kawawong1026's Profile

再次約左朋友嚟到呢間少女心暴發嘅lady nara!印象中overall (環境,食物,服務,價錢各方面) 都好唔錯! 今次早少少拎位，有幸坐到窗邊，仲要接近黃昏時間 個magic moment 仲要係紫紫地，勁靚!!!!! 少女心嘅我哋當然就係咗打卡啦聖誕節仲有粉紅色聖誕樹俾大家打卡添!!蝦片勁好食，都有少少因為掛住呢隻蝦片再黎lady nara食，咸咸香香，而且又勁脆，真心好味!唔知邊度有得買, 想買返包係屋企食今次邨要望住個magic moment 食蝦片，無得輸!!班蘭龍眼蜜 & 玫瑰泰式奶茶 落左單無幾耐就黎到，玫瑰泰式奶茶又係粉紅色，勁少女心!!!而味道方面就真係好重玫瑰味，飲完有少少去左間spa聞到勁香嘅香氛咁。可以叫少甜，值得一試!班蘭龍眼蜜整體味道OK嘅，略嫌班蘭味唔夠重。龍眼肉幾爽甜，食完嘅濃味嘢可以refresh吓!!芒果軟殼蟹米紙卷原本以為軟蟹蟹得半隻，但原來米紙卷入面都係軟殼蟹，份量十足!!芒果甜甜酸酸，可以平衡吓炸物油膩咁。紙卷入面有我唔鐘意嘅香茜，但朋友好鐘意食，佢就話味道好香，好醒胃嘅頭盤!香脆蝦餅（3件）蝦餅係即炸！熱辣辣又香脆，蝦味都出。啖啖蝦肉！再配埋酸辣醬，正！泰式椰子雞湯每次必點嘅椰子雞湯！鐘意椰奶香嘅必點！口感係好creamy果隻。今次叫左mild spicy，飲落去好舒服。仲好足料，好多雞件，絕對可以當一個餸咁！泰式豬肉炒河粉今次主食叫咗一樣比較少見嘅炒河！呢隻河粉唔係港式果隻幼身，感覺係泰式河粉，比較寬身，食落去Q彈又好滑。豬肉片一啲都唔鞋，好嫩滑。點少少砂糖同辣粉，好惹味！埋單每人$300左右, 又有海景, 食物唔錯, 值得再來!!…Read More

疫情之前去泰國都食過一次Nara, 覺得幾好食, 環境同服務都好唔錯~ 之前佢登陸沙田, 因為位置唔太就腳, 所以都冇機會去食最近見佢尖沙咀新開左分店! 於是就同老公一齊去試試好彩提早book定枱, 平日夜晚去食都要等一陣位, 好有人氣!我地被安排坐係窗邊望海景位置! Lucky!7:00pm入座岩岩好可以睇到黃昏景色! 不過好快天黑, 如果再早半個鐘黎應該仲靚, 打卡一流!呢度除左Nara本身嘅正宗泰菜, 仲可以點Lady Nara嘅西式fushion泰菜!難得來到, 我地決定兩邊都試吓泰式椰子雞湯 $108非常足料! 湯頭好香濃, 味道酸酸甜甜飲到椰子同牛奶香味~ 我地點左少辣, 所以飲落好順喉驚喜位係煲過湯嘅雞肉都幾滑! 值得一讚!有蠟燭座熱湯煲, 就算差唔多食完成餐飯, 成煲湯都Keep到熱度特色脆雞拼盤 (松露脆雞翼、黃金爆谷雞、燒烤雞搥) $138有三款口味, 滿足晒三個願望! 仲配一個迷人Pink lady嘅Sauce! 呢款粉紅色醬料味道似係酸忌廉全部雞雞都係好新鮮即炸, 外皮香脆~個人喜歡黃金爆谷雞, 佢係咸蛋黃味嘅一口麥樂雞咁, 冇骨~ 岩晒我懶人蟹餅 配 粟米青木瓜沙律 $158一共有兩件蟹餅, 切開都見到有一絲絲蟹肉雖然望落好似唔係好大塊仲驚唔夠,  點知食落口感都幾實在! 我同老公都覺得似係泰式蟹肉忌廉薯餅! XD泰色炒通菜 $68泰式炒通菜永遠唔會令人失望! 可以揀少辣, 咸咸香香夠晒惹味~ 鮮椰子沙冰 $55係俾佢menu張相吸引咗, “以新鮮椰子、七彩珍多、大樹菠蘿及粉紅馬蹄製成”飲落果然口感綿密, 啖啖椰香, 仲食到有粒粒果肉味道對我來講係偏甜, 但食完濃味泰菜飲返杯凍飲正好解膩坐係窗邊Chill住飲總結餐廳Overall都唔錯, 食物方面Nara同Lady Nara嘅菜式各有特色但個人偏好Nara正宗泰國菜餐廳環境舒適, 又打卡able, 仲要有海景埋單每人都係$300左右, 係尖沙咀黎講唔算貴, CP值高!重點係服務質素好好, 店員都好自動自覺幫客人加水, 而且非常有禮!呢間餐廳的確可以再Encore! …Read More

