Amy Lsc's Profile

我同朋友最近去咗一間開左無耐嘅日式放題店，真係食到好多好味嘅菜式！我試咗好多款，包括凍鮑魚、油甘魚、甜蝦、角螺刺身、帶子刺身、北寄貝、赤貝、泰式生蝦、阿根廷赤蝦、海膽手卷、龍蝦三色塔、牛油果蟹肉他他、鹽燒左口魚邊壽司🍣、燒有機菠蘿、蒲燒鰻魚、鹽燒雞翼、鹽燒海蝦、燒紐西蘭羊鞍、蒜香蛤蜊卜卜蜆鍋、薑蔥炒花蟹🦀、同埋竹笙瑤柱蟹肉羹。每一款都好好味！凍鮑魚係泰式料理，帶辣味。泰式🇹🇭生蝦🦐，同埋油甘魚🐠都好新鮮。角螺好鮮甜，小篇好鐘意食🤤。帶子刺身口感出色。海膽手卷濃郁鮮美，無異味。龍蝦三色塔同埋牛油果蟹肉他他靚得令人口水直流。燒有機菠蘿、蒲燒鰻魚、鹽燒雞翼、鹽燒海蝦，同埋燒紐西蘭羊鞍個味道👅都好好，真係令人滿足！仲有雪糕🍧食☺️。呢間食店嘅日本放題嘅食物精緻又美味，絕對值得一試！…Read More

我同朋友最近到觀塘嘅Mano餐廳品嚐左佢哋嘅Brunch套餐，整體嚟講，呢次嘅用餐體驗非常令人滿意。🔸餐湯餐湯口感非常順滑，濃郁嘅湯底中帶有微妙嘅香料味道，為整個餐點嘅開始增添了一份溫暖嘅感覺。🔹8安士紐西蘭肉眼扒🐂配燒蔬菜🥬肉眼扒🐂煎得啱啱好，肉質鮮嫩多汁，口感非常棒。搭配嘅燒蔬菜🥬則增添了一份清新的口感和色彩🌈，令整道菜更加豐富多樣。🔹 ½ 葡式香辣燒雞🐥配薯條🍟葡式香辣燒雞🐥配薯條🍟都係我推薦嘅一道菜。雞肉🍗燒烤得恰到好處，外皮酥脆，內裡保持著濕潤嘅口感，而香辣調味則為整道菜帶來了一份獨特嘅風味。薯條🍟則是炸得金黃酥脆，口感十分美味。🔸飲品在飲品方面，我哋點了一杯Pineapple Juice🥤和一杯Flat White☕️。Pineapple Juice🥤非常清爽，帶有濃郁嘅菠蘿🍍香氣，是一款很好嘅解渴選擇。而Flat White☕️則是一杯濃郁香醇嘅咖啡，奶泡細膩柔滑，絕對是咖啡愛好者嘅必點之選。整體來說，Mano 嘅Brunch套餐提供了一個非常美味嘅用餐體驗。食物嘅質量和口感都非常出色，服務都好周到。…Read More

