beautywin88's Profile

平時好少揀食烤肉，一來怕油煙多，二來覺得要燒好耐先有得食，不過今次呢間舖頭嘅體驗就唔錯餐牌嘅選擇都幾多，一個人食可以揀幾十蚊嘅套餐，多人食或者想食好啲，都有啲靚啲嘅肉可以揀而且餐牌有寫明肉嘅份量，可以自己衡量下想食幾多呢度好多嘢都係自助，加$12就可以任食白飯同配菜，仲可以任飲牛肉湯同飲品點完餐啲食物就會喺火車軌送過嚟，好方便又好得意汁燒牛舌套餐（200g）牛肉用燒汁調好味，就咁燒已經好好食牛舌有少少爽口，係我鍾意嘅口感西班牙豬五花&肉黑毛豬肋條&特級雞爽肉套餐（300g）一個套餐有三款肉可以食，而且份量都好多就算唔食牛都可以有選擇牛肉三拼套餐（300g)一個套餐有哂牛五花，肩胛牛扒同五花肉雖然比另外嗰兩個餐貴少少，不過肉味濃厚，就算唔點醬汁都好好食呢個價錢食到咁好食嘅牛肉算係性價比高最鍾意佢切到啲牛肉薄薄地，燒一陣就好快食得每個套餐都包埋白飯同牛肉湯，所以食得好飽整體嘅體驗唔錯，肉嘅質素都好好，下次可以再約朋友嚟食飯…Read More

一直都好想試吓食壽喜燒，除咗可以品嚐高質牛肉，亦想體驗一下呢種即席烹煮嘅傳統料理。餐廳總共有ABC三款餐，我哋揀咗價錢較貴嘅C餐和牛盛宴，可以試晒AB餐嘅牛肉款式。前菜有和牛壽司🍣吉列和牛粒，沙律🥗。和牛壽司好好食，口感柔嫩，口感似食魚生，但又有牛肉嘅油香野菜拼盤好有心思，有成十款新鮮蔬菜菇類，可以食到多啲款式。同樣肉類都係，一盤肉裏面，已經包含咗多款不同部位嘅牛肉，非常用心。店員純熟地將一片片牛肉同蔬菜放入鍋裏，倒入壽喜燒汁，煮好再夾喺我哋嘅碗裏。就係咁樣，一邊煮一邊食，係視覺、聽覺、嗅覺、味覺嘅全方位享受不自覺地會專注品嚐每一款食物，真係一個好特別嘅體驗。講返食物，令我最難忘嘅係沙巴當，即係上肩里脊肉，油花多而均勻，肉味濃，肉汁豐富，食落口係好嫩，完全冇渣。肉眼都好好食，油脂豐富，有油筋，肉味香濃。蔬菜方面，菇類好香，而且所有蔬菜都用甜甜嘅壽喜燒汁煮過，全部都好甜好入味。本身配埋白飯同生雞蛋，已經食到飽飽地，但都不得不試埋最後嘅濕炒飯最後食埋個豆腐味雪糕，完美作結。…Read More

今日去咗上水同個朋友食飯，我哋想搵個靜靜地嘅地方傾吓計，所以去咗食西餐。入到餐廳，個環境都舒服，燈光微暗，地方唔算大，但亦唔會覺得迫。我哋一人嗌咗一個dinner set，大家share。好快就有餐湯同麵包，餐湯係忌廉粟米湯，充滿香濃嘅粟米甜味，麵包係暖暖地，好軟熟，幾好食紐西蘭肉眼(8安士)牛扒肉味香濃，有肉汁，一啲都唔乾唔韌，切得厚厚地，口感唔錯。伴有薯仔，西蘭花，椒絲，豆等等嘅配菜，令人感覺好滿足。傳統瑪格麗特薄餅呢個薄餅有驚喜，因為我冇expect一款咁傳統同經典嘅薄餅可以做得咁出色！就咁睇相已經見到佢嘅芝士份量有幾勁，係香噴噴熱辣辣嘅半融芝士！番茄醬夠多，餅底夠脆，整個味道簡單而豐富。脆炸魷魚圈見到呢個小食就忍唔住要加，因為我哋都好鍾意食香口嘢。個魷魚圈新鮮炸起熱辣辣好正，點沙律醬一流。飲品點咗凍檸茶同花茶。…Read More

