mei8982's Profile

支持隱世小店！由於得十二個座位，就要有相當的心理準備。而且要齊人先可以一人一張飛 順位排隊⋯⋯以免造成混亂。都公道嘅…我排了105分鐘😵‍💫食物款式唔多，只是賣品質。雞白湯拉麱$98，湯好香，好濃郁， 8小時熬製無添加😍，好夠熱，忍唔住飲咗大半碗👍🏻，🐔雞叉燒好嫩，溏心蛋也整得好好，麵質唔會太腍，是我喜歡的類型。濃醬油雞清湯拉麵$118，湯底清不過也好夠味，也是很多人推介的👍🏻華味鳥刺身$68, 好細碟，配上洋蔥和菊花，食落似烟三文魚。龍蝦沙律配4塊紫菜$48 ，也是超細碟，以紫菜包住食，味道唔錯。最可惜七點幾入到已賣哂炸雞🍗…Read More

以為鋪子唔大，原來有二樓，地下係開放式的設計，六張枱左右，冇門遮擋，夜晚好多時有食客坐出門口。今次上2樓食，會靜啲，女員工招呼得很好。四人食，叫了半隻雞🐔的 BB辣 重慶雞煲，加多幾隻鮑魚， $13隻，辣度真係好B B（下次可試小辣）不過勝在好惹味，最喜歡就是勁多芫荽！食完雞煲，跟住就係加湯打邊爐。推介：手切牛，不過份量少了一點；廣島蠔，一碟有六隻，比想像中大隻；手打三寶丸，每款四粒，（蝦丸，墨魚丸，鯪魚丸），蝦丸和墨魚丸，尤其出色；炸響鈴，食完半份即炸響鈴，唔夠喉，要再叫多半份。飲品都好多款選擇👍🏻服務態度👍🏻冇限時👍🏻…Read More

過江龍店，要試一試，門口旁玻璃窗見日本師傅搓粉團整烏冬，很吸睛。星期五晚上晚飯時間不用排半小時⏰就可進入，日式裝修很舒適，美中不足是中間的長枱，陌生人會有機會坐對面，比較沒有私隱度，也由於中間沒有間板，始終有受呼吸道感染的風險。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯有湯烏冬和平烏冬選擇，湯烏冬份量都唔少，而且用石鍋上夠哂滾熱辣，配菜有大蔥，生雞蛋和豆卜，夠晒蛋白質。今次試咗兩款湯烏冬，麵豉湯安格斯牛肉🐮煮烏冬 $108，湯較濃味，烏冬煙韌；另一款鰹魚湯黑豚肉🐷煮烏冬 $98 湯汁較清，豚肉確實唔錯，大概有五片左右。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯另外試咗柚子汁芝麻昆布漬 $22，柚子味清香，不過又冇特別驚喜。燒地雞手羽 $48，三隻雞翼，唔算大隻，不過賣相，香脆度和味道都唔錯👍🏻蝦天婦羅$28 ，有兩隻，正常口味，亦都沒有太大驚喜。值得一讚，喺呢度啲食物全部都很夠熱👍🏻…Read More

舖位很细，門口外有一張細枱，不過主要都係做外賣，周圍環境偏喑和靜，價錢又唔算特別便宜，網上食評似乎幾好，所以去試。試咗貓霸漢堡🍔 $57，另加$15 轉餐，有薯餅或薯條選擇，和一杯簡單飲品（也可加$22轉香港人朱古力），貓霸的漢堡有兩塊，好厚，啖啖肉，配蜜糖芥末醬，ok 不過冇驚喜，不過個人就不太喜歡夾菠蘿。薯條是凍的，實在令人驚訝😱😱香港人朱古力（60%朱古力），不太甜，唔錯嘅。另外試了貝羅菇漢堡 🍔$49，有一塊厚厚的漢堡扒，仲有一塊大啡菇，洋蔥，配上黑松露醬，味道唔錯👍🏻不過賣相就麻麻地，包也唔夠脆。叫了一份大雞拼盤（原價$70 ，叫了漢堡會有$5優惠），有兩塊雞扒，兩件雞鎚，兩隻雞翼，由於佢所有包裝紙都係防水的，十五分鐘回到家後，炸雞脆面已欠奉，有倒汗水，變得濕濕地，腍咗，唔好食。附上兩種醬汁好味，但沒有俾客人選擇。總結：包是足料的，醬汁好味，但個包好腍，唔脆，賣相真的不吸引；另外，炸物全部都唔得👎🏻唔脆的（堂食大概會好D呱）…Read More