星期日晚我同朋友去咗喺海濱匯嘅Flames食晚飯。餐廳有會員系統-只要join左，A la carte散叫有8折😌✌️。我哋食咗好多嘢，包括是日餐湯🍲香煎北海道帶子蔬菜沙律🥗、香辣炸雞🍗、8安士紐西蘭肉眼扒🐂燒大蝦🦐配薯條🍟同自家製甜品🍰。仲有Mocktails飲品🍹。餐廳環境好舒服，仲可以睇到美麗嘅風景🌃，真係增添咗用餐嘅樂趣。我哋先叫咗啲開胃菜，其中香煎北海道帶子蔬菜沙律🥗係我哋特別鍾意嘅一款。帶子好新鮮，煎得香脆，入口嫩滑，同新鮮嘅蔬菜配搭得好好，味道真係好好食。餐湯🍲有濃厚嘅蘑菇味，幼滑細膩😋。仲有香辣炸雞🍗，味道好特別，外皮酥脆，雞肉又辣又香，好開胃。之後，我哋試咗8安士紐西蘭肉眼扒🐂燒大蝦🦐配薯條🍟。呢道菜真係成晚嘅亮點！肉眼扒燒得剛剛好，好嫩好多汁，同鮮嫩嘅大蝦結合得完美。薯條都炸得好酥脆金黃，好好味。份量都好足夠，啱哂同朋友一齊分享。最後，我哋試咗Flames餐廳自家製嘅甜品🍰。佢哋嘅甜點好多款式，我哋揀咗其中兩款甜品，味道真係出色。甜點好精緻，口感細緻，完美嘅結束我哋甜蜜嘅晚餐。除咗好食嘅菜式，Flames仲有好多特色嘅Mocktails飲品🍹可以揀。我哋試咗其中兩款—Flames Lemonade&Tropical Punch，味道好特別，同朋友一齊飲好過癮。總括嚟講，Flames 係一間好值得推介嘅餐廳。佢哋嘅菜單有好多唔同口味嘅美食，由開胃菜到主菜，再到甜品同飲品，都可以滿足到唔同嘅口味。餐廳環境舒適，服務一流，令我哋嘅用餐體驗更加完美。…Read More

小編今日到訪觀塘嘅壹.01餐廳買咗啲外賣🥡返屋企食。佢哋嘅店舖提供好多不同款式的台灣美食😋。🏷️ 脆炸鮮奶卷．古早芋泥二文治🫔脆炸鮮奶卷好特別，外脆內軟，入面嘅鮮奶味好濃郁。古早芋泥二文治就結合咗傳統芋泥同現代文治嘅風格，口感好綿密，芋泥嘅香甜味好滿足味蕾。🏷️ 牛肉便當🐮牛肉便當入面嘅牛肉切得好薄好嫩滑，配埋香氣四溢嘅飯同蔬菜，好好食。🏷️ 手撕雞便當🐥手撕雞便當入面嘅雞肉好嫩好多汁，每一口都帶嚟好多口感享受。🏷️ 台北夜市小食拼盤🍢（台灣腸,花枝丸,鹽酥雞）小食拼盤入面有台灣腸、花枝丸同鹽酥雞，每一款小食都有獨特嘅特色。台灣腸彈牙，花枝丸鮮嫩帶甜味，鹽酥雞外脆內嫩，一口咬落去嘅酥脆口感好難忘。🏷️ 全手作芋頭鮮奶🥛芋頭嘅香甜同鮮奶嘅濃郁好完美地結合埋一齊，帶嚟獨特嘅美味享受。🏷️ 壹.01特製牛肉（肥牛）🐂牛肉質地嫩滑，味道鮮美，特製嘅醬料更加提升咗味道。呢道特製牛肉好適合肉食愛好者，絕對唔可以錯過。總括黎講，我對壹.01餐廳嘅外賣🥡印象好好。佢哋有好多款口味豐富嘅美食，從創意菜到傳統美食，可以滿足唔同嘅飲食喜好。…Read More

琴晚我同朋友去咗牛大人台灣火鍋食到飽，試咗佢哋嘅「澳洲極上和牛套餐」。呢間火鍋店嘅座位間距也很寬敞，不會有擁擠嘅感覺，讓我們食飯時有足夠的私人空問。我哋揀咗期間限定嘅剝皮辣椒雞鍋作湯底，味道冇想像中咁辣。而喺揀配菜方面，我哋揀咗唔同款嘅牛肉同海鮮，包括澳洲和牛M5 牛肩卷、SRF美國黑牛後腿肉、安格斯一口牛肉粒、手切封門柳、安格斯牛小排、鮮甜海蝦、新鮮沙白、台灣海鮮漿、澎湖花枝漿同埋黑松露海鮮漿。每樣食材都好新鮮，肉質鮮嫩多汁，而海鮮嘅鮮味更加驚艷。特別係黑松露海鮮漿，濃郁嘅黑松露味道同鮮美嘅海鮮相得益彰，令我哋回味無窮。至於餃子方面，我哋揀咗韭菜水餃、高麗菜水餃、台式蛋餃、台式蝦餃同埋瓜仔雞水餃。呢啲餃子嘅皮薄餡多，口感好好，特別係瓜仔雞水餃，入面嘅雞肉同瓜仔味道相互融合，令人驚艷不已。最後係飲品，我哋揀咗酸梅汁同烏梅汁，清爽嘅口感幫助我哋消除咗火鍋後嘅油膩感。而且，我哋仲試咗佢哋嘅招牌芭樂鹽小麥啤酒，呢款啤酒用咗台灣土芭樂同小麥釀造，再加上屏東天然嘅珊瑚礁鹽，味道清新，帶微微嘅麥香同熱帶果香，令人陶醉。總括而言，我哋喺牛大人台灣火鍋食到飽度過咗一個美好嘅夜晚。新鮮嘅食材、美味嘅湯底同豐富嘅餐點選擇，令我哋嘅用餐體驗更加豐富。…Read More

