yutingtiffany's Profile

偶爾喺大埔墟發現咗呢間寶藏拉麵店🍜個松露湯拉麵濃到啡啡地黑色🍄‍🟫食完真係翻唔到轉頭( ;´꒳`;)成日心心念念住佢哋嘅松露湯 第二次食都係揀返呢個湯底 鍾意松露嘅一定要試please.ᐟ.ᐟ.火焰叉燒同刺身都好出色🌟仲要$88已經係晚市價錢 生啤買一送一 完全係地區小店價🥹.❈ 雜菌松露醬油豬骨濃湯拉麵| $88 (Rating: 9.5/10) 湯底厚實偏creamy 仲可以食到粒粒雜菌蓉🍄‍🟫表面仲有成個手指公咁大嘅黑松露醬 blend埋豬骨湯 濃郁之餘又飄散住松露香氣 叉燒同樣出色🔥今次揀咗火焰豚肉（另可選慢煮肩肉）肥瘦比例啱啱好 焰燒過後獨特嘅焦香 而且仲更加突顯到豚肉嘅油脂香🥹麵條偏幼但係好掛汁 加埋附設嘅溏心蛋 食完真係好滿足💖.❈ 刺身三點盛| $108 (Rating: 8.5/10)厚切鮭魚同油甘魚肉身滑嫩細膩 油花分佈平衡 味道甘甜鮮美🍣帆立貝口感軟滑qq 而且超級鮮甜！下次有啲想試佢哋嘅丼飯~.❈ 日本生啤| $48 (Rating: 8.5/10) 買一送一！超抵飲！🍻…Read More

終於試到西環名物˖ 菠蘿包burger♡ 一開始都好奇 點解老闆會揀用菠蘿包? 睇翻佢哋之前做過嘅訪問 原來真係好機緣巧合之下 有一次weekend prep嘅飽唔夠用 臨時去咗附近嘅傳統麵包店買咗菠蘿包嚟試吓 結果變咗做恆常嘅隱藏menu ⋆౨ৎ.❈ THE CLASSIC 經典手打牛肉漢堡| $108 (Rating: 8.5/10)❈ SPICY TOMATO 辣蕃茄手打牛肉漢堡| $118 (Rating: 9/10)❈ CRAB CAKE 秘製牛油果醬蟹餅漢堡 | $108 (Rating: 7.5/10)今次3個burger都揀曬菠蘿包.ᐟ.ᐟ 先講菠蘿包嘅口感經過烘熱之後keep到個外皮香脆✨一開始以為burger再加埋菠蘿包會好濟 反而菠蘿包外皮嘅甜味 可以中和到醬汁同肉嘅鹹香 好加分🍍.再講餡料嘅個人preference ❶ Spicy Tomato: 手打牛肉真係好出色 咬落去會有肉汁爆出嚟 唔係講笑🍅另外抗拒唔到辣嘅嘢 番茄加辣醬呢個combo做配料調味真係好夾🌶️② The Classic: 牛肉一樣咁好食 因為鍾意辣醬多啲 所以排第二❸ Crab Cake: 蟹餅會食到一絲絲蟹肉🦀但係牛油果醬嘅味唔係好出🥑對比另外兩個牛肉burgers之下 整體食落會比較乾.+$30 with combo (Fries and drinks)薯條略為普通☕️飲品可以揀coffee/tea/softdrink.❈ FINGER SNACK PLATTER 小食拼盤 | $98 (Rating: 8/10)包括炸雞翼、炸魚手指、炸薯餅及炸薯條整體唔會話太油 或者炸得太耐🍟但較為普通 不過不失…Read More

