ChingChingLi2944's Profile

好多年前，路過見到有位，便入呢間試吓。當年主攻壽司，食材新鮮又好味😋多年以後，又嚟呢間食午餐。不過今次多樣想食，諗左好耐，才揀到食迷你三文魚帆立貝刺身丼配牛肉烏冬$84。三文魚肉厚肥美、帆立貝鮮甜新鮮，牛肉唔「鞋」、烏冬口感正。有飯有烏冬，簡直就係雙重口味、雙倍飽肚😍後加嘅燒芝士年糕，$35/2件似貴左啲😱但最緊要好食，冇後悔飽都加單👏🏻日後仍要再來，試翻其他想食嘅壽喜牛肉鍋定食$84、芝士牛油果炸蝦卷定食$74、火灸盛丼$84⋯⋯（不能盡錄😅）在外等位時，求其影晒成本餐牌，企埋一邊揀定食咩。（睇得慢，廢事阻人嘛😅）雖然唔係多座位，但也唔算等好耐。職員有禮服務好。呢間有唔少外賣㗎！openrice 會員可以留意一下，隨時有優惠㗎（今日見到：外賣有折）…Read More

30/4/2023，下午1點幾入座，遞左點心紙，超過半個鐘都無任何食物送嚟。（好肚餓呀！）問職員，佢話係即蒸點心，需要d時間。跟住俾張點心記錄單給我們。但張單竟係剛剛的時間！職員卻話只係重印單的時間。（真的嗎？）其實之前嚟過好幾次飲茶，都係遞完點心紙，好快俾張點心記錄單給我們的呀！ 上一兩次飲茶，都已試過漏單、即補飛入單而等左好耐先有得食！似乎又一次漏落單！然之後，到無晒熱水及茶，等左好耐才叫到職員理會及加水。後尾遞單加左3個甜品/糖水及一籠黑芝麻包。又再次要我哋等等等等。忍唔住又去問職員，竟然答我，無晒我哋要嘅甜品/糖水！但點解唔通知我們無晒？之後職員話籠包蒸緊⋯⋯又係等？！唔通又要等半個鐘以上嗎？我們決定唔等，直接去埋單。不過查單時，卻意外地發現，職員根本無入後加的甜品/糖水及包呀！！！（又嚟？！）即係，一餐茶遞兩次單，可以兩次都無入單！如果唔問，等到收舖都唔會有得食呀！今次真係要講翻句「唔會再嚟呢間飲茶啦！」…Read More

在佐敦搵嘢食，偶然路過此店。見到有午餐、有炒嘢、有點心，最緊要係有位唔洗等，即管入去試吓。先來籠熱辣辣嘅3色包。可以一次過試晒叉燒包、流心奶黃包及流心榛子朱古力口包。3款包包都好好味，唔太甜。如果食得落，好想叫多籠呢到試肉絲炒麵，多肉絲、唔算肥，個碟都唔會肥騰騰。不過，個人覺得味道稍淡。然而，家人話ok，唔好食太咸、太濃味嘛！見到牆上面有個宣傳：關注及分享 社交平台，即送飲品。原來係送汽水一枝，可樂、忌廉等4揀1。多謝老細！下次試埋其他點心及食物！…Read More

好運中心11/4/23，終於有翻海皇粥店啦！新店細左，裝修靚左，食物選擇多左，服務員態度非常好。而家仲有埋送餐服務，就算一個人用餐，都唔洗自己拎住食物去搵位。今次試茶餐，揀左煎雞扒一丁麵、火腿炒蛋、餐飽及熱咖啡。可加$5轉飲即磨咖啡。熱咖啡已不錯，慳返$5嘛！不過第日都會試吓😜茶餐份量十足，味道又好。甚為滿足！➡️用完手機一輪，炒蛋仍是熱的啊！👏🏻家人試的牛肉蛋石磨腸粉，雖然要$34，但好味道及好多料，牛肉滑滑好好味。卅幾蚊石磨腸粉，要慢慢嘆！鹽酥雞肉燥飯的雞也正，一d都唔「鞋」，味道好及唔會令人有好熱氣的感覺。日後要試埋其他食物。也要試樽裝豆漿。有多款口味選擇呢！👉🏻新開，要過幾日，才用得翻海皇儲值卡㗎😰…Read More