今晚約左大肥收工去旺角食飯傾下計拍下拖~ 而家放寬左防疫措施之後, 係旺角搵間餐廳可以坐耐少少都唔係咁易我地之前都有黎過一次Station 3, 覺得呢度overall都唔錯最緊要係呢度唔趕客, 可以慢慢食坐耐D, 仲可以玩下board game添!🤩一入餐廳門口已經聞到好香黑松露味! 搞到我地勁想食!🤤坐低即刻睇menu叫返個黑松露risotto先! 黑松露帶子鮮菌繪意大利飯記得之前來嘅時候都食過一次! 印象中都幾好食!今次再食, 好似再好食左! 佢D黑松露味好Rich!😋仲好Creamy, 有少少拉絲嘅效果~ 不過略嫌今次好似冇上次食咁多帶子鮮菌~燒牛肉配田園沙律大肥話要減肥, 所以佢揀左個沙律來食 (但佢狂偷食個risotto XD)份沙律都好大碟吓, 仲有D燒牛肉都幾多片啵, 都對得住佢個價錢啊😛蜜糖雞翼一份有6隻~ 雞翼皮夠脆, 食落幾juicy, 每隻都有甜甜蜜糖味~ 亦唔會醃到過咸~  👍🏻墨西哥香草肉丸怕大肥食完沙律唔夠飽, 所以order 多D肉食~ 肉丸啖啖肉一定岩!🤣味道係OK的~本身expect係好似Ikea果隻肉丸, 點知食落味道同口感都有D似貢丸, 好神奇! 跟餐包$38 飲品, 多過$38就補差價, 不過我地都想飲特飲, 所以補左少少錢水蜜桃乳酪🍑今次Staff落單時都有問要唔要Cream, 上次走左Cream, 今次揀左加Cream試試!😈味道酸酸甜甜, 食完濃味野飲岩岩好~生津解膩!花茶: 戴安娜👸🏻作為女生當然揀花茶~美顏養生! 見到呢個茶名, 都知飲完可以變靚 (成個戴安娜皇妃咁🤣) 呢個戴安娜就包含左紫玫瑰花，紅玫瑰花，洋甘菊同薰衣草… 好寧神養生咁! 仲話可以改善失眠!聞同飲落都幾香~ 洋甘菊味比較重! 本身都中意洋甘菊嘅味, 岩晒我~🤓食完成餐飯, 傾足成晚又有野玩, 埋單都係每人$200 幾抵玩!難怪呢度平日夜晚都幾多人~ Menu…Read More