旺角鬧市都有抵食 環境仲要勁good vibe嘅韓國菜🇰🇷🥢韓式大排檔裝修 好啱一班frd聚埋一台食個熱辣辣嘅鍋 飲酒食炸雞✨套餐超啱我呢啲懶人🥘麵食 熱鍋 小食 飲品都可以一次過揀囇 . $588❈ 牛肉冷麵 Bulgogi Naengmyeon | +$10 (Rating: 8.5/10)浸泡喺牛骨湯嘅水冷麵質地qq彈彈🥢酸甜清爽嘅湯頭伴隨小小嘅肉香🍲 配料仲相當豐富 有青瓜絲、生菜、牛肉片、雞蛋🥒🥚整體冰涼且清新 配搭其他較為濃味嘅韓國菜式 有平衡味蕾的效果✨.❈ 排骨鍋 Pork Bone Stew | +$5 (Rating: 8.5/10)湯底以大醬為基礎 加入豬骨及各式辛辣香料🥘經過長時間燉煮 排骨肉軟腍入味 筷子一夾就骨肉分離 店員亦會幫手剪開大件嘅排骨 方便進食🥔軟綿的馬鈴薯年糕 微辣且非常入味.❈ 蜂蜜黃油味炸雞(半份) Honey Butter Chicken (Half) (Rating: 8/10)炸到金黃的外皮非常香脆 內裡雞肉嫩滑多汁🍗蜂蜜搭配香濃牛油嘅調味 令到炸雞更加邪惡🍯.❈ 青提子鮮果米酒 Grape Ricewine | +$48❈ 西柚鮮果米酒 Grapefruit Ricewine | +$48❈ 芒果鮮果米酒 Mango Ricewine | +$48米酒味道甘醇香甜 加上不同鮮果 更加突顯當中嘅甜味🥭個人鍾意芒果>西柚>青提子.❈ 海鮮煎餅 Seafood Pancake | $148 (Rating: 9/10)額外點嘅一份海鮮煎餅~size超級大足夠4個人食🔥外脆內煙韌 而且超級足料 每啖都食到魷魚蝦仁同各種蔬菜絲🦐蘸埋特製嘅韓式辣醬 唔會太油膩…Read More

Yukkuri 在日文ゆっくり中係「慢慢來」的意思走入Yukkuri就彷似置身喺日本嘅茶室 陳列嘅每一件古器同選用嘅傢具都充滿質感 日光柔和咁由門口滲入每個角落 配合暖色系燈飾 令人沉醉喺呢種簡約又復古嘅氛圍之中 好好放鬆 ౨ৎ ‧₊ .ᐟ .❈ 黑胡麻咖哩烤豚肉片配醬油漬蛋黄 配飯Seared pork slices in rich sesame curry | $150 (Rating: 8.5/10)黑胡麻咖哩平時都較少喺餐廳食到 而且調味恰好嘅就更為難得 芝麻香氣令成道菜再加咗分🖤冇諗過黑芝麻同咖喱嘅配搭係咁夾🥹蔬菜份量超級多 每樣都煮到入哂味 配埋烤香嘅豚肉片同醬油漬蛋黃 一齊拌飯 超級開胃🥰.❈ 鰹魚昆布湯年糕福袋關東煮 配烏冬yukkuri style oden in bonito soup | $155 (Rating: 7/10)關東煮嘅食材都好豐富 大根、蒟蒻、海帶結、竹輪、蒟蒻絲等等嘅常見食材都有齊 仲有自家製嘅煎蛋卷✨但湯底整體都偏淡 令到烏冬都冇乜味.❈ 炙燒牛舌芯配葫蘆瓜伴柚子胡椒 配飯Grilled beef tongue and zucchini, w/ yuzu pepper | $160 (Rating: 6.5/10)牛舌芯同瓜嘅份量確實有點過少 配飯不太足夠:(牛舌心經炙燒後散發獨特嘅油香 可能因為偏薄嘅關係令到口感上有少少韌 味道上柚子胡椒味亦唔算突出:(.❈ 焙茶黑芝麻豆乳飲（治）hojicha-sesame soy latte (C) | $65 (Rating: 9.5/10)⋆͛ 請務必點呢杯 ⋆͛ 上餐時就令我十分之驚喜 原來焙茶同黑芝麻係分層嘅設計🖤黑芝麻豆乳配上焙茶忌廉🤎飲嘅第一口係純素嘅焙茶忌廉 超級順滑!!!!! 然後接着就會逐漸飲到黑芝麻豆乳嘅味道 濃郁但剛剛好 最後將佢哋攪拌至均勻 喝完整杯都唔會過甜過膩( ˶ˊᵕˋ)੭♡.❈ 莓醬伯爵氣泡•配莓醬方塊凍| $68 (Rating: 9/10)外觀美美的橙紫配搭🧡係咖啡同茶類飲品以外嘅好選擇 配搭新鮮果汁加埋起泡飲落去好refreshing…Read More

