Iamivymo's Profile

今日同超級好朋友一齊搵咗間貓貓Cafe慶祝生日 入邊環境好乾淨超級多布偶貓貓 全部都勁親人 啲嘢食都好好食選擇好多 試咗幾樣都好啱心水 好開心屯門終於有間貓貓Cafe唔使出到山旮旯咁遠會再幫襯(=ﾟωﾟ)ﾉ…Read More

平時食啲餐廳就算差極都有個譜，但呢間野實在太差造就左我第一個劣評。夜晚11點半係黃埔收工肚餓諗住去美味佳食串燒但撞正佢休息，見附近見到呢問舖就去試下。仲記得我地係11.55坐低，落埋order就12點左右，然後12點半都仲未有野食，然後就搵左個侍應啊姐追order，跟住佢就話今日好忙，啲order係續張枱排住隊做。好啦，等多15分鐘都係仲未有野食，然後再追多次，佢話已經燒緊。最後係前後等左45分鐘先有第一轉野食上枱。仲有我地一開頭嗌多春魚，隔離枱問姐姐佢地個多春魚整好未，個姐姐先話佢地知多春魚賣曬🤷🏽‍♀️然後我地自己問姐姐:<咁我地個多春魚係咪都無咖啦？>，個姐姐就好理直氣壯同一啲歉意都無咁樣答我地:<賣曬咖啦！>。聽到真係一肚火，唔係因為多春魚無曬，而係冇曬佢都唔通知翻一聲。最後，佢啲野食真係好一般，又貴過美味佳。仲要用膠兜去裝串燒，好唔環保。真係以後都唔會再去食…Read More