晚市訂位來吃，冇限時👍🏻不過地方很迫又唔夠冷氣，食到出汗。試八人豐盛宴，十一款食物，甜品可以轉高力豆沙👍🏻，勁飽，$2888不是全包宴，要另加茶錢和前菜錢。特別喜歡每人一盅燉羊肚菌螺頭燉雞湯，每盅也有一件羊肚菌，螺頭和雞件，超正超熱。慢煮牛和酸菜龍躉也好味👍🏻～～～～～～～～～～～～～～～～～～～～上菜超快，有種被催促感覺，最不滿是上第三味菜時就上埋甜品😨，要打發了侍應遲啲先上。之後上第八味菜時，侍應又再次上甜品，真係費解🤨很明顯她們沒有留意食客需要😠，於是又再次打發侍應遲啲先上甜品。（落單寫明甜品叫起的）最掃興是，我們十一味菜食完，叫侍應起甜品，我們足足等了二十至二十五分鐘（即整絕對接受），但上枱竟是又凍又實又縮細哂的高力豆沙，擺明係之前一早已經想上枱嘅甜品，留到現在，而且用保鮮紙蓋面咁上枱😡只覺得好失望！完！…Read More

平日下午三點左右到店，唔駛等位，座位大部份都倚窗而坐，本來以為可以勁打咭，點知下午勁猛太陽，對眼差啲睜唔開🫣，冇搽防曬應該會出雀斑😆，到接近五點先有人主動安排活動屏風，好過冇啦！～～～～～～～～～～～～～～～～～～～～唔多食物款式，甜品反而貴過好多款主食😨龍蝦汁配大蝦三文魚子手工意大利寬條麵$188 👍🏻味道濃郁，蝦🦐好夠味也煎得香，份量唔多，男仕應該唔夠食。另一樣試了黑糖紅豆綠茶麻糬窩夫🧇$168，賣相ok 嘅，伴碟有香檸雪芭👍🏻，不過窩夫係有D失望嘅😧，唔重綠茶味，也唔夠外脆。🍵宇治抹茶$50，凍與熱也差不多份量，我喝熱的，表面拉了花，少甜，味道有回甘👍🏻～～～～～～～～～～～～～～～～～～～～這裏除咗熱烈咁曬住，也感覺到抽氣唔多好，有點焗，走時發現全身都係食物嘅味道🤢…Read More

絕對係打卡食店，但估唔到係食物質素又唔錯喎！荃灣分店環境闊落，裝修精緻，以衣車做主題，有唔同款式嘅舊衣車佈置，門口旁也有個Cyber嘅空間俾你影相👍🏻店員也有禮貌👍🏻～～～～～～～～～～～～～～～～～～～～首先揀湯底，雖然牛乳木瓜窩相信好多人會揀來打卡，不過我哋揀咗同樣價錢又實際啲嘅秘製花雕豬肚鍋，胡椒味好重👍🏻$168有幾個打邊爐拼盤也吸引人，我哋揀咗香江拼$798，全是牛的部位，每樣也好吃，當中擺盤嘅紫色椰菜絲勺一勺都好甜，擺盤勁靚。再叫了七色丸🌈同埋白鱔片；白鱔片有六塊，好肥美$98👍🏻；七色丸🌈主要係用嚟打卡$108，七款都唔同味的墨魚丸，幾特別，不過某啲款偏鹹。兩個人食三款食物，勁飽。飲品揀咗桃花緣$88，店員就會吹過波喺上面，其實冇咩作用，主要係俾你打卡，其實都幾靚😂過咗一分鐘多啲，個波就自動爆咗，叫做有啲效果😆～～～～～～～～～～～～～～～～～～～～這裏嘅火煱醬料係自己出去選擇嘅，$25/位，放喺店中心，仲有腐乳醬選擇。整體感覺好好，免費加入會員有coupon送，不過最後選擇用現時推廣嘅匯豐卡九折，更為化算！💰…Read More