PIRATA group旗下的西班牙菜餐館🇪🇸主要係聽聞過佢哋嘅生日慶祝超熱情!! 今次趁住朋友生日一試 的確不負所望(˶’ ᵕ ‘ ˶)🎂店員送上蛋糕嘅時候 會group埋一齊唱生日歌 加上搖鼓伴奏♪ 節日同慶生之選絕對冇錯!! 最後仲會送上一張拍立得留作記念⋆͛♡⋆͛.Dinner氣氛真係超級好🧡餐廳裝修充滿南歐情調 燈光朦朧 牆壁用上藍白花磚作裝飾 彷彿去咗外國嘅餐館💐兩層嘅座位全部滿座 用餐氣氛超級熱鬧同温暖🥹.BITES❈ TORTILLA Chorizo Ibérico辣肉腸薯仔蛋餅| $95 (Rating: 9/10)Tortilla應該係食西班牙菜必嗌嘅前菜吧！薯仔同洋蔥經過炒香 再同蛋漿焗成厚厚嘅蛋餅 再配上沙律醬🥚每次食都覺得好滿足 加上辣肉腸增添少許鹹香.❈ PATATAS BRAVAS (v) 炸薯粒配辣茄醬（素） | $75 (Rating: 8.5/10)薯仔一層薄薄嘅皮炸到微脆🥔精粹在於嗰個微辣同微酸嘅茄醬🍅甜甜酸酸辣辣超級開胃 不過缺點就係薯粒份量頗多 作為前菜都幾飽 幾個女仔都食唔囇.MAINS❈ SLOW COOKED BEEF CHEEK 慢燉牛面頰配松露薯蓉 | $190 (Rating: 10/10)請大家一定要嗌😭❤️OMGGG I rated this 10/10 !!!!!!經過慢燉 嗰種入口即溶嘅肉質 一絲絲嘅牛肉混合少少骨膠原 肉質軟腍得嚟又好滑🥹味道上冇晒肉臊味 好簡單又好濃郁嘅牛味 加上少少鹹香 已經好好食🥲配搭嘅松露薯蓉柔潤軟滑 成個dish真係💯.❈ ARROZ NEGRO (S) 傳統墨汁香辣魷魚焗飯| $150 (Rating: 8/10)Arroz Negro按字面解作黑色的飯 黑色來自於墨魚汁 西班牙飯吸滿墨魚汁嘅淡淡嘅鹹香🦑配上幾粒香辣魷魚 同埋表面嘅Aioli蒜泥蛋黃醬 味道上都好豐富.DESSERT ❈ CHURROS 西班牙油條配朱古力醬 | $70 (Rating: 9/10)即炸至金黃色嘅churros外酥內軟 淡淡的麵粉甜香同表面嘅一層砂糖💛熱辣辣咁沾上朱古力醬 超級邪惡.DRINKS❈ PAFEO DEL PRADO | $68 (Rating: 8.5/10)熱情果香嘅mocktail 加上coffee syrup同ginger beer.❈ PUERTA DEL JOL | $88 (Rating: 9/10)Palomino Sherry雪利酒作為base 加入Vermouth 苦艾酒同葡萄柚🍇入口微甜最後帶少少苦味作結…Read More