終於開返堂食喇，梗係要出去食返餐啦！而我最想去食嘅就係拉麵，因為拉麵外賣就無咁好食，所以之前禁堂食都冇乜機會食拉麵。之前食過呢間一鳴拉麵，一直覺得念念不忘，今晚終於可以再食！香菜拉麵(清新芫荽醬混入豬骨湯底）呢個拉麵有好清新嘅芫荽味，混和濃厚嘅豬骨湯，非常美味。我自己本身唔係好鍾意食芫荽，因為唔鍾意草青味。但呢個湯底係冇嗰陣草青嘅味道，反而帶點清新，而且同豬骨湯好夾，毫無違和感。特別想讚一讚佢個糖心蛋，個半熟流心控制得剛剛好，見到都覺得正，味道一流。豬軟骨都好好食，好腍好入味。另外點咗杯特飲，白桃一千零一夜，係一杯青檸薄荷葉特飲。味道幾特別，帶點清新，又有白桃的香甜味，大大杯，夠冰凍。…Read More

呢間裝修佈置得咁靚嘅Cafe，絕對唔係得個樣，佢啲嘢食非常出色，特別係甜品，選擇多又好食。今次同朋友嚟，點咗一個意粉，一個主菜，兩個甜品，一齊share。白菌。煙腩肉。溫泉蛋。芝士汁鮮蛋意大利麵呢個意大利粉幾特別，真係食到蛋嘅味道，同一般意大利粉嘅味道好唔一樣。個芝士汁好濃郁，而且份量好夠，成個麵都好濕潤，好好食。牛油香草燒春雞配日式薯仔沙律燒春雞非常鮮嫩juicy，調味剛剛好，香草味味好正。薯仔沙律好creamy，好好食。朱古力三重奏一次過滿足朱古力迷三個願望：朱古力慕絲雪糕，朱古力心太軟，凍朱古力特飲。因為朱古力味夠濃，所以樣樣都好好食。朱古力梳乎厘班戟（含橙酒）呢度嘅疏乎厘班㦸，梗係都唔可以錯過。充滿空氣感嘅軟棉棉口感好正！…Read More

天氣涼咗，第一時間會諗起打邊爐打邊爐除咗靚嘅肉片同蔬菜，丸類都係必備之選不過出面嘅丸類通常未必用好靚嘅材料去整，想食有質素嘅肉丸真係要細心選擇今日就去咗振興度入貨打邊爐呢度選擇都幾多，除咗一般嘅牛丸、豬肉丸等等，仲有水餃、炸魚皮等可以選擇今次揀咗幾款丸，分別係豬骨濃汁貢丸、牛骨清湯牛丸同零添加墨魚丸豬骨濃汁貢丸呢個係我最鐘意嘅肉丸之一，因為佢同一般嘅貢丸好唔同，除咗豬肉味較重，佢咬落仲真係會爆汁，唔同一般貢丸，食落好乾好鞋，呢款真係值得再試牛骨清湯牛丸呢款係我喜歡嘅另一款肉丸，雖然佢未去到貢丸嗰款咁爆汁，但咬落依然juicy同埋牛肉嘅香味確實比一般牛丸濃好多，感覺非常足料零添加墨魚丸唔知係咪因為呢個零添加嘅保證，呢款墨魚丸食落覺得係冇咁咸，冇食完味精係咁飲水嘅感覺，用嚟打邊爐就最好，唔會食到口乾三款肉丸各有特色，我自己就比較喜歡會爆汁嘅肉丸，相信下次打邊爐又要再番嚟入貨…Read More

朋友生日，諗住俾個驚喜佢。佢好鍾意食海鮮，特別係龍蝦🦞所以想搵間舒服嘅餐廳食餐好。呢間最近推出龍蝦餐嘅餐廳，正正符合哂我嘅要求！我一早訂定枱，同埋訂定呢個龍蝦餐，由於佢用上新鮮波士頓龍蝦，數量有限，每間分店每日只係提供 10 個龍蝦煲，所以想食就一定要預先訂！餐廳環境舒適闊落，我哋坐咗喺中間嘅位置。好快就點咗餐，朋友知道食龍蝦餐非常興奮又期待Starter - 鮮蝦牛油果芒果番茄莎莎頭盤已經咁精緻！呢個莎莎好colorful，有紅黃綠，味道酸酸甜甜，由賣相到味道都咁清新！Soup - 龍蝦湯🥣個湯質感比較厚身，每一口都係濃郁嘅龍蝦香味，𥚃面嘅龍蝦肉都唔少！Main Course - 原隻新鮮波士頓龍蝦海鮮煲配扁意粉原隻龍蝦，仲有藍青口，大蜆，魷魚，非常豐富。龍蝦鮮甜，連蝦膏都好香，超正！其他海鮮都好新鮮，扁意粉配上蕃茄海鮮汁，都好好食Drink - 青蘋果梳打🍏跟餐送兩杯，清爽唔太甜，都唔錯。成餐朋友都讚不絕口，食得好開心，mission completed ✅…Read More

