mandylikinman's Profile

同事聚餐，已經第二次來食呢間新開既高質新派韓國菜，味道香口濃郁，推介燉牛骨煲同海鮮煎餅。甜品芝士蛋糕都幾好食。整體嚟講樣樣都幾好食。餐廳既燈光偏暗，比較有格調，空間寬敞，坐得舒服，而且服務唔錯。…Read More

同同事聚餐。餐廳闊落，坐得舒服，泰國菜質素唔錯，整體樣樣都好食，服務幾好。炒金邊粉好香，造型幾靚，青咖哩雞同黃咖哩軟殼蟹好惹味，串燒同豬頸肉好香脆，泰式甜品拼盤，款式幾多，好味。…Read More

呢間company其實係間酒吧，lunch set大大份，都算抵食。推介菜式係香草非洲雞扒，佢個醬汁真係好特別，好好食，雞扒亦都好嫩滑，但係意粉偏硬。服務態度尚可。…Read More

裝修幾靚，但座位坐得唔太舒服，因為張枱又會用來做燒烤，所以幾頂腳。我哋坐左成10分鐘以上，都未開茶我哋。眼見午市未滿座，但要三催四請之下先有茶飲。服務可以做返好啲。食物係幾精緻同幾好食嘅，例如個鰻魚綠色燒賣都幾得意，不過份量偏少，同偏貴。餐牌上寫時蔬，嚟咗一啲三款配菜，例如蒜頭果類，仲以為炒菜心之類，所以請佢取消。…Read More

餐廳幾細，開放式，坐邊邊就同行商場走廊好近，人來人往咁，感覺太開揚，欠私隱度。午市選式都多，份量同味道正常，鰻魚同天婦羅蝦幾好食，但個飯有點偏硬。另觀察到唔少人叫外賣。…Read More

午市有時現人龍。鋪仔細細，燈光偏暗，餐桌餐椅以木為主，有傳統風味；自助落單；整體味道幾好，紅燒牛肉麵既牛肉，似牛展多點，肥瘦均勻，幾入味，麵條係手工麵既質地，有咬口，不過價錢偏貴。…Read More

呢間葵芳分店人氣旺，經常現人龍。方型既蛋撻好少見，好盞鬼，可以打卡。芝士撻好香，幾好食，不過滯少少，同朋友分享就岩岩好。最推介流心朱古力麵包，香濃朱古力味，啖啖都好滿足，廿幾蚊一袋有4片左右，配杯咖啡或茶，做早餐同下午餐唔錯。…Read More

鋪面新裝修，企理乾淨，座位都夠闊落，坐得舒服。自助用平板電腦落單，介面清晰好用，又唔會不斷發出指示聲音，用戶體驗唔錯。可惜，可能價錢太平，壽司細舊，味道一般。章魚燒正常。茶碗蒸$22一碗，出到來好多水係面頭。炸雞太硬太乾。薯條係幼幼既，炸得香脆。最出色既係$22既千層蛋糕，香滑美味。…Read More

去大圍新商場圓方行街，午市實在太旺，商場度度都要排隊，就走出嚟食呢一間西餐茶記。整體其實唔差，不過始終係茶記，衛生方面就會差少少。自己用熱水洗一洗啲餐具，都冇乜嘢大問題。食物味道同質素都唔錯，推介如下：- 芝士安格斯牛肉漢堡， 牛肉煎得好香脆，好Juicy- 蟹肉明太子寬面都係好濃郁好香- 焗牛舌飯好抵食好大份，而且味道唔錯- 配套餐既薯蓉好好食- 海南雞飯，算係滑，但係個醬汁一般般午市同晚市都幫襯過，如果一人3至4人坐卡位就比較舒服，一個人要預左同人哋搭枱。…Read More

睇完電影中午時時醫肚，來左呢間食炸雞，但係佢又乾又柴又硬，一啲都唔好食。主打炸雞來講，確係令人失望。餐廳環境正常，樓底算高，都算多座，坐得舒服。服務都幾好，店員會解釋點配搭。…Read More

西九內經常有位的日式cafe, 食物選擇唔多，而且份量偏細，味道係正常既，未算得上好食。餐廳樓底高，空間闊落，算坐得舒服。如果想靜靜地嘆下冷氣，望住海景睇吓書嘅話，都係一個唔錯嘅選擇。…Read More

街坊茶記，經常有人龍，等位都算快，不過繁忙時間就預咗要同人搭枱。招牌係食燒鵝，都幾好食，不過太油膩，間中食下就好。我鍾意食佢嘅早餐，同下午茶，早餐鍾意食午餐肉通粉配菠蘿油，個菠蘿油真係勁大個。再加埋杯凍奶茶，就係一個完美嘅早餐。下午茶都係好抵食，煎蛋豬扒公仔麵，份豬扒厚切，算唔錯。…Read More

小店坐近門口比較多自然光，算坐得舒服，個茶漬飯幾好味，杯咖啡上有雪糕玩味十足，味道好夾；特別推介疏乎厘，又香又綿滑。整體幾滿意，適合文青打卡，同靜靜地同朋友傾下計。…Read More

平靚正茶記。必食推介厚切豬排，份量多，切到手軟，煎得香脆美味，厚切所以肉質彈彈，好食！豬排可配飯、麵、麵包；仲有咖哩。多士同炒滑蛋都唔錯，凍飲又大杯，一定食到飽。…Read More

餐廳細細，不免同街坊撘枱，而且座位衛生一般，有塵有積，放餐牌的袋仔有時仲有陣怪味。勝在佢牆身同擺設好有懷舊風味，牆身寫既說話，細心睇都幾搞笑，確係玩味十足。最常幫襯厚切餐蛋治，好味！午餐食過豬扒撈麵之類，覺得好鹹。…Read More