ʕ.•᷅•᷄.ʔ 終於朝聖到手工意粉名店！bookmark左超級超級耐⋆͛♥︎⋆͛需要提前wts預約 晚餐有分用餐時段 較難walk-in 今次同朋友預約左2100-close 食完晚餐可以慢慢飲住酒傾計⁽ ¨̮⁾⁽¨̮ ⁾*˚.APPETIZER 揀選咗兩個店員推介嘅熱門items ‧₊˚❈ Fresh Focaccia with Chive and Sour Cream | $40 (Rating: 9/10)義式酸種麵包focaccia表面香脆🍞 經過長時間嘅發酵 形成大大小小嘅氣孔 咬落去就感受到空氣感同輕盈嘅鬆軟感 味道上有淡淡嘅rosemary同橄欖油香味 配搭sour cream絕對係加乘✨.❈ Zucchini Croquettes with Garlic Mayonnaise | $68 (Rating: 9.5/10)友人們一致認同超級出色嘅appetizer😭❤️即炸熱辣辣上嘅croquettes 麵包糠厚薄啱啱好 一咬落去蒜味嘅mayonnaise就好似熔岩漿咁流出嚟 但又唔會太油膩 超級邪惡.PASTA 店員會逐一介紹Menu上嘅pasta~詳細講解不同嘅質感 調味 配菜等🍝❈ Homemade Pappardelle Bolognese | $168 (Rating: 10/10)[圖一] Pappardelle全蛋意大利麵 特點係佢特別闊目測可能有2-3cm🥚闊同扁扁嘅身形令佢特別掛汁 每食嘅一啖意粉都係沾滿住濃郁嘅tomato sauce🍅加上牛肉豬肉肉碎同Parmesan cheese🧀經典嘅配搭依然不敗 真係要比滿分佢🧡.❈ Homemade Scialatielli Italian | $158 (Rating: 9/10)[圖五] Scialatielli係一款大拿波里地區嘅傳統意大利麵 店員介紹當中加入左薯仔係麵條中 令佢嘅口感非常煙韌🥔調味上Italian sausage加上Pecorino Cheese醬 非常重鹹香味.❈ Homemade Tagliatelle Amatriciana | $158 (Rating: 9/10)[圖六] Tagliatelle同樣係一款闊身嘅全蛋意大利麵 個人覺得對比Pappardelle冇咁闊同口感紮實少少🍝同樣因為可以釋放出更多澱粉質 所以配搭Guanciale 煙燻豬頰 更加可以吸收到濃郁嘅番茄肉汁.❈ Carbernet Blend | $90 …Read More

元朗開到大圍嘅人氣cafe💫象徵性嘅格仔枱同水泥風設計 環境上令人感到好舒適❤️食物質素更加係帶嚟驚喜🔥🔥.❈ A Big Breakfast 盤子大早餐| $138 (Rating: 9/10)超級有誠意嘅all day breakfast🍳睇完佢menu覺得幾有驚喜🌟好多items都唔係平時all day breakfast常見嘅 真係要試試🧡例如係菠菜芝士croquettes, croffle, 黑松露炒蛋同焗大啡菇.❈ Mentaiko With Creabmeat Cream Sause Spaghetti 蟹籽蟹肉明太子忌廉意粉| $105 (Rating: 8.5/10)一上枱就比蟹籽山驚艷到🦀仲要見到一絲絲蟹肉喺到 份量毫不吝嗇🫨而且醬汁煮到好掛汁好creamy 每食一啖意粉都可以食到蟹籽蟹肉 份量真係有啲多 2個人share食都有少少濟.❈ Tiramisu Latte 提拉米蘇咖啡| $60 (Rating: 8.5/10)靚靚嘅賣相✨味道上係一杯飲得到嘅tiramisu🤎Latte 上加上一層厚厚嘅mascarpone cream 亦令到咖啡飲起嚟更加smooth☕️表面再灑上可可粉配上ladyfinger 更猶似tiramisu .❈ Mocha 朱古力鮮奶咖啡| $48 (Rating: 8.5/10)偏甜少少🍫濃濃嘅朱古力味 表面就好似一層奶蓋foam咁 飲落好smooth …Read More

位於大埔藝術中心 一個小店同藝術工作者嘅集中地✨Cafe樓底超高 而且座位之間好寬敞 室內空間感滿滿🧡仲有pet-friendly 室外座位平日到訪唔算太多人 冬天坐窗邊位 享受住和暖嘅陽光 飲杯咖啡同brunch set都好chill 🫶🏻(另設lunch/ dinner menu).❈ Mixed Berry French Toast 法蘭西多士 | $92 (Rating: 8.5/10)上碟已經好靚*‧₊ 表面煎到焦啡色 猶似兩件小方磚🤎淋上一圈圈蜜糖同配搭mixed berry jam🍓士多啤梨作toppings 超厚嘅toast平均地沾上蛋漿🍞表面焦脆但係內裏依然fluffy鬆軟✨.❈ Dirty | $42 (Rating: 9/10)咖啡偏向Nutty🤎咖啡同牛奶嘅溫差同層次 令整體飲落好smooth…Read More

