hohomannnn's Profile

下午茶呢個時間，同朋友放工搵個地方飲下野傾下計，又唔想coffee shop,m記果d既話，係土瓜灣呢個地方黎初茶呢到就無錯喇，一黎環境清靜，地方闊落，慢慢坐，慢慢傾，飲住野，打下機，消磨時間相當舒適。雪戀蘋果- $30咁我對奶茶丫，咖啡丫，果d不嬲都一般般，於是就睇下除了奶茶外既選擇，見到餐牌推薦呢杯雪戀蘋果就試下，味道都ok，奶既份量唔會太多掩蓋蘋果既味道，只不過都係嫌佢蘋果味唔夠出，但都值得一試…Read More

茶餐時間唔知食乜好，就隨意揀左呢間食。茶餐可以揀既食物都好多款式，價錢就由最平既15蚊三文治，去到68蚊海南雞都有，供不同人選擇。點左個香茅豬扒蛋飯，$45一客其實感覺就普普通通，豬扒都幾薄下，味道就真係認真一般，唔係太值呢個價位。另外凍飲要+3蚊，仲有10%服務費。（除左過黎落單，同傳菜，都無乜點感受到佢地有咩服務），呢間餐廳感覺比我覺得好似普通茶餐廳既感覺一樣，不過算啦，其實現時根本上好多餐廳都係甘。如果要再揀，我未必會再選擇呢間食茶餐。…Read More

以前呢間老字號就係街市入面，所以都好早關門，自從街市翻新，佳捷就搬左去上徑口村呢到，搬左後營業時間去到晚上9點，令到我呢d晚上七，八點先返到顯徑既人多個優惠選擇，因為佢d野食，我諗係整個顯徑都無一間比佢平。30-33一個飯，係邊到仲可以搵到，求其係間茶餐廳食個晚飯都要50起。香茅豬扒飯，$30一客，豬扒夠大塊，啖啖都係肉，仲可以配唔同既汁，時次我配了豉油汁。椒鹽豬扒飯，同香茅豬扒飯都係我首選，真係好扺食炸雞翼薯條。雞翼食得出係有醃過，好入味，而薯條係大大條既薯條，呢種薯條真係好好食，就咁食呢個都好飽。講真係顯徑入面真係算係良心店舖，價錢平，而且又大份又好食，未食過既，記得去幫襯下喇…Read More

今日突然想食下日本野，於是就揀左一風堂試下，一進舖，店員好快招呼我，隨即就安排卡位就坐。茶餐市段餐牌如下：主要拉麵為主，不過我今天想食飯，就揀左個“沖繩風豚軟骨丼”平時食得雞軟骨多，估唔到豚軟骨口感都唔錯，不過就有少少肥肉係到，令到整體分數下跌，而最喜出望外就係配搭上十勝汁，完全令到整個飯既味道昇華不少。跟餐會有罐汽水飲。不過坐低時，店員都好快比左壺茶我，淨係壼茶都夠飲，汽水我就收埋自己返屋企遲d飲喇…Read More

晏就同朋友係到討論食串燒，長沙灣有一项串燒舖都幾好食，於是朋友係網上見到介紹密密燒既報道，於時就去試下。服務員都好親切，一去到都會有禮貌咁詢問係咪第一次去，因為佢地會好有耐心地為你介紹一下d調味料，用具，以及怎樣燒法，都會一一教比大家。我覺得真係好好。（大家都知新手燒，點樣先為之食得，係好難去拿獵得到，服務員做到好好既其中一個點，就係佢地行開行埋都會提下大家d串燒燒夠，可以享用。）呢個架係放未燒既串燒，幾得意。睇住d串燒係到自轉，又唔洗自己點特別轉佢，等緊佢地燒既時候，又可以同朋友係到傾下計，談談心，聊聊天，感覺非常良好。不過每人238，2.5個鐘，朋友覺得偏貴，款式又唔算特別多，不過我就覺得可以接受，佢既觀點係覺得燒得耐，變相又唔可以食得多野，但我就覺得款式小，可以好快試晒所有野，同時又可以揀到邊款好食又岩自己食，例如燒牛，店員都有話變左色就食得，其實都幾快就燒好，一直係咁點牛黎食都唔錯架，燒菇，燒菠蘿果d，亦都好快燒好，飲品又飲野，所以對本人來説$238，算ok。…Read More

