kyleungkyleung's Profile

有個好鍾意食川菜嘅朋友介紹，前身叫麗澄軒，今日特登過嚟試吓。叫咗酸菜魚（加錢轉左桂花魚），樟茶鴨，炒青菜，水果茶。酸菜桂花魚細份夠2-3個人食，魚超滑，酸辣平衡做得啱啱好，湯頭唔太油膩可惜入邊冇我最鍾意食嘅萵筍，同埋餐廳唔係用薯粉，用粉絲代替。樟茶鴨99蚊大大份，鹹香惹味，味道唔知點解有啲似豬手😂 overall 都幾好食,送啤酒一流。另外水果茶真心推薦，食完辣嘢飲返杯好解辣，裏面好多生果，真材實料，$45大大杯！餐廳老闆娘係四川人，口味一定正宗，價錢非常合理，都會再黎🌶️…Read More

朋友想食泰國嘢，上網搵搵下搵到間新嘢，睇相好似幾靚，咁所以決定訂枱試試人氣好旺，坐滿晒。侍應都係講泰文，好似好正宗。我地叫咗：青芒果大蝦沙律，泰duck生菜包，雞肉鑊氣炒河，同埋兩杯招牌梳打。每碟都唔算大碟，似喺泰國食到嗰啲size（所以泰國人咁瘦）。青芒果大蝦沙律唔算太辣。青芒果比較淋，熟過平時食開嗰d，相應地會比較甜。沙律整體酸酸甜甜，開胃雞肉鑊氣炒河（前）同樣都係細細碟，河粉比平時食到既煙靭，同平時食嗰啲有啲唔同。用好闊嗰啲河粉加雞肉同雞蛋炒。特別地配上酸薑同埋辣汁。河粉同辣汁好夾，子薑解油膩感。泰duck生菜包（後）鴨肉好乾身，唔油。生菜嘅份量都幾多🥬🥬嘢飲方面，叫咗招牌梳打。有驚喜嘅味道，甜甜酸酸鹹鹹辣辣，味蕾有衝擊感，呢杯野我真心推介。我係愛酒之人仲叫老闆加shot vodka🥴呢間小店既食物水準，招呼，同裝修都唔錯。價錢都合理，會再嚟試埋其他野食…Read More

有兩個foodie朋友都推介呢間餃子店，今次專登過黎試下睇下值唔值。食物叫咗：石板孜然火箭魷魚，醉雞，湯餃子（韭菜豬肉併羽衣甘藍墨魚+蕃茄湯底）先講吓石板魷魚，賣相一流，但係老到咬唔到，食咗三份一放棄醉雞賣相幾靚仔，唔會好似有啲舖頭咁樣碎濕濕。酒味唔會太勁，肉質滑，身邊朋友覺得少少咸，作為小食我覺得OK最後到重點餃子，叫咗韭菜豬肉餃同埋羽衣甘藍墨魚餃。首先講下湯底，偏向清淡，少少油浮面，蕃茄味唔算太濃。韭菜豬肉餃正常發揮，但係有兩隻爆左。墨魚餃口感好特別，好似食緊墨魚滑一樣，彈牙。驚訝唔使排隊，不過唔值得專登嚟，講真有少少失望，不過呢個價錢係超抵食。🥟餃子競爭太激烈，太多好選擇。…Read More

睇社交平台有人介紹葵廣新開嘅乳酪雪糕店，轉成走去朝聖乳酪雪糕係底，可以加兩種配料$48或者四種配料$58(都跟一個醬汁）。我揀咗兩種配料：綠茶糯米糍，，芒果，熱情果汁🍦雪糕個底我睇到係老闆娘自加調配（等雪糕時見到老闆娘係咁一兜一兜咁搞搞下倒入雪糕機）。味度酸甜，甜度岩岩好。雪糕質地都香滑，但好快溶。配料方面都幾多選擇，有生果類（芒果，士多啤梨，藍莓），乾果類（菠蘿），曲奇類（lotus 餅，蝴蝶酥，蜜糖脆脆，穀物），仲有綠茶糯米糍。綠茶糯米糍口感比較林，我諗佢係專登嘅，因為雪糕會令佢慢慢變硬，有淡淡的綠茶味好食。芒果份量好多，大大嚿。熱情果汁酸酸甜甜size 真係大杯好抵食呢間值得一試！不過你預啲時間等（參考：我等咗20-30分鐘左右）。…Read More