是日去YMCA上完堂, lunch唔知食咩好~ 又唔想食咁頹…我家大肥話好耐冇食拉麵啵~ 數數手指, 又真係成年冇食拉麵了!於是我地就去左食呢間日本辣麻拉麵過江龍鬼金棒 (潮聖mode) 上網見D朋友仔勁推增量叉燒! 因為睇相D叉燒真係好厚切! 睇到我流晒口水! 因為我最近胃唔係幾好, 怕受唔到太辣, 所以今次試下原味唔加麻辣先!呢度有得揀唔辣又幾好, 就算有人唔食得辣, 但同行有人係麻辣愛好者(呢度仲有25款辣麻度可選)都可以一齊來食!增量叉燒X2 辣麻味噌拉麵 走麻走辣 ($135) (+味玉$15)  姐姐一遞碗麵上枱, 我即刻「嘩」左一聲! 舊叉燒真係好__大舊!!! 真身比睇相好似仲誇張添!!以為佢咁厚切可能點都會有D鞋/韌, 點知又幾軟腍身, 都易咬散, 唔錯!!!件叉燒似係五花腩肉, 油脂同肉比例平均, 食落口感是豐富的~ (雖然很邪惡)而湯頭都好濃郁下, 好香蒜味, 雖然重口味, 但食完都唔會覺得非常口渴, 值得一讚我個人都幾喜歡佢地嘅麵質, 粗幼適中得來帶點煙韌加粒味玉雖然有點貴 (要加$15), 但見到個溏心黃係靚靚橙黃色, 就覺得值得芫茜辣麻味噌拉麵 少麻少辣 ($110) (+味玉$15) 我家大肥係芫茜控, 難得日式拉麵都可以揀多芫茜! 所以就點咗一碗試試!大肥雖然同我一樣都唔係好食得辣, 但一場來到潮聖點都要試試呢度嘅麻辣拉麵啦!佢地嘅少麻少辣其實都幾善良! 我覺得食開10小辣/BB辣都一定食到!同埋呢碗有少少辣, 真係比起我嘅走辣版惹味香口~ 仲要芫茜味都幾出!原配嘅叉燒雖然得一件, 但size都幾大舊下, 一定唔止食兩啖就食完會唔開心果D同樣呢碗都係冇蛋的, 要加錢要多粒味玉!  順便一提, 食完成碗麵D湯仲係好熱的, 好有日本對拉麵溫度嘅要求~ 冬天來食一定暖笠笠至於環境方面, 都睇得出裝橫係用心的, 好有日式鬼神的神秘感!座位都OK寬敞唔會太迫, 店員有籃提供可放袋…Read More

最近疫情又嚴峻咗…又有排都冇得出街食晚飯lu…奈何D菜又咁鬼貴 >_< 搞到夜晚都冇心機買餸煮飯…去沙田廣場經過見到有間川味滷味小食外賣店!仲寫到明「香港本地每日新鮮製造」 「無添加防腐劑及人造色素」等我買幾盒返去, 就咁煮個白飯就得啦~ 正呀!!雖然舖仔細細, 但係貨品排列得好整齊新春做緊promo買滿$100有95折; $200有9折仲送麻辣油或麻辣菜脯除左一盒盒即食小食之外, 仲有好多唔同嘅料醬賣啵!一盒盒小食睇唔岩, 都仲有得就咁買, 斷磅計$$我最後就揀咗幾盒買返屋企加餸試試!包裝盒寫明可以凍食, 即開即食! 又幾方便啵!不過冬天凍冰冰都係唔好食凍嘢啦, 所以我全部都叮返熱佢地咁食半隻口水雞 ($68) 份量好足, 真係有半隻雞係度件件都係肥厚適中~ 啖啖肉~正!!味道夠晒麻香辣! 岩晒鍾意食辣嘅朋友仔麻辣牛筋腩 ($58)呢樣係喜出望外~估唔到咁好食!!! D牛腩好腍唔會咬唔開之餘又入晒味咁, 麻麻辣辣好惹味!!而牛筋係大大塊~仲係入味得黎好Q彈!!!呢一盒我覺得仲好食過出面餐廳食果D呀! 絕對會Encore~活力雞中翼 ($38)一盒有五隻, size係正常平均的食落好夠麻香~ 味道偏辣番尋味鴨掌 ($38)一盒有好多隻鴨掌!! 味道同雞翼好相似, 可能都係差唔多做法都係相對偏辣~ 個人覺得呢盒送酒一流!…Read More

