TommieTong's Profile

openrice上寫17：00開始晚市，我17:30行到去，舖係開咗， 亦已做緊外賣，眼見所有鵝都ready，燈火通明，開咗舖。我直入台內打算坐下，店員叫我半小時後才再嚟，因正進行清潔。我眼見地都拖咗，枱都抹埋。枉我大熱天時行咗成15分鐘特登試下有好評，但仲叫我在街行多30分鐘。喂，唔該你修訂下網上資料， 註明晚市堂食18：00開始啦。完全無在顧客角度考慮，香港唔止你一間有口啤嘅潮州嘢，你會否自視過高呢。…Read More

天婦羅,粉漿同港式煎釀三寶檔口賣的炸蕃薯炸漿無分別。拉麵,正常。服務:極差,非繁忙時間,不滿坐時間也如此惡劣。要求點菜,極晦氣。食品上枱，好大力咁放低,坦白說,大排檔也不會這樣粗魯。埋單,本身間舖唔會出單放枱上俾客埋單,要個客起身,有侍應見到下才會印單出嚟。間舖一眼睇哂，我出去收銀處埋單,諗住指俾佢睇邊張枱,點知收銀員好惡咁手指指叫我“你返埋去張枱坐返低”,我同朋友無奈地好似小學生被老師鬧,步行返張枱期間,另一店員又怪責我哋擅離座位。我忍唔住要求店員留意下自己服務態度,她才收歛少少。之後印咗單,又係要我哋自己行返出去收銀埋單。我埋完單,又聽到收銀員怪責另一枱客:依枱又係自己行出嚟,都唔知你哋坐邊枱。自己內部唔檢討流程,仲要反過來罵客人,實在無諗過日本餐廳會咁。食到成肚氣。…Read More