hscpak's Profile

同太座兩人第一次嚐試嵐山，基於兩人關係，所以未能品嚐多款美食。 味醂魚干比外間嘅雞泡魚干好味唔黐牙。第一次係日本食店食日本生蠔，感覺差一點點，不過夠大隻。日本白象拔蚝刺身比傳統象拔蚝唔同，不過都好味。北海道海膽，我個人雖然唔抗拒海膽，但平時都只係1，2啖就ok, 但係呢個海膽真係停唔到口。值得推薦！大拖羅入口即溶，第二推介！海鮮魚生丼好好味。野菜天婦羅盛合，粉少唔肥膩。宮崎A5和牛厚燒比較失望，可能係我本人唔太喜歡食肥膩嘅牛，試過石垣牛感覺宮崎牛好油膩。 最後極力推薦嘅係最平嘅焦糖菠蘿。…Read More

公司同事搵到馬會幫手請食飯，選擇食乜期間有同事提議到百利火鍋。 可食刺身及打邊爐。 未打邊爐前先食日本大生蠔68蚊隻超大隻。 再黎988.00嘅象拔蚝刺身又鮮又爽， 跟住到54兩花竹蝦刺身，肉質彈牙。 蝦頭蝦尾再用生抽炒，蝦頭有膏。 火鍋配料有4斤嘅黃皮老虎班，骨同腩攞去椒鹽整，魚片打邊爐。 另外有南非鮑魚68隻，夠大隻。 另手切肥牛，手打牛肉丸，墨魚丸，鵝腸等食材新鮮。 雖則比其他火鍋食店貴，不過都值得一試！ 10個人用膳，平均每人1000.00…Read More

昨天 17/09/17 心血來潮想回味舊式冰室飲品及食物， 基於香港地現時十分多這類餐廳， 亦都試過好多間。 今次就打算嚐試未試過嘅及藝人效應這間。 到達後當然要排隊安排入坐，等候時間不算太久可以接受， 但安排入座時太亂。 不夠空間坐都要夾硬黎， 感覺好擠迫。 食物方面選擇太少， 味道尚可接受(全日早餐及飯類) 其他咖哩小食就。。。不及格！飲品成日要追， 落單後半小時才到。 另一杯係食晒所有食物都未黎， 所以取消(但侍應嘅反應就。。。黑面囉)總結： 蠢一次就算， 現時個個都打懷舊。。。不過並不時個個都做到！！…Read More

原本係'雜誌'睇到介紹呢間日本放題, 食物新鮮, 炸物美味.故此, 跟朋友滿心歡喜去嘗試, 當入場後已經聞到舖內有一浸腥味! 第一輪必定點算刺身, 可惜海老蝦好霉, 其他刺身都沒有鮮味, 除帶子可以之外.而燒物只有雞亦, 鹽燒蝦, 榴槤炸彈,可以重複點算, 天婦羅中得粟米天婦羅可以, 其他不提也罷!唉~~~~~~~~總之笨一次就算.'…Read More