食完之去到7點個喉嚨都係keep住乾乾到懷疑自己啪左成包味精。牛筋幾淋，牛腩無comment，蘿蔔算甜，但俾個味精湯污染左。究竟天后有冇邊度係好食…Read More

2個人放低左小朋友去學野就去搵食，見到食評好多人話好食同正宗，岩岩去完澳洲心思思想食下，點知一個字，不知所謂😂😂😂擔擔麵我冇食過，但老婆話正常不過唔會再回頭。主力講翻我食過既野，先講個麵個蘭洲牛肉麵就有隻滷蛋，幾塊牛腱，份量正常。但個麵食落去起好笑，麵有麵自己，湯有湯自己，辣有辣自己，完完全全係分開晒，個感覺好癲，最重要係好難食！隻蛋就普通滷蛋，無comment。個麵偏淋，個湯無味，食落去同正宗兩隻字差好遠。仲有幾片蘿蔔唔記得講，細細片，又係keep住個standard，完全無味👍🏻唔會再黎，唔值得黎，唔會試埋其他野究竟有幾多打手…Read More

1-2年前食過一次，難食到飛起。見佢咁耐都仲係到，今日又諗唔到食乜又唔想行遠就入左去。食左一啖第一個諗法就係topic，點解可以仲未執。個麵好乾，個瑞士汁完全冇味，個西多浸臭油味完全搞唔掂。隻雞比同雞排又乾又咸，癲到。成個餐得一杯凍檸茶係正正常常。仲有個薯條都係乾到柴咁。環境就正常茶餐廳，但好笑既係在場3個樓面各有各發夢，有人叫左幾次想落單都冇理到，但明明幾個人都冇嘢做緊冇傾計冇玩電話所係做人真係唔可以懶，以後會行多幾步，唔會貪方便，真係唔可以再黎…Read More

食左呢度起碼5年，一開頭好有驚喜，但近呢一、兩年愈做愈差，今日應該係最後一次了。以往都會成日叫外賣，成班朋友食，但近一兩年已經俾朋友投訴唔好再食。今次叫左3個飯，差到唔想講食左啲乜了，但為咗個喊喊我就打多小小。吞拿魚蓉完全入唔到口，而且無色無味，唔知食緊乜，而啲飯就好古怪，唔知點形容，完全入唔到口。全餐唯一正常既係隻蝦，正正常常無雪味但又唔係食落口會”嘩，好正呀”咁樣。回憶已成過去，希望你會有改進。…Read More

之前都黎過好多次。 對上黎已經有一年，今日例牌叫個雙芝蛋堡加薯條加可 但真係好失望先講個薯條 ，一啲都唔熱同唔脆，好似過夜咁好難食 之後想要多包茄汁居然要收錢，太過份啦！！！個包亦冇以前咁好食，塊牛有異味！態度串左好多！再見了時新，希望有一曰我會回心轉意再黎過！…Read More