餐廳開業一年隨即進入2024米芝蓮指南 主打越式Fusion菜🇻🇳🇫🇷紅棕色外牆嘅餐館設計 環繞着嘅透明玻璃滲透出柔和暖光 喺街角尤其突出🤎打開餐廳門係截然不同嘅越南壁畫設計 加上復古優雅嘅燈具 營造出溫暖嘅餐酒館格調 非常適合節日聚餐.❈ ROASTED PIG 1/4 越南燒豬| $388 (Rating: 8/10)即叫即燒🔥 薄薄一層嘅外皮超級酥脆 乳豬嘅肥瘦程度適中 經過燒烤嘅過程 內裏依然保留到乳豬嘅嫩滑質感 咬落口依然有肉汁滲出嚟 同感受到油脂嘅香氣.❈ CHARGRILLED BETEL LEAF WAGYU BEEF (6 PCS) 炭燒香葉牛肉卷 | $148 (Rating: 8/10)越南菜經常會用到betel leaf🍃其中Chả lá lốt一款用betel leaf卷起豬肉碎嘅經典菜式餐廳改以用betel leaf卷起和牛 betel leaf外表同味道經過炭燒後有少少似香脆嘅紫菜 包裹住嘅牛肉惹味多汁 唯味道略鹹🫙配上Nuoc Cham越式蘸醬 加以一啲甜酸味.❈ ROASTED GARLIC BONE MARROW 蒜蓉焗牛骨髓 | $188 (Rating: 8.5/10)牛骨髓表面灑上蒜蓉、麵包糠、鹽同黑胡椒碎等 牛臊味處理得非常好👍🏻經過烤焗骨髓油脂滿溢 配以牛油法包減少咗油膩感 不過都係大家share一兩塊就適可而止.❈ VIETNAMESE GRANDMA CRAB AND TOMATOES SOUP NOODLES 越南蕃茄蟹湯檬 | $168 (Rating: 9/10)金黃色嘅軟殼蟹同湯底都好出色💯🦀軟殼蟹表面嘅炸粉唔會太厚 外脆內軟🍅蕃茄湯十分濃郁但又不失蕃茄嘅清甜 酸酸甜甜好開胃 檬粉幼身好有彈性 另配有扎肉同炸豆腐 芽菜則可以自由添加 材料好豐富同好大碗.❈ ICED COCONUT MILK WITH PANDAN JELLY 椰奶珍多冰| $68 (Rating: 8.5/10).❈ CREAMY AVOCADO SMOOTHIE 牛油果沙冰| $68 (Rating: 8.5/10).❈ ICED CALAMANSI VIETNAMESE TEA WITH HONEY 凍蜂蜜茉莉柑桔茶| $68 (Rating: 8.5/10)…Read More

位於第二街與第三街之間嘅巷弄 店名單純而有其意義✨感覺想比大家發掘到大街小巷中 寧靜放鬆嘅空間 嘆杯咖啡☕️而且cafe設有户外座位 仲係pet-friendly！中午時段接近滿座 如果想靜少少嘆杯啡 建議朝早或者下午茶時段到訪~.❈ Avocado Toast | $68 (Rating: 9/10)Sourdough鬆軟而帶少少煙靭感 牛油果打得超級溶🥑連埋Greek yoghurt搽嘅時候blend埋一齊 就好似一個avocado cream咁超級smooth🥰.LUNCH SET包咖啡！<Coffee + Spicy Clam Pasta $108><Coffee + Cheesy Meatball Pasta $128>.❈ Spicy Clam Pasta | (Rating: 8/10)入口味道頗為辣 唔適合食十小辣人士🌶️調味上另加入蒜蓉 調味香口加上炒至乾身掛汁🍝 份量女仔食啱啱好係唔會太飽太餓.❈ Cheesy Meatball Pasta | (Rating: 7.5/10)Nutrition系列🚩餐牌有標示囇營養價值作參考414.9kcal (Protein 46.8g Carbs 26.2g Fat 12.8g)👩🏻‍🍳肉丸係用雞胸肉自家製成 番茄醬都係自家配方 非常用心❣️意粉面撒上Parmesan cheese🧀可能因為低脂 肉九略為乾身 .❈ Dirty | (Rating: 8.5/10)❈ Flat White | (Rating: 8/10)…Read More