今日心月來潮想食車仔麵，於是就黎試下緣味麵家，咁佢有3餸，4餸，5餸及6餸（63蚊）比你揀，仲有一個65蚊既10餸（大雜燴，淨餸）,而我初時係諗住叫淨餸，不過睇清楚d細字先發現係淨餸，最後就叫左63蚊既6餸。（自取要收1蚊）時此點左豆卜，牛丸，墨魚丸，雞翼尖，豬頸肉，牛栢葉，同米粉配辣汁。餸方面都可以，當中豬頸肉d肉就比較韌，下次未入會點，而墨魚丸都幾彈牙，牛丸幾有咬口，兩者都食得過。不過當中個米粉就比較差，我其實拎到返去已經即刻食（由拎到至食只不過係5分鐘路程甘上下），但d米粉就好冧，好漲，感覺係放落去碗野前已經索晒d水，因為個米粉問題影響晒成碗車仔麵既感覺。而辣汁層面，個人感覺覺得一d都唔辣，反而有少少覺得清淡既感覺，或者係我本人食譚仔食特辣都唔覺係一回事既關係吧。價錢方面就適中，63蚊睇落好貴，但份量都夠大，其實都足以食飽兩個人。下次如果我會去食，我可能會去試下食油麵，也許會比米粉好一點。…Read More

晚上跟朋友去食串燒，每次都會經過呢間願望樹，於是就坐低幫襯下。點了一個燒茄子，茄子雖然係好大條，但係就整個都好軟身，感覺唔到有烤過既感覺，而d調味就重過頭，失去左茄子本身果隻味道，係茄子上面我係覺得有點失望...翠玉瓜不過不失，但係如圖所見，d調味粉唔均勻，有d好多有d好少...芝士煙肉大啡菇就算係當中比較好的，口感不錯，咬下去會咬到一層芝士同菇，中間就夾住煙肉，好食而整體黎講，其實係水準偏差，首先係調味粉上係嚴重不均，一d會好重手，一d會好小，影響味道。在衛生上面，就比其他街邊舖更差，因為有清楚見到有小強出沒，而一開始拎過黎餐具又好，飲管又好，都係有污漬，個人感覺係差，除此之外佢有部份串燒係就咁拎住過黎，係完全無用碟既情況下，凌空拎過黎都好難想像過程中係會點...所以講真，真係可一不可再…Read More

今日午市時段又去顯徑街市覓食，今次試下青辣椒嘅海南雞飯。大大盒，40蚊，扺食！海南雞大大份，無骨，都算滑，配菜既青瓜咬落去都好爽（係新鮮嘅），另外就跟左個醬，同埋d薑茸比你，我就習慣會撈埋d汁同薑茸然後倒上去d海南雞上面食，真係會好好味，不過唯一既敗筆就係我嫌佢個飯底多左d，因為如果以d雞同飯既份量黎睇，只會食晒d雞後，會有淨1/4盒飯，淨低既就只係食飯，從而有點失色。但整體黎講係好食既可以不妨一試…Read More

今日同朋友去鋸扒，於是就係黃埔呢到食outback。咁我地三個人就各自點左個扒，同兩份小食，炸薯條，炸菇（唔記得名了）原本諗住點慢煮肉眼扒，不過侍應話無，唯有點精選肉眼扒，五成熟。塊扒都算大份，佢好似係跟g數，我唔記得左幾多g了， 味道就一般般，唔算係特別好食，而呢個3百幾蚊，另外就有跟湯同麵包，再可以比你揀兩款小食，我就點左個飯同甜薯。整體感覺，其實可能我自己比較鐘意有塊板去鋸，咁樣有feel d，而三百幾雖然跟左湯同小食，但就因為唔算特別好食，又唔覺得係扺食，對著於我黎講可能都係會去返果d自助石板燒可能會更岩我，一黎以價格黎定斷，一定係果.d扺。以上純粹係我個人意見黎。而其實佢都會有d餐，只係唔合適我地先無叫，怎說都好佢地都算係高級扒餐廳，餐廳環境，衛生，及服務都有一定既保證同水準。但我粗人一個，評論就只係覺得佢貴，味道又一般般，唔扺食，for me 食返平野就ok喇PS:始終都係因為無得試慢煮肉眼以耿耿於懷:(…Read More

今日下午去大食代睇下有咩食，左揀右揀，就揀左韓國屋，是因見到有茶餐$32 韓式炒粉絲，於是就試下。先講份量：其實隻碟細細地，認真食幾啖就食完，不過佢又寫到明茶餐，咁我都明既，茶餐份量係咁上下，但對我黎講就唔係咁夠食，跟餐就跟左碗湯。味道方面：感覺就一般般，佢既粉絲都唔算係即時炒，係整好晒放左係個heat pan到暖住，所以個粉絲係得個暖字，唔算熱。整體黎講$32 細細碟，其實真係唔飽肚，真係當茶餐食就ok，如果大家係真係想飽肚食，呢個就唔建議揀喇。…Read More