記得學生時代旺角登打士廣場成棟都係樓上Café每間都有大量board game, 係ReU好地方 (雖然食物質素就真係不敢恭維) 最近疫情又嚴重左, 因為只有午市堂食, 好多餐廳都有入座時限…咁既時勢真係想搵間餐廳同朋友坐耐少少都好難但係又咁岩俾我地係MEE度搵到呢間Café啵!  可能天意啦~一入門口已經見到有好多board game可以俾客人玩D學生時代回憶即刻返返來啊!!!呢度每人最低消費係一杯飲品再睇埋D價錢都係學生價咁~ 食飯每人都唔洗$100! 於是我地叫左兩個lunch set~好老實講, 去得呢種Café都唔會預佢食物好好食而呢間Café既食物質素係對得起價錢有餘添 真心比我預期中好食得多!蟹肉雜菌忌廉闊條麵估唔到都幾多蟹肉! 好有誠意!而且D闊條麵都幾掛汁~幾Creamy幾足料, 連我唔鍾意食既燈籠椒都好多! 黑松露帶子鮮菌繪意大利飯雖然我以為帶子係大大粒果D, 點知佢係帶子仔仔但係成碟好多粒!!!!! 啖啖都係鮮菌同帶子~ wow~而黑松露味雖然唔算好RICH, 但依個價錢來講我收貨~ 蜜糖雞翼雞翼都算焗到OK唔會太乾味道都係唔錯, 冇雪味, 甜甜地又唔會醃到過咸水蜜桃乳酪Staff落單時有問要唔要Cream, 我就怕肥所以走左Cream水蜜桃味唔係好假果D糖味, 成杯甜甜酸酸咁好解膩花茶: 神仙睇menu見到有茉莉花、檸檬草、杞子、桂圓肉好岩女仔飲既一款花茶! 可以舒緩腸胃不適、月經脹痛~(咁岩飲完之後幾日來M真係冇痛) 味道係清清地, 有少少檸檬草香味, 好易入口Overall來講呢間Café 食物質素比我想像中好! 仲可以慢慢坐, 有野玩, 係Re U好地方!!…Read More

今晚相約久違了的朋友飯聚~ 想搵間好坐又唔會限時中菜, 飲下茶傾下偈~朋友見到而家做緊優惠「金秋蟹宴二人套餐」 $588, 就試試佢!餐廳座位好寬敞, 大部分都係卡位, 好好坐!坐低就點左人蔘烏龍茶, 一飲~好香啵~ 有少少似桂花味, 仲有回甘甜味~好impressed!!蟹粉小籠包 粉皮厚薄適中, 唔會怕一夾就穿滿漏晒D汁出來~趁熱食先~ 一啖咬落去~ 滿滿的蟹粉湯汁即刻滲出!! 滿足!酥炸蟹皇蓋成隻蟹蓋都被滿滿的蟹肉填滿~ 外層炸到脆卜卜~ 裡面全部都係一梳梳蟹肉同金黃蟹肉~ 但神奇係, 就算食完成隻都唔會覺得好膩~雪裡藏龍感覺似賽旁蟹~ 但蛋白部分做得唔錯, 好滑!! 蝦仁炒得岩岩好, 晶瑩剔透唔會太熟~唯一略嫌旁邊D熟蝦唔係好夠鮮味~蟹粉豆苗大大的一盤!! 而且蟹粉都足料~ 睇下幾大塊蟹膏!豆苗都係嫩同爽甜! 唔錯~臘味煲仔飯上碟時臘味已經係分碟上, 但係同飯一齊煲的~碟臘味仲要好鬼大碟~ 有臘腸、潤腸、臘肉、臘鴨~ 非常之咁足料!唔怪之煲無飯咁香!! 甜鼓油唔夠可以自己再加~ 我仲食左兩碗飯添! 最後食左咁多蟹, 食返碗薑汁湯圓暖一暖就perfect啦!整體而言, 呢個套餐雖然係for 二人, 但每一樣都非常足料同大碟, 份量我覺得三個女仔食都OK!食物味道亦很不錯~ 環境又好坐~ 服務都好好~價錢都好合理~ 所以下次可以再來食飯傾下偈同埋值得推介俾朋友! 下次來試試其他小菜同點心先! …Read More