夜晚心思思超想兩訪！真係好鍾意佢哋杯Jasmine sake *˚‧♡講翻正經野🙂‍↕️喺HKU站B2出口行上斜路 沿着保德街就會見到呢間bar 就喺Dear neighbours對面 (讀咗咁耐而家先發現附近有咁good vibe嘅bar (´･_･`).Modern又糅合住大自然嘅裝修🍃一打開門望入去真係覺得好靚🤎有面向酒櫃嘅bar枱同大長枱area 座位唔多 適合2-4位朋友group嘅微醺交心長談⁽ ¨̮⁾⁽¨̮ ⁾ .以下輯錄埋menu上嘅介紹同tasting note 最後有自己少少嘅飲評✨❈ Jasmine Sake 青珠 | $138 (Rating: 9.5/10)* 冷萃茉莉鳳眼 、大吟釀清酒、蘋果糖水* Floral, Rice-scent, Apple-fresh 花香、米香、清新蘋果唔專業飲評🙏🏻飲過幾間tea cocktail 但係呢杯係我飲落最smooth全部components blend perfectly✨for now my favourite tea cocktail😭😭❤️個種refreshing個種清澈係仲誇張過平時飲茉莉花茶.❈ Bubble Bobble 泡泡龍 | $148 (Rating: 8.5/10)* 輕焙龍井琴酒、氣泡冷萃龍井、湯力水、豆乳泡沫、脆蝦餅* Refreshing, Soybean, Umami 清新、豆香、鮮爽龍井infused Gin mix with 龍井sparkling cold brew 🍵呢杯會偏向重酒味 龍井味都好突出 🫧泡泡係講緊表面嘅一層豆乳泡沫 表面脆蝦餅就有啲玩味 飲嘅時候layer更加豐富…Read More

收藏咗喺清單好耐ଘ(੭ˊᵕˋ)੭* ੈ✩‧₊˚終於食到喇！橙色復古嘅設計🧡柔和嘅燈光比人cozy嘅感覺 餐廳同時供應美式及日式嘅菜式 🇺🇸🇯🇵漢堡 丼飯 奶昔可以同時係一間餐廳食到🫶🏻啱晒心思思想食唔同口味同fusion嘅朋友.今次visit揀咗Dinner Set🍴❈ 2 GOOD 2 CHILL | $428 for 2 pax.❈ Avocado Crab Meat Tartare 牛油果蟹肉他他 | (Rating: 8.5/10)蟹肉配搭牛油果同蕃茄粒🍅除咗突出到佢嘅鮮甜感 同時俾人感覺酸酸甜甜🥑配搭烤到脆脆嘅法包 作為Starter好開胃同感覺好新鮮.❈ Crab Roe Mac & Cheese 蟹黃芝士通心粉 | (Rating: 8/10)邪惡(放棄減肥)之選😣Mac and cheese大家應該食得多 加埋蟹黃嘅鹹香更為惹味💛調味上做得啱啱好 唔會過分地只突出濃味 平衡得啱啱好唔會食幾啖就膩！.❈ Karaage Chicken Pancake唐揚炸雞楓糖漿班戟 | (Rating: 7.5/10)炸雞嘅調味其實做得十分出色 而且內𥚃雞肉嫩滑👍🏻厚班戟略為唔夠鬆軟 上面鋪上一層用紅酒煮過嘅蘋果 但個人感覺同炸雞班戟唔太夾 所以整體同預期有少少落差:(.❈ Matcha Eggie 宇治抹茶牛角窩夫 | (Rating: 8/10)非常喜歡帶有苦甘香嘅抹茶雪糕🍵(唔係只有甜味嗰種都係食抹茶重要嘅事）💚Croffle係即製熱辣辣 外脆內軟😗.❈ Pistachio Milkshake 開心果奶昔 | +$48 (Rating: 9.5/10)💚暫時心中排名第一嘅開心果奶昔！近排開心果真係盛行 調味上今次呢杯是no.1🥇試過有cafe係真係好濃開心果味 甚至係有啲nut嘅鹹味 但係我個人最注重係味道上嘅平衡⚖️今次飲嘅係開心果同奶香都兼備 而且奶昔口感好smooth.❈ Peach & Mango Iced Tea白桃芒果冰茶 | (Rating: 7/10)不過不失🥭清清地refreshing可選…Read More

