王小小's Profile

週末嚟到尖沙咀美麗華酒店，試咗 B&B Oyster Steakhouse 嘅假日午餐，三道菜套餐性價比高，食物有驚喜，環境亦都舒適。餐廳位置隱世但好易搵：由美麗華酒店正門入，左手邊有條電梯，搭上一層，出電梯後沿左邊走幾步，轉彎就會見到餐廳入口。前菜方面有暖烘烘嘅餐包配牛油，外脆內軟，幾香口。餐湯我揀咗蘑菇湯，味道濃郁，質地滑順，唔會太鹹。最有睇頭係堂煮卡邦尼意粉（$138），老闆會親自推餐車到座位旁邊即場烹調，將熱辣辣意粉撈入半個芝士輪入面，芝士即溶即撈，香氣四溢，好有儀式感。主菜揀咗美國牛柳（$168），外層煎得香脆，肉質嫩滑，配燒汁同薯蓉，簡單但好食。餐飲方面我選咗朱古力，香濃順滑，入口有厚度，飲落好滿足，配搭主菜一流。餐飲方面我選咗朱古力，香濃順滑，入口有厚度，飲落好滿足，配搭主菜一流。甜品有兩款：芝士蛋糕綿密香濃，碟上仲有手繪朱古力圖案，打卡一流；Tiramisu 質地輕盈，忌廉滑口，甜度啱啱好，咖啡味唔算太重，食落唔會膩。另外，餐廳附近有一個舖位定期展出本地藝術家黃奬嘅作品，有興趣可以順道參觀，感受一下藝術氛圍。整體而言，食物水準高，環境高雅，座位寬敞，係週末同朋友輕鬆聚餐嘅不錯選擇。…Read More

最近中午嚟咗 La Paloma 試佢哋嘅 Premium Lunch Menu，$398 三道菜任揀，另加 $230 可享酒精飲品任飲，適合想食得又飲得嘅朋友～ 🥗 前菜我哋揀咗： - 伊比利亞黑毛豬火腿配蕃茄包：鹹香濃郁，油脂分佈靚，配埋脆脆蕃茄包，好開胃。 - 炙燒吞拿魚：表面微焦，魚肉嫩滑，味道清爽。 - 酸汁醃帶子配牛油果及香蔥醬：酸香開胃，帶子鮮甜，牛油果滑口，幾有層次。 - 八爪魚腳配薯仔、紅椒粉及橄欖油：八爪魚夠彈牙，薯仔綿滑，紅椒粉香氣突出。 🍽 主菜方面： - 慢煮烤乳豬配椰菜仔及蘑菇：皮脆肉嫩，油香唔膩，配菜吸晒肉汁，好夾。 - 和牛配薯條：牛肉炙燒香氣十足，肉質嫩滑，薯條炸得夠脆。 - 西班牙墨魚汁青口燴大蝦飯：墨汁味濃，飯粒微焦有口感，蝦同青口都夠鮮，係 La Paloma 嘅招牌之一。 🍰 甜品： - 巴斯克焦香芝士蛋糕配雜莓雪葩：芝士蛋糕香濃滑口，焦香味突出，配埋酸甜雪葩，清新收尾。 🍷 酒精飲品任飲（需另加 $230）： 提供西班牙水果酒 Sangria、紅葡萄酒、氣泡酒、啤酒等，配搭 Tapas 同主菜一流，氣氛更輕鬆～ 整體食物水準高，環境開揚光猛，坐窗邊位仲有陽光，係上環放假輕鬆午餐嘅好選擇～ …Read More

