食咗間餐廳不得之了，實在不吐不快！🔥🔥🔥🔥🔥🔥🔥🔥🔥🔥去咗間位於大坑嘅東南亞餐廳，伏嘅指數係爆晒燈💡💡💡💡💡💡💡💡💡💡其實個門面已經又黑又暗，不過我本身都鐘意食新加坡嘢，覺得好難會難食嘅，多數up dup小店應該係靠實力取勝，門面呢啲其次啦！點知…..入到去，周圍環境都好暗，枱櫈好殘好爛，仲衰過平民地痞茶餐廳！俾個餐牌我地睇，價錢就一啲都唔平民！係好貴下添！一碟菜要$88，一碗喇沙面要成$118！不過都抱住佢標得呢個價，應該係對佢嘅食物質素好有信心嘅，而我地又好肚餓，就好衝動咁嗌咗幾樣嘢，令我後悔莫及！👎🏻無骨海南雞飯（$120）衰過茶餐廳嘅海南雞飯。飯唔香，濕濕地，雞肉好乾，無雞味，唔滑仲有啲鞋，個雞肉仲要唔知點解用啲好淋嘅芽菜墊住。賣相奇怪，味道唔出色，咁都收$120一份！👎🏻鮮蝦喇沙（$118）入面只有四隻蝦（有一隻已經甩咗個蝦頭）， 有1.5個豆卜，一分為二變3個半件！一塊生菜🥬！無其他料喇！咩魚片雞肉芽菜果啲乜都無。蝦係連殼，要自己剝殼食得好狼狽！食落係雪藏蝦，肉係實嘅，不過唔彈牙！👎🏻美祿恐龍（$35）收呢個價我expect 有好多美祿粉。不過佢只有大約一湯匙分量，入面仲要超級多冰。👎🏻馬拉盞通菜（$88）呢個最過份！我都唔知個分量有無四両。個煲大，不過入面得兩束菜咋！仲要無味，好似用水淥完再就咁落啲馬拉盞落去，完全無炒過！👎🏻檳城蝦餅（$75）呢個算係最好味㗎啦！夠熱！不過後尾我起openrice 見到大家都有六件，我呢碟只有五件囉！👎🏻自製薏米水（$35）淡淡地嘅水，唔好飲！埋單連加一要五百幾！呢個lunch 又貴又唔好食！—-✄———-✄———-✄———-✄———-✄—- 肉骨皇地址: 大坑浣紗街45號浣紗花園地下1號舖—-✄———-✄———-✄———-✄———-✄—- 以下5分滿分環境：🤍🤍🤍🤍🤍衞生：❤️🤍🤍🤍🤍味道：❤️🤍🤍🤍🤍CP ：🤍🤍🤍🤍🤍—-✄———-✄———-✄———-✄———-✄—- …查看更多
