genki_hana's Profile

可以榮登我頭十位最愛嘅米線店, 一定係有佢利害之處啦.口水汁青瓜 個醬唔算辣但非常惹味.醬汁屬於重口味之餘但有淡淡青瓜清甜可以中和返主角米線登場最愛係麻辣湯底中辣,湯底係微微嘅奶白色,  麻度唔算好強,  但味道好有層次 ,唔係剩係死辣.呢個湯底多蔥係必須, 就算好似我咁鐘意到要飲埋D湯先安樂嘅人, 亦唔會話飲完會好口乾.推介嘅配料係雞軟骨同豬軟骨, 豬軟骨雖然係少肥, 但係煮到入哂埋味, 入口會散開. 而雞軟骨嘅少少雞油香配埋個湯底更係一絕, 大愛!!…Read More

從食過某一間葵廣1樓嘅雞絲冷麵後. 幾乎次次去到葵廣都係幫襯佢.但自從有次去到3樓見到有一間長期長籠嘅涼皮涼面店, 雞絲冷麵嘅地位就完全被取代了.因為要邊落ORDER做逐個整, 所以每次都至少要排10-分鐘去, 試過涼皮 -$25 , 都係覺得平少少嘅涼面 - $20 更加吸引, 涼皮係比較濕潤D, 而涼面係會偏乾身少少嘅, 但涼面係會相對野面D.兩者落嘅配料一樣, 有蔥蒜辣椒粉乾, 鹽水, 麻油, 炸左嘅黃豆, 少少味精等等成10款8款調味去拌成嘅.另外仲可以自選配料, 我就至愛係雞腎 (+$13)喇, 雖然加13蚊其實都唔算平, 但勝在份量足, 至少我唔有覺得加左後悔覺得唔抵嘅感覺.…Read More

譚仔一向係窮L恩物, 以前更係上左癮咁一星期要去至少一次...今次見譚仔再出新野, 真係想試左一段時間喇, 因為對佢嘅小食一向都情有獨鍾, 例如雲耳/土匪雞翼/皮蛋啦, 可惜今次......呢個係麻辣流心蛋 - $10/隻, 首先講個賣相已經唔討好, 睇個樣好似整左好一段時間咁,而蛋嘅質感冇咩本身應有嘅彈性,  但要一讚嘅係真係做到流心效果再講就係個味道, 佢個麻辣味只係加左D桂林辣椒醬上去, 食左一啖, 唔知點解會有一陣酸味.最初以為真係整左好耐而壞左, 所以要求換過一隻.但食第2隻都仍然有以上種種問題, 但係果陣酸味只係蛋黃位置有, 而蛋白係冇嘅, 所以疑點歸於被告, 我當係調味失敗去計算.為免爭拗, 所以我直接放棄亦冇要求退款了, 反正都只係10大元.不過離開之前我都見到有其他走左嘅客人都有留低左食左唔夠半隻就放棄嘅流心蛋枱面. 相信我地睇法都一樣吧.…Read More

假日真係懶到只想係屋企訓到天昏地暗, 所以近近地係屋企附近解決晚餐.睇個門面就知呢間 鋪頭有歷史啦.餡餅 - 餡都夠多, 唔會粉多過餡, 但因為放左一陣子, 只係微溫, 冇咩肉汁但好彩撞到新鮮真係又多汁又香脆豬扒菜飯 - 份量大到夠分2餐食, 見到人地一般都係叫少飯嘅, 一見上菜就知咩事了菜飯粒粒分明,但菜如果可以切再碎DD會更好喇. 豬扒肥瘦適中, 又唔會過柴.擔擔雲吞麵  - 份量又係大到痴線, 因為落左D擔擔肉碎嘅醬, 湯底會偏油些少, 都偏向重口味.唯一覺得如果麵唔好煮咁耐會好D. 整體黎講, 老店又好食又抵食, 當然會時不時黎幫襯下啦…Read More

