DorisY's Profile

今天晚上要去荔枝角飲宴，時間尚早，就跟閨密在閒逛等時間，行行下見到這間閨蜜，既然咁應景，當然要入一入去啦，順便醫下肚入到去跟平常的奶茶店有少許不同，因為除奶茶外還有不少小吃，所以有幾張高枱方便照顧我呢d論論盡盡既人本身想叫老闆娘推介的珍珠奶，因為她説是用高山蜂蜜沖的，但最後我叫了一杯玫瑰奶蓋，因為通常都是紅茶或綠茶奶蓋或生果的，玫瑰較少見，然後當然叫我閨密叫這珍珠奶茶吧我就可以偷飲……叫左二個小食，鷄亦同辣炒🐓法包，鷄亦好得一出都忘記影相，搶住食，個皮勁趣，肉又滑…法包都ok，好趣，不過我身為米線小辣既程度，就會覺得這辣鷄就欠小許辣啦不過overall都唔錯，同老闆娘傾多幾句，佢俾左d新出既小食我試，熱辣辣又彈口既鯪魚球，個辣醬好正，用來點剛剛的法包唔錯，佢地既蜂蜜是用高山龍眼蜜，我飲我朋友杯奶茶又真係好香蜜糖味，我下一次都要試一下…Read More

之前行經旺角，見到有間cafe感覺幾簡約，今日又到付近又有d肚餓，所以就決定入去，試一試佢地既窩夫我點了一個Strawberry + banana既楓糖漿窩夫加一杯Caramel Macchiato對我來講，唔係好識品嘗咖啡，不過at least飲落無酸味，因為我係唔鐘意带酸既咖啡豆，咖啡入口都ok, 但我個人就覺得唔夠香未。至于我至愛既窩夫呢，由於佢俾cream鋪左係面(正确d講，係蛋白泡)，所以淋左，唔脆。不過味道都唔錯，唔會太甜，或者有d粉漿味，因為我落楓糖，正常都會較甜，可能亦因為佢用左蛋白泡，令甜味減少，總結來講，係一間唔錯既cafe…Read More

近來喜歡了吃窩夫，聽朋友説這裏的窩夫不錯，於是來一試。這裏的窩夫有分2個size, 細既$32大既就$42，加雪糕生果就另外再加錢，計計下都要50-60元架。今次我叫了一個細既再加二個雪糕球：軟心曲奇同藍莓芝士餅。係counter order完會俾個牌你，揾位坐底無耐就有得食啦，個窩夫樣就普普通通，相比之前食過既幾間，就presentation 來講就真係好失色。試左兩個雪糕球，我覺得就有少少"晒"錢，首先個軟心曲奇，太甜完全食唔到個窩夫味，雪糕質地係Gelarto有d粘粘的，除左太甜都還可以，但是個藍莓芝士個味就真係好奇怪，似藥水味，而且感覺不是Gelarto, 有點粉粉的，個人不是太欣賞😅相反個窩夫就真的不錯，雖然樣子麻麻，但還是外脆內軟，純粹以窩夫單獨來話，這還是近半年來最好食的，可惜的是有半件被我的雪糕浸淋了下次再來要記得揀個好味既雪糕去配合。ps.星期二食有半價，可惜的是我不是住SPK…Read More

今天去了屋附近的茶餐廳打算食下午茶，但沒有位的情況下唯有去了另一間…翠河。之前食過兩次，都沒有太好的印象，無論是食物質數和服務態度。 但基於食開既兩間都沒有位要等，我又在無食早餐既情況下，唯有再次給他一個機會吧！叫了一個"馳名"咖喱魚加凍奶茶，我相信佢聽漏"奶"字，給我的只是凍茶，只有茶澀味至於咖喱但魚就，一大碗但只有三大片魚柳，係片唔係塊，又薄又乾，還好個咖喱汁仲入得口，今餐唯有咖喱汁撈飯…Read More

今日突然好想食窩夫，於是上網找到了這個地方，入到來好有一種工業feel，牆身都是灰灰的，播著一些英文舊歌，感覺有d“花樣年華”。叫了一個窩夫加Latte, 杯咖啡來到即聞到陣陣咖啡香同榛子味，令我有點意料之外。 跟著主菜窩夫上場，由於這是黑糖紫薯窩夫所以有些甜，但配上豆腐雪糕後，又有些中和，一般來説是不錯，跟平時的窩夫質感不同，窩夫本身是像麪包店裏的麻薯波波，但外脆內軟，如果不喜歡麻薯波就別試了，總括一句是不錯的下午茶好去處！…Read More