stellaho88's Profile

人人講到巴黎人係美食沙漠咁冇嘢食，但其實好嘢係要用心機搵先搵到ge！喺巴黎人返工搵到間隱藏日本料理---千喜膳，喺3樓巴黎人禮品軒隔離。中午set lunch好多選擇，而且品質唔錯，成日都去食，個人就最鍾意食呢個薔薇之戀魚生飯定食除咗相入面嘅食物，仲有一份沙律同甜品，以我嘅食量呢個set剛剛好點解叫薔薇之戀？係因為將魚生卷成玫瑰花形。賣相ok，而且三款刺身都好新鮮，Set Lunch嚟講有誠意。除咗魚生飯，仲有麵同蒸蛋，食完其實飽飽地。最鍾意係呢個紅豆牛奶布丁，唔怕甜之餘仲重奶味，好欣賞。10分為滿分的話，千喜膳中午set lunch我比到9分，有機會一定會試下晚餐。…Read More

個一晚，心血來潮想搵住花城ge朋友食飯，佢話食樓下間裕家麵，我話ok就去等佢，結果.......出事ga嘛..........師父!!!!!!!入到去，其實間舖裝修都ok ge，入到去招呼仲好好tim，加上人少少，方便傾野ar ma。不過當我打開餐牌個刻，就比佢震驚到啦，因為我眼中所見一個麵都要成70蚊以上，甚至更貴。貴野我食唔少，不過食麵食到咁貴就真係第一次，本住收得咁貴一定唔簡單ge諗法，我點咗黑毛豬擔擔麵。朋友嚟到叫咗個羊肉清湯面，老闆仲幫我地免費加底。然後我地仲share咗個蒜泥白肉，但就一般般唔太特別。我個麵終於都到啦，賣相真係唔錯，感覺好大碗啱返個價，只不過大還大好睇還好睇啦，黑毛豬只係得肉碎呢點已經令我好失望，食落仲要好重口味好油膩，我要不停飲水先食得哂個麵，當堂覺得加底係一個好錯ge選擇.....點知呢個時候朋友同我講，其實佢一早知呢度重口味，所以佢先叫個清d ge，然後就笑得好開心hahahahahha。個一刻，我好有衝動想射死呢條友，原來一切都係局嚟ge此時我腦入面響起咗校長ge名曲：這陷阱、這陷阱、這陷阱，偏我遇上~~~~~~…Read More

四五六由細食到大，其實一直都keep到水準，不過因為有d貴所以唔係成日去。今次有朋友請仲唔有大食大咩?朋友一早book咗片皮鴨，師傅直接喺我地面前片，手起刀落快手到呢!!!呢度片皮鴨最正係脆卜卜，加上唔會成口油，唔怕食完好heavy食唔到其他野，所以我地仲order咗好幾樣野，味道都唔錯，尤其是賽螃蟹，用嚟撈飯簡直一流，而且賣相仲超靚小籠包係由細食到大ge，水準一直都唔錯，我覺得比起澳門其他同價錢鋪頭都好味。定必一試其實係食咗好多野ge,不過其他餸影得唔靚,唔po la.......…Read More

作為我宵夜飯堂ge田淵，之前個個月都去ga，d野唔錯，老闆又好傾，不過最近忙得滯冇時間，唯有睇相止渴啦。==清酒煮蜆一定係必食ge，蜆味同酒味俱全，又夠入味，連個湯都好值得一飲當然呢度主打係串燒，牛脷、雞腎同粟米我都好鍾意，但呢度冇影到最正ge燒茄子，甜之餘一d都唔會乾，另外就係燒銀杏，好有口感。泡飯都係必食ge，上次叫咗带子泡飯(好似係呢個名)，一般啦，不過平時我係叫廣島蠔泡飯，因為蠔對我呢個蠔怪嚟講都係必須ga，好正好大隻!最後係一個遺憾，圖中呢杯cocktail 係menu上面冇ge，要同老闆講先會整比你，係隱藏飲品，係清酒+少少柚子汁+Asahi而成ge，可惜因為圖入面黃色ge啤酒固定器冇哂又買唔到，已經好耐冇得飲啦，希望之後會有番啦…Read More

年年生日都話要去香港食生蠔，點知....呢幾年年年都weekday生日.....車......朋友知我鍾意就帶咗我去皇朝酒吧街黃金海岸，其實經過咗幾次不過都未入過去，因為門面真係唔夠吸引。不過d食物都ok ge，一開始當然要order咗生蠔先啦，totel 7隻，澳洲同法國ge都有，超鮮超好味><然後朋友ge雜菌鵝肝就到咗la，睇賣相真係一般般，但估唔到食落配埋個汁係好好味ga但最不幸ge事要發生啦，我order ge 牛扒仲dry過我，咬落冇咩汁，而且明明order 5成熟，食落口感完全唔似lo而為咗填補呢個牛扒ge不幸，我決定要食多round生蠔!!!!今次選擇全部都係法國ge，一於食盡佢最後埋單每人都差不多要800，覺得有少少貴，不過有咁多蠔就算數啦…Read More

超鍾意食牛尾湯通粉，尤其是喜蓮，不過我呢d office hour 剩係得星期六可以去到，仲要等超級耐.....趁住今次星期一有假，一起身即刻過去，係唔駛點等ga!!!正識食一定係食牛尾湯通啦，出面好多都係用罐頭，或者個湯好稀，唔夠特別。喜蓮同出面最大分別，在於個湯濃好多，而且通心粉夠彈牙，料又夠，正啊~~~~食咗咁多年，都仲未搵到同佢同level或者好食過佢ge…Read More