母親大人生日飯, 一家人唔想行得太遠就去左屋企附近解決.尚點自選三小碟  - 腐皮卷香脆, 雞絲粉皮嘅麻醬都做得唔錯雞火炒飯 $68 - 較淡口味, 飯都算炒得夠乾, 但冇咩特別老上海炒飯 $72 - 貴左4蚊, 同上面果個飯一樣味, 只係加左色. 加左4蚊仲要冇埋D蝦 蒸/炸銀絲卷 各$28 - 最緊要有鍊奶!!!唔好睇好似好深色, 其實都冇咩.....砂窩雲吞雞 - 雲吞一人一粒, 落左金華火腿去煲所以都幾重口味.而個雞肉雖然都煲左一段時間, 雞嘅雞味都仲幾香, 肉質雖然唔滑但都唔算鞋. 生煎包 $40/3件 - 都幾多肉汁回鍋肉 $80 - 上菜時間比較長, 肉極少, 唔太抵食.整體黎講只屬一般, 但勝在上菜快地點又方便, 間中黎都唔錯嘅, 但就冇咩驚艷之作.…Read More

元朗朋友聚會，本身係想旁邊嘅小食開餐，但小店實在太小，放唔落咁多人，所以轉而去旁邊食泰菜蒜蓉金尊 - 2+4件 - 麵包外脆內軟，蒜蓉味其實唔太重，但配埋兩款咖哩醬食就岩岩好。串燒 （雞/豬 各6串）- 兩款都偏乾身，沙嗲好香花生味，但整個醬感覺唔夠香馬拉盞炒椰菜苗 - 炒得過老左少許，但味道可以海南雞 /半隻 - 估唔到半隻得咁少，不過都唔錯，肉質都幾嫩泰式豬肉炒河 - 河粉極碎而少，反之配料比例比較多，夾幾下幾乎都夾唔正幾條河粉，唔合格，味道都係一般般啦豬肉生菜包 - 菜夠新鮮，豬肉碎都夠香，唔錯小食拼盤 - 抵食夾大件 係春卷但皮太厚太實，其他都唔錯青檸烏頭 - 烏頭幾新鮮，但冇咩檸味，其他配料都冇幫助帶埋烏嘅鮮味，唔算突出…Read More

見到呢間飲品店，見口渴即管試一下啦杯蓋logo幾精緻葡萄柚綠茶 L/$35茶底偏淡，雖然叫左小甜，但就變相就味道都相對偏淡。雖然加左一片厚切西柚落去，但其實對於味道都唔算有幫助。整體感覺一般吧，但價錢以手調飲品黎講算平至中價。…Read More

假日出街閒逛, 咁都遇到朋友, 朋友反正已經諗住去食飯, 擇日不如撞日. 就一齊食個晚飯啦.南蠻炸雞 $48雞扒炸得夠香脆, 雖然炸漿都唔算薄, 但都唔係食到一舊粉果種.配埋個幾特別沙津醬, 個醬配雞同配沙津菜食都唔錯. 牛肉壽喜燒烏東 - $98個鍋係滾住上菜的, 雖然牛肉係生上, 可以按自己要嘅生熟程度去浸.壽喜燒湯底偏鹹少少, 隔開D湯去食會好D. 博多明太子烏賊忌廉汁意粉 - $98忌廉味重, 明太子味都有嘅但唔夠重, 意粉份量都算係偏少.碎吞拿魚腩及海膽丼 - $148吞拿魚腩同海膽食得出好新鮮,海膽超級鮮甜.我個敏感腸胃嘅朋友都冇發作焦糖香蕉法式吐司 - $78法式吐司真係做得到外脆內軟, 裡面係好似梳乎厘嘅感覺, 好輕身食完唔怕會滯.焦糖雪糕係極甜.焦糖布丁芭菲 - $68又係極甜, 雖然好有蛋香同味道幾好, 但係個質感太水了.宇治抹茶蕨餅芭菲 - $78抺茶雪糕做得唔錯有微微回甘底部有好多綠茶啫喱，整體幾鍾意…Read More

