gpb's Profile

上星期假期前夕同太座盪左黎呢間鋪頭，感覺都幾良好，於是前幾日放工再同朋友黎食飯。 今晚去左銅鑼灣，就同老婆細路再黎食多次喇，變相兩星期內已幫襯左三次。餐廳有分室內同室外，之前兩次坐係室內方便傾計，今次本來想轉到室外試試，但一聽到室外唔禁煙，有細路係度就算喇。 鋪頭老闆同伙記都友善好招呼，時不時走埋黎睇下我地攪唔攪得掂，有唔識燒嘅野記得問老闆。今次有點嘅包括金磚牛仔骨、大墨魚、鵪鶉脾，燒蘑菇番薯等，本來厚燒白鱔之前試過都好好食，但因為叫多左隻蟹，費事食唔哂今次就無叫到。 今次印象最深刻嘅係隻大墨魚，燒完柔軟唔韌又超好味，非常推介。 另外隻蟹都好食，就咁食同燒一燒再食風味又有唔同，而且都幾多糕，不過我老婆唔係太好蟹羔，所以深象無咁深刻。另外今次都有叫金磚牛仔骨, 燒鵪鶉脾同燒蘑菇，黎左兩三次都重覆order，就知道梗係好野黎喇。三個人埋單找數連加一大概千二蚊左右，如果唔點隻蟹應該一千樓下可以落到樓。 以佢嘅水準同份量，仲要係呢個地段同環境，都算好合理喇。…Read More

閒日下午約了朋友到這裡tea，午間感覺懶洋洋，像包場一般當天因事未吃午飯，故此order 了個醬燒豬仔骨加薯蓉作 late lunch六十多元的set lunch 包罐裝汽水又免加一，光看賣相已值回票價吃起來味香濃，肉軟滑，是不錯的選擇朋友選了個黑松露芝士薯條的tea set，說無甚特別，就不放上來了以價論貨，相約質數的午餐在尊貴商場餐廳可以charge雙倍價錢，so whypay more? 而且看餐牌就是晚市價錢亦不為過，以後可多過來坐坐…Read More

放假相約朋友到新世紀午膳談天，朋友先到並說已在這間門前等位， 用膳時間限1.5小時，心想樓上另一間西餐廳也差不多，反正之前沒有甚麼incentive 來這間，那就試一試吧。龍蝦湯：不過不失，相比麥當當味道質感旗鼓相當，係龍蝦肉多少少Burger：牛肉調味OK，菜夠多夠新鮮，配合起來不錯墨汁飯：聞起來有松露味，但吃起來完全是大路貨色1/2燒雞：正正常常，有seasoning 味和雪藏雞味煮青口：印象模糊，談不上好吃或不好吃總括而言，食物不能說難吃，但就是找不到亮點，就是吃過後轉頭已沒有印象那種。環境方面，你可以說開揚，也可以說沒有私隱不方便傾計。而且坐位不算闊落，5個人坐卡座頗為迫陝。這種場地其實比較適合經營 Pacific coffee 或Starbucks多一點。 價錢以質數而言是偏貴，但最令人印象深刻的還是服務。其實waiter waitress 都不算冇禮貌，但實在太心急趕人走，好幾次菜色未食完已經走埋黎想收走隻碟，最過份那次係仲有隻雞脾係碟上面，話埋俾佢知未食完個waitress仍然係想收走，真係鬧佢唔係唔鬧佢又唔係。到我地頂唔順真係拎埋隻雞脾，連骨都未吐返出黎，已經有個waiter 拎張單埋黎話夠鐘要埋單。我望望錶，剛好夠一小時，唔係話限時1.5小時嘅咩？2/3時間就趕人走咁點解要限時？不如擺明做快餐，或者講明限時45分鐘等人地自己決定幫唔幫襯，總好過係限時內不斷騷擾客人，然後未夠鐘就趕人走。我諗用返場內餐廳比較會公平尐。樓上另一間西餐廳雖說質數今非昔比，但無論食物環境服務仍然比這間佔優不少，而且從未發生過呢尐咁低級嘅不愉快事件。In a nutshell，呢間比到你嘅食物環境service只算係好少少嘅快餐質數，完全one too many 唔好expect 有咩驚喜，下午茶冇乜人時入去坐下或者ok，但午餐晚餐值唔值得排隊等位去食呢？我個人就覺得唔值亦唔會再去喇。…Read More