下午茶時段排囇長龍 都排左幾枱先入到 可能撞正紅日一路keep住都坐到full囇 店員keep住好忙 上餐嘅速度都比較慢 差唔多食囇碗湯河 先嚟到個咖央🥲不過撇除呢樣嘢 唔介意等耐少少 食物嘅質素的確冇令人失望 加上價錢咁實惠 真係好抵食🫶🏻.❈ 蕃茄蟹膏湯河| $58 (Rating: 9/10) 配料：扎肉 蟹膏 蕃茄 豆卜 墨魚丸大推！蟹膏lovers必食(o^∀^)因為真係超濃郁 食得出湯底用大量番茄同蟹煮成🍅質地已經好似濃湯咁 加上河粉好滑同好索汁😗另外要提嘅係每碗都有幾塊加左蟹膏整嘅蛋餅 索埋啲湯真係好好食.❈ 蕃茄椰汁湯河 (配墨魚丸) | $48 (下午茶價) (Rating: 8/10) 湯底同蟹膏湯河差異唔大 都係蕃茄椰汁底 係少左蟹膏味 但一樣咁濃👍🏻因為揀左tea set 所以配料就剩係可以揀1-2樣 但河粉嘅份量都係咁多 .❈ 咖央多士 | $38 (Rating: 9/10) 超級邪惡(°o°:) 上枱嗰陣啲牛油嚇親我🧈係每件都夾住成片牛油 太足料了吧 因為實在太肥 所以我切走左一半牛油先食😂外層烘得好脆 一咬落去啲牛油同咖央醬多到爆出嚟ଘ(੭ˊᵕˋ)੭* ੈ✩‧₊˚ 怕肥嘅話 2-3個人share啱啱好~.❈ 越式小食拼盤 | $49 (下午茶價) (Rating: 8.5/10) 真係好抵🥲$49就食到囇 雞翼、春卷、香辣魚餅！每樣都係熱辣辣上枱 而且各有3件♨️調味做得好好 每樣都香辣脆口…Read More

廿一由八其實係一間傢具店 賣嘅係手工嘅木家具🪵而咖啡室位於店內嘅一角 特別之處係cafe嘅枱櫈同裝飾都係佢哋嘅手作 同埋可以購買的🫶🏻雖然喺工廈區 但係有一排窗採光 令日光透入工作室☀️坐喺到食個lunch嘆杯啡也非常不錯🤍.❈ 昆布汁白飯魚耳仔粉配紫蘇梅醬 | $142 (Rating: 7.5/10) 夏日新菜式🎐食材嘅配搭上非常新穎✨好似將好多想像唔到嘅嘢放埋一齊咁 不過食上去味道上非常之和諧的~比較重昆布紫菜汁同紫蘇葉味 都幾開胃🫶🏻耳仔粉偏厚 個人比較鍾意再煮軟多少少 不過整體而言設計菜式嘅心思非常值得欣賞🤍.❈ 西蘭花芝士煎餅配水波蛋,蜜柑,蓮藕脆片,合桃 | $118 (+$15煙三文魚) (Rating: 8.5/10) 驚喜素食pick❣️(如果唔加雞扒、煙三文魚等嘅肉類 就係真素食喇) 同埋係低碳、無麩質的✨非常鍾意呢個西蘭花煎餅 平時對西蘭花無咩好感🥦切碎咗嘅西蘭花再加芝士煎餅 無左平時好多人怕嘅青味 上面嘅水波蛋同蜜柑配埋蓮藕脆片 無論喺口感定味道上都豐富左好多💛.飲品跟餐-$12❈ Flat White | $33 (Rating: 7.5/10) 不過不失但偏奶 咖啡味冇咁濃☕️.❈ Hojicha Latte | $33 (Rating: 7/10) 焙茶味都幾濃🍵不過會飲到一啲起粒 所以略為遜色.❈ 意大利黑醋沙律(跟餐)❈ 瑪德蓮 (跟餐)…Read More

揀左坐喺向住山道嘅窗邊位🪟偶爾有行人或者車輛經過 環境非常寧靜☀️日光滲入木系嘅cafe 格外寫意 令人感覺好舒服 好啱同frd嚟個chitchats 或者自己享受一個下晝🫶🏻.❈ Smoked Salmon Toast山葵汁煙三文魚多士 | $58 (Rating: 8.5/10) Salmon toast應該大家都食唔少 但係呢個真係好好食！好鍾意呢個汁(*´∇｀*)淡淡嘅wasabi味用喺toast 度同三文魚好夾💚而且性價比好高 多士上面滿滿都係配料一塊toast 嘅份量下午茶食啱啱好🍴.❈ Flat White | $45+$5(changed to Oat Milk) (Rating: 8.5/10) 拉花好靚！飲落好滑 味道不過不失☕️…Read More