食素好健康☺️。雅 ‧悠蔬食 嘅素食唔油膩，好好食😋。特登收咗工之後過嚟放鬆一下😊。點咗個set dinner。🔸前菜有兩款前菜，分別係奇亞籽紫薯蘋果薯仔伴莓乾，同埋滷水花菇毛豆百頁豆腐 伴 醬燒牛蒡。紫薯好香😋，蘋果🍎帶微酸，薯仔🥔熟度啱啱好。豆腐充滿滷水味，牛蒡幼細。🔸手卷🏷️ 香芒牛油果苜蓿芽手卷小編好鐘意食呢個香芒牛油果苜蓿芽手卷🤤苜蓿芽好多，好脆；仲有少少熟度啱啱好嘅芒果🥭同埋牛油果🥑。🔸湯品🏷️ 姫松茸椰子黃耳竹笙燉湯姫松茸椰子黃耳竹笙燉湯好滋補☺️，湯嘅味道濃烈，湯渣唔係好多。🔸主菜🏷️ 青咖哩野菜猴頭菇 配印度煎餅及飯第一次食呢個主菜，覺得幾有新意。印度煎餅🫓煎得唔油膩；飯🍚嘅軟硬度適中，粒粒分明。青咖哩有好多野菜🥦和猴頭菇🍄，唔算辣🫢。🔸甜品🏷️ 椰汁南瓜糕椰汁🥥南瓜糕係熱架😆，口感柔軟，充滿椰香和南瓜🎃味，甜度適中。🔸飲品🏷️ 鹹柑橘蜜 鹹柑橘蜜好正，仲有塊檸檬🍋，帶有鹹甜酸味。…Read More

觀塘開多咗間Flames，呢度有香港人侍應🧑🏻‍💼，唔識英文都唔洗驚😌。餐廳嘅嘢食好大份，建議可以食住一啲先，唔夠嘅話之後再點。仲有仲有…餐廳有會員系統-只要join左，A la carte 散叫有8折，都幾抵食👻。🏷️ 香辣炸雞 🐥 ($78)炸雞🐥嘅份量比想像中多。炸雞🍗肉質幼嫩，外層炸得香口、唔油膩，帶微辣。🏷️ 蟹肉🦀巴馬臣芝士🧀蕃茄🍅忌廉汁通粉 ($138)蟹🦀️肉好多，均勻地分佈喺通粉表面。通粉軟硬適中、柔滑細膩，充滿濃厚芝士味🧀。🏷️ 海鮮香草茄醬薄餅 ($168)薄餅🍕比想像中大塊。有大蝦🍤、魷魚🦑和三文魚，配料新鮮可口。🏷️ ORANGE JUICE/ CRANBERRY JUICE ($38)橙汁新鮮唔酸；而蔓越莓汁就偏向比較酸。*晚餐*另收加一服務費…Read More