身為九龍灣街坊成日經過淘大都會見到呢間餐廳出面有好多人斬料加餸! 外賣仲有優惠咁! 好似幾抵食~咁岩今晚屋企冇飯食, 一於去試試佢D滷水鵝先!😛 呢個開心精選二人套餐A ($228) 好似幾鬼抵食啵! 🤩食一個滷水鵝脾飯都要$118, 加多百零蚊就有湯、有菜、滷水小食咁~ 仲要2人份量!! 識食一定係叫呢個餐咁食! 精明之選! 🌟是日原盅老火燉湯靚姐話係沙參玉竹燉竹絲烏雞湯~ 夠晒清潤滋補~止咳化痰潤肺!一打開個蓋見到D色水都知足料!! 飲落果然係好濃郁!  正!😋睇下裡面幾鬼多料! 分分鐘仲足料過阿媽煲果D~ 🤣 🌟自選小食: 豬手 & 豬腩肉滷水味道幾重! 咸香咸香的~ 我鍾意豬手切起晒一片片~ 而且肉質好Q彈唔會好韌咬唔斷咁而豬腩肉係層次分明, 肥膏肉比例都適中, 食落有少少豬油香味得來又唔會覺得好肥膩👍🏻 🌟菜心超大碟, 而且條條都好翠綠, 又大條~ 食落又腍又甜~ 🌟是日重點: 滷水鵝🤤估唔到例牌都幾大碟啵! 極懷疑餐廳以呢個價錢食呢個餐會唔會蝕本? D鵝肉起碼都有十幾件, 仲要啖啖肉, 唔係俾D骨你!好鍾意鵝皮滷到入晒味!!! 😋而且肥瘦適中~ 鵝肉都係嫩滑Q彈的滷水又唔會蓋過咗本身嘅鵝肉鮮味~ 味道係balance的! 整體上來講都係算好味!👍🏻 如果重口味嘅朋友可以自己再加滷水汁/醋但我覺得D滷水鵝都好夠味啦~ 送飯岩岩好! Btw 我地都覺得D飯都幾好味! 有飯香同埋係粒粒分明架!😚 食咗咁多滷味就想飲野特飲都係加$8就得😛我地點左紅豆冰同埋三檸可樂紅豆冰D紅豆又幾鬼大粒, 味道蜜甜, 口感有點煙韌略嫌冇乜椰香味~ 🥲 三檸就係檸檬、咸檸、青檸好少見到出面有得飲! 味道又真係可以飲得出三隻檸檬香味, 好盞鬼! 總結而言, 呢個餐碟碟都好鬼大份, 個人覺得都夠三個女仔食! 質素係對得起呢個價錢有餘啦下次如果諗唔到食乜我都會食佢…Read More

