sasa1507's Profile

昨天放假去旺角搵食。之前有個台飲食節目介紹過所以想試吓，一解冇得去旅行之苦。旺角站中午一點前入座，有位唔使等。一坐低店員自動放低每位一碗熱騰騰的肉骨茶，浄湯．藥材味濃厚，係我同呀囡鍾意果種。然後我哋點咗豬腳彎、砂煲老鼠粉、椰香咖央多士、怡保白咖啡．馬來西亞拉茶。首先豬腳彎唔夠霖但好有膠質，非常有咬口。砂煲老鼠粉夠熱但端上時上面隻蛋過熟，生啲啲撈埋會好味啲，但食落有焦香，要襯熱食。咖央多士是枱枱都必點，多士脆卜卜但唔係熱，咖央同牛油份量十足，超級好食好鍾意。白咖啡本人覺得奶味蓋過了咖啡味道，而拉茶是非常順滑可惜唔夠熱。大致上味道是可口，如果可以提升溫度一些就完美。都會再來食多士。…Read More

今日放工諗住搵嘢食，誤打誤撞搵到呢間。門口都有十多人排隊，相信都唔錯。入座之後點左魚介豚骨拉麵🍜同麵豉湯。拉麵到啦先飲啖湯，湯底非常之正，係喺日本食到的味道，值得一試。…Read More

30/11 同事last day,故事預早一天預約公司附近食午餐。用OpenRice 預約咗，但三天佢哋都冇確認我用膳，沒有給予哩數。當天我預早十五分鐘前到達，店內祇有兩枱便入座等同事們來。侍應送上午餐牌，由於未齊人未有即時下單，但十分鐘內侍應三番四次問我需要點餐嗎？及後齊人就點了兩份慢煮加拿大豬架配 燒什菜及兩份紐西蘭肉眼扒配紅酒汁，都是set lunch 。有餐湯菠菜忌廉湯配香脆火腿及海鮮荔枝沙律選擇。個湯唔夠熱份量少，四五口已經KO 而我且唔覺有香脆火腿。同事個沙律賣相不錯味道亦ok，但除咗魷魚就見唔到其他海鮮。豬架味道正常但比較細件，放大張相至睇得下，唔稱得上是豬架祇可以説是豬扒，或者在餐牌上加bb size。牛扒同事點咗一份五成一份七成熟，結果七成嗰份over咗。整體不算差但以$148-168 一個set 應該有進步空間囉。…Read More

生日快樂🎂，就大家方便在週日食下午茶☕️。網上見到同Godiva x 嘅afternoon tea，賣相吸引就試吓。網上訂座要先付200 元deposit 。下午茶入座時間已經有一行十幾人入座，由於要測體溫又講解入座安排，花了十多分鐘。先前在網上預約時備註了是慶祝生日🎂，所以他們送了個生日cupcake，都好貼心。食物是Tea set 有d聖誕裝飾，朱古力全是用上Godvia，最愛是黑朱古力。全個set 賣點是任食Godiva 軟雪糕，講真雖然好味但食得唔多，食咗兩杯已經好犀利。哈哈！前點scone 係好好味，配菓占或clotted cream 食都非常正。最後熊仔造形嘅朱古力，侍應為你送上一杯熱奶，放入去就成為朱古力奶，好味好玩。…Read More

有半天假，放工去咗中環有d嘢做，完成後都兩點幾，拿拿淋醫肚，係open rice search 到呢間係附近就試吓。到達已經係下午茶時間，店內有三、四名顧客。點餐時望下別枱食乜，大都點了豬扒，於是就決定點一個，加個涼拌大豆芽，加5蚊有豆漿。蔥油豬扒大大件好香蔥油味，皮脆肉嫩，飯底太多，女仔應該食唔晒(唔知噤多，知道會扣底），結果都係食唔晒。涼拌大豆穿味道適中份量多，裏面有豆卜好配合，因為係蔬菜類，所以慢慢食食晒佢。加配豆漿係超市都買到但可惜開咗飲咗先見到仲有幾天就到期。…Read More