天氣凍，就想食韓燒or火鍋🍲。小編前幾日收咗工之後去咗食蒸氣鍋。船渦嘅蒸氣鍋算係數一數二平價🤔，如果食lunch，價錢都係一百蚊多啲甘咋。仲有係一人一個鍋😮，既方便又衛生。座檯上仲有指示教你每款嘢食蒸幾耐😀，可以自行操作☝🏻。小編比較細食，揀咗晚市最平嘅「九品芝麻套餐」($218) 。套餐包含三點刺身(北奇貝、甘蝦、帆立貝)、章魚燒（2粒）、白蜆、蝦🦐、鮑魚、鮮魚片、大蜆、三寶丸(牛丸、貢丸、墨魚丸)、時蔬拼盤、肉類（豬牛雞，揀兩款），配粥底/麵底。三點刺身(北奇貝、甘蝦、帆立貝)新鮮，無異味。佢哋嘅wasabi 好攻鼻，食到小編喊左🥲。章魚燒中間包裹左一舊章魚🐙，外皮厚度適中，唔會成舊好厚皮甘，章魚燒醬唔會太多，咸度啱啱好。白蜆同埋大蜆肉質肥美，無沙。有海水🌊味🤔❔可能係浸過鹽水，有啲有帶鹹味嘅水。蝦🦐有三隻，鮮甜美味，肉質厚實。鮮魚片薄身🤔，應該係淡水魚🐟嚟。鮑魚好大件，新鮮，煙韌、有咬口。肉類方面，小編揀咗兩份雞肉🐥，雞肉都好新鮮，無異味，肉質肥美幼嫩👍🏻。由於小編唔食牛丸同埋貢丸，所以三寶丸轉曬做墨魚丸。墨魚丸無雪味，解凍適宜。時蔬拼盤🥙有粟米🌽、翠肉瓜🥒、生菜🥬、金針菇，同埋冬菇🍄。建議先蒸啲蔬菜，因為真係好易熟😂，小編中途先蒸，較左4分鐘，結果啲生菜🥬有啲淋🫣唔爽脆。整體嚟講，啲蔬菜都新鮮嘅🙂。最後，小編揀咗米線做底。職員會喺你蒸晒所有嘢之後幫手加湯，然後先加米線落去。個湯係魚湯嚟，唔鐘意魚味嘅朋友可以揀粥底。米線嘅份量啱啱好一碗🥣。*晚餐*另收加一服務費…Read More

朋友試過喺呢度食平日嘅lunch set, 覺得幾ok. 今次小編喺假期同朋友嚟依度食brunch.我哋點咗一個brunch, 一個單點main course, 同埋一個salad.🔸Brunch Set ($230)Starters—(x2)🏷 Halloumi & Salmon Toast西班牙多士（哈羅米芝士＆三文魚卷）哈羅米芝士帶有淡淡的芝士🧀味；三文魚新鮮，無腥味；多士烤得香脆可口。🏷 Soup of the Day是日餐湯係黑松露蘑菇湯嚟，充滿濃郁香菇🍄味😀。Main Course—(x1)🏷 Pearl Scallop Spaghetti, Pesto Sauce珍珠帶子香草意粉🍝帶子細細粒，意粉🍝軟硬適中，油滑細膩，唔會太濃味，偏清淡，帶少少🤏香草🌿味。Dessert🏷 Dessert of the Day是日甜品是日甜品係西班牙🇪🇸油條，帶金黃色，外層有啲沙糖，口感酥脆。🔹單點Main Course🏷 Mediterranean Salted Cod Fish, Israeli Couscous Salad 烤地中海鹽漬鱈魚柳 ($278)西班牙鱈魚帶鹹味，下面有啲酸酸嘅芒果粒、有啲黃椒紅椒綠椒，同埋以色列古斯米。側邊個三舊係薯仔🥔嚟，裏面有啲沙律醬同埋黑魚子。🔹Salad($153)有新鮮大蝦🦐、蟹肉🦀、蟹籽、沙律菜、西柚、無花果等。份量都幾大份，都幾抵食。*午餐*另收加一服務費…Read More