最近和朋友在MOKO新世紀廣場吃了一家超特別的火鍋店——四季椰林海南椰子雞，真的有被驚艷到！ 他們家的湯底是用4個椰子水熬成的，完全不加一滴水，打開鍋蓋那一刻椰香撲鼻，喝一口湯真的超清甜，完全不膩～ 主角是海南文昌雞，雞肉嫩得剛剛好，吸滿椰子水的香氣，完全不用蘸醬就很好吃。還點了潮汕非遺丸類，牛丸彈牙多汁，咬下去還有肉汁爆出來！ 配菜方面推薦： 🥬 娃娃菜吸滿湯汁，清甜又解膩 🫧 響鈴只要3秒就能吃，脆脆的超上癮 🍄 竹笙吸湯力一流，口感爽滑 吃完火鍋還點了他們家的金牌臘味煲仔飯，臘腸、臘肉、芋頭鋪滿整鍋，飯粒吸收了油香，還有鍋巴，超滿足～ 最後來一壺海南鷓鴣茶，甘香回甜，據說還有助消化，完美收尾！ 整體環境也很舒服，卡位多，適合朋友聚餐或旅途中想吃點不一樣的火鍋～ …Read More

$298任食3小時，最大賣點就係A4北海道和牛任燒！油花靚，肉味香濃，燒到微焦時超級香口；另外北海道豚肉**都唔輸蝕，肉質嫩滑，醃得入味，燒完唔會乾柴～ 小食方面有炸蠔，外脆內嫩，蠔味濃郁，幾有驚喜！刺身有三文魚、甜蝦、帶子等，厚切鮮甜，壽司選擇都唔少。燒肉區可以同時打邊爐，湯底濃郁，配料選擇多，邊燒邊煮都得～ 飲品有生啤、梅酒、花茶任飲；雪糕區超吸引，有Dryer、Movenpick、Häagen-Dazs（當日有開心果、焦糖脆餅）同阿波羅雪糕三文治，甜品控必試！ 加埋主動換紙嘅貼心服務，整體氣氛輕鬆，啱晒朋友聚餐～😋🔥 …Read More

平日中午嚟試咗螢雪嘅午市壽司套餐，$498 包括 11 貫壽司、手卷、前菜、湯、茶碗蒸同甜品。 前菜係豆腐沙律配墨魚，豆腐滑，墨魚爽口，味道清。壽司包括： 左口魚壽司配柚子皮，魚身柔滑，柚子香氣輕盈。 深海池魚，魚味清淡，油香未算突出。 醬油燒大溝貝，面頭燒過，帶焦香。 真鯛壽司配炒香烏魚子，鹹香有層次。 池魚，魚味正常。 赤身醬油漬加芥末籽，微辛帶香。 慢煮生蠔 creamy 鮮甜，係當日亮點之一。 北海道赤海膽壽司，味道濃郁。 醬目煙燻平正魚，煙燻味重，魚肉細緻。 粒貝，口感爽彈。 燒拖羅，油脂豐富，入口軟滑。 手卷係吞拿魚配紫蘇葉，紫蘇味幫手解膩，幾清新。 海鮮清湯湯底清澈，味道偏淡。茶碗蒸面頭有櫻花蝦碎，增添香氣。 甜品係柚子雪蜜，酸甜清爽。 整體體驗不錯，食材新鮮，午市價錢合理，適合想輕鬆試吓 Omakase 嘅朋友。 …Read More

