Celia Cheng SW's Profile

元朗估唔到俾我發現到呢間啱口味嘅正嘢。上到去格局80年代派頭，唔係食環境，食點心先，蝦姣有5粒，皮會痴住蒸籠紙，淨澄粉木薯粉冇加生粉話會痴d，皮唔厚好食，不過易裂開。咖哩魷魚正，醬係傑醬啱口味，將呢個傑醬配埋個蝦餃皮食呢又一絕。春捲個名好得意，叫做這不是春捲，炸得夠脆。捲到一條長條形跟沙律醬，但係我鍾意跟喼汁。蒸魚雲，宜家唔係度度食到反而呢度有得食，我又鍾意食，所以覺得又好啱食。灌湯餃掂啊，d湯好夠味，有竹笙有仿翅有蝦有肉夠味。聽隔離枱講話粉果好食，下次試吓。滿足開心嘅一餐。…Read More

盛記當初真係好風光，又揾廚師Ricky拍 youtube片推介，初開天天大排長龍，無分任何時段。開張兩年後漸漸變差亦開咗分店，即係一次，不如一次。麵，鹼水味重，雲吞，蝦腥，湯，有色但淡而無味。員工換一批又一批，清潔不堪，布巾四處抹，筷子油淋淋，辣椒油樽，污糟邋遢，佈滿醬漬。人龍不再，衞生欠奉，明顯啟示反應…Read More

新開張即管去試吓，有點失望。點牛肉串，嚟到入口係微暖，似翻熱嘅？？？醬汁唔好味，因偏淡 ，鹹味都冇，枱上有七味粉，唯有加七味粉調味。人流唔多，無需要整定曬食物，再加上你新開張， 應該呈現最好一面俾客人。雞腎串嚟到就好滿意，第一熱辣辣，熱辣辣先好食㗎嘛，唔通你燒烤鍾意食凍，由其是串燒食品。 唉，唔熱，真係唔好食。讓青椒，失望到爆，入邊讓咗免治豬肉，個青椒，底部弧形冇切除，照樣燒，背部就焦，底部冇煎香，有青味。大部份價格都係29.9，再要另外加一。員工3人或4人聚埋一齊企喺度倾偈，另外員工將食物放喺枱邊就走人，又唔出聲。完全未調較好員工及服務。同埋帶位auntie廣東話都未講得清楚.....唔好講服務，食物唔熱…Read More

老闆老板娘年紀大要退休，新接手，秉承佢哋繼續服務， 深水埗街坊，平'靚'正。早餐太陽蛋，有燶邊就更加正，仿鮑片通粉， 依然系夠足料，奶茶依舊冇變👍🏻掂，事頭婆好有禮貌。搵日晚飯，試吓出名鐵板餐…Read More

個名令人出幻覺，日本嘢，可惜！做法BBQ燒焦雞肉，加上燒烤蜜糖，又乾又硬，有些雞肉切得成粒狀，入口乾啃，就算你加溫泉蛋蛋漿勉強可以吞。似足學生餐，不求好食，只求醫肚，價錢64，另加2有凍飲。湯麵嘅湯似加花奶調配。咁嘅質素不如去食牛丼飯…Read More

評價，話肉餅好，從外觀上看厚肉配隻蛋，蝦頭油肉餅肉冇味道，配上乾炸櫻花蝦，黑汁古怪，外皮炸過，再淋汁。咸魚肉餅，太幸運食唔到咸魚及咸魚味冬菇就有大把，碗大細食唔方便，嚿肉佔位置3分1，蛋又一part ,少許菜又1part要掃開先爬到啖飯。冇水吧，只提供罐裝及玻璃裝汽水。點解話好食！？…Read More

連續7日做緊Grande優惠，旺角最方便去旺中(新之城)，店長好好，仲介紹我加18有芝士火腿牛角包，返熱返個飽比我。另外pacific coffee 朱古力必點之一， Caffe latte店長冲得好。…Read More