今天晚上同朋友放工遲左，又肚餓，又係深宵時份，平時咁夜都係食開打冷舖，而今次我地就去食串燒，黎到長沙灣近元州邨對出既串燒舖“真味坊”今晚都有好多人，不過去到時，甘岩就有位，係坐低前店員都會同我地講聲“今晚好多人，所以食物有機會要等半個鐘”，其實我覺得都ok,咁多戈都預左要等，而且佢又會問聲我地等唔等，我覺得係街邊舖黎講，服務算唔錯。點餐方面：自己劃，揀岩想食既野寫上數量。揀好喇就可以揀埋底部個三隻醬汁，分別係蜜糖，沙嗲醬，以及麻辣，除此之外亦有分大中少微辣，適合唔好口味既大家，由於唔知佢既辣度係點，所以我同朋友就揀點左微辣，試下辣度先（同時亦揀左麻辣），唔知串燒落麻辣醬係點既呢。食物方面：個人感覺串燒都燒得好入味，而辣度又對我地黎講岩岩好，唔會話好辣，反而我覺得微辣係最好，因為唔會只食到個辣味掩蓋左本身串燒果種味，值得一讚個炸牛丸，我覺得真係好香口，咬落去個口感係好爽，唔會係果d炸定放係到勁耐，又或者炸好耐引致得個硬字個種，係真係好爽口，再加埋麻辣醬，簡直係無得頂，令我同朋友都爭住黎食炸牛丸。另外都讚得一提就係個燒茄子會上蒜蓉去燒，而佢唔會話太咸，味道係拿捏得岩岩好，外邊少少脆，而內邊就軟身，外脆內軟。今次我地除左叫串燒外，亦有叫魚肉湯同撈麵。撈麵撈得夠均，唔會係靠求撈幾下，正魚肉湯對比串燒就比較遜色一點，魚肉感覺粉多過肉，食落去無咁彈牙，口感好粉。整體黎講，係星期六晚上01：00左右，人多係再所難免，不過店員都有預先提示客人要等很久，從這點來說，我覺得係喜出望外，有以客人意願為優先考慮。而食物方面，對本人黎說串燒係燒得入味，有辣味之餘，亦有返食物原有既味道，咁多客係真係有原因的。而衛生方面，因為其實係街邊檔，就好似d大排檔咁樣，你接受到就ok，接受唔到既話，我諗你連坐低都唔會。不過我就完全接受到，又或者我朋友好鐘意食燒茄子，佢已經約定我下次再去食燒茄子下次就等我試下其他醬汁先。Ps:炸榴槤 我都覺得真心唔錯，大家不妨一試…Read More

今天下午，跟兩位朋友一齊去食點心，點心就唔一定去茶樓先有得食，呢間點心連鎖店就岩晒喇，價錢圍繞在$20-30之內，一個人叫蒸飯，加個點心，都係$50之內，都算便宜。咁我同朋友就叫左兩個蒸飯，加唔五碟點心排骨飯，d排骨都啖啖肉，有料到的，唔會係d.無乜肉既排骨。（用豆角做少少配菜，等大家食肉得黎，又可以食返d菜）農場蛋牛肉飯：牛肉餅都好大塊，$24一盅黎講，都算係良心價濃湯杞子浸時蔬：雖則話濃湯，但味道岩岩好，唔會話太咸點心份量都係足料，呢到另外一提的時，佢地d蝦餃，燒賣都係以隻數計，以人頭計黎點就會分得到，唔會鎖死幾多隻，令到有d人無得食，非常好。整體黎講，點心送上速度都算快，我地1點半到入座，1點45左右就上齊晒。而價錢以$20-30係lunch time黎講算係好公道，味道也不錯，真係快靚正架，大家想食點心時，真係不妨一試丫:)…Read More

今日同朋友又諗住食日本野，於是就係openrice到搵到間位於長沙灣褔榮街油站附近既“牛屋”去試下，揀佢既原因，係因為佢有好多類型既食物可選，有火鍋，爐端燒，日本小食，以及日本便當。岩晒成日唔知食咩好既我地，去到坐低再慢慢決定食邊款。牛屋舖頭細細的，不過都想當好搵，我地堆果時係下午六點左右，當時感覺好像是剛開門，準備做生意，我同友人就企係門口，好快地店員就招呼我地，目測店舖就只有四張枱到，原先店員就安排我地去坐角落頭既二人枱的，不過我朋友就唔係咁想，正當我地係到猶疑緊時，店員就好主動問我地係咪想坐張大d，隨即就安排將四人枱比我地。係呢到我覺得，係店舖既立場，舖頭仔細細的，得四張枱左右，為左打後既安排，二人比二人枱你地係好合理，不過店員就將客人既滿意度行先，安排將四人枱比我到，呢到值十個讚！咁岩先都講過，呢到係有好多款式比你選擇，我同朋友就點左一個便當，章魚燒，同一d串燒黎試下（串燒類，會比你揀想自己燒，定係師父幫你燒，我朋友就無乜所謂，但我就心諗，佢緊係無所謂，因為佢都係要我燒埋比佢食，所以最後我就揀左師父燒比我食）章魚燒： 一碟有6粒，味道唔錯牛屋三色便當： 好食，一個人食既話都夠飽，而佢三色既原因，唔知係咪有三款肉係到，有肉粒啦，牛同豚肉串燒拼盤： 以雞為主，雞肉串，雞皮串，雞軟骨串，雞翼串 $45 一客 菠蘿：呢個抵丫，我原本諗住一塊塊，點知佢係成條，咁大條都係$11， 有多汁，真係好正，下次再食時食多兩條都得整體感覺，食物味道其實就一般般，唔算係話好有特色，不過我覺得串燒師父都燒得幾好，唔會話落好多鹽整到好咸，以串燒價錢維持在$10-20 算係平，菠蘿串就一定係我首推大家幫襯時真係值得一試。…Read More