上次同屋企人食飯，一路行聯和墟都揀唔到食邊間好，行行下見到呢間好似幾靚幾特別嘅餐廳，就入去試下。入到去好似好懷舊咁，重有個牛頭係正中間，幾有特色。坐低左睇餐牌有個2人餐幾抵食，就直接揀左佢。套餐入邊都幾多選擇下，一開始驚個套餐會唔會細份過散叫，點知出到黎又幾大份下，我覺得飽到岩岩好，份量十足。首先講下我揀呢份牛柳，一上枱前重要有火係上邊燒，未知食唔食得但一定睇得跟住食落好好味又唔會咬落太韌，最緊要係佢用洋蔥同埋粟米墊底，岩哂我呢d唔鐘意人地幫我淋汁嘅人同埋塊牛都幾厚下。我屋企人就揀左肉眼扒，我覺得份量都多但牛柳更吸引，所以都係推薦牛柳多d。除此之外要介紹下餐包，唔係平時果d餐包，係麥包黎，既健康又唔會好難入口，反而幾好味，有喜出望外。套餐包埋飲品…Read More

疫情期間多咗喺屋企食飯，但係日日煮又未必諗到食咩好，斬料成為咗方便加餸嘅選擇一直未試過呢間鹵水鵝，不過見佢鋪面乾淨整齊，覺得食物質素應該唔太差，所以就買咗隻鵝嚟加餸鋪面有塊大玻璃隔住，可以一眼睇曬有咩類型嘅食物之餘，又唔怕有灰塵同細菌黐落啲食物度收銀處有曬所有食物嘅價錢，明碼實價食物款式多，連辣椒油都係自家製，買鵝嗰陣跟咗一盒仔試下，味道確實唔錯，夠香夠辣今次買咗一斤鹵水鵝，另外加咗幾隻鹵水雞翼同鹵水蛋試下老闆問我想要上庄定下庄，因為想試下鵝脾，所以揀咗下庄鵝脾啖啖肉，食落唔會好韌，鹵水味剛剛好唔會太鹹醬油、醋同辣椒油都係另上，鍾意咩口味都可以自由配搭個人覺得鹵水雞翼好抵食，只係五蚊就食到雞全翼鹵水蛋十蚊有三隻，食落唔會太鹹第一次喺度斬料加餸，味道唔錯，加上睇落食物衛生（疫情期間呢樣嘢都好緊要），下次再想加餸都會再返嚟幫襯…Read More

疫情關係，屋企個雪櫃放得最多嘅食物，就係急凍食品丸類係喺雪櫃最容易搵到嘅食物，因為不論係煮麵定炒菜都用得著，所以存貨都比較多既然成日食就要買啲質素好啲嘅丸類，而呢度就係我成日光顧地方今次買咗幾款丸類丸類嘅最好拍檔就係麵，煮麵嗰陣加幾粒丸就已經可以當做一餐健康豬肉丸豬肉丸咬落去夠肉味夠彈牙，唔會好油膩，咬落有少少肉汁零添加墨魚丸包裝標榜無人造色素同防腐劑，係依家大家都注重健康嘅時期，呢款丸真係一個唔錯嘅選擇墨魚丸夠爽口，食得到粒粒墨魚肉，夠曬足料又好味魚豆腐外面係魚肉，裏面係滑滑嘅豆腐，我幾鍾意呢一種質感因為食落可以有兩種唔同嘅口感，而且用魚同豆腐整嘅丸類，相對比較健康唔肥膩魚蛋小籠包呢款係魚蛋加肉嘅好味配搭，外面係爽口魚肉，裏面係咬落爆汁嘅肉，味道同口感都一流振興嘅出品一向有保證，買過幾次都好有質素，所以下次食完又會再入貨…Read More

朋友請食飯，帶咗我去一間好有特色嘅意大利餐廳，餐廳喺商場𥚃面，半開放式嘅設計好開揚，感覺舒適，呢度嘅環境同食物都充滿著意式風情！西西里島海鮮沙律🥗配經典意式油醋汁呢個沙律，海鮮多過沙律菜，賣相同味道都非常豐富！有青口、大蜆、大蝦、帶子、八爪魚，配上酸酸甜甜嘅油醋汁，非常清新！鮮松露意大利飯🇮🇹意大利飯粒粒都被creamy嘅黑松露忌廉汁包裹住，香濃美味。意大利飯上鋪滿一片片嘅新鮮松露。平時黑松露就見得多，新鮮松露今次都係第一次食！松露獨特嘅香味真係非常吸引，難以替代，每一口都係享受本身想點返件蛋糕做甜品，但食完主菜已經飽，所以外賣咗返屋企做下午茶走嘅時候見到個下午茶套餐好吸引下次一定要試！…Read More