之前食過好幾次Plato, 覺得食物質素唔錯, 價錢合理, 最緊要係坐得舒服😌今晚約左朋友出來行旺角, 買完一袋二袋想坐得舒服D, 腦海中就諗到Plato, 即刻上來食dinner呢間餐廳距離油麻地站只係1-2分鐘路程, 非常就腳!👍🏻 Order咗2個Set dinner😋配是日餐湯同埋蒜蓉包今次係薯仔湯~ 飲到有薯仔顆粒口感 🌟美國安格斯西冷牛扒每次黎都會食牛扒!!! 都係點咗5成熟~~呢度塊扒煎得岩岩好!!! 最怕食到D咬唔斷嘅肉~ 但呢塊就唔會~切果陣已經feel到好腍!! 中間係粉嫩的~牛肉味都幾濃郁~ 配埋肉汁食很可以的!! 🌟芝士牛肉漢堡配沙律薯條 呢個burger係最classic既, 裡面有芝士、沙律菜、洋蔥、蕃茄…塊漢堡都算厚身, 食落雖然唔算好juicy, 但一D都唔乾, 亦唔會散成一點點肉碎, 有口感的 雖然個包都幾大個, 但因為咁多蔬菜嘅關係, 食落唔會覺得好漏, 唔覺唔覺就食晒成個包 而麵包係有烘過脆脆的, overall burger味道係唔錯的Btw配沙律薯條同都幾多, 食晒成個set好滿足! 🌟餐飲: Oreo奶昔&凍檸茶凍檸茶唔係自己落糖漿, 所以可以叫嘅時間講定甜度味道正常~ 係茶味濃D嘅凍檸茶 而家Oreo 奶昔真係不得了!!! 極邪惡!!!上層有滿滿嘅Cream (少少Oreo碎), D cream 食落幾滑同埋比想像中冇咁甜, 係正的而下層個Oreo 奶昔冇得輸啦, 好似飲緊溶咗嘅曲奇味雪糕咁!!! 奶香味勁Rich~~好好飲啊! (不過肯定超級肥…哈哈)…Read More

呢排天氣開始凍啦!! 又好耐冇去食燒肉🥴想食質素好D又唔會好貴的燒肉放題搵搵下就見到呢家餐廳最近推出「雨」燒肉放題~ $1088平日(星期一至四) 晚市2人同行1人免費優惠🤩（午市日日都有一送一優惠）可以120分鐘任食日本A4佐賀和牛! 早3日前book位仲可以任食刺身同鮑魚! 好似幾抵啵~即刻試試佢先!!😋門口見到佢擺咗張cert證明啲和牛真係來自日本der👍🏻入座後先上一盤刺身同海鮮~ 刺身雖然唔係肥大肉厚, 但都算新鮮甜美既~重點係可以任食啊! 唔怕唔夠喉~食完刺身個爐都ready嚕！一開始就燒碟海鮮先! 呢碟有鮑魚、比目魚、雞泡魚干唔識燒唔緊要, 旁邊有張教學俾你跟住Tips來燒 ~ 個人覺得比目魚有驚喜! 因為佢已經調好左味唔洗自己再調味~ 味道甜甜地, 而且肉質好滑溜~ 而鮑魚燒完7分鐘岩岩好好~冇腥味夠爽彈~然後重點來了, 我地開始燒和牛啦!!!🌟A4黑毛和牛肉眼肉質比較結實，但肉味感覺最濃厚🌟A4黑毛和牛三角肉油花分布平均，輕輕一燒就可以吃。入口即溶而且肉味濃，個人最鍾意呢個, 可以不停encore!🌟A4黑毛和牛肩胛肉雪花比牛三角略少但油花分布都平均，口感比三角肉結實一點🌟A4黑花和牛五花腩油脂比例最多的一款，一放上鐵板燒後不停出油。個人最愛燒五花腩致略略燶邊，燒走過多油份令肉質變脆。任燒和牛已經好滿足, 但最正係可以自製壽喜燒!!! OMG~  塊日本和牛加埋蛋汁、香蔥、蒜~ 簡直係最高享受! (睇返相又餓啦)因為今次主角係日本和牛, 所以我地都唔係點左好多其他食物~ 因為食牛已經食到好滿足啦~ 最後用甜品haagen dazs 雪糕完美作結~溫提一下: 雖然係120分鐘放題, 但係會提早30分鐘截單的, 所以把握時間落單喔🥴…Read More