七一的晚餐.乾蒸了一天, 因為天氣太熱了, 大家都冇咩胃口, 所以直接係元朗食少少野就算.路過見到有一間串燒店就隨便去試下啦鐵板雞軟骨 $38類似係避風塘口味，雞軟骨炒得夠乾夠香口，但見到相都睇燶左些少，避左唔食d粒粒就可以芝士煙肉焗薯角 - $35/份一個字, 乾!好乾! 同埋好明顯焗得太過時, 食落仲有燶味燶到苦原條蒜蓉茄子 - $32/份蒜蓉醬極多, 最愛蔥蒜嘅重口味寶寶都稍為覺得多左少少,但茄子燒得剛剛好, 時間控制得唔錯, 一D都唔乾.邪惡燒雞皮 - $18/串  （唔記得左影相）燒雞皮乾身又夠脆, 肥都唔怕要食多串燒秋刀魚 - $38/份燒嘅時間掌握得好好, 外皮香脆, 魚肉保持到唔乾有汁雖然冇特別醬汁點黎食, 但都要一讚墨魚咀 $24/2串有d un, 冇咩味道，要靠沙嗲醬先至有味 …Read More

朋友介紹女友試嘅PANCAKE店, 咁岩路過附近, 就即管試下.當日晚上8點左右, 店舖唔多人, 唔使等位就可以入座了. ((但其實有比旁邊食冰鋪頭嘅長人籠吸引住.))餐牌價錢由4X至到7X不等, 要加一服務費.我揀左 - 蘋果肉桂梳乎里班戟 配 雲呢拿雪糕  - $72班戟感覺其實唔太梳乎里, 食落完全冇應有嘅鬆軟口感, 相信係打得未夠多空氣入去, 所以唔夠動L.食落反而有少少扁塌嘅感覺, 雖然好有蛋香,  但都加唔到幾多分.女友揀嘅 - 鮮芒果吉士班戟拿破侖 配 雲呢拿雪糕  - $58首先拿破侖酥皮唔夠鬆脆, 應該係用有D硬黎形容, 而且吉士唔算太夠香但加埋班戟呢個配搭都可以加到幾多分, 口感加左層次, 如果芒果份量可以添D就更好了.我地兩個都感覺呢個比梳乎里班戟更好食, 而且仲平添.可能我地當日唔好彩啦, 食唔到朋友所講嘅水準. 整體黎講,只屬一般, 吸引唔到我地再黎了.…Read More

雖然係元朗人, 但一直都未有機會食呢間燒鵝.冇嘅....就係因為平日要返工, 假日又訓到晏一晏先出街.話說今年老爹生日, 家姐阿哥齊齊返屋企吃飯.我又點可以唔把握機會ORDER返一隻燒鵝返黎齊齊試下呢.當日6點半去到餐廳拎燒鵝, 當時店內燒鵝已經全部沽清.而當時去拎燒鵝嘅人都有好幾個. 都要等15-20分鐘左右.全隻 多謝哂$508, 價錢的確唔平返到屋企立即打開, 齊齊冇規冇矩咁偷食.賣相好吸引，烤得色澤好靚好平均, 肥瘦適中.一隻分2盒裝, 但後面發現其中有一盒色澤唔同, 媽咪覺得可能唔係同一隻.因為食得快, 所以食落都仲係和暖嘅, 但外皮薄唔算脆身, 而肉質都仲保持到嫩滑.味道方面, 係食到有微微荔枝柴味, 而且醃料味道都好入味, 食落都唔錯的.整體黎講, 雖然未算超級值回票價, 但係品質唔錯嘅, 可以一試又唔會嬲嘅,…Read More