之前食過中環分店，好食有禮貌。 見到旺角有分店就入去食。 牛扒意粉好好好差，接待差， 阿姐十問九唔應，牛扒中伏，比嚿咬唔開，跟一嚿白色肥膏，嗱西求其，廚房點攪，見到都唔想食，牛扒咬唔開，唔通旺角係有特別煮法。翠華所淨無幾分店，開另一條line，貳號冰室，唉....伏伏伏…Read More

男員工店長休息，另一位男同事冲，認真麻麻，咖啡冲得太淡，反焗三文治都整得唔好，外型扁撻三文治，他冇心冲冇心整，可能人流唔多，令同事無所事事無心做。店細應該容易做，反而相反…Read More

招牌牛柳牛丸河係必食嘅， 有時雖然會出錯，冇洋蔥或者牛柳肉質又碎，但係都係呢間鋪最好食嘅一樣嘢。法飽強差人意，包唔熱包身又硬，入邊嘅餡料唔夠豐富，醬汁唔夠等於好似啃，硬麵包，肉片扎肉片切得太薄片，冇口感，80蚊，唔值。冇比較冇傷害，去過灣仔(品味) 你試過佢地cold cut sandwich 或 stewed pork belly sandwich, 做得好南越人口味法包。…Read More

牛腩雲吞麵＄50，牛腩淋，炆得夠時間，有牛肉香味，麵身爽，鍾意食爽口，一定鍾意個麵質，可是麵太長連結在一起，難入口一些，雲吞好，滿口蝦，啤水夠蝦身爽脆。辣椒油做得好，夠辣，又有香味。 街坊生意快快方便食碗麵，好選擇…Read More

午市人流少，午市飯，點鵝肉大腸飯58，午市冇加一，鵝肉咬唔開，鵝肉斬位置差都唔係問題。 但係竟然係鵝肉實到咬唔開。埋單時候，這位一腳踢女服務員，主動詢問我，是否太硬咬唔開，不如換過一份俾你，我話唔需要，多謝佢嘅好意。大失望，唔想再試。其實，滷水師傅斬時，眼看知道，手摸觸到， 鵝肉質怎樣點，己所不欲勿施於人…Read More

洋蔥叉燒包好食，叉燒調味好，肉質夠軟腍，用返佢地奇華自家麪包配搭唔錯，好食鹹甜均勻。細心留意客人用水杯有質量，達酒店水平，斟水水壺係用酒店常用格式，奇華落本喺呢冰室內，可惜客流量少。經過難會發現樓上系一間冰室，需要多加宣傳。焗豬扒飯好食，炒飯底，仲附有一隻煎蛋， 可惜唔係燶邊蛋，咖啡正常，另收加一服務費。地方細，大聲講話你在旁實聽到。雖然食客少，但係員工當咗自己屋企咁高談闊論…Read More

唔通而家香港人轉左口味，飲湯鍾意飲甜，做法是客家黃酒雞，味道甜，冰鮮雞去貨快雞腥味自然冇，雪味亦唔會有。個個都贊鵝腸，叫一碟嚟試吓，鵝腸本身個質地系爽脆嘅， 唉，敗筆在冇味，附帶豉油都係冇味，點會好食。雞面另外，加餸10蚊要豬大腸，大腸質地爽切適中厚度好食。 另外，再加10蚊點咖哩水魷，水魷太細條了，冇咖喱味。如果要咁樣排長龍在旺角區會有更多好選擇麵店。…Read More

米線食得多嘞， 米線食完之后，十間實有九間好容易上火兼塊面出大瘡。呢間嘢隔日都冇事，化學嘢加得多，實口渴牙肉腫上火就必然嘅，竟然呢間天星食完咩事都冇。大腸偏軟腍，浸到爛曬頭尾大腸，唔選擇唔啱我口味。墨魚春卷好食，必食吖。 墨月餅唔好揀啦， 墨月餅系包裝食品貨嘅 ，哇，不點。腩肉切到薄薄片，咬落去煙靭，不過腦水味唔夠。偏喜愛佢嘅紅薯粉。加8蚊， 有杯凍檸檬茶，抵…Read More