radio8's Profile

最近team project跑數跑到阿媽都唔認得，老細話要請食餐好嘅慶功，揀地方個重任就交咗俾我。太古坊食晏選擇係多，但要搵間有氣氛、坐得舒服、又要夠體面嘅中菜，其實唔易。見鏞鏞藝嚐館內外裝修都幾靚，決定book位試下。入到去環境真係無得輸，坐得鬆動又舒服。個蜜汁吊燒叉燒燒得焦香，蜜汁味濃，個個同事都讚不絕口。跟住個惹味鎮江黑醋骨都好有驚喜，黑醋汁酸甜平衡得啱啱好，排骨炆得好腍，非常開胃。鏞記正宗燒鵝肉嫩唔乾柴，最緊要係個皮好勁油脂香，另外再加咗個鑊氣十足嘅星洲炒米，米粉炒得夠乾身，配料又足，好快就俾我哋清晒。成餐飯大家都食得好滿意，老細都有讚我識揀。餐飯食物有水準，環境又舒服，雖然係商業區價位，但質素對得住個價。以後喺太古坊要請客食飯，呢度一定係選擇之一。   …Read More