今日要去將軍澳做嘢，朋友介紹呢間飲茶，特登訂檯試試。星期日有分兩輪，我就食1:30。當日中午好爆，爆到餐廳出面𨋢旁邊都放左兩張枱，如果呢間係五星酒店入面既餐廳，好似唔太得睇。講返食物先食物方面叫咗：蝦餃，黑松露野菌餃，叉燒腸，金錢肚（無影相），梅菜蒸菜心（無影相）📸先講咗有影相既蝦餃大大粒，餃皮都做得唔錯，晶瑩，口感正常，不過同其他高級酒店中菜蝦餃比，係厚咗小小。蝦新鮮，起碼入面有一粒蝦，蝦肉都爽脆。黑松露野菌餃呢個好清新，瓜菜同黑松露既比例岩岩好，黑松露唔會太搶鏡，仲食到瓜菜既甜，好食。今次點心最好食係呢個蜜汁叉燒腸粉，腸粉拉得好薄，叉燒大粒有口感，甜甜的。我一個食咗大半碟跟住到無影相既食物…沙嗲金錢肚大大塊，蒸得好冧，但沙嗲醬有啲咸咗少少。梅菜蒸菜心呢個係大餐牌叫，我expect酒店中菜廳會用菜心苗同埋擺盆靚啲。但拎到過嚟就好似梅菜湯菜心…菜心仲有小小老值得一提嘅係呢度會用機械人送餐，幾得意Overall點心都唔錯，假日黎飲茶要預早訂位一定。…Read More

朋友知我鐘意食雞蛋仔，佢推介我黎呢度試試佢既口味唔算太多，最出名烏龍茶味梗係首先試佢既烏龍茶味我3點到，一直都有條龍但都唔算等好耐。食物方面：好多人話佢既雞蛋仔名過於實，但係真心我覺得佢既口感係我食過最好既一間，外脆內軟。佢既脆唔似Daddy雞蛋仔咁硬，唔會刮口，好輕盈。入面蛋糕體唔算多，唔會食幾舊就飽飽濟濟同埋食到最後都仲脆卜卜茶味方面唔算好濃，但佢一啲都唔甜，真正做到少甜食過一次後，我已經食唔返其他鋪頭既雞蛋仔…Read More

假日去左深水埗搵cafe,經過見到呢間人氣最旺就走入黎試下環境木系，好舒服比人感興趣，空間感夠。有個outdoor可放狗，好多情侶同埋毛孩黎食野chill chill。食物方面叫咗carbonara 同一杯cold brew。先講左cold brew☕️顏色深到好似可樂咁但唔苦，好濃滑，零酸度，有點天然的啡甜味，好啡！Carbonara 🧀🥓意粉賣相唔錯，蛋應該係用咗日本蛋，煙肉係用pancetta煙肉，有煙肉口感味度濃厚鹹鮮，意粉調味落左好少鹽，要撈埋D芝士同煙肉先夠味。有下次既cafe，有興趣試埋佢既甜品今次分享住咁多先…Read More

經過幾次都想試好耐，見禮拜日都唔洗等位就黎試下叫左：熱美式咖啡送花煎餅一個，牛肉紫菜包飯，黑芝麻豆腐tiramisu (呢個無影相）。熱美式正常發揮，本身想叫一碟花煎餅打卡但原來會送一件跟咖啡。花煎餅中間係紅豆餡，以為係熱既但原來係凍食。唔太甜配齋啡岩岩好☕️🌸韓式牛肉飯捲好大份，旁邊仲會跟少少沙律菜，飯用紫米，餡料有好多蔬菜，少少牛肉、蛋同魚糕，感覺健康清新。調味偏淡，所以問咗侍應攞韓式辣椒醬點。甜品方面，叫咗黑芝麻豆腐tiramisu。本身好鍾意黑芝麻同豆腐呢個配搭所以期望有啲大。蛋糕同忌廉比例均勻，自己本身好怕cream太多忌廉混咗黑芝麻同埋豆腐，豆腐味比黑芝麻味蓋過咗，可能落咗豆腐所以唔油膩，蛋糕睇係普通雲呢拿味。值得一提嘅係服務殷勤，食物質數好會有下次。見到好多人叫士多啤梨waffle ，個樣好靚，下次想試下。…Read More