喺人流好多嘅屯門巿廣場，但平時行過都見好少人食，可能定價在同區比較貴，不過日式環境格局唔錯，枱子大，很闊落。今次用open rice 訂座，晚餐用上8️⃣折全單優惠👍🏻全程有店員喺旁邊燒肉，好nice, 好好服務。雖然套餐會平啲同埋唔使諗，但最後決定散叫，想食精啲。*** *** *** *** *** *** *** *** *** *** *** ***二人共叫了6️⃣款食物，好飽！每款都好食👍🏻也不需要額外調味。醬汁牛肋燒 $220（好入味）一本漬和牛牛肋肉 $168（相對其他幾款偏肥D，份量都唔少，盛著的菠蘿最後也用來燒埋吃👍🏻 經理話這款很受歡迎）菠蘿漬鑽石和牛牛胸腹 $288（必叫，肉質好，非常好味，果然一分價錢一分貨，盛著的菠蘿也燒埋吃，份量都唔少，正好幫助消化）蒲燒鰻魚 $288（非常好味，厚身，彈牙，花了最多時間逐塊燒逐塊塗醬汁，也是必叫）厚炸沖繩豆腐 $48（外脆內滑，正）和牛壽司 $125（和牛唔算厚，不過也多油脂，隔著保護罩用火槍燒，有哂視覺效果）菠蘿梳打🍹 $36 （正常味道）沙律菜（免費，任添）凍麥茶（免費，不停幫你加茶）…Read More

酒樓喺藍地大街附近，揸車（可免費泊車）或藍地輕鐵站落，行過去也唔遠，假日中午都好多食客，有時經過都見有條車隊等位入停車場呢！而且細枱唔多，都有機會要搭枱坐🤨試過幾次中午飲茶都覺得幾好味，$10位茶錢，這裡都有特別D嘅食物種類，例如川汁豬手，剁椒魚頭，水煮牛腸粉。酥炸魷魚鬚$58 👍🏻炸醬已調味，炸蒜鋪面，好惹味。水煮牛肉腸粉＇牛肉是一片片的👍🏻唔會太辣，當然要預咗油D罪惡D😈不過好特別，點都要試吓。叉燒腸粉，粉皮好滑，叉燒都唔少。粉果，蝦餃，燒賣都好大隻，足料，皮不會太厚。生煎包👍🏻，用瓦煲上，生洋蔥舖底，底部香脆，好味。山竹牛肉👍🏻夠juicy ！…Read More

位於新世紀廣場，地方唔算大，想食點心，唔想去酒樓的另類選擇，食物都幾多款式，有𢏺有麵有點心，食評都偏向正面。推介粥品： 鮮滾豬膶粥👍🏻👍🏻豬潤最小有五塊，又大塊又好味；鳳城鮮蝦淨水餃👍🏻👍🏻非常好味，有六隻，大大隻，有蝦有木耳，好爽口；小皇府鮮蝦淨雲吞👍🏻本來味道都幾好，不過我食完水餃先至食，立即比下去！臘味煎蘿蔔糕，薑蔥牛柏葉都普普通通；叉燒搶皮薄餡靚；蝦餃一籠四粒都唔細 $46 ，都足料，洒樓價錢虎松茸魔鬼魚餃，$36 有三隻，賣相認真麻麻，其實即係用菇做的素餃，味道也不錯。試了兩款$28 的甜品：薑汁千層糕，有三件，不過唔夠薑汁味；綠豆蓉焗西米布甸，幾特別，焦糖表面，冇蓮蓉餡咁甜，略為細杯。五人食，埋單$804，茶好淡味，食物都ok, 多款式，我覺得略貴。…Read More

被OpenRice 食評吸引訂枱來吃，店子窗邊位樓底高，有空間感，又有綠色植物，好舒適！今次平日來試晚餐，19:00冇乜人，不用等位，主餐牌都有配餐湯，不過沒有飲品，要另叫。意粉配搭都幾吸引，不過最後揀了慢煮澳洲牛面頰菠菜意大利飯，夠熱，味道幾好，份量唔大，男仕可能唔夠飽；德州燒烤牛肉漢堡，漢堡可另加$50 加配薯條和柚子蜜，牛肉漢堡 juicy，夾上芝士，炸洋蔥和菜，味道ok, 薯條唔少不過麻麻哋。兩個歺都係百幾元左右，食物都唔差，不過冇大驚喜。…Read More

被甜品相片吸引來吃，粉紅色鋪子，裝修比較少女風格，所以大部分是女性客人。今次平日午餐來試，一點半後唔多人，不用等位，有午餐供應，有麪有飯有pizza 選擇，帶小朋友來吃很適合，而且員工見有小朋友就自動波預備粉紅色B B櫈和膠餐具，而且很有禮貌呢，讃！午餐有湯，有甜品，有餐飲，都係百幾元左右。去骨海南雞西班牙式燉飯$128 份量唔少，似濕濕哋的番茄飯，雞也很滑，小朋友也愛吃，重有新鮮沙律菜；黑豚扒伴蘋果蓉，$128 好厚身，都唔錯；最貴的澳洲黑安格斯牛側腹扒伴薯條，$168 反而牛有啲韌；全部餐湯也是磨菇湯，好香好飲。果茶不用另外加錢，都夠大杯。壓軸就係招牌鮮雜果麻糬窩夫配雪糕及巨型棉花糖，我覺得呢個雖然要$105都值得，拎出嚟個賣相已經嘩一聲，大過個頭😱棉花糖有粉藍色同埋粉紅色選擇，不過顏色都只係表面嗰層棉花糖，入邊嘅棉花糖都係白色的，食咗個棉花糖就可以睇到入邊嘅雜果，全部都好清甜，仲有窩夫同埋蛋糕，重配上蜜糖呢！份量足夠四人分享👍🏻我的食後總結：價錢中位，食物都唔差，甜品好🉐️，啱晒打卡，值得幫襯。…Read More

第一次幫襯，屯門仁愛分店舖子細細，地點唔算好方便，冇堂食，只係有外賣，平日傍晚來唔見有人幫襯。今次試吓招牌兩姊妹涼皮，$29一份，偏細份，有青瓜絲芫荽，足夠的汁，酸酸辣辣，好醒胃，粉皮好滑容易咀嚼，這個我選擇了小辣，好味。另外，叫了兩款都係$52 的小食，也選了小辣，椒麻雞和夫妻肺片，當中夫妻肺片已有齊豬肚絲，金錢肚，豬脷，豬耳，夠麻夠辣，有青瓜粒墊底，減低油膩感，讃！份量唔算好少，二人吃剛好。我的食後總結：價錢ok,好惹味，會再幫襯。…Read More

星期日晩八點半walk in 唔駛排隊直入，由於唔多食客，所以都俾了四人枱我們坐，都算舒適，員工也平易近人。見到有二人餐限定推廣就試吓，原來重係每日限量，$248都幾多嘢食，有蟲草花燉湯，一個小菜，一個煲仔飯，重有6件點心。另外開多壺菊花茶$13。燉湯夠熱足料，好味；小菜有四款，選擇了魚香茄子煲🍆，好香，不過每口都勁油；再嚟就係點心拼盤，有粉果，燒賣，奶皇包，冬菇包，味道ok; 煲仔飯揀了臘腸滑雞，雞勁滑，臘腸也唔肥，有飯焦，落了煲仔飯豉油和少少🐽豬油好惹味，夠哂兩個人食，好飽！總結：食物質素👍🏻二人餐抵食👍🏻食物夠熱👍🏻…Read More

之前試過walk in幾次都冇位，今次平日晚上六點幾成功攞飛，不過都要等一個鐘，有裝修，有海景，座位很舒適，除咗有員工，亦都有機械人藤來藤去收集下欄嘢。見到有推廣，食滿$800又以PayMe,支付寶等電子消費會有七八折👍🏻，食物款式有啲都幾吸引，當然要試吓出晒名嘅片皮鴨🐤，我哋兩個人叫咗半份，$198 ，鴨皮已清走肥膏👍🏻，墊底的鴨肉都好味，值得推介。另外叫咗🌶🐟水煮魚片 $298，很多魚肉，又大嚿又厚肉，不過配菜好少（只係得少量薯粉，萵筍和金菇），都唔算太辣，可以一試。再嚟就係松子黃魚半條$168，賣相很精緻，份量細，相信只夠兩個人食，切開都係得四舊，芡汁略甜，可以試吓。小籠包$98有5隻，內裏有湯，塊皮感覺唔夠滑，正正常常冇驚喜。叫了杯特飲，🍹熱情果菠蘿梳打$38，賣相好睇，味道清新，👍🏻眼見很多人都有叫這杯飲品。兩個人冇浪費，飽到捧住個肚走，總括食物質素都唔錯，78折即全單平咗成176蚊👍🏻👍🏻，如果冇折扣就覺得偏貴。…Read More