今日入黃埔搵朋友食下飯，傾下計，咁岩又想食日本野，佢就帶左我去佢平時食開既日本店食野。佢好快咁就已經決定好食黑豚肉鍋定食，而我就點了個牛肉鍋定食，除此之外我地仲加左個冷豆腐同蒜味螺肉。湯同定食既小菜（粟米同醃矮瓜）好快送到對我黎講醃矮瓜酸酸地，幾開胃蒜味螺肉： 我覺得就不過不失，唔算係太特別，不過$10 有一碟仔算抵食冷豆腐：幾好味，醬汁既配搭令人食完想再食。牛肉鍋定食： 好夠熱，而牛肉方面又唔會太韌，湯底就普普通通，平平淡淡咁，味道唔會好濃或淡，不過整體黎講都可以話好食既。因為至少我連湯底都飲晒。整體黎講，店舖細細的，店員比我既感覺好親民下，因為我朋友成日都會黎，我地一到，店員係會好fd好熟悉咁同我地寒暄一下，好nice。而最後雖然我地係夜晚2200先去，個時都有兩三台客，到最後淨低得我地一台客，店員都無話想趕我地走，都係會係到好親切咁招待我地，比人感覺係十分好。而食物方面我就覺得中規中距，牛肉鍋同螺肉就普普通通，而令我印象最深刻都係個冷豆腐，個種口感我都唔識點形容，呢個真係值得一試丫。…Read More

自己成日都係青衣碼頭翠怡商場呢頭出沒，認真講食肆真係寥寥可數，有一日經過一期時發現放晒花牌，咪行多幾步發現新開左間台灣店”阿里山鐵路便當”，基於又好奇又餵食既心態就自己一個黎試下。咁我就接近6點去惠顧，當時店舖無乜客人，所以很快就被接待了，目測有七張卡位，而卡位頂會有扶手（ 好似答緊車咁）餐牌就會係係牆邊，用筒裝住d紙自己畫揀左一陣，其實初初係門口時我就係到睇果塊A1 board 既餐牌，見到有d 小菜類（應該係會因應時段放不同的）而對我黎講好多都岩食，不過如果對於係想食台灣野，我又覺得好似唔岩口味門口餐牌： 寫住台風熱炒 ，但係就有京葱爆牛肉，鎮江骨，等等這些中式菜（感覺是迎合附近居民口味，或者用台灣方法炒，對這我不作任何評論，因為沒有試過），個人感想係要有滷肉先叫係品嘗到台灣風味。雖然係門口睇唔岩餐牌，不過都係決定入去，咁就係到揀野食，就試下店舖推介既便當“阿里山燒雞腿便當”賣相比我有驚喜，睇落第一眼係幾有特色，而滷肉方面夠平淡，唔會太咸，感覺類似台灣食到既。 簡簡單單 小量菜，粟米倒晒落個飯到食唔錯唔錯。雞腿方面配答醬汁，簡單得黎，有夠特別，可以講係靠醬汁配答，所以味道也不錯。便當 +13蚊 轉凍飲， 我就點左杯台灣紅茶，味道還可以整體來說，唔知係咪因為上年去台南時，感受到當地食野其實味道係好清淡，所以對於食物味道，我係感到有台灣既風味係到。裝修上面，可見係有心思去設計，一入門口係會有一條小長長既通道，盡頭係售票處（收銀），就有如你去答鐵路，買票然後入座，卡位頂既扶手就更可特出餐廳鐵路之名稱。唯一缺點係，我覺得價錢定於58蚊，而加飲品+13蚊，不過唔知係咪因為晚市關係先係咁，下次我會再搵個茶餐時段黎睇睇，就知道係咪真係偏貴喇。…Read More