話說哥話係公司附近有一間茶餐廳嘅野唔錯, 叫我如果經過要去試試.佢大推嘅係避風塘雞肶+紅豆冰餐, 話抵食夾大件咁話.ORDER嘅時候, 侍應話避風塘雞肶+紅豆冰餐 $35, 當日冇紅豆冰, 要轉其他飲品, 但只包轉熱飲.如果要轉其他凍飲要加$3.本身已經奇怪本身紅豆冰係餐廳冇, 要我轉其他飲品都唔緊要, 但本身紅豆冰係凍飲.我如果ORDER返凍飲我又點解要另外加錢呢? 其實真係唔太合理.但哥話必試, 就貴D都即管一試啦避風塘雞肶 連飲品 $39 - 雞肶冇想像中咁大隻, 所以感覺上唔太抵食, 而且係好乾.炸嘅時間過長, 而令到雞肶乾到基本上大部分肉都變脆哂, 所以其實唔太推薦.但平心而論, 味道係唔錯的.  公司三文冶 (加薯條$8) 連凍飲 - $51$51 咁嘅陣容係茶餐廳出現叫做中高價, 但公司三文冶質素真心唔錯嘅, 配料夠豐富而且包都焗得乾身.但係另外加嘅薯條, 好明顯又係炸過籠, 而且似返炸嘅, 全部都炸到硬哂, 又係冇哂原來嘅質感, 所以真心唔太建議大家加薯條.…Read More

七一做完香港人要做嘅事後, 行去碼頭搭船時, 路過IFC比呢間飲品店吸引左, 係曾經紅過一排嘅網紅店.見人唔多就即管試一試喇.雖然人唔多, 而且冇人排隊, 但係飲品等侯時間都頗長等了超過15分鐘.薄荷檸檬綠茶 - $39呢個價錢唔平, 算係適中, 但係我睇餐牌價錢好似37, 但原來係39, 雖然相差只係$2, 但係會令人混淆.味道尚好, 飲落似普通水果茶, 除左檸檬之外有熱情果籽, 味道唔算太特別.但點左小甜都唔會太酸, 個人認為都合格嘅, 可以一試.…Read More

女朋友轉左份新工咁當然要帶佢去啲浪漫嘅餐廳慶祝下啦佢咁鍾意食法國菜～經朋友大力推介下我就帶左佢去名叫「E Molto Buono 」法國餐廳浪漫浪漫下喇位於鵝頸橋附近，人流不算太多都幾安靜餐廳環境舒服和燈光好有情調氣氛～播住浪漫嘅歌曲～好有feel呀～我女友表示滿意Set dinner~選擇困難症嘅我唔駛煩～哈哈餐前來個麵包籃～有外脆內軟墨汁芝麻包、有香麥味嘅香草包及非常香囗嘅芝士薄脆～配了店自家製嘅麵包醬，香草茄子醬及辣肉腸南瓜醬～非常特別～醬與麵包出奇地夾，我地好快就清曬了登～登～登～登本人最愛嘅生蠔出場了店員好細心介紹每款生蠔，值得一讚味道由淡至濃三款分別係Pinky,Krystal和Ancelin Special 蠔身非常新鮮肥美～很creamy～食出一陣陣嘅海水味～very good好想再叫多半打生蠔法式油封鴨腿塔鴨腿肉質軟嫩咸咸地帶油香，加埋蕃茄他他，食得出有層次感～十分開胃嘅前菜龍蝦湯飲得出有好重龍蝦嘅鮮味非常香濃！果然落足料！香煎鵝肝肥肥厚厚嘅鵝肝面層煎得非常脆，咬落去有入口即溶嘅感覺！鵝肝味濃郁～特意配上多士和柚子中和油膩感～非想出色！大大塊鵝肝真係超邪悪番石榴雪葩店員話出這個雪芭係為左上main course前「清一清囗腔」，食落去有種酸甜小清新～很醒胃！我地對於悉心嘅安排表示驚喜因為餐牌冇㗎焗智利海鱸魚Main course 登場喇！賣相好靚令到我地隻眼叮左一聲鱸魚非常厚身，面層有開心果碎，咬落去魚皮非常脆口，而雪白嘅魚肉嫩滑鮮甜，好juicy!鱸魚旁有蘆筍、蘿蔔、番茄及魚身下的豆蓉作配菜，相當健康我女朋友好鍾意這道菜食完主菜，上甜品前送上一杯花茶消一消滯～甜品時間～伯爵茶奶凍好香茶味，奶凍香滑少甜，啱曬我口味最後送上玫瑰花茶、店自家製蝴蝶酥及朱古力作結尾～嘆左4個鐘頭~店嘅環境食物質素及服務令我們很滿意我地會再黎…Read More