週末約閨蜜、另一半或者自己來個放鬆Brunch，這裡絕對是個好選擇！💛 落地玻璃窗望住中環街景，環境寬敞又有陽光，一秒入假期模式～ 🌆🍷 🔥 Weekend Brunch $298/位，超豐富選擇👇👇 🥩 伊比利亞火腿拼盤 – 火腿鹹香，搭水晶番茄麵包，酸甜平衡，超開胃！ 🦪 法國生蠔 – 海水味剛剛好，蠔肉爽脆細膩，新鮮感滿分！ 🍤 蒜香辣椒蝦 – 蒜香+微辣，蝦肉嫩滑，認真惹味！ 🍞 香煎鵝肝 – 外脆內滑，配牛油麵包+無花果醬，口感超濃郁～ 🍄 西班牙炸彈炒蘑菇 – 蘑菇炒到香氣四溢，配流心蛋黃，超滿足！ 🧀 黑松露芝士三文治 - 外層烘烤至金黃酥脆，內餡滿溢松露香氣，濃郁又邪惡！ 🦪 帶子刺身 - 搭配牛油果慕絲及檸檬草醋汁，清新爽口，開胃度滿分！ 🐷 西班牙乳豬 – 招牌乳豬低溫慢煮，外皮酥脆，肉質嫩滑，搭配南瓜蓉及甜椒，口感層次豐富！ 🥩 乾熟和牛肩肉 - 牛肉肉味濃郁，搭配薯蓉及菠菜，口感飽滿！ 🍮 西班牙油條+朱古力醬 / 巴斯克芝士蛋糕 – 甜品控必試，甜度剛剛好，滿足感爆棚！ 🍹 Lychee Green / Sangria Virgin – 清爽果味飲品，解膩又夠Chill！ 🎶 現場音樂表演+悠閒氛圍，簡直係約會、打卡、聚會最佳選擇！💯…Read More

位於九龍城的 Patisserie Tony Wong 是一間環境舒適的甜品店。店內裝潢簡約雅緻，燈光柔和，營造出一個放鬆的氛圍，讓人可以靜心揀選甜品。在去國際欖球七人賽之前，買了幾款燉蛋蝴蝶酥，有三款口味：原味、芝麻味和開心果味。原味焦糖燉蛋蝴蝶酥($35)酥皮層次分明，搭配燉蛋的柔滑口感，十分平衡；芝麻味($38)帶有香濃的堅果氣息，增加了一份獨特的風味；而開心果味則清新不膩，每一口都十分令人滿足。整體來說，甜品的水準不錯，環境也讓人感到輕鬆愉快。如果你也熱愛法式甜品，Patisserie Tony Wong 是值得一試的選擇。…Read More

西營盤地鐵站一分鐘內就到，餐廳閒日夜晚都好有人氣，氣氛不錯。和牛及鵝肝配長法包和牛上枱一刻仲係全生，侍應會過來以火槍即席燒熟，和牛呈半熟狀態。和牛下面是鵝肝及吸了鵝肝油的法包，全部都好邪惡😈。鮮嫰八爪魚配薯仔及煙熏紅椒粉橄欖油八爪魚唔韌，薯仔設成正方形放在八爪魚下面，加上沙律醬及紅椒粉調味，薯仔有橄欖油香。吞拿魚他他配墨汁海鮮飯脆脆中間放咗吞拿魚他他，旁邊黑色一塊塊係墨汁脆脆，實在太脆要好輕力拎，放上吞拿魚之後會有機會過重而碎，我想而支有幾脆。味道帶少少酸，好清新。西班牙風味烤三文治配芝士、伊比利亞火腿及黑松露三文治扁扁的，中間有好多芝士及火腿， 十分惹味。一客四件食完即刻覺得好飽。慢煮烤乳豬配椰菜仔及蘑菇喺香港未食過咁好食的西班牙乳豬，外皮超薄脆，乳豬肉嫩滑有汁，完全不會覺得乾。加泰隆尼亞脆香焦糖布丁布丁做得好滑溜亦都好有蛋香味，面頭一層薄薄的焦糖脆脆，食埋個甜品真係好滿足。…Read More