家人生日，本來Covid-19 唔想出街食。呢間係朋友食過兩次介紹的，諗唔到食乜就試吓。訂座6:30，早d食完早啲返屋企。當時入座人數不多，祇有三枱。用QR Code 落單，食幾多叫幾多唔會嘥嘢。首先點咗魚生、燒物同蒸蛋，魚生新鮮燒物略爲唔夠熱，蒸蛋就非常熱，雞湯味濃，蛋是滑滑的。接住點咗燒鰻魚、燒干蔥、燒鯖魚、燒蝦、燒牛舌、銀雪魚西京燒、鵝干多士、烤露筍、烤帶子、汗煮魷魚、烤青口、青洒煮蜆等，靑菜點咗沙律同牛蒡。大至上味道是不錯的，最出色係天婦羅，還有吃了雪糕喔。…Read More

聽聞要訂位兩個月，開門前到walk-in 等吓位希望可以第一輪入座。到達時間11:05am ，前面排咗約三十人，第一輪可以入座，用膳一小時。入座坐二人卡位，自助用iPad 之類點食物。價錢唔貴，握壽司、軍艦、卷物由$12至$27,湯、茶碗蒸、麵類、和食、小食由$19至$32,抵食。至於味道，個人覺得勝於其他連鎖壽司店。特別推介：炙燒牛壽司、醬烤特選大吞拿魚腩、芝士蛋糕、茶碗蒸。…Read More

悠長大假．旅行取消有人提議去飲茶，應該有半年以上冇去過茶樓🤔老馮嘅咩．就去老馮茶居，懷舊裝修．食物好味，大埔友可以一試😉出名點心都點了．眼闊肚窄．🤣😂😅老馮鮮蝦餃、蟹 子燒賣皇-正常味道。頂級灌湯餃，好多前來者都讚所以要試吓-湯頭清淡刺穿餃子流出湯汁混合，味道是不錯，餃子入面有蝦、好細隻的帶子。鮮蝦腐皮卷及蒜茸鮮蝦春卷即炸起-香口好味。XO醬蘿蔔糕外脆內軟-香口嘢爭著食。招牌混醬腸粉-個人混醬係好特別嘅。流沙芋頭包-真心⋯⋯好好食尤其愛吃芋頭的，包包非常香軟。蝦醬蒸腩仔飯-味濃、入味，撈飯一流。唔覺唔覺食咗好多，三人行每位茶芥5元抗疫其間要隔枱而座，人流不斷要在門外等，有人轉買外賣。用饍完畢理單$342-…Read More

Open Rice app 訂枱有優惠，放假就去食我lunch。現在疫情流行，踏入酒店有員工為客人測體溫，去到餐廳接侍處再有員工確認健康再說明入座及取食物的安排，感覺安全。食物大致上都新鮮，出名有龍蝦仔、蟹鉗、生蠔(偏細）、羊扒、牛扒都有試，特別的青檸及特濃咖啡雪糕好味，點了杯熱檸蜜味道很不錯，還試咗威士忌朱古力，印尼食品個人不太喜歡，食量不多的兩位女士未能試盡食物，但見到在場人士都盡慶。以五佰三十多元(已包加一）都算不錯。…Read More

呀囡想試吓，即興打電話即晚餐，到達晚上6:30未滿座，心諗經濟唔好少咗人，但陸續不斷有人到場，興幸有預訂。（p.s.七點鐘前離座有88折）食物方面，點咗九碟牛，一個菜，一碟蝦滑，兩支玫瑰洛神花飲品。牛嘅部位分推介、特色及罕有，價錢當然有唔同，大致48至68元。封門柳、吊龍伴、脖仁、金花趾、橫隔肌、匙柄、清湯腩等都出色，另外點了花雕牛肉片（呢個大重酒味，一般）、還有一蹀用隻蛋一齊淥但忘記了名在牛屁股附近的最好味😋🤣配菜大致28一項，湯底超過十款選擇，約58。總括每款牛都好食，除咗個蝦滑，淥出嚟好鞋，唔掂囉。會再食因為喜歡食牛，埋單636元兩位用膳。…Read More

