RenaiChow's Profile

員工態度好，環境舒服乾淨但食物叫咗個西多士，勁差勁難食中間得勁少勁少花生醬（如圖，揭開嗰件大家睇到）然後又落勁多蛋去炸好似圖中右上同右下角嗰兩舊咁個比例好差好似食咗成份炸蛋液咁啲蛋索晒啲油味真係食唔落去…Read More

好失望🥺我曾經好鐘意食鍋心三個月食一次咁掣，帶咗好多朋友食推介比佢地但幾個月前食過一次，發覺有啲唔同咗啲質素好似有啲唔同，食落冇平時咁好食但又唔能夠講係完全唔新鮮當時覺得可能咁啱今次爭啲如是者，幾個月後我又帶朋友去而今次真係好想分享原來鍋心真係差咗🥺🥺🥺🥺🥺🥺🥺🥺🥺其實眼見啲職員已經唔同晒依家嗰啲唔係唔好，都好有禮貌好客氣但以前嗰啲係好主動積極，唔使叫都會埋嚟幫手，又好nice而食物方面，真係冇以前咁新鮮以前啲蝦係非常新鮮，叫親都真係生蝦咁跳喺個碗度跳得好勁，碌落水嗰吓係要㩒住如果唔係係會彈起水花啲蜆變得好多沙，鮑魚以前一咬就感覺到係新鮮依家真係唔同咗只有蟹同龍蝦我覺得暫時係冇變但我因為真係曾經好鐘意食所以我應該都仲會比多一次機會佢🥲…Read More

約屋企人食飯諗住揀個少人啲嘅地區唔使同人逼所以喺金鐘揀咗呢間泰國餐廳見到啲人係咁講呢間米芝蓮雖然我都知米芝蓮唔係一定好但諗住應該唔會太差掛6:30去到坐咗三分一人度到7:00幾已經滿晒，所以要book枱叫咗四樣野-椰子雞湯係好味嘅，但少咗啲，四個人，一人得半碗-半隻海南雞配油飯同湯正常味道，冇乜特別-木瓜沙律稍淡-酸辣青檸汁烏頭味道正常，但想講勁細條！同一般泰國餐廳爭好多😑另外仲叫咗一杯啤酒同青檸梳打埋單900幾蚊果然米芝蓮都不代表什麼～試一次就夠～…Read More

行長洲超熱，想搵個地方坐吓見到呢間有位就入咗嘢飲佢有咖啡同水果茶揀，水果茶真係有水果喺裏面好吸引😆所以最後叫咗支蘋果草莓檸檬茶ok wor同埋叫咗個Tiramisu好食！我見佢仲有意粉 pizza嗰啲不過我就冇叫呢間嘢好坐，裝修幾舒服，行得攰真係可以嚟打吓卡都得🤪我見佢門外都有張枱如果唔係咁熱，坐外面都幾chill我見隔離枱帶住狗仔都入得啲員工仲好歡迎添🤣間野就喺食大魚蛋附近，近碼頭，飲完就去搭船👍…Read More