Lhy Emily's Profile

好耐冇去旺角食 夜晚經過尖沙咀呢間姊妹店(?) 冇旺角嗰間咁旺場 完全唔駛排隊 見冇試過呢間 買咗串細生腸($10)過下癮食落同旺角店一樣依然係清涼爽脆 醬都係差唔多味道 我覺得比平時喺旺角食嘅望落細串少少咁 要留意 買兩串先會有紙盛住呀 門口有擺垃圾桶幾方便值得一提係當日個女店員就真係好趕客 全程都係望住個電話睇片 同佢講完要咩 佢完全冇開過口講嘢 問要唔要芥末都係用個下巴嚟問 雖然買一串唔係咩生意 可能真係唔憂做啦一定唔會再嚟…Read More

去完郊遊 喺東大街食咗少少小食打底 就諗住搵間餐廳坐低食個early dinner 見呢間米線多數分店都係港島 平時冇乜機會食就試下 叫咗一個招牌豬扒酸辣米線 同埋一個撈薯粉如果話係招牌 咁呢個豬扒米線就比較有啲普通 湯底係普通清湯 米線尚算煮得有咬口 配料有啲鹹酸菜同花生 花生好脆值得一讚 豬扒就係普通豉油豬扒 偏薄冇特別炸得酥脆嘅印象 就係好普通 四十幾蚊街坊餐廳算係咁 唔使特別試而撈薯粉就比較失望 撈麵嚟講配料唔算足夠 都係有啲花生同酸菜 撈薯粉嘅“汁”主要係辣油 但係油嘅味道講唔上香辣 食落嘅感覺就係冇味好油 有啲慶幸冇嗌撈公 因為起碼薯粉唔會太索油整體嚟講薯粉留低嘅壞印像實在太深刻 真係盡咗力都食唔晒…Read More

Weekend都有Lunch Set 就咁食餃子又得 餃子配拉麵又得 原味餃子煎得外脆內軟 確實係值得一試 👍🏻 始終係日式餃子 鍾意大大粒脹卜卜就未必適合食物確實唔錯 不過整體體驗就一般😊 我當日兩個人去食 仲有位但係店員都安排我哋坐吧枱 攝喺兩枱客中間 其實幾逼 大家夾嘢食都要就住就住 店員上菜係喺頭同頭之間隊個碟入嚟🤣 隔離食客上菜時 店員拉開前面個吧枱櫃桶仔示意食客攞餐具 係直接攝隻手去人哋身前打開個櫃桶 一打開幾乎打落個肚度 其間店員冇提醒要借借要避開 有啲莫名其妙 但係店員似乎唔覺得有問題 係食客擋住個櫃桶🤣最後埋單要加一服務費 但係體驗一般 有得買外賣嘅話會考慮再食…Read More

外賣嗌咗 牛肉紫菜飯卷 同 韓式辣豬肉炒粉絲 兩樣嘢個gimbap同平時食嗰啲唔太一樣 唔係好對版 入面都係有包青瓜蛋蘿蔔絲等等 不過就包得好鬆散 個牛肉仲有啲中式芡汁嘅感覺 濕立立咁 同平時喺街食開嘅韓式紫菜飯卷有好大分別相比之下豬肉炒粉絲比較好食 粉絲好煙韌而且乾身唔太油 不過就配料欠奉 蘿蔔絲蛋絲青椒絲都只係各自兩三條 豬肉用嘅係類似腩肉嘅位置 上面一層肥肉下面瘦肉 都OK兩樣嘢加埋都九十幾蚊 呢個位置嚟講 好過佢嘅選擇太多 唔會encore …Read More

午餐嗌咗個海鮮炒烏冬外賣 海鮮成碗加埋都係得半條蟹柳 一截迷你八爪魚鬚 一兩片魷魚 一隻迷你蝦 基本上都係手指甲咁大塊 呢個價錢嚟講唔太合理味道嚟講都唔錯 不過太多醬汁 好似濕撈烏冬咁…Read More

平時都好鍾意食酸菜魚 成日經過沙田嗰間分店都冇機會試 咁啱出到嚟尖沙咀喺MUSEA見到 試下平日午市套餐個酸菜魚先酸菜魚味道我個人覺得唔錯 用嘅係鱸魚 有啲泥味 就咁食魚嘅話味道一般 酸菜唔會好鹹食落唔錯 本身配咗紫薯粉 係我鍾意嘅寬粉類型 夠曬煙韌 好食 仲有個白飯 唔算大碗 不過一個女仔食都夠曬湯底嘅話我覺得夠酸 不過越食越鹹 真係要快手啲最慘係埋單先發現原來要12蚊茶錢 畀茶錢唔緊要 不過佢午市套餐餐牌係冇寫嘅整體用餐體驗連埋服務 計曬加一同茶錢呢個價錢 我就覺得唔太值喇…Read More

夜晚嚟食咗個套餐 加埋嘢飲同甜品未計加一130 而家嘅物價嚟講一般般啦 坐得都舒服 唔駛好急交枱嗌咗元貝手作麵味道唔錯 不過就冇之前食咁驚艷 甜品嘅雪糕配鳳梨酥就普普通通啦 好食過佢嘅鳳梨酥有太多飲品嗌咗純茶 有附上一小杯蜜糖珍珠 幾驚喜 點知係大伏 啲珍珠咬落去有一半都係實嘅 係好似完全冇煮過咁 唔係個心未熟透咁簡單 係成粒都係硬嘅同店員反映 佢一嚟就話我哋有煮架喎 講多兩句先話一係幫你反映下 作為台式連鎖餐廳都可以衰喺珍珠度 真係要搞搞佢…Read More