就係呢個宣傳牌，令我朋友見到後心郁郁話要上去試試。坐低發現晚市沒有點心供應(其實係佢自己睇錯)，佢話有尐中伏feel，但當食物端上來後，那一點點不滿又拋到九霄雲外去了。湯底及食物種類不算太多，不過已經cover哂一般會叫的種類，唔好諗住有好特別嘅野就得，而且有尐選擇都幾generous，例如朋友見到有鱔片直頭雙眼放光，話唔係好多任食火鍋會有。真架，我就試過係九龍城某火窩店(唔係放題)俾錢叫鱔片，可能因為當日冇乜人叫，所以到最後都係無劏到俾我。呢度就有得食嘞，當然你唔好要求好高質數，但朋友話已經好感動。而且有尐聲稱係自家製嘅野，你咪理係唔係真，總之無論賣相味道都唔係一般大路貨色， 值得一讚。任飲嘅飲品again 唔算好多選擇，不過除左可樂cream soda都仲有尐韓國飲品俾你揀，都幾得意。Bottom line：火鍋料新鮮、衛生，落order後上檯算快，份量合理，服務良好，朋友話咁嘅價錢質數一定要再去。我同意。…Read More

星期日晚去西九龍買完野搵食，附近間間食肆都爆滿，得呢間門口較少人，入去睇下，見剛好有位就坐低。打開餐牌，都有好多選擇喎，太太想食湯飯，我叫左個椒鹽鮮魷，個仔本來想食海南雞飯，我話佢知呢樣好易中伏，要食就去食開信得過0個幾間食，於是佢改口要左個腿蛋治。OK咁就大家各式其式喇。本來想叫野飲，但要另外散叫，咁就諗住野食到左至叫。落左Order後，至見牆上香港18下面寫左「椰林閣」幾個字，已心知不妙。鮑片雞湯飯：水還水飯還飯，兼完全係味精味椒鹽鮮魷：有新鮮的炸味和粉味腿蛋治：最明智的選擇！幾杯野飲即時可以慳返唔叫。其實可能係我地問題，如果一早知道係椰林閣，就幾大都唔會叫湯飯同小菜。個仔見到個餐牌仲話唔好叫扒(佢對扒有要求，驚唔好食)，諗起都想打鑊佢。奉勸一句，去到呢類餐廳叫西式野好喇，扒類或焗飯之類應該冇咁易出事。如果咁不幸好似咁我地叫左呢尐，真係仲慘過去大X樂。其實點解唔放棄餐牌上多餘嘅option，專心做好有信心嘅菜色呢？服務方面，唔夠人係平價食肆嘅通病無謂深責，不過一次又一次隨口應左人之後冇左件事就唔係咁得。要搵就搵著西裝個位唔知係咪經理喇，正常好多。成晚我地都無心討論餐飯好唔好食，不過當晚個仔係周記上咁寫：「星期日晚與爸爸媽媽去了西九龍中心吃晚飯，不好吃。」…Read More

這家店主打茶漬飯和甜品， 點了蟹羔蟹肉茶漬飯(玄米抹茶)和鮭魚親子茶漬飯(鰹魚汁)，當中玄米抹茶蟹肉飯味道較清淡，有點像在京都吃到的，有點平靜是福的感覺；鰹魚汁不是不好吃，但味道濃了點，吃著吃著會口渴。價錢方面，在旺角邊緣一個定食(包茶漬飯、一口藉仔沙津和一點點漬物)約五十元並不為過。飲品在日式店鋪要另外order是常識罷，跟餐一杯飯品二十多元是否超值見人見智，只可以說綠茶與疏打並非良配。Menu 上沒有甚麼side dish，而且牆上說明為免客人等候限時四十五分鐘，不大適合三五知己談天聚餐，反而一兩個人想靜靜地吃頓飯，這裡可以是不錯的選擇。…Read More

老婆大人話是晚想食中式野，咁就係附近是旦行入一間喇。呢間都食過一兩次，其實只係一間裝修新少少嘅弼麵鋪。拜地產霸權所賜，好嘅地道弼麵鋪買少見少，有時想頂下癮就幫襯吓呢類連鎖店喇。你話價錢貴唔貴？佢一個套餐兩樣野視乎選擇大概$50-90左右，兩樣野加埋係一個人嘅份量，但而家快餐店都要成$50一個晚餐，咁我諗佢價錢都算一般喇。當晚我地三個人叫左兩個set 一個沙窩雲吞雞，賣相味道都係普普通通，粥會好少少，但未至於outstanding，所以我連影相嘅意慾都冇。所有野都唔可以話唔好食，不過咸左尐重手左少少咁，不過呢樣係通病，又唔怪得哂佢。最鐘意嘅反而係餐牌上最平嘅野，就係每位盛惠$3嘅Mlesna蘋果茶嘞！我會上網睇睇邊度有得賣架喇。服務方面尐Staff其實幾nice, 不過唔夠人手又係通病，唔係太怪得落。至於米芝蓮鋪頭？一睇已經知道得啖笑喇。食物味道最緊要睇食材同個廚，連鎖店一間好食唔代表另一間都好食，人地米芝蓮食評去0個間，九成九唔係呢間分店喇，又唔通expect個廚日日分身四圍走咩，所以點可以期望呢樣野先得架。…Read More