放假同朋友仔約出來去左旺角一齊掃黃食小食兼行街街~行到夜晚有啲攰就去餐廳坐低食順便晚飯同休息下。由於掃街食左太多野食, 我地都唔算太肚餓但又可以食下野咁，於是我地就叫左一個set dinner 同小食Set dinner 配是日餐湯同埋蒜蓉包個湯好清甜下, 有少少阿媽煲嘅中湯feel~ 感覺係健康D~蒜蓉包都好鬼脆小食: Buffalo雞翼buffalo雞翼好快就到，賣相都幾好。上菜時仲係超級無敵爆炸熱的!啲雞翼都幾大隻，外皮炸到脆卜卜! 肉質都幾滑幾juicy, 味道又唔太咸。而外面包住啲酸辣汁，唔太辣而且酸酸甜甜咁，幾開胃! 因為我地兩個人都係唔食得辣, 所以佢唔辣實在岩晒!美中不足嘅係佢冇跟到 sauce點雞翼~主菜: 美國安格斯西冷牛扒牛扒有配埋紅酒燒汁同埋honey mustard~ 拌菜有香草牛油焗薯仔都幾腍, 煎得幾香口西蘭花同沙律都算新鮮嘅~ 唔係齋放係隔離伴碟果D無味菜~至於主菜牛扒方面, 我地都中意食生少少, 所以叫左五成熟，但好似上碟都有7成熟了。中意食生少少可以試下叫3成熟~不過塊牛扒都幾淋，而且牛味都幾濃郁~ overall黎講係唔錯的!甜品: 心太軟配雪糕朱古力味都幾Rich，味道偏甜，但配埋雲呢拿雪糕一齊食都幾balance, 略嫌佢中間個心唔夠流心效果, 如果個心再做得軟啲就perfect啦!餐飲: 港式樽仔奶茶最後想講下呢枝樽仔奶茶，係西餐廳有咁港式嘅飲品都幾有趣。茶味幾突出, 無乜苦澀味同入口都幾順滑啵! 值得一試!最後兩個人埋單每人都唔洗$200CP值都幾高👍🏻…Read More

呢個星期疫情，決定趁有機會就外出食好東西，順道和朋友敘舊。今次來到位於西環的日式料理餐廳「山 鐵板燒」。平時很少到西環，幸好餐廳位置很易找，在西營盤出口步行5分鐘就到，非常方便。餐廳乾淨企理但座位不多，幸好朋友已經 book了位，不用等就可以入坐了。餐廳主打鐵板燒料理，晚餐提供三個set dinner 選擇。最後我揀了「海之幸鐵板燒晚飯」，總共有11道菜。 前菜三碟野菜沙律- 沙律汁酸酸甜甜好開胃刺身三點盛-帶子超級肥美本身menu係食車海老配桔子醬，由於我敏感,餐廳幫我改食烤羊肉。羊肉冇腥味，唔錯唔錯。銀雪魚 帆立貝 魷魚- 呢三樣係餐廳主打嘅鐵板燒，餐廳仲有個小電視看到廚師弄鐵板燒的情況。看着自己的食物有少少電視送到面前，感覺很有趣！壽司兩件櫻花蝦牛肉蛋炒飯-超多櫻花蝦！仲有滿滿的蒜香味！自家製甜品-牛乳布丁，非常之滑！呢間餐廳幾適合二人情侶或閨蜜傾偈，座位雖然不多但坐得舒服而且沒有很逼夾的感覺。set dinner 每碟份量雖然不多，但吃完11道後真的很飽很飽，非常滿足。…Read More

難得最近可以出街食飯，又見呢間餐廳做緊第二位半價優惠，有得3個鐘任食和牛同刺身咁抵！所以決定試試佢啦！一坐低就送咗碟刺身～都係大件厚身嘅！係有誠意嘅～每位一客M5、M4和牛，一睇到啲油花分佈就覺得正🤩海鮮都係任食🤩啲扇貝幾大粒～正呀！飲品任飲，選擇都幾多啵！有唔少台灣飲品，即刻覺得有返咗鄉下嘅感覺😚經過見到甜品區～係滿滿嘅雪糕～仲可以自助拎炸物小食～出去行完一圈就水滾食得！啲和牛真係冇得輸！口感柔滑，牛肉味又夠濃🥰然後當然要不斷encore和牛！呢個價錢任食真係超抵！都數唔到encore咗幾多碟和牛了😋真心正！呢度啲蠔🦪熟咗之後都唔會縮到好細粒～很可以！拎咗少少丸試下，少見黑松露小籠包丸，仲有牛蒡丸，又幾特別！鍾意飲酒仲可以任飲梅酒！即刻又好似去咗日本咁🤣總結而言，火鍋放題來講呢間都算抵食！和牛同刺身可以無限encore真係冇得輸了～如果想食啲高質少少嘅任食打邊爐呢間都係不二之選😛…Read More

近排天氣轉對海鮮有敏感，但又癮起好想食壽司，老公提議到立鮨買外賣，說它們的火炙和牛壽司很出色，可以止吓癮，順便佢又可以食魚生飯！-特上魚生飯可以用豐盛嚟形容，有十款刺身，好多款魚生都係厚切，所以食落魚嘅鮮味更飽滿。咁多款魚生入面，個人比較欣賞三文魚腩，油脂好足好香。另外魚子好爆脆，而且每粒咬落好鮮甜，就算幾粒一齊食都唔會好咸。牡丹蝦肉質爽脆，而蝦頭入面嘅膏好香，海膽亦係好鮮甜。整體成個飯食到啖啖鮮味。-舊火炙和牛壽司連入面舊飯都燒過！燒完之後D和牛油脂香出哂黎，仲有舊飯好食喎，就咁食已經好好食，點豉油反而蓋咗佢個香味！-至於黑松露帆立貝壽司，有黑松露香氣，食落反而味道唔算好重。但帆立貝本身算係新鮮厚肉，幾好食。-另外白松露刺身，魚生係食得出新鮮同爽脆，不過就唔係好食到白松露味。…Read More

難得就到聖誕節可以放下平日假期, lunch就食呢間平時好旺場既良心餐廳😋個人非常欣賞餐廳既佈置! 仲有一角係寄賣好多黃色精品~ 收益係會捐出幫手足~ 非常好!!食物方面, 我地點左聖誕自由揀抗疫套餐, 好快就有得食, 真係好有效率!是日餐湯 (甘荀濃湯) 質地好creamy, 有少少薑味, 冬天飲一流前菜揀左煙三文魚&八爪魚雜菜沙律, 有拌酸酸甜甜沙律醋, 唔係冇味齋食草~ 八爪魚都唔係咬極唔斷, 亦好厚實彈牙~唔錯!Main course揀左個Fusion菜: 冬蔭功海蝦闊條麵味道真係幾特別, 有冬蔭功酸酸辣辣, 又豐富既香料味, 感覺好惹味開胃~好鍾意佢地麵既質地, 係非常有咬口同煙煙韌韌! 仲好掛汁下~唔錯!香煎澳洲黑毛安格斯西冷我地order左5成熟~ 塊排都幾大塊幾足料啵!厚身得來, 都算腍~ 肉味都幾濃~ 唔錯!拌菜既薯蓉值得一讚! 係有小小薯仔粒粒, 好有咬口! 唔係我最怕果D冇牙人食既薯蓉!咸蛋黃醬酥炸雞翼雞翼炸到金黃色, 好酥脆~ 而且每一隻都有咸蛋黃醬包裹薯, 咸咸香香, 係幾好味!一碟都有6隻 (唔係單骨) 好抵食!餐飲配熱咖啡&熱奶茶總括而言, 餐廳除左有良心, 食物同服務質素都好~ 我諗下次會再黎食!!…Read More