晉晉媽's Profile

好耐無食酸辣粉，經過見到，唔使諗衝入去食，叫咗個口水呠呠雞酸辣粉，少少辣，辣到適中啱晒我，好開胃，雞好嫰滑，同行朋友叫左個牛肋條台灣麵，麵爽口彈牙，煙煙韌韌，牛肋條非常入味，夠晒淋，仲有三款前菜，包嘢飲，都係$58，值回票價…Read More

第一次幫襯，叫左炸豬扒、牛腩、豬軟骨3款飲，但食到一半先記得影相，所以只係影左炸豬扒，份量夠多，d飯好濕，加埋肉燥仲濕，不過價錢唔貴，而份量一定夠飽，所以都ok另外，個人覺佢炆煮既牛腩同豬軟骨較好食，因為炸豬扒較乾身…Read More

今日去北角買野，行到肚餓搵嘢食，近近地就試下馬拉菜，係門口見佢餐牌，d名好得意「辣死你姨媽」，以為係勁野，點菜問人先知原來係馬拉話😂😂，真係笑死人我哋叫3樣嘢，咖哩麵、炸雞髀配牛腩（唔記得叫咩牛腩，辣辣哋幾冶味）、同埋肉骨茶咖哩麵聞落好香咖哩味，味都好濃，炸雞髀size適中，不過放耐左食時，見到仲有少少血水心水滲係碟，但切晒肉見佢入面都熟最後，肉骨茶d湯唔太重點藥味，幾好飲，不過佢d肉唔係排骨位，所以湯無咩油，d肉無骨，切到一條條，個形狀好似牛腩麵既牛腩咁…Read More

今日又食有自助沙律吧既餐廳，今次呢間沙律吧好滿意，有多款沙律菜、有幾款撈好既沙律，又有新鮮生果（西瓜、哈密瓜、蘋果等），仲有啫喱同芝士蛋糕，雖然價錢係貴少少，但物有所值，除咗呢d，佢仲有餐酒任添，不過我唔好酒，所以無飲講返主菜，同事叫左牛扒7成熟，份量夠大同厚，可惜煎到差唔多全熟，有d韌，最終同事放棄左3份1塊扒，食甜品食飽我就叫左燒春雞，可能星期五關係，全場滿座，人多所以等左差唔多半個鐘先有得食，好彩味道唔錯，皮脆肉嫩，等咁耐都抵總括來講，一個滿意午餐，我會再幫襯，不過因為後面地盤攪到好嘈同幢樓都震，希望快d打完椿啦…Read More

成日行過見佢有沙律吧，價錢又適中，好似幾吸引，終於搵左日去試，上到去即刻食下沙律，但唔太吸引，好少沙律菜，但通粉、螺絲粉沙律就有幾款，仲有薯仔沙律，唔使驚唔飽但值得讚係佢個黑松露湯，幾香，味道唔錯，同埋飲品都多選擇，除左果茶，仲有幾款花茶到主菜我叫左個厚切豬扒飯，扒係厚，但個味道麻麻，同事食咖厘牛肉，佢都話味道一般，呢個價錢加左沙律吧就ok既食完飯有雪糕，仲可以自己整棉花糖，個環境適合同朋友坐下傾下計幾舒服既…Read More

今日返工去左深水埗做野，食飯時間周圍都好多人，見佢門口寫住每日精選$25，當日精選係秘製蔥油雞，入面都有3、4個客食呢個餐，$25有一碟雞、白飯、飲品，雞既份量正常，我覺得同出面四十幾蚊既餐差唔多份量，最好係有大量蔥油正！唔食雞都夠送晒成碗飯😂，我仲加左叫左個墨魚餅，除左墨魚餅外，仲有雜菜蝦餅、蓮藕餅、炸餃子，加$10就可以加一款另外，仲有夫妻肺片，叫左小辣，對於我辣度適中，食完嘴邊有少少麻😋總括來講，$25有野飲真係抵到爛…Read More

朋友介紹話呢間泰菜好食唔貴，咁啱係公司附近，所以約同事試下，上到去地方唔大，lunch 時間坐滿人，樓面有4、5個人，所以坐滿人都好快有人幫手落單，野食都上得快，午餐有8個餐選擇，份量好多，價錢合理，我食左紅咖哩燒鴨飯，我覺得唔辣，燒鴨唔怕騷，咖哩都好香，好味，飲品選左青檸茶，唔知係唔係揸檸檬汁重手左，所以好酸，好開胃而同事食青木瓜沙律併雞扒，個沙律一上枱嚇親人，成坐山咁高，可惜掛住食唔記得影相，雞扒大大塊，好入味，我會介紹俾其他同事…Read More

