henry1997的個人專頁

臨時臨急約食屋企生日飯，亂打亂撞為了方便老人家預約這間食肆。我們點了以下7碟菜：軟殼蟹火山包- 味道不過不失，蟹夠脆，麵包吸左咖哩味道係不錯泰式烏頭 - 味道一般，個汁有改善空間沙嗲串燒雞肉- 沙嗲汁係煮得不錯黃金豆腐磚- 外脆內滑，野味！推介👍🏼青咖哩牛肉- 青叻喱不夠香炸蝦餅- 蝦肉彈牙，推介👍🏼最後，因為知道我們是慶祝生日，居然送上驚喜，送我們一碟黃金雞亦，仲整得好靚，老人家見到好開心！我們還在店內切蛋糕慶祝。服務方面我覺得各員工也很貼心和細心，我們一枱又老人家又細路都照顧週道。食物方面係港式泰菜，有改善空間。如果要求不高，其實也是不錯選擇。…查看更多

中午時間真靜靜食個午餐，行行見到呢間澳門菜，就行左入去。土生土長在澳門的我從未聽過什麼澳門菜，不妨試下你咩胡蘆賣咩藥。我就好簡單的點了「焗豬扒飯」，落單時waitress仲話安裝個app就有葡達送，我就安裝左，一心諗住試埋個萄達。個「焗豬扒飯」一上到枱，我就只見到個飯面好似鋪左層厚厚既雪！因為全部係芝士粉，我心諗，咩料啊？再睇下一層，係好多好多蕃茄汁浸住！浸住d飯！一pat pat⋯⋯再講埋個豬扒，一口咬落去，係油係肥膏！再咬！係筋，點咬都咬唔斷。此時此刻，我想比大家想像下, 比成百蚊食梗咬落去一pat又鹹又爛pat pat既飯，再加成口肥油又韌過柴既唔知咩豬扒！比死更受！此時我唯有埋單離開傷心地，順便話比哥仔知送既葡達仲未上，外賣拎走。哥仔既話送既係無得帶走！下？我話我想買多一個外賣，放埋一齊得唔得？哥仔就話外賣袋只能放一個，而你係要拎走送個個，自己用手拎！!!呢d係咩服務態度？叫個客用手托住件撻走？哼！已經比你呃我成百蚊食垃圾，我亦唔想再為個14蚊葡達浪費我時間，我轉身就走。呢間野，不知所謂！…查看更多

今日分別叫芒果和菠蘿沙冰，都無貨！蚵仔大腸麵線，一般過一般。肉燥飯，好食，有肉香和肉汁，不似一般的多油。溶岩炸雞，d雞鞋既！個芝士就幾香。好彩不用排隊，但真心覺得比食評呃左！…查看更多

行經附近飄來陣陣煲仔飯香味，雖然剛食過晚餐，忍住坐低叫左碗筋腩河同生滾及弟粥！筋腩河湯底夠甜，河粉又細又滑，牛腩夠林！什麼米豬連個d真係比下去生滾及弟粥真係驚喜—煲仔上生滾粥！係呢個凍冰冰既冬天夠哂warm! 粥底係用米煲而唔係打碎既米，一睇就知！料夠鮮，粥夠甜！今晚宵夜夠滿足！埋單盛惠80元。…查看更多

一家人食飯想食餐好既，睇到個食評評分不錯，所以就試一試。訂台7時準時入座，點左以下菜式:1. 麻醬鮮淮山 $87全碟得9條手指甘粗既淮山再加麻醬！無錯！得9條！我地7個人仲夠分，唔該哂！2. 燒鵝（推介菜式）皮唔脆，肉又勒，真係好差，點解可以推介比客？3. 話梅雞 (推介菜式)個人覺得個味好怪，雞肉完全無特別，又係推介？4. 星斑蒸水芙蓉( 推介菜式)蛋白好滑，但上面得個4、5塊斑片，最貴呢個菜，但相對來說實在偏貴5. 金磚豆腐其實係炸豆腐，皮薄既，可以一試6. 荷葉飯夠濕但無咩料既荷葉飯7. 陳皮紅豆沙 (推介菜式)我最期待既甜品，幸好大家都認為不錯，夠沙又不太甜，陳皮味好香。價錢合理。總括來說個人覺得吹大左，什麼獲獎無數，只係綽頭，我們一行7人，食完覺得似陣風，菜式太細碟，價錢又貴，味道又唔係出色，唯獨服務不錯，可惜無下次～…查看更多