呢間餐廳提供半自助餐，自助吧嘅沙律🥗水果🍉🍍、魚蛋燒賣、紅酒白酒🍶、雪糕都係任食任飲。Main Course細細份，好啱細食又鐘意食得fresh嘅朋友食。價錢係計Main course嘅價，由$108到$168不等。我吔點左墨西哥🇲🇽香辣烤雞卷🫔，同埋澳洲肉眼扒配燒汁。🏷 墨西哥🇲🇽香辣烤雞卷🫔 ($118)墨西哥🇲🇽香辣烤雞卷🫔，皮薄、軟身，包含嘅餡料有雞肉、蔬菜🥬同埋芝士，Juicy，帶微辣。可口美味😋。🏷 澳洲肉眼扒🐮配燒汁($168)澳洲肉眼扒🐮好厚，叫左五成熟。表面經過香煎，肉眼扒🐮肉汁好多，燒汁嘅份量啱啱好突顯出肉眼扒🐮嘅原汁原味。…Read More

在APM附近的一間工廈的樓上Cafe, 餐廳地方唔大但都坐滿人, 食物質素都唔差!🏷 大蝦海膽醬意粉 ($128)海膽醬汁好香,意粉好煙韌, 而且分量多, 每一條意粉都沾滿晒海膽醬好掛汁, 食落好濃郁但又唔覺好肥膩! 大蝦都好爽口新鮮. 🏷 吉列炸蠔 ($58)即叩即炸的吉列炸蠔. 粉漿唔會好厚, 每隻蠔好大隻, 咬落仲好多汁! 炸得岩岩好!🏷 醬油漬三文魚配薯蓉 配青醬海鮮汁($158)三文魚上有啲新鮮三文魚籽, 三文魚煎得好靚, 皮脆肉嫩, 充滿醬油味; 薯蓉充滿牛油香味. 仲有d菇, 蘿蔔做配菜. 🏷 黑加倫子果茶 ($38)個底真係有一粒粒的黑加侖子, 果茶甜度適中, 解膩.🏷 芒果乳酪沙冰 ($58)用好多芒果肉同乳酪打成的沙冰, 略甜, 天熱甘熱一定要沙冰降暑~🏷 法式多士 ($48)多士表面有D蜜糖同山渣乾粒, 甜度岩岩好, 唔會好甜! 多士食落超級鬆軟, 仲有好濃的蛋香味!*午餐…Read More

朋友好鍾意❤️食呢間嘢，於是我哋嚟咗呢度食咗個簡單嘅lunch😗。🏷 Juster 科布沙律🥗（$98）Juster 科布沙律🥗有雞胸肉🐥、雞蛋🥚、車厘茄🍅、牛油果🥑、青瓜、沙律菜，所有材料都新鮮美味，有好多麻醬，食到舔舔脷😋。🏷 炸魚薯條配沙律 （$88）炸魚🐟嘅表皮係甜嘅，肉質嫩滑，炸嘅火喉啱啱好，唔會太熱氣；薯條🍟有少少蔥味，唔會太硬身，軟硬適中。🏷 曲奇馬上瘋（ $47）上面有塊Oreo，飲品應該係用曲奇、忌廉、沙冰之類整成。甜度濃烈，飲完似食咗一個甜品🍮😗。🏷 凍玉桂花蘋果紅茶（$45）呢杯都係甜嘅。用蘋果🍎塊、玉桂粉加入紅茶。味道係幾特別嘅😗。…Read More