家人生日食個自助午餐，開十二點去到接待位置已經有十多人在等轉專有電梯至頂層。入座後其實又唔係噤多人(先前book位時話比唔到窗邊位但結果又有喎😄)服務員態度非常好，環境也不錯，食物少了生蠔(聽講之前有）沙律、湯、日式魚生壽司、中式點心、車仔檔、燒牛肉等等都齊全，甜品也不美，特別的是有個大型自助酒吧可以自選心頭好自己按鍵去選紅、白酒，讚。由於是兩位都是女生，食量不多，樣樣試吓都已經飽腹😛在兩個半小時邊食邊睇境午餐，覺得好舒服。…Read More

之前家人食過大讚，試過兩次訂座都滿座，今天晚上六時竟然有位，開心呢。點餐：砵酒蒜芯炒煵片啫啫芥蘭煲客家釀五寶二人前．撐枱腳客家菜．中菜館味道適中送飯一流，足料大碟，兩人用食得很飽。…Read More

每次入長州都會來並人多要等，今天星期二平日來，沒有很多客人。今天點了：芒果西米奶凍，好滑奶凍底、芒果西米亦濃味，推介。什果涼粉，老公鐘意食涼粉，佢話好食喎，但賣相唔算好靚，見佢食得好滋味，應該不錯吧。另外，還有榴連糯米糍，其實老公不喜歡吃榴連，就我點了一件，果肉不太濃但好味新鮮做起(睇著店子呀姐包)，速度超快熟煉。諗著行完街吃個晚飯再來買外帶點知7:00已經賣光了，有點失望，但堅持質量不過夜都是好的。…Read More

午餐時間，附近太多食店故不用等待，三人用饍。打開餐牌，款式不算多但圖片吸引，點了原個南瓜忌廉大麥飯、大啡菇素牛漢堡、冬蔭公蒟蒻麵及西柚烏龍茶，還附有南瓜餐湯。南瓜忌廉大麥飯好吃，聽說是人氣推介，果然不錯，忌廉汁不太濃但每粒大麥都掛上，跟南瓜非常配合，好美味、低卡、推介呀。大啡菇素牛漢堡，先前預期不大，但食落啡菇非常juicy ，素牛幾可亂真，感覺是在吃牛肉噤。冬蔭公蒟蒻麵兩者非常合拍，每條麵都掛上醬汁，份量細細但都飽肚，見意在仍然有溫度時享用。西柚烏龍茶茶味濃，與西柚亦好match 呀。餐湯跟主食附上不算濃味，一般般啦。呢間下次都會再嚟。…Read More

在網上搜尋找到呢一間，店鋪比較細地面祇有幾張枱但有二樓，二樓的枱好貼，兩張兩人枱祇有一尺之隔，行人通道都是很窄，被安排坐路口位，經常被行過的人踢到桌腳，感覺有點煩擾。點了兩個正餐主食可以每份加$10-就有杯紫薯奶昔加松露薯條🍟。奶昔外觀不錯味道都ok,薯條新鮮炸起好味但冇松露味道。主食點咗墨魚汁魷魚扁意粉，但味道不足，另外叫咗個大磨菇松露西班牙飯，但落錯單及端上另一主食被退回，結果多等了二十分鐘，而味道亦強差人意，唔覺得係西班牙飯，祇覺得食緊d生米，祇是食了幾口便放棄了。見到鄰座一對情侶點了一個雞腿西班牙飯，見佢食咗幾口，成隻脾切開幾件但後來冇食，結果再向店員要餐牌點甜品。整體覺得冇驚喜冇乜味道冇基本私人用膳空間及好嘈，唔會再嚟。祇有一讚就是其中有個女店員禮貌及服務比較好。…Read More