餐廳裝修成一間古典圖書館，有掛畫同壁爐，充滿古典氣氛，餐枱之間都充滿空間感。星期五晚上有live band，如果有人生日仲會唱生日歌，個晚基乎枱枱都有人生日，大大話話都唱咗十幾次。Tasting Menu麵包真正做到軟熟又暖，有兩款牛油，一款Fungi with basil 一款鮮牛油海鹽，試下不同的味道。Cecina de Wagyu Beef Carpaccio牛肉醃漬好夠味，店員話係12個月醃漬西班牙和牛片，鹹得來好香，牛肉少少疊起來，有點厚度口感會豐富點，點少少foam帶少少辣味。Spanish Red Prawn Carabinero 西班牙紅蝦生紅蝦及牛肉切碎放在墨魚汁造成的啫喱中，紅蝦肉好滑溜，底下有百香果醬味道好清新。Hokkaido King Scallop 北海道扇貝王頂層一塊海帶啫喱，中間有扇貝切成小粒，混合洋蔥粒，最底下有冰沙及露筍，扇貝同沙冰一齊食冰冰凍凍好特別，亦帶少少辣味。Bouillabaisse 龍蝦濃湯龍蝦湯味道聞起來好香，湯味好濃，湯中有紅菜頭切粒，蜆有少少腥，鮑魚同蝦都夠爽口。Spanish Sardine Confit 西班牙油封沙丁魚沙丁魚加上荷蘭醬魚味仍然好突出，把旁邊伴碟的蘿蔔一起吃感覺味道更好。食主菜之前會有soba洗一洗味蕾，檸檬味清甜，soba其實都係一款不錯的小吃。Smoked French Eel Pasta 煙燻法式鰻魚義大利麵終於來到煮食，手工意大利麵有煙韌的口感，充滿蛋香味。上面有軟綿綿的鰻魚，加上半碟的脆口煙肉，口感有不同層次。Charcoal Grilled A5 Miyazakigyu Rib Cap 炭烤 A5 宮崎牛肋排帽最令人期待的宮崎牛A5肋骨切片，油份極重，香味縈繞口中。旁邊有焦糖洋蔥，緩和了和牛的油膩感。Mango Mousse Pandan Cake 芒果慕斯香蘭蛋糕甜品有芒果慕斯，外層係芒果味果凍，中間仲有香蘭海綿蛋糕，口感好豐富。餐廳服務高質，每一道餸菜間都會更換刀叉及碟。…Read More

同屋企人來食母親節飯，一早訂了枱坐窗邊，落地大玻璃望到中環維港景，我們訂了7:00枱，食到八點鐘更有幻彩詠香港。得獎叉燒王 | $88前菜小食有叉燒、燒腩仔，叉燒肉質夠腍，半肥半瘦，鹹味道適中，就算不食飯都不覺得鹹。豉汁帶子蒸豆腐 | $118滑豆腐上放了一粒帶子，帶子開邊算大粒，濃郁的豉汁令到本來無味的豆腐及帶子加添一點香氣。鮮菠蘿拔絲咕嚕肉 | $120咕嚕肉啖啖肉，完全無骨，有點豬肉香味，甜中帶好清的酸味，好特別，不覺得膩。茶位$18/人，服務員態度幾好，不過埋單慢點。…Read More

係灣仔三角街附近，需然開係商廈內，但都有人氣。牆上有不少掛畫，富士山櫻花景真係好靚。法國 斯朗生蠔 N1 2隻 | $108法國生蠔都幾大隻，好豐富的口感，帶少少土佐酒啫喱味，海水味適中。特選刺身盛油甘色及拖羅油脂味都十分濃郁，拖羅更是入口即溶，不捨得咁快食完。尤其是它的芥末似是即磨，淨食芥末都好好食。彩虹壽司卷 | $138以不同的刺身放在卷物上，色彩繽紛形成彩虹效果。刺身有吞拿魚、三文魚、赤貝、帶子等，中間卷著牛油果，味道好。清酒牛油煮蜆 | $55蜆肉冇沙幾清甜，又有牛油香味。:)阿波尾酢橘半熟雞肝串 | $38/串鹽燒汁燒各要了一串，見到半熟的雞肝串初時有點擔心，但都照食了，雞肝少少爽不韌。阿波尾酢橘雞腎串 | $32/串雞腎亦是半熟，生生地的確不會韌易嚼。汁燒更是把內藏味道蓋住了。阿波尾酢橘雞胸脆骨串 | $32胸脆骨多軟骨，咬起來脆口有嚼口。鶏皮餃子 3件 | $42第一次食雞皮餃子，完全沒有油膩感，雞皮脆卜卜熱辣辣，剛炸起要小心燙口。亂切冷蕎麥麵 | $65冷麵配送的芥末及其他配料都好充足，仲有隻生鵪鶉蛋，可以撈埋一齊食。乳酸梳打酒、荔枝梳打酒…Read More