今日收工同同事係公司附近搵食，同事想食刺身，所以最終決定去食放題，第一次食呢間放題，刺身都算新鮮，我地仲叫左壽司、熟食...，其他野食不過不失，特別既係有鮑魚食，不過可能本身唔太餓，所以今次試得好少野…Read More

今日lunch去左千賀水產食$68任食午餐，其實佢有分幾個價錢，$88主菜加自助、仲有$98火鍋加自助....，而$68係最平，只可任食熱食、壽司、沙律、冷盤....，其實都好多選擇講下熱食有蒸鯇魚、蒸雞、炸雞翼、幾款炒餸、炒飯、炒麵，仲有中式點心有春卷、煎飽、粉果...，飲品任飲紙包飲品，都有十款八款選擇，而家茶餐廳都要$4、50一個餐，佢呢個價錢$68加一真係好抵食當日我見都有好團購打邊爐，下次要再來試下…Read More

同同事去食lunch，第一次去觀塘呢間，可能太晏關係，熟食都得返好少份量，夾左牛扒、豬頸肉、八爪魚來燒，正常味道，八爪魚較好味，飲品選擇都多，但雪糕櫃空空，開頭以為lunch無得食雪糕，但坐到最後3:15職員攞雪糕出來補貨，原來係食晒，啱啱返貨，好彩最後都攞左兩杯食…Read More

暑假梗係要同小朋友出街涮一涮，今日去左旺角日日涮，網上見到佢有炸物、刺身同多款甜品，所以去試下我地揀左美國頂級牛小排$248一個人，我覺得有d偏貴，好彩係樓下攞左$30coupon 可以減錢，牛小排ok唔怕好肥，不過食完第一輪後再order竟唔小心漏左單等左好耐，不過d員工其實好好人，因為一去到我小朋友覺得凍，但無帶外套，有位小姐將私家外套借俾我地👍🏻🙏🏻講返野食，有超多飲品選擇，我飲左韓國梨汁，有果蓉係入面其他火鍋料不過不失，正常日式火鍋配料，有refill，除左普通火鍋，果度仲有海鮮蒸氣火鍋，我見都好多人揀…Read More

行到邊食到食，今次去到大埔見佢有信用卡優惠食滿400-$100就試下啦，第一次食呢間，西式越式泰式都有，可以滿足不同朋友要求，味道不過不失，地方坐得尚算舒服，打開餐牌好多圖片，睇餐牌都令人胃口大開，尤其甜品好吸睛，不過太飽今次無叫到來食:(而我比較鐘意佢既西式種類，比較出色，最欣賞佢既卡邦尼亞意大利麵、烤豬手配泰式芥末及辣汁，豬手皮脆肉嫩，值得推介我地仲叫左冬蔭公薄餅、泰式辣脆雞翼（好惹味）、波蘿炒飯伴燒雞..........有機會下次都可以再食…Read More

屋企附近新開酒樓，試新野，今日同屋企人去飲下午茶，唔使等位三個人叫左8個點心，首先來個海蜇手撕雞，之後有燒腩仔，燒腩仔都ok，皮脆仲有叉燒腸、藥膳雞腳、燒賣、上湯鮮竹卷、牛肉球、魚肚滑雞扎（真係好大舊魚肚，但掛住食唔記得影相）總括來講，不過不失…Read More

就來母親節梗係要帶阿媽食番餐，當唸緊去食咩既時間，就咁啱係公司附近收到張傳單，原來係新開既日韓餐，我比佢傳單上既芝士流心黑豚肉吸引左，等我就約埋阿媽來試下新野先去前順便look下佢facebook，原來佢有啱啱做緊個母親節套餐，$688有幾多野食，提早預訂仲送肉眼扒，所以尋日下午打去訂左先去到除左個set，就梗係要叫吸引我來靚流心芝士黑豚啦食飽飽仲有韓式柚子雪糕，柚子味好清新，(不過又係掛住食唔記得餵相機)…Read More