去唔到旅行，又想食到台灣菜，就唯有喺附近搵間台式餐廳食下本地嘅台灣菜呢家餐廳之前都有食過，食物嘅份量同味道都唔錯，不過外賣就第一次，睇下係咪同堂食一樣咁好味晚餐嚟講唔算貴，仲包一杯台式飲品除咗主菜仲有其他台式小食同飲品可以揀鹽焗雞絲米線店舖非常細心，米線同湯係分隔開，唔會浸到啲麵變曬糊狀，保留到爽滑口感雞絲冇太多調味，食落唔太鹹佢另外配咗個辣辣地嘅醬汁，配搭口味清淡嘅雞絲米線非常一流酥炸豬扒肉燥飯豬扒大大件，份量十足，雖然係外賣，但仲食到豬扒嘅酥脆肉臊味香濃，配搭白飯令人非常開胃珍珠奶茶/凍檸檬紅茶平時飲杯珍珠奶茶，最平都十幾廿蚊，而家跟餐就有得飲，感覺好抵雖然係跟餐嘅免費飲品，但質素唔錯…Read More

最近天氣咁凍，實在唔想落手落腳自己整嘢食天氣凍特別想食啲辣辣地嘅食物，於是喺屋企附近買咗我最喜歡嘅泰國菜返屋企食冇得堂食嘅關係，外賣不但有特價，而且款式仲非常之多定食睇落好抵，一個價錢已經有湯、小食、主菜同飲品，就決定揀幾個定食試下冬陰功湯/肉丸扎肉鮮雞湯冬陰功湯微辣，配有小小蘑菇等蔬菜，十分開胃，而肉丸扎肉鮮雞湯就相對較清淡仲有款三色小食招牌燒豚肉飯定食豚肉配搭醬油去燒，而且加咗辣椒粉，食落非常惹味豚肉嘅份量比例算多，大大塊又唔韌，淨係食呢個飯都已經好飽好滿足滑蛋燒鰻魚大碗飯定食又大又厚嘅鰻魚，配上燒汁同埋芝麻，咬落油脂豐富又好味配上炒得嫩滑嘅蛋，兩款食物送飯都一流海南雞飯定食雞件又大又嫩滑，啖啖肉夠曬滋味，配上黃薑飯，暖笠笠啱曬呢個天氣食套餐仲跟埋飲品，呢個價錢有咁多嘢食，又好味又夠飽，下次再想食抵食外賣都會再番嚟買…Read More

再一次嚟呢間韓燒放題，感覺都唔錯，佢嘅食物款式同飲品都算多。一去到坐低就可以開始食，因為佢哋會先來幾碟前菜，有海帶，大豆芽，當然唔少得泡菜啦，而且仲可以無限添加！點解我會知😏因為我叫咗三轉😂泡菜連埋燒肉一齊食真係好夾👍🏻如果你未試過咁食下次一定要試吓😋開始燒嘢食喇✌🏻豬牛羊雞魚海鮮樣樣都有🎉而且擺盤都唔錯☺️不得不提嘅就係佢嘅烤肥牛，真係好味到不得了😍😍仲有佢啲熟食都唔錯架。我要推介嘅係溫泉蛋紫菜飯。雖然好多人食放題都唔會叫飯🙈因為食咗飯真係會食少好多嘢！但係個飯真係好好食😝連我朋友見到都忍唔住要一齊食下我碗飯。所以如果有幾個朋友去，一定要叫呢個飯啊！…Read More

疫情關係，依家多數時間都會喺屋企煮飯食，所以急凍食物係屋企嘅必備儲糧雖然話係急凍食品，但選擇方面都唔會求其，希望揀啲有質素又好味嘅食材，所以就揀咗呢間喺大埔好多年嘅食材店度買定啲儲糧呢度嘅選擇幾多，除咗比較出名嘅牛丸，仲有其他丸類、餃子、新鮮炸嘅魚蛋等食材今次揀咗幾款丸類試下有仿干貝燒、健康豬肉丸（椒麻味）芝士包心丸、黑椒牛丸仿干貝燒個樣真係整得好似干貝，而且咬落都有少料干貝嗰種一絲絲嘅口感，絕對可以以假亂真健康豬肉丸（椒麻味）感覺幾有驚喜，因為冇諗過豬肉丸可以配上椒麻味，椒同麻都唔會太濃太辣，而且仲可以食到豬肉嘅香味，對於我呢啲唔係食得太辣嘅人嚟講，用嚟過下口癮係一個非常好嘅選擇芝士包心丸呢款比起平時食過嘅芝心丸，外皮口感比較滑，裡面嘅芝心唔會太鹹，味道唔錯黑椒牛丸呢款牛丸比平時食開嘅，口感偏實淨同彈牙，黑椒味有少少微辣，如果煮個清清地嘅麵嚟配搭就非常一流整體嘅丸類都幾有水準，唔似一般買到嘅咁行貨，下次要買埋其他款式嘅丸類再試下…Read More