接近黃昏時間來到，等左一陣位，坐近窗邊，冷氣太大有點凍，好在都有杯熱茶可以暖下手。可以見到車站廣場附近的街景。北京填鴨 半隻 ｜ $168好似都好多人食北京填鴨，看起來份量都算多，皮也有好多塊，2-3個人食半隻都可以。鴨皮可以再脆一點及多一點，配料有青瓜，青瓜多一點更好。糖醋魚片 ｜$86魚肉無骨，都有好多魚塊，配料有青紅椒，不會炒到過老。菠蘿酸酸甜甜，幾開胃。茶位｜$5茶都夠熱，不過碗筷有少少黏。…Read More

新的Cobber noodle n waffle 係工廈的一角，跟住指示行都好易搵到，門外跟門內完全不同感覺。門內文清風，閒日下午茶時間都不多人。蜜糖芥末雞翼 | $68雞翼有六隻，而且係大隻size，即炸起好熱，每隻都脆脆又帶些甜蜜糖味。蒜香蟹肉意粉 | $148見是推介意粉，聞起來好香，好多蟹肉及蒜頭，有些少鹹，不過都幾香。日式明太子紫菜大蝦意粉 | $138有多隻大蝦，明太子忌廉味滿滿，掛滿了意粉，大蝦彈牙爽口。藍莓提子伯爵茶糯米窩夫 | $92一來已經睇中了這款甜品，窩夫內有糯米，有煙韌口感，兩大塊窩夫充滿了濃郁的伯爵茶味。雪糕口味可自由選擇，都有好多口味揀。熱朱古力 | $21拉花係可愛小動物，好有心思好適合打卡。…Read More

約左個好耐無見的朋友來食特色菜，餐廳暗暗地，氣氛幾好。墨西哥牛肉肉米餅沙律 | $138沙律外型特別，用脆卜卜的皮像器皿般裝著沙律，把外皮扑碎撈埋沙律食有兩種不同的口感。墨西哥脆肉米片-墨西哥粉條 | $138點了份nachos，有兩款nachos 少少不同味，另上的兩款醬料分別是牛油果青醬及白色乳酪醬，墨西哥粉條即係香腸，香腸幾鹹，有好多片，份量大。墨西哥酥餅-芝士菠菜 | $138有四塊酥餅，酥餅夾滿了芝士及菠菜，食點菜類不會太膩。這款亦有牛油果醬及乳酪醬外，不怕不夠醬點。Triple Berries Smoothies | $88特飲充滿了莓的酸甜味，凍凍地夠解膩。…Read More

Airside 新裝修座位間寬敞，有好多圓枱，方枱都夠大張，多人食飯叫多幾碟餸都無問題👍🏻。黑豚肉小籠包 | $80一籠有六隻，熱辣辣上台，皮超薄見到湯汁在內，豚肉饀肥瘦適中，湯汁清甜。鵝肝叉燒酥 | $78一客有三隻，酥皮鬆化，饀料有鵝肝味。李白醉雞 | $92雞肉充滿了酒香味，帶點黃酒的甜，雞肉滑溜。紅油黑豚肉抄手拌麵 | $75麵下有好多粒抄手，樂天皇朝的餃子類食品做得好出色，令人想一食再食。麵條撈上紅油抄手的醬汁，中麻少辣，好正！服務如常的好，會幫客人拉櫈，有禮貌。…Read More