SaSaYuenVinki's Profile

平時社交平台見都幾多元朗鄉民食，於是就黎試下啦。坐低叫左個羽山煎雞扒 選配煎蛋同煙肉 餐包蒜蓉多士同焗豆，另外再加多個雪菜肉絲米粉，飲品叫左茶走。多士夠足料，蒜蓉醬係揸哂成個面，好夠味，外脆內軟唔係得個包咁hea煎蛋係燶邊蛋岩岩好煙肉就正正常常不過不失。煎雞扒非常出色，應該係用扒爐烘煎，味道口感都似榮x雞扒，食到尾個雞皮都仲脆脆地雪菜肉絲米份量都夠，雪菜肉絲味可以再濃啲。茶走略嫌茶濃左啲，較為澀口。服務唔錯有禮貌，整體非常滿意，會繼續幫襯…Read More

日式嘅餸同麵底用中式嘅形式上，而湯底就係中日合壁，幾得意又幾好食😋今次叫左日式豚肉、關東煮蘿蔔、清酒煮蜆，湯底係原身湯底加腩汁，原身湯就似關東煮嘅湯底。麵底叫左葛絲，似粗身嘅韓式粉絲，幾入味。日式豚肉有兩大塊仲要唔薄，似日式叉燒，蘿蔔夠入味，有4-5舊，清酒煮蜆夠新鮮唔係普通嘅冇味蜆，都有8隻左右總括黎講都推介！餸夠多，葛絲份量for女仔就夠，大食男仔可能就唔夠。上次叫左野菜豆腐魚餅，皮脆內軟，都幾好食…Read More

平時食開佢地嘅肉燥便當，近來想食返啲輕食，就開始食佢地嘅紫米飯糰選擇都有唔少，有得叫set。我今次就揀左雞粒紫米飯糰。入面好足料，有雞粒之外，有啲脆脆，青瓜絲，沙律醬，有口感又健康我叫左少醬。小食就叫左流心黑糖麻薯，聽老闆娘講係台灣直送嘅，早排想叫都冇，因為台灣嗰邊缺貨。估唔到剛過新年就竟然有，即刻叫左個黎試下，好好食！外脆內軟！如果有埋黃豆粉就更perfect就好似平時食開嘅紅糖糍粑咁。飲品就叫左抹茶豆乳，真係加抹茶粉整出黎，有小小抹茶香，又唔會蓋過豆乳嘅味，好夾最怕啲假甜嘅野飲，加有味糖漿就話係嗰隻味…Read More

鋪面雖然平平無奇，但估唔到個海南雞飯咁有驚喜。通常出面食嘅海南雞飯，個飯底一係好油一係好濕一係冇乜味，但係呢個飯底勁香，又唔會好油，又唔會濕到一patpat。呢一年都食過好多次，都keep到水準。個雞就幾滑，冇骨，皮唔算好厚好油我通常叫海南雞飯加雞，唔加的話應該得一半，有啲唔夠喉，加完都係$47，絕對抵食。另外送個冬瓜湯，飲落唔似有味精，唔錯店員態度都非常好，好有禮貌。每次叫外賣唔洗5分鐘就拎得，好快。店家都支持環保，見有人自攜外賣盒黎裝飯都冇詐型…Read More

今日男朋友去買外賣，我揀左個鮮茄蓉蝦仁帶子意粉飲熱華田，佢叫左個四川麻辣煙鴨胸意粉飲荔枝梳打。佢好清楚記得佢係叫菜名而唔係叫號碼嘅，最後打出黎張單，鮮茄意粉變左墨魚汁青口蟹子意粉，荔枝梳打變左熱咖啡。咁男朋友又衰嘅，冇對單，最後比錯都唔怪得邊個，但係佢落單咁都聽錯都有問題，仲要唔止落錯一樣野。拎到返黎，咁冇計啦照食，食食下望下張單，青口？一粒都見唔到喎，得魷魚圈同菇，再望一望佢放落黎張外賣menu，係得墨汁魷魚圈蟹子意粉，而不是青口，但係張單又寫青口。個蒜蓉包薄到似係平時一舊片開兩舊。總括黎講就係亂，叫嗰樣唔係落嗰樣，寫嗰樣又唔係食緊嗰樣，搞唔掂。…Read More