小編好鐘意銅鑼灣，對銅鑼灣充滿著回憶。前幾日同朋友去咗銅鑼灣食拉麵🍜😋，依間拉麵店嘅老闆都幾好人，服務唔錯，仲會同我哋推介邊款嘢食好味😋。🏷 煙燻三文魚沙律🥗 ($48)朋友鐘意食沙律，所以我哋揀咗煙燻三文魚沙律🥗 。沙律菜新鮮清新；粟米🌽粒鮮甜；煙燻三文魚厚度適中，不帶腥味😋。🏷 激辛味噌拉麵🍜 ($95)揀咗微辣，微辣已經好夠辣😝，味噌味唔算好重，辣味好搶味😚。拉麵粗身，拉麵有特定嘅長度，唔會水蛇川咁長，軟硬適中，唔會太淋。叉燒好紮實，脂肪均勻，唔算太肥🙊，糖心蛋熟度到啱啱好，流心😋😍，配料仲有啲好多新鮮蔥花、鮮甜粟米、爽脆竹筍🤪。🏷 冠軍黑醬油拉麵🍜 ($90)配料同激辛味噌拉麵差唔多，主要係個湯底唔同。黑醬油湯底唔會太鹹或油膩，味道唔錯😋。🏷 素餃子🥟 ($42)小編認為素餃子比一般肉餃子更加唔容易整，因為一般嘅蔬菜都比較多水份，整一粒素餃子比肉餃子需要更加多嘅技巧。呢間店嘅素餃子🥟帶黑椒味，口感好似肉餃子一樣，好厲害😛。🏷 士多啤梨布甸 ($18)帶士多啤梨香 🍓、甜甜的布甸😚，充滿少女風味，好啱鐘意食微甜甜品嘅人食。🏷 OREO 抹茶布甸 ($18)相比起士多啤梨布甸，抹茶布甸冇咁甜，帶濃抹茶香味😚，上面有少少Oreo碎，令抹茶布甸增添另一番嘅風味☺️。🏷 凍鮮泡蜂蜜抹茶 ($15)淡淡的抹茶味，帶微甜，而呢個甜味唔係糖漿嘅甜味，係蜜糖嘅香甜味😚。🏷 熱白桃綠茶 ($12)香濃嘅白桃味和淡淡的抹茶味，飲完一杯仲可以加啲清水落去，再浸下，然後再飲🤣。…Read More

呢間餐廳充滿少女風格，好啱同姐妹👭一齊嚟打卡。嘢食唔錯，份量比想像中多。🏷 白酒蜆肉彩椒意粉🍝（$108）意粉係偏幼款，軟硬適中，條條分明，油滑細膩；蜆肉好多，帶淡淡白酒味；配料有黃椒、紅椒和青椒。🏷 麻辣小龍蝦🦞（$188）有好多隻小龍蝦🦞，麻辣味好開胃，越食越過癮，非常惹味😋。餐廳會提供手套🧤，如果剝剝吓龍蝦爛咗，可以問職員拎返套新嘅。🏷 避風塘雞翼🐥（$98）雞翼好大隻，一共有八隻。雞翼唔會炸得太乾身，充滿水份，肉質嫩滑可口😋。炸蒜份量好多，雞翼帶微辣。*晚餐*另收加一服務費…Read More

星期日，小編嘅同學仔請小編去食蒸氣鍋。兩個人食，埋單約$1000個大元☺️。前菜有橋頭，同埋豌豆～刺生有北極貝、希靈魚、帶子、三文魚、油甘魚、象拔蚌，款款都好新鮮🤤。蒸氣鍋方面全程都有店員負責蒸🙆🏻‍♀️，我哋只係負責食👻。海鮮方面有龍蝦🦞、南非鮑魚、馬友魚🐟、扇貝、海蝦、青口、沙白蜆同埋生蠔🦪。龍蝦新鮮可口，啖啖肉，用鉸剪剪先至可以分開龍蝦嘅蝦殼同埋蝦肉💁🏻‍♀️。南非鮑魚好大隻，師傅將個鮑魚都刷都幾乾淨，鮑魚嘅肉質唔會太煙靭，熟度啱啱好，易咬🤭（小編其實好鍾意食鮑魚，細細個跟老媽子去飲，咁啱有啲細細隻嘅鮑魚仔，當蜆甘係甘食😂）馬友魚唔腥，亦唔多骨，肉質嫩滑可口😋。扇貝加入有醬汁嘅粉絲，醬汁嘅味道唔會太重，啱啱好帶出扇貝嘅鮮味。海蝦鮮甜、彈牙可口😋。青口新鮮，大隻，有咬口，但係都熟嘅～沙白蜆熟透，含沙量好少。生蠔🦪唔易開，要用鉸剪剪開。生蠔保留住原有嘅水份，雖然係熟生蠔🦪，但係都好鬼好食😋。蒸氣鍋仲有蟲草花蒸雞（烏冬底），有啲時蔬作為配料，烏冬帶鹹味，雞肉幼嫩肥美😗。食完蒸氣鍋，仲有置於最底帶淡淡龍蝦味嘅粥，含有少量肉粒和瑤柱。最後仲有焦糖麻糍作為飯後甜品🤭*晚餐*另收加一服務費…Read More