長假期同朋友仔黎美孚搵食，PHI試過中環嗰間幾好食有水準，今次試埋美孚呢間美孚店比中環店細好多，座位少一半，所以都等咗一陣先有位。我地叫咗一杯熱美式咖啡（無影到，咖啡正常發揮），全日早餐，宇治抹茶紅豆疏乎厘share食。舖頭主打疏乎厘，有好多口味選擇，宇治抹茶紅豆係限定，唔知幾時會轉。食物方面：🍡🍵疏乎厘空氣感十足，疏乎厘上面有塊薄麻糬，旁邊有啲紅豆，綠茶忌廉（入邊有雪糕），三色丸，綠茶蕨餅，綠茶曲奇脆脆。好大堆頭😆就咁食疏乎厘會有啲齋同乾，加埋綠茶忌廉撈埋一齊食就啱啱好，我同朋友都覺得旁邊嘅綠茶曲奇脆脆好好食。🥓🍳全日早餐就乜嘢都有啲，樣嘢都正常發揮，薄pancake口感會似蛋糕仔，朋友仔話好香蛋味出色（不愧為pancake 界大佬），不過要彈嘅係牛油果當日唔係咁熟。見到隔籬枱叫咗個蘿蔔蛋糕，好似唔錯，下次想試埋，同埋一定會再試其他口味既疏乎厘…Read More

以前黎過幾次食都覺得品質唔錯，醫院餐廳黎講算有水準. 可惜今日黎食，叫左兩個dinner set，食物品質好差. 叫左個雜菜湯和一個洋蔥湯，湯味道是ok的，可惜是冷的。扒叫medium rare卻全熟，又不夠熱，羊和牛的質數都好差，大x樂會比佢更出色。另外叫左個吞拿魚沙律，不過不失，芝麻醬調得唔錯。甜品方面是芝士蛋糕，食得出好無誠意，完全失望。一問之下，原來以前的大廚走了，現在是新廚師主理，我估真係無下次....可讚的是，就是服務和環境都不錯。…Read More

聽聞香蕉朱古力雞蛋仔有驚喜所以特別買來試吓，基本上個雞蛋仔面唔一樣只是加了香蕉蓉和朱古力粒，食落味道也是可以想像的。不過不失但沒有很大驚喜，香蕉味是有的，配上粒粒朱古力，味度點都唔會差得去邊…Read More

年年米芝蓮都有名人坊份，想試好耐好耐. 咁岩行開中上環，訂檯同家人黎試試. 叫左一個套餐share，同埋點心. 點心叫左蝦餃. 還不錯！羅白糕都唔錯，料都幾多, 但not impressive. 炆牛腩係套餐跟既, 牛腩soft and tender. 入面有牛筋和蘿蔔， 十分入味！另外還有點了乳鴿，炸得幾juicy!仲點了琵琶豆腐, 清清淡淡都不錯. 最後送左個番薯糖水，送既就麻麻地...Overall呢度既野係有水準既，都值得一試!…Read More

從前，每次黎灣仔都會黎食碗粥( 未開分店前）. 今日又黎到灣仔，特登走黎呢度食粥晚飯. 我叫左豬潤帶子粥. 一碗粥都要60幾. 帶子有兩粒，不像以前的細細粒，算係進步. 豬潤就數片，唔老岩岩好. 可惜粥好水，未食到一半己變晒水. 食後仲好口渴， 我想是師傅的功勞.靠得住己靠不得⋯⋯…Read More

星期日與媽媽行街街，見到呢度咁多人排隊就決定試試.點了片皮鴨和小籠包.小籠包味道普普通通， 不難吃.片皮鴨是餐廳名物，黎到點都要試. 要得30－40分鐘先有不過.我地點既係半份. 配料有丁點的大蔥絲，黃瓜絲，甜而醬，和餅皮 .餅皮太厚，從來都未食過咁厚皮既餅皮.差！鴨片得太厚，又失敗!味道麻麻，但兩樣野都切到厚厚的，口感奇差！唔值得等咁耐.........…Read More

前排有一段時間好鐘意黎呢間食野 但係因為人好奇愛到處試，所以最近都冇黎. 今次叫左個叉燒. 好un, 真的比不上福X門. 許送飯既意欲都冇. 蝦餃都係大大粒, 但我覺以前既好似比呢個出色, 要好小心夾先唔會爆蝦. 重叫左我媽子大愛的榴蓮酥 （冇相）佢清左大半. 仲有個賽磅蟹餃, 奶味好重好creany，食左兩口就放棄. 都係文華應做出黎既味度清D，細緻D，仲會配上醋吊味. 仲叫左個白燒賣. 其實是鯪魚肉加了點咸肉粒和蝦米，點心之中推介. Overall,呢度都ok既⋯⋯食物好似冇上兩次的好⋯⋯之前試過中環果間，好似都比呢度好食 今次可能有點失準了. 下次再黎希望會去返之前既水準…Read More