雞扒肉燥飯好足料，雞扒好大塊，入味軟嫩。肉燥份量佔一半飯平面，味道雖然唔算好台式地道，但係佢加左冬菇同（木耳/雲耳），有種香味，食多都唔會油膩，送飯好味！仲有粒鹵蛋，非常入味，但唔會太咸，正！跟飯餐加$3有支裝豆乳黑芝麻豆乳唔係好杰嗰種，芝麻味好香，口感順滑，好飲！仲有其他口味選擇。鋪仔細細，但係野食唔會馬虎。老闆們都好友善有禮貌，好有人情味。野食唔會太油膩，係健康之選，加上價錢十分合理，又可以電話落單轉頭拎，好方便。會繼續支持。之前食過嘅蓮藕餅粟米肉餅都好好食，份量足…Read More

雖然呢間CAFE好唔就腳，每次都要揸車先黎到，泊車都比較遠，要行一段路仔，但係係值得嘅。週末會比較多人，店內座位唔算多，等位可能耐少少。我每次都會點的帶子三文魚籽洋蔥炒蛋面包配沙律帶子同三文魚籽都好新鮮，帶子煎得岩岩好沙律可以揀黑醋汁或者麻醬唯一好希望佢改善嘅，係個面包，如果佢係多士會更加香。近來好似已經轉左menu變左bagel，同樣的配料，同樣希望可以烘下個bagel。男朋友每次都會點的Parma Ham炒蛋面包配沙律LATTE好好飲，唔會苦澀，好鐘意飲！另外佢會比啲nuts同espresso，比你試返個原味shot，好特別。另外環境唔錯，幾乾淨，有啲小植物擺設，幾舒服。服務亦都好好，店員後生仔女為主，好有禮貌，都會同你講解你叫嘅咖啡有啲咩味。店內不時都有workshop比人試下自己整咖啡，亦有啲整咖啡啲工具賣。…Read More

平時行過呢間鋪見都有人企門外等位，就決定試下啦！一入到去，姨姨都好好招呼好好禮貌。叫左個胡椒湯米線小辣，加咸菜，瑞士汁雞翼同韭菜餃。外賣滿$30仲有紙包飲品送。開頭仲諗住佢個雞翼如果唔分開放咪會影響個湯底，但原來佢用個紙袋仔裝住啲雞翼，好貼心，值得一讚！個雞翼唔算超入味，但係唔似出面食嗰啲咁乾咁hea。似係屋企整嘅感覺，都唔錯。個胡椒湯底都香，以我平時唔食辣黎講，小辣（20%胡椒湯）都食到。米線比出面食嘅軟滑，反而呢個令我有啲意想不到。最後個韭菜餃，入面應該得韭菜冇肉，但係都好食好夠味。…Read More

中午時段，叫左兩個常餐外賣自取。佢地話冇哂牛油豬，所以焗住叫多士。炸雞翼蕃茄濃湯通粉配火腿奄列+牛油多士雞翼係炸雞翼黎，但係好奇怪地放落個湯度，所以林哂。其實明明可以放落多士同奄列個盒度。湯底淡左啲啲。個多士好失望，同冇烘過一樣，咁點解要叫多士？其餘就正正常常不過不失。豬扒蕃茄通粉配火腿煎蛋+牛油多士豬扒餣得唔好食之餘，又唔夠嫩滑，好乾好柴。野飲叫左熱阿華田同凍檸茶，正正常常，但係凍檸茶茶底唔夠濃。…Read More

記得好耐以前食過一次，開業冇耐，類似家人幫手之類，野食係好食嘅，但係出野食慢同有漏單，所以之後就冇再食過。今日男朋友話想食，咁就陪佢食啦。我叫左個椒麻雞扒魯肉飯個雞扒完全一啲都唔椒唔麻，個皮好咸！反而嗰幾條菜有啲極微微的辣味。魯肉飯係要加錢嘅，但係份量得飯量嘅6份1，少得可憐！粒魯蛋係入味，但係好好好好咸！連啲鹽都好入味！我男朋友叫左個牛肉麵同椒鹽豬扒佢話湯似清湯，我試左少少應該係牛骨湯黎。好淡。豬扒薄，又係皮好咸！再黎重點 我地都叫左杯冬瓜茶平時飲嗰啲係啡色，佢呢個係淡黃色嘅。飲落懷疑係黃糖水黎，即係平時煮湯丸嗰啲糖水。離譜！話就話係黃色食店 質素咁樣樣 冇下次啦…Read More