周末約了朋友午膳，旺角餐廳多但有質素的寥寥可數，但求搵到位又不太逼狹就算了。茶木不能訂座, 一定要walk in, 好在12:30 到還未需要等位。到過茶木其他兩間分店，印象中都不太好坐，,旺角這間反而環境最寬敞舒適，有點始料不及。叫了牛油果蝦沙津，台式滷水拼盤，三杯雞，肉燥XX飯和XX菜等菜色，賣相都不錯，至於味道方面都是在台式連鎖店會吃到的味道，不知可否稱之為親切？有點意猶未盡地點了個士多啤梨蜜糖磚，四至六個人吃剛剛好，兩三個人吃可能有些heavy。中間那層吐司已切粒，沾雪糕和奶油吃不錯，都是那種見到都開心，視覺享受行先的甜品。總括來說食物OK，環境滿意。…Read More

太座心血來潮想食潮州打冷，不料幫襯開那間關了門，就另選了這間一試。閒日約7:00到未需等位，但見7:30左右已經full house。人不多，當晚又冇炒蜆和大眼雞，就隨便叫了幾個常吃菜色另加蠔仔粥：味道方面中規中舉，無驚亦無喜，味精不算重手，個人prefer 乾身一點點會較好。價錢算實惠，服務不過不失，畢竟傳統潮州鋪頭，what do you expect? 唔算無禮就當OK喇。Bottom line:  唔會於令人有衝動專程去食，但若然路過又想食打冷，都叫食得過嘅。…Read More

第一次去呢間上海廳係路過要搵餐廳食飯，見呢間感覺幾開揚姑且入去試下，無乜特別期望，點知食過返尋味，回頭幫襯左幾次。坦白講一般小籠包生煎包燸米燒賣只係中規中舉，但真心覺得以下幾樣野值得推介：另外因為餐廳係半開放式設計，感覺開揚，檯與檯之間有足夠空間，適合三五知己聚餐暢談。稍為扣分的是飲品選擇較少，但相比起傳統上海鋪，what do you expect?…Read More

由馬交返到黎香港，諗住近近地食餐晚飯費事四圍走，就呢間喇。食物質數只能算尚可：海南雞：算係最交到貨個樣，賣相OK，有黑鼓油抵讚，不過有碎骨及無乜雞味，唔會係我心水選擇之一，因為市面上起碼有三四間餐廳水準相若甚至更佳油飯：一拎出黎油光水拎好似幾有睇頭，但食落香氣不足而油份過剩，離「好食」有相當距離燒豬頸肉：咁多樣中最差的一味，部份食落質感同味道有D怪，似酒樓魚餅多過似豬頸肉排骨茶：有要求嘅會覺得唔夠香同濃，不過不失嘅大路貨色，都係個句，市面上起碼有三四間餐廳水準相若甚至更佳串燒：叫左雞同牛，只係貪得意無咩期望，again都係大路貨色無驚無喜Overally speaking 食物只算一般，無甚出彩之處，不過反正無乜期待，但求搵個地方食下飯吹下水姐，點知咁無要求都中招，因為D service真係相當唔得。帶位時就隨手亂指都唔知佢指緊乜；睇緊食乜時就有待應粒聲唔出一手搶左客人手上張餐牌，然後話另一張都一樣嘅姐；唔出聲拎張單黎都算，反正食得八八九九都諗住轉頭就走，點知都未找完數，轉頭又有個中年阿姐一臉唔耐煩咁走黎叫你地好快D喇。大佬呀，食餐飯一粒鍾都唔夠就埋單仲想點？張信用卡都未俾返我又點走呀！？張卡返黎時順口問下幾點打烊，原來仲有成半粒鐘，駛唔駛咁趕呀！？咁嘅食物質數再加上咁嘅服務之態度，我就一定無下次，更加唔會介紹人地去幫襯，賣同類食物好食過佢有的是，點解要去受氣呢？…Read More