第一城茶記唔多，可以放得入口真係仲少。上次叫左個雞絲意粉，d雞絲放入口吐都吐唔切，個陣雪味加霉味即湧上來。今日，我來食個早餐，又叫左個雞絲丁連奶茶（盛惠32！蛋都無隻）。又中，即時食慾都無！我認，我記性差！無下次，真係無下次，茶記去雪味都做唔好，間店好食有限。bye bye!…查看更多

約左友人係灣仔食飯, 忽然諗起上次食"喇沙"不快經歷. 但又想食喎. 經朋友推薦下. 就揀左呢間再戰"喇沙"今次2個人就叫左"青咖喱雞+薄餅", "海鮮喇沙", "海南雞飯""青咖喱雞"個汁做得不錯, 辣左少少. 但係味道係不俗. 可惜雞係有雪味. 扣左分"海鮮喇沙"就真係要讚. 個湯係辣既. 但對於我不食辣既人都入到口. 仲好好味. 扣少少分就係佢個面唔係金邊粉. 但總評不錯."海南雞飯" 個雞係無骨, 又嫩又滑. 岩哂我呢D懶人. 個飯仲係油飯. 值得一試.呢間鋪值得評為"開飯之選"…查看更多

開車來到大坑, 遠見這間小店已排哂長龍. 所以決定要試一試.2個人只叫左蒸肉餅同埋芥蘭炒牛肉. 蒸肉餅可能係加左好多肥肉. 所以入口即溶. 但感覺又唔膩. 好味!芥蘭炒牛肉都不錯. D牛肉好林, 芥蘭唔怕好老. 只兼太細碟2個人食到LUM LUM脷. 好滿足~ 好似返左屋企食飯咁. 一定會再黎!…查看更多

今日開車黎到長沙灣. 就係黎食呢間係香港少有既緬甸魚湯粉. 入到去鋪仔細細. 但都乾淨. 朋友三人都叫左碗魚湯粉, 仲加個豬扒飽. 首先講個魚湯粉既湯, 魚湯稍為淡左D, 唔夠濃, 亦唔夠香. 材料亦唔多. 同澳門既魚湯粉相比. 真係差好遠.... 粉佢就得有揀金邊粉或者米線. 澳門既魚湯粉就只有金邊粉...至於豬扒包, 就真係一般過一般, 包係軟皮豬仔包, 而豬扒就係有骨豬扒. 但入口就好乾,無肉汁.呢間鋪仔雖然唔係特別出色. 但勝在唔使過大海都有得食. 朋友們異口同聲講句...."好過無啦~" 臨走時老闆仲問我地意見. 佢地應該係新開無耐. 希望下次去佢可以有改進啦.…查看更多

中午搵食搵到灣仔. 呢間打正招牌食喇沙. 當然要一試.入到去坐低就叫左碗喇沙. 入面既材料都一般多. 包括左蛤仔幾粒, 蝦肉1隻, 雞旦1隻, 魚片3塊, 豆卜2個(剪開左)...味道唔辣, 幾岩我唔係好食得辣既人.但我朋友就話好麻麻. 材料唔夠多. 咁又係既. 賣成54蚊一碗. 真係一D都唔平..試食兵團認為可以OK一試. 但事先聲明. 服務真係幾差. 或者話係效率高囉. 放低快子唔夠一分鐘已叫你埋單走. 因為地方太細. 如果你諗住中午LUNCH HEA食就咪入去食勒. 唔係盞一肚氣.…查看更多

星期六有外國朋友來港, 佢一心想食辣蟹. 我就帶左佢黎呢間試下...我地叫左以下既菜:炒辣蟹: 幾惹味. "中辣"唔夠辣, "微辣"同"中辣"又差不多...味道OK啦...霸王雞: 無雞味, 太肥仲未熟... 失望白飯魚炒旦: OK啦...無新意炒介蘭: 幾FRESH. 但唔夠薑味上湯泥孟: 幾新鮮. 可以一試炒聖子: 仲差過大排擋...不能不能炸大腸: 太乾, 太瘦, 完全唔掂炒面: 第一碟炒黎鹹到苦. 叫佢炒過碟. 勁甜.炒豆苗: 味道還可以. 但偏油我地一行七人. 埋單HKD1400.一致認為無下次....…查看更多

行街行到筲其灣.諗起呢到有間安利.就盲中中去食...係門口等左15分鐘. 終於有位. 入到去即刻點左個切腩魚片頭撈粗&河, 炸魚片, 熱奶茶, 紅豆忌廉...切腩魚片撈粗: 牛腩唔痴牙, 好味! 魚片有魚味, 好味! 個撈面唔使加湯都夠濕, 好味!炸魚皮: 魚皮香脆之餘又無油益味...正啊!熱奶茶: 香!滑!奶同茶既配合剛好! 紅豆忌廉: 平時飲紅豆冰會好甜.但配忌廉又幾好,唔怕甜!今次試食好滿意. 比十個正佢!…查看更多

見呢到咁多人讚, 趁朋友仔生日就去試食. 試食兵團叫左...1. House White Wine $68 2.藍青口 <-佢話係推介3. 黑毛豬面頰 4. 燒羊架5. 大蝦意粉6. 甜品: 心太軟, terumisu, 桃雪芭首先唔好講味道. 講左個服務先. 我覺得個經理態度真係好麻麻. 我問佢有無旦糕. 因為朋友生日嘛. 佢話得"心太軟". 一係自己去買...(我聽到佢同第二台講, 自己去請要收開餅費$50)..但佢又無同我講清楚. 我揀左"心太軟". 之後等埋我朋友黎先order. 佢一直推我地叫生蠔, 和牛...唔貴唔食. 但我地真係唔想食. 佢見我地點左頭5樣. 佢就一句彈埋黎" 係呢四樣啊?" <-佢語氣係你地叫咁少啊? 我地得3個人, 當時梗係唔高興. 所以就諗住食完呢場去第二個場再食. 在食完之後, 佢又走埋黎講, 你地飽唔飽啊....<-完全聽出係好梗耳下! 因為太遲訂台, 所以佢局我地坐vip房. 但個vip房一d都唔vip. 似金魚缸多d. 外面既客人可以望住你食飯. 門口又對住廚房. 其間d侍應同個經理不過望實你. 我地要求過轉台. 因為當時只有2台客. 佢就話: 訂台個時都同你講左無台啦! 我朋友即時低聲話 : 無講過...至於味道, 我就真係名過附實. 1.藍青口 <-佢話係推介, 但食唔出鮮味. 又無酒味. 2. 黑毛豬面頰: 一般. 唔勒囉, 個汁係帶薑味3. 燒羊架: 呢個生熟程度適中. 不錯4. 大蝦意粉: 燒起好香, 但太多汁..5. 甜品: 心太軟: 朋友s話成晚呢個最好食. 可能係生日cake啦6. terumisu: 極差. 7. 桃雪芭: 配有果肉. 不錯.原來諗住去第二場再食過. 點知原來個心太軟要等成20分鐘. 我係一入座, 所以朋友未到時己order左個cake, 食完主菜問佢起得旦糕未. 佢就話要即整架...唔知你地食幾耐架嘛...(阿哥啊, 明明見住你收左碟先叫人開始整, 咪扮野喎!) 我地就咁呆等20分鐘. 訂左第二場張台都趕唔切去. 今次試食團一致認為: 無下次!!!!…查看更多

意之所致入左去西貢食飯. 開車經過呢間餐廳. 見佢幾靚所以就入左去坐低食晚飯. 晚飯地點係上層. 下層似係飲野. 餐廳對住條馬路. 其實都幾嘈. 呢一點扣唔少分.我地點左以下食品:1. 椰子湯? (味道一般, 似飲緊叻沙)2. 安格斯牛扒 (超大件, medium-rare. 超好味)3. 三文魚扒 (個樣好靚, 味道OK)4.凱撇沙律 (個汁幾好食,仲可以揀雞肉)總括來說我地幾滿意呢餐飯.…查看更多

自從開左板長, 我就好少去元氣. 佢係魚背壽司, 吞拿魚腩, 火炙三文魚腩係我必食. 但可借每次都要等好耐先有位. 所以我會中午黎食. 唔使等位開心好多.…查看更多