foodincinerator's Profile

週末黎到荃灣廣場，見仲早，人龍仲未出現，入面又有位，搵左位之後就去排隊買野食，啲圖片相當吸引，飯上面鋪滿左牛肉，對於我呢個牛肉狂迷當然唔會錯過，叫左個牛肉丼加拖羅蓉刺身。買完拎左牌等左大約十分鐘，飯就黎到，同圖片都算差唔多，牛肉鋪滿左飯面，好香，上面個拖羅蓉都好大舊。牛肉煎到好香，調味都十分唔錯。飯嘅賣相好唔錯，食完之後好滿足。跟餐送上濕紙巾，都幾貼心 。個人覺得拖羅同個牛肉飯雖然放響同一個碗，但大家好似唔認識對方，唔多爽咁。…Read More

又到黎呢頭食飯，本身有人話個叉燒煎蛋飯好食，我非常喜歡食叉燒，所以我都好期待。午市都唔多人，見到旁邊啲人碟飯全部都大大碟，覺得非常唔錯，但個飯一黎到發覺有啲唔對路，同我朋友講嘅厚切已經有少少出入，仲要望落好瘦，我問一問個朋友先知，佢原來鐘意食瘦叉，中左大伏，不過同樣係大大碟好夠份量，個太陽蛋都煎得唔錯，但叉燒真係好瘦，所以食落乾同埋韌，咁遠黎到食瘦叉我都真係得啖笑。如果再黎食可能會叫星州炒米，望落唔伏…Read More

一班親戚朋友一齊食餐飯，order 左個套餐，認真唔錯，碟碟都好大碟。龍蝦伊麵本身味道好普通，但佢隻龍蝦大隻又多肉，可能係我地好彩。另一樣要讚嘅係隻乳豬，大細適中，唔會太細仔，但又唔係超齡豬，肥同肉嘅比例剛剛好，皮又脆卜卜，好正。之後仲有條清蒸龍躉，好大條，多肉，啲肉都係剛剛熟，唔鞋，不錯。其他餸菜都係正常水準，就唔遂一介紹啦，總之就食到好飽。之後我都有再去食呢個餐，感覺變化好大，隻豬，龍蝦同魚都細左好多。…Read More

週末夜晚8點響附近搵野食，見到呢間餐廳都多正評，又好耐冇食過台式食物，黎到直接入唔使等位。本來想叫台式魯肉飯，但見到食評好似多數都話一般，所以我最後叫左個蕃茄牛肉麵，蕃茄湯底嘅麵比其他款式少好多配菜，不過都夠蕃茄味，湯底味道鮮甜，牛肉好嫩但得三舊仔，男仔食完會唔夠飽，建議可以加啲小食。 …Read More

山西刀削麵係我學生時代好鐘意食嘅舖頭，記得當時學生餐廿蚊有好多碗仲送豆漿，超級抵食。畢業之後就冇咩機會黎呢頭食野，之後見佢裝修好似連餐牌都改埋。 距離上一次黎都有8,9年時間，入到黎發覺menu 改到同普通米線舖差唔多，只係變左做刀削麵，冇左學生時代嘅情懷，食唔番當時嘅味道，真係有啲失望。最後我叫左個兩餸刀削麵，牛腩炸醬刀削麵送豆漿。啲餸係普通米線舖水平，個麵都有咬口，煙韌，不過真係食完唔會有咩太大嘅印象留低。。。…Read More

本來openrice book 左呢間有75折，但優惠唔包呢個set 同埋飲品，而個set dinner 又真係好抵，所以決定放棄booking 個優惠。首先黎到嘅係墨西哥粟米片，好脆，好好食，睇戲食係一流，個莎莎醬就好凍，似係剛剛雪櫃拎出黎。。。之後到德國香腸拼盤，伴有茄醬同芥末醬，啲薯角好脆，好香口，香腸都煎過嘅，表面出左少少油。最後，到主菜豬手，個豬手起好晒肉出黎，表皮又好脆，啲肉唔鞋，好正。呢個set 仲包左兩杯啤酒，好抵食。…Read More

中午黎大埔行，就問個大埔朋友到食個lunch, 咁佢就推介左呢間老字號「陳漢記」，諗住去試一試。去到嗰時未到繁忙時段，唔使等位直入，入到去坐位都唔算太逼，咁我就叫左個雞粥同埋豬潤腸粉。之前食過元朗發記嘅雞粥就迷上左，發覺呢間嘅雞粥，一碗用嘅雞冇咁多，粥底嘅雞味亦都冇咁濃，但呢碗粥勝左雞比較滑，冇咁老。到腸粉啦，我本身麻麻地豬潤，但見到openrice 上面咁多人講，所以都想試下，但我果然都係麻麻地，但呢個豬潤的確做到好爽。…Read More

一家大細黎飲茶，有輪椅同bb 車，坐得落，但都幾迫，上次黎已經係開張冇耐嗰時，今次黎到第一個反應就係舊左好多，啲椅嘅布已經好舊，黑晒，建議酒樓清潔或者要更換新的，真係未見過酒樓用啲咁黑嘅櫈。點左啲點心同飯，有啲都不錯，有啲就比較強差人意，例如個炸蛋散，好林，應該炸好放左好耐，除此之外，其實都ok, 佢個黑糖蜂巢糕就比較突出，好香黑糖味，齋腸又幾滑，炒米粉都唔錯，仲有個叉燒飯，叉燒唔算好瘦，但呢餐都唔平，食左七百幾蚊。…Read More

呢間響荃灣開左咁耐，一直好似聽講佢啲炸雞都出名，所以去試食，去到7點幾左右發覺冇咩人幫襯，可以坐得勁鬆動。去到見到有個二人餐好抵，99蚊，有兩杯汽水，兩個意粉，四件雞，兩個蜜桃批，食到好飽。覺得佢個炸雞同家鄉雞差唔多質素，不過層粉冇咁厚，炸雞送嘅醬個人覺得麻麻地，都冇用到。 個意粉就差左啲，仲差過叮叮意粉，但勝在飽肚，個批就正正常常，冇咩特別。食完覺得唔算好差，都幾抵，唔知點解咁少人幫襯，可能上去比較麻煩啦。…Read More

之前黎過食片皮鴨覺得好味，咁路過就再入去食番餐，今次人少食唔到片皮鴨，午市黎到唔多人，直接入。呢度係自己睇啱寫野自己寫落紙，再交比侍應落單，叫左三樣野share, 紅油炒手，涼拌大白菜 同擔擔麵。「紅油炒手」好多粒，唔夠辣同香，入面嘅餡冇咩咬口，應該好多都係肥肉，涼拌大白菜就大大碟，份量多，酸辣口味，幾開胃，最後係擔擔麵，可以話係不過不失啦，配菜爽口。今次黎食可能叫得求其，冇上次嘅驚艷，只算係正正常常咁。…Read More

Happy friday lunch 同一大班同事去食番餐，有得篤下波幾正，呢間餐廳長期爆滿，星期五唔book 位基本上唔會食到，好多年冇玩過美式桌球，好好玩，搞到我掛住玩唔記得影相，叫左個「黑松露煙三文魚炒飯」，個飯炒到好乾身，都幾多煙三文魚，不過就唔多黑松露，但味道好好味，跟餐送左個忌廉湯同蒜蓉包，不過就唔跟野飲，食完都幾滿足。 最緊要有得玩，，不過張枱同其他食客好近，有啲角度打唔到，有啲可惜。下次可以玩下飛標😁😁…Read More

試試黎都會order 肉丸，今次第一次見有魚丸食，就決定叫黎試下。我一共叫左4隻雞翼，一客三文魚鱈魚丸同埋一件葡撻，雞翼幾好食，表面脆卜卜，夠香口，入面啲肉都幾嫩。到個三文魚鱈魚丸，老實講好乾，入面用粉溝魚肉整成嘅魚丸，所以冇咩咬口，又冇咩魚味，其他配菜同埋個薯蓉就一如平時咁，唔太值得叫，都係肉丸好食啲。最後，甜品係一個酥皮葡撻，個樣就同kfc 嗰隻差不多，size 同皮都差唔多，但佢就冇ktc 葡撻咁香。…Read More

上openrice book 左呢間食晚餐，見佢叫set 有15％ discount 好似幾抵就叫左個set for two 。見到網上嘅食評好多都讚佢嘅燒牛扒，所以都幾期待.黎到覺得餐廳嘅環境都唔錯，適合一班人或者兩個人橕枱腳。酒類有優惠98 for two, 咁我都叫左杯prosecco。前菜係「巴馬火腿青蘋果沙律」同埋磨菇湯。主菜係 16安士燒安格斯肉眼排同煎魚柳。 個魚柳表面煎得好香脆，入面仲好juicy, 好好味。個牛扒我叫左medium rare, 出到黎都真係medium rare, 但覺得表面未夠香未夠脆，有啲失望，但配嗰兜黑松露薯蓉就好好味，好creamy，好滑。最後到甜品，分別係奶凍同芝士蛋糕，唔太甜，都ok。…Read More

母親節正日夾唔到，所以遲一日慶祝，見佢做緊優惠，4揀1,我地揀左乳豬，$288不過就要自己剪，之後我地叫左個$498 5碟嘅海鮮，有蒸虎斑頭腩，斑球炒菜，炒蜆，蟹蓋炒粉絲同埋煎中蝦，平均一百蚊一碟，份量正常，味道頗一般，其他餸我地就都係散叫番menu 入面嘅，比較抵食。呢隻乳豬已經長到幾大隻，肉同肥膏都已經幾厚，肉唔夠嫩，皮都唔夠脆，其實麻麻地不過價錢夠平，其他野食都算中上啦，份量亦都適中，冇咩可以特別挑剔,個炒飯幾好食。食飽之後會上人頭數嘅橙，個橙細細個但幾甜…Read More

上個月食，依家先補番個食評，本身對呢間連鎖餐廳嘅印象都係麻麻，咁耐冇食，好似質素有所提升。我地人多坐左大枱，因為食物份量唔算好大，本來叫人頭數嘅餸唔係好夠食，最後加左個燒味飯同一碟餸先夠食。以下係部分餸嘅相片，我覺得當中最好食係兩碟菜，蝦醬鮮魷通菜好香蝦醬味，西蘭花炒牛柳肉嫩菜爽，調味都好好。另外京都洋蔥豬扒都好唔錯，其他都算正常發揮，唯獨係唔鍾意佢個煙燻燒鵝，普通燒鵝好食啲，佢比較乾同埋